EFƐZƐ 3:2 - WE NU GALE 1995

² Kafi bina, nɛ zila we toe kɛ Gale hã hã mi do dia zã 'da a na, mi dɛ hã nɛ ni.

EFƐZƐ 3:2 Iomraidhean Croise

Owi Nɛ Tonɔ 13:2

Nɛ ngba soe kpo, nɛ wa bɛa nyɔngɔmɔ, nɛ wa tɛ dɔnggɔ Nwa Gale. Nɛ Hi Wi Santo tɔ̃ hã wa na: “Nɛ lá Barnabasi do Saulo do tɛ ɛ, takɔ wa dɛ toe kɛ mi sa zi mɔ hã wa we nɛ ni.”

Owi Nɛ Tonɔ 13:46

Nɛ Polo do Barnabasi wa tɔ̃ hã wa do kpã sila vɛ̃ na: “Ma wia sɔ na, lɛ be we nu Gale hã nɛ dati. Nɛ nde nɛ bɛ́a ma, nɛ nɛ 'bili we 'da nɛ na, nɛ wè we kpa kpasi kɛ ma é gɔɛ ni gɔ, kɔ ma a dia. Kɔ lɛ la sɛ dɛ 'da owinɔ kɛ wa a Oyuda gɔ ni.

Owi Nɛ Tonɔ 22:21

Nɛ Nwa Yezu tɔ̃a 'bɔ hã mi na: ‘Mɔ lá, we kɛ mi tombo sɛ mɔ ndũu dɛ sanga winɔ kɛ wa a Oyuda gɔ ni.’ ”

Owi Nɛ Tonɔ 9:15

Nɛ Nwa tɔ̃ hã a na: “Mɔ nɛ́, we kɛ mi saka a do wi toe 'da mi, takɔ a yɛnggɛ we be zu li mi hã obe Israɛlɛ, do ogele nu kɔnggɔnɔ, do Onwanɔ 'da wa.

ROMA 1:5

Nɛ do wala 'da a, Gale bia dia zã 'da a hã mi, nɛ a ia mi do wi nɛ toe 'da a, takɔ mi tɔ̃ hã ogele nu fɛlɛ kulanɔ vɛ na, wa kɔ̃ zu li Yezu Kristo, nɛ wa zele we nu a.

ROMA 11:13

Ngangga ni, mi kɔ̃a we tɔ̃ we gɛ hã nɛ, owinɔ kɛ nɛ a Oyuda gɔ ni. Mi a wi nɛ to, kɛ Gale tumba mi hã winɔ kɛ wa a Oyuda gɔ ni, nɛ mi dɔnggɔ tɛ mi do toe mi dɛ ma gɛ.

ROMA 12:3

Kɔ we duzu dia zã 'da Gale dɛ 'da mi, mi tɔ̃ hã wele kpo kpo sanga nɛ ni na, nɛ tɛ bà tɛ nɛ dɛ ngɔ nɛ ngɔ kɛ nɛ do ma ni gɔ. Nɛ nde ma wia na, nɛ ɔ do dia linggamɔ, dɔ nɛ hɔ́ wi gã zu gɔ, nɛ wele do wele zɔ́ tɛ̃ a we do kɔ̃a we kɛ Gale hã ma hã a ni.

1 KORINTƐ 4:1

Kɔ ma wia na, nɛ zɔ lɛ nɛ́ Owi dɛa tonɔ 'da Kristo, kɛ a la usu wenɔ 'da Gale dɛ kɔ̃ lɛ na, lɛ be gulu nɛ hã winɔ ni.

GALATI 1:13

Nɛ zila zi sako dɛa mɔ tɛ mi, 'da fala kɛ mi 'bana zi tɛ dɛ mbula 'da Oyudanɔ ni. Mi zɛlɛ zi tɛ Eklezia 'da Gale wena, nɛ mi fa zi do walanɔ vɛ na, mi gbɛ ma.

EFƐZƐ 1:10

Kɔ fala kɛ tũ nɛ ma we, nɛ a ngɛmɛ sɛ mɛnɔ li nza i, do kɛnɔ nù nga gɛ vɛ́ dɛ kɔ̃ Nwa kpo, wi a Kristo.

EFƐZƐ 3:7

Nɛ mi hɔa wi dɛa to we be Dia Sakoe ni, we duzu kɛ Gale zi do dia zã dɛ 'da mi, nɛ a saka mi, nɛ a hã ngawi dɛ ma hã mi.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

EFƐZƐ 3:9

Gale tumba mi we be tɛlɛ tɛ kɛ linggamɔ kɔ sila a ma dɛ sɛ do tɛ ɛ ni dɛ nza. Gale kɛ a dɛa mɛnɔ vɛ ni, a usu zɛ́ ma dɛ kɔ sila a belee dati a ndo nyanga dɛ mɛnɔ.

EFƐZƐ 4:21

Mi ĩ na, nɛ́ kɛ nɛ a Owi Kristo ni, wa bia gbãlã we 'da a hã nɛ, nɛ nɛ zila ma.

EFƐZƐ 4:7

Nɛ wele kpo kpo sanga lɛ gɛ kpa ngawi dɛ to, ɔ nɛ kɛ Kristo hã ma hã a do dia zã 'da a ni.

KƆLƆSƐ 1:4

Mba gɔ, lɛ zila sako kɔ̃a we 'da nɛ, kɛ nɛ kɔ̃a do zu li Yezu Kristo, do tɛlɛ tɛ kɛ nɛ kɔ̃a do gɛnɛ owinɔ 'da Gale vɛ̃ ni.

KƆLƆSƐ 1:6

Dia Sakoe ni tɛ yɛ'bɛ ngɔ nù gɛ vɛ̃, nɛ ma dɛ dia mɔ hã winɔ wena, ɔ nɛ kɛ ma dɛa zi tɛ mɛ 'bɔ dia mɔ hã nɛ, ndo do kɛ nɛ zila zi we dia zã 'da Gale, nɛ nɛ ĩ na, mɛ a gbãlã we ngboo ni.

1 TIMOTE 1:11

Bia wenɔ ni ma yula kɔ Dia Sakoe, kɛ Gale ba to nɛ hã mi na, mi be ma ni. Dia Sakoe ni ma tɔ̃ we dɔ̃lɔ̃ li 'da Gale do dia wi 'da a.

1 TIMOTE 1:4

Mɔ tɔ̃ hã wa na, wa la fala yambala gba tonɔ, do tɔlɔ gba du nu fɛlɛ kulanɔ 'da wa kɛ ma do ndɔti nɛ bina ni do'do. Mba gɔ, kinɔ ni ma fa tati a kpa we iko. Ma gálá lɛ we dɛ mɛ kɛ zã Gale kɔ̃a, nɛ lɛ ĩ we nɛ do wala kɔ̃a we 'da lɛ ni gɔ.

1 TIMOTE 2:7

We duzu ma, Gale saka mi do wi nɛ toe 'da a, we be gbãlã we 'da a hã owinɔ kɛ wa a Oyuda gɔ ni na, wa kɔ̃ gɛnɛ nɛ. We mi tɔ̃ ni, mɛ a nga li we, mi 'bílí bɛlɛ gɔ.

2 TIMOTE 1:11

Nɛ Gale saka mi do wi be gulu Dia Sakoe ni hã winɔ, do wi nɛ to nɛ.