EFƐZƐ 3:4 - WE NU GALE 1995

⁴ kɔ nɛ tɔlɔ ma, nɛ nɛ zɔ sɛ na, mi ĩ ti linggamɛ 'da Gale kɛ a usu zi kɔ sila a, nɛ ma dɛa tɛ ɛ ngangga ni do wala 'da Yezu Kristo ni.

EFƐZƐ 3:4 Iomraidhean Croise

MATIE 13:11

Nɛ a gese hã wa na: “Kɛ 'da nɛ, Gale bia gulu usu lɛnggɛnɔ kɔ dɛa to nwa 'da a hã nɛ ia. Nɛ nde wanɔ sɔ i mɔ ni, Gale bè ma hã wa gɔ.

LUKA 8:10

Nɛ a gisa hã wa na: “Kɛ 'da nɛ, Gale bia gulu usu lɛnggɛnɔ kɔ dɛa to nwa 'da a hã nɛ ia. Nɛ nde ombe nɛ wa zele ma do gba we iko. Ma ɔ nɛ kɛ wa kɔma kɔ 'Buki na: ‘Gɛnɛ kɔ wa 'du li wa gbaa, nɛ nde wa zɔ́ mɔ gɔ. Gɛnɛ kɔ wa gɛ zala wa gbaa, nɛ nde wa zélé we gɔ’ ni.”

ROMA 11:25

Onyae, mi kɔ̃a na, nɛ ĩ́ ti usu we kɛ Gale bia ma hã mi gɛ, da dɛ kɔ nɛ dɔ́nggɔ́ tɛ nɛ na, lo a wi hã zã gɔ. Usu we ni ma kɛ: Nga zu kɛ ombe Israɛlɛ wa dɛ dɛ 'da Gale ni, ma 'báná sɛ fai gɔ. Ma ɔ sɛ na mɛ ni gbaa na, li winɔ kɛ Gale saka we kpasa wa sanga gele nu kɔnggɔnɔ ni, ma we do'do sɛ nɛ de.

ROMA 16:25

Lɛ dɔ́nggɔ́ Gale, we duzu kɛ a do ngawi we dɛ na, kɔ̃a we 'da nɛ nganda, ɔ nɛ kɛ Dia Sakoe 'da Yezu Kristo, kɛ mi bia zi ma hã nɛ tɔ̃a ni. Dia Sakoe ni, mɛ a wenɔ kɛ ma usu zɛ́ tɛ̃ ɛ dati belee ni.

1 KORINTƐ 13:2

Ɔ do kɛ mi sɔ do ngawi gba olo nu Gale, hã mi ĩ sɔ ti mɛnɔ vɛ do usu wenɔ 'da Gale vɛ, tabi mi sɔ do kɔ̃a we dɛ 'da Gale wena, kɔ ma gala sɔ mi we ili kalanɔ dɛ gele fala, kɔ mi sɔ do kɔ̃a zã bina, nɛ nde mi sɔ a mɔ yala iko.

1 KORINTƐ 4:1

Kɔ ma wia na, nɛ zɔ lɛ nɛ́ Owi dɛa tonɔ 'da Kristo, kɛ a la usu wenɔ 'da Gale dɛ kɔ̃ lɛ na, lɛ be gulu nɛ hã winɔ ni.

2 KORINTƐ 11:6

Gɛnɛ kɔ mi ĩ̀ ti wele we ngboo gɔ, nɛ nde mi zɔ̀lɔ̀ hã zã gɔ. Mi bia ma hã nɛ fala dɛlɛ wena, do walanɔ vɛ.

EFƐZƐ 1:9

nɛ a bia usu mɛnɔ kɛ a 'dafa ni hã lɛ na, lɛ ĩ ti nɛ. A 'dafa zɛ́ belee na, a dɛ sɛ linggamɛ 'da a do wala 'da Kristo.

EFƐZƐ 3:3

Gale hũi hã zã mi na, mi ĩ ti linggamɛ 'da a kɛ a usu zi kɔ sila a ni. Mi kɔma be lɛnggɛ ngɔ nɛ sĩ,

EFƐZƐ 3:9

Gale tumba mi we be tɛlɛ tɛ kɛ linggamɔ kɔ sila a ma dɛ sɛ do tɛ ɛ ni dɛ nza. Gale kɛ a dɛa mɛnɔ vɛ ni, a usu zɛ́ ma dɛ kɔ sila a belee dati a ndo nyanga dɛ mɛnɔ.

EFƐZƐ 5:32

Gã we usu tɛ ɛ kɔ wenɔ gɛ. Mi tɔ̃ ni we lengge do dungi 'da Kristo do Eklezia.

EFƐZƐ 6:19

Nɛ nɛ sámbálá 'bɔ a we duzu mi na, a 'dafa wila we nu mi, takɔ mi be gulu wenɔ kɛ ma usu tɛ̃ ɛ kɔ Dia Sakoe ni hã winɔ do kpã sila ngboo.

KƆLƆSƐ 1:26

We 'da Gale ni, mɛ a linggamɔ kɔ sila a kɛ a usu zi ma do winɔ kɔ sabɛlɛnɔ vɛ̃ ma la zi dati ni. Nɛ ngangga gɛ, a bia ma hã owinɔ 'da a.

KƆLƆSƐ 2:2

Mi dɛa ni, takɔ wa kpa kpã sila, nɛ wa mba kpo, nɛ wa kɔ̃ gɛnɛ ngba wa. Na mɛ ni, nɛ wa ĩ sɛ ti gulu usu linggamɛ 'da Gale ngboo, nɛ ma dɛ sɛ na, kafi sĩ tɛ ɔ̀ kɔ sila wa gɔ. Usu linggamɛ 'da Gale ni, wi a Kristo do tɛ̃ a.

KƆLƆSƐ 4:3

Nɛ nɛ sámbálá 'bɔ a we duzu lɛ na, a hã wala hã lɛ we be we 'da a hã owinɔ, do tɔ̃ gulu usu we 'da Kristo, kɛ mi lia bɔlɔkɛ we ma ni.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.

1 TIMOTE 3:9

Nɛ wa fɔ́mɔ́ usu we kɛ Gale bia hã wa, nɛ wa kɔ̃a gɛnɛ nɛ ni do sila wa kpo.