EFƐZƐ 3:16 - WE NU GALE 1995

¹⁶ Nɛ mi aka Gale, kɛ a do dia mɔ li nza i wena ni na, a hã ngawi hã nɛ do wala 'da Hi Wi 'da a, takɔ sila nɛ nganda dɛ dati.

EFƐZƐ 3:16 Iomraidhean Croise

YƆBƆ 23:6

A hɔngɔ sɔ dɛ ngɔ mi, we tɔ̃ ngbangga do mi nde? Gɔ, a e sɔ mi na, mi tɔ̃ gulu we 'da mi.

Zumanɔ 138:3

'Da fala mi sa zi mɔ hã mɔ, nɛ mɔ kɔ̃a nu mi, nɛ mɔ hã mbé ngawi hã mi.

Zumanɔ 28:8

NWA, mɔ zɔ́ mɔ tɛ owinɔ 'da mɔ, mɔ kélé zu nwa kɛ mɔ saka a ni, ɔ nɛ gba ngbo ni, nɛ mɔ kpasa a.

Ezai 41:10

Nɛ tɛ dɛ̀ kili gɔ, mba gɔ, mi do nɛ boe. Da dɛ kɔ kili bá nɛ gɔ, we kɛ mi a Gale 'da nɛ. Mi hã sɛ ngawi hã nɛ, nɛ mi gala sɛ nɛ. Ngawili kɔ̃ mi ma si sɛ ngɔ, nɛ ma amba sɛ zu nɛ kɔ ngamɔ.

Yeremi 31:33

Mbé gba tɔkɛ mi gba sɛ do Oisraɛlɛ ni, ma sɛ nɛ́: Mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa, nɛ mi sɛ a Gale 'da wa, nɛ wa sɛ a owinɔ 'da mi.

ZAKARIA 10:12

Mi hã sɛ ngawi hã owinɔ 'da mi. Wa dɔnggɔ sɛ mi, nɛ wa zele nu mi. Mi NWA, mi tɔ̃a ni.”

MATIE 6:13

Mɔ tɛ là lɛ, kɔ sila lɛ ɔkɔlɔ lɛ gɔ, nɛ nde mɔ fó lɛ kɔ 'dã mɔ do'do.’ [We kɛ mɔ a Nwa, nɛ mɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.]

ROMA 2:29

Nɛ nde wa ĩ ti a we duzu linggamɔ kɔ sila a kɛ wa zɔ́ gɔ ni. Nɛ ngbongbo gaza, mɛ a kɛ kɔ sila wi. Nɛ mbula hã dɛ̀ ma gɔ, nɛ nde wi dɛa ma, wi a Hi Wi 'da Gale. Nɛ wi nɛ dɔnggɔ sɛ wi ni a wele gɔ, nɛ nde wi a Gale.

ROMA 7:22

Mba gɔ, mi do yangga dɛ mbula 'da Gale kɔ sila mi wena,

ROMA 9:23

A dɛa na mɛ ni, takɔ a be gã dɔ̃lɔ̃ li 'da a hã owinɔ kɛ a ĩ 'bako hã wa, nɛ a saka zɛ́ wa belee na, wa kpa dɔ̃lɔ̃ li ni.

1 KORINTƐ 16:13

Li nɛ sɔ̃́, nɛ nɛ kpã́lã́ sila nɛ kɔ kɔ̃a we 'da nɛ. Nɛ dɛ́ gbãlã we dɛa mɔ, nɛ nɛ ɔ́ do ngawi.

2 KORINTƐ 12:9

Nɛ nde a gisa hã mi na: “Dia zã 'da mi dɛ 'da mɔ ma wia do mɔ, we duzu kɛ ngawi 'da mi ma be tɛ́ ɛ wena kɔ mbɔka 'da mɔ.” Ma kɛ mi do yangga we dɔnggɔ tɛ mi ngɔ mbɔka 'da mi, takɔ ngawi 'da Kristo ma 'bana do mi.

2 KORINTƐ 4:16

We duzu ma, lɛ mbɔ́kɔ́ fala kpo gɔ. Mba gɔ, gɛnɛ kɔ kili tɛ lɛ tɛ 'danga nɛ gɛɔ do gɛɔ, nɛ nde sila lɛ tɛ nganda dɛ dati fai.

EFƐZƐ 1:18

Mi aka 'bɔ Gale na, a hũi hã zã 'da nɛ, takɔ nɛ ĩ ti de mɛ kɛ a sa zi mɔ hã nɛ we nɛ, nɛ nɛ gbini zã nɛ do ma ni. Nɛ nɛ ĩ 'bɔ ti gã kpamɛnɔ kɛ a kpua mbulu nɛ hã owinɔ 'da a ni.

EFƐZƐ 1:7

Nɛ́ kɛ lɛ mba kpo do Kristo ni, ma kɛ tɔkɔ tɛ́ a gɔnɔ zu lɛ kɔ 'dã mɔ, nɛ Gale fua ku'da 'dã mɛnɔ zu lɛ do'do ni. Na mɛ ni, Gale bia na, dia zã 'da a dɛ 'da lɛ

EFƐZƐ 2:7

A dɛa ni we be dia zã 'da a dɛ 'da lɛ do wala 'da Kristo. Nɛ a kɔ̃a we be dia zã 'da a kɛ ma nɛa ngɔ mɔ vɛ́ ni hã owinɔ kɔ sabɛlɛnɔ 'do gɛ.

EFƐZƐ 3:15

kɛ a a gba gulu nu fɛlɛ kulanɔ li nza i, do nù nga vɛ ni.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

EFƐZƐ 6:10

Tala lɛnggɛ 'da mi, mɛ a kɛ na, nɛ mbá kpo do Nwa, nɛ ngawi 'da a kɛ ma gã la mɔ vɛ ni, ma kpãlã sila nɛ.

FILIPƐ 4:13

Kristo hã ngawi hã mi na, mi we do mɛnɔ ni vɛ̃.

FILIPƐ 4:19

Gale 'da mi, kɛ a a wele kpamɛnɔ vɛ̃ ni, a hã sɛ mɛnɔ vɛ̃ kɛ nɛ zɔla ni hã nɛ do wala 'da Yezu Kristo.

KƆLƆSƐ 1:11

Lɛ aka Gale na, a kpãlã sila nɛ do ngawi 'da a kɛ ma do dɔ̃lɔ̃ li wena ni, takɔ nɛ ɔ do nɔa sila, nɛ nɛ ĩ ti kunu sila nɛ kɔ ngamɛnɔ vɛ̃.

KƆLƆSƐ 1:27

Gale kɔ̃a we be hã wa na, we a usu ma ni mɛ a dia mɔ kɛ ma gã wena, nɛ ma do dɔ̃lɔ̃ li wena, nɛ ma 'bɔ we ogele winɔ vɛ̃. Usu we ni mɛ a kɛ na Kristo ɔ kɔ nɛ, nɛ nɛ wia we gbini zã nɛ do a na, nɛ mba sɛ do a kpo kɔ dɔ̃lɔ̃ li 'da a.

KƆLƆSƐ 2:2

Mi dɛa ni, takɔ wa kpa kpã sila, nɛ wa mba kpo, nɛ wa kɔ̃ gɛnɛ ngba wa. Na mɛ ni, nɛ wa ĩ sɛ ti gulu usu linggamɛ 'da Gale ngboo, nɛ ma dɛ sɛ na, kafi sĩ tɛ ɔ̀ kɔ sila wa gɔ. Usu linggamɛ 'da Gale ni, wi a Kristo do tɛ̃ a.

2 TIMOTE 4:17

Nɛ nde Nwa zi fala nɛ kpo do mi, nɛ a hã zi ngawi hã mi. Nɛ we duzu ngawi ni, mi bia Dia Sakoe hã owinɔ kɛ wa zi a Oyuda gɔ ni ia vɛ̃, nɛ wa vɛ wa zila. Nɛ Nwa kpasa zi mi kɔ nu gbɔgbɔ.

OHEBRE 11:34

nɛ wa bi gba nyɛa we, nɛ wa kpasa li tɔ̃a nu bolonɔ kɛ Owele wa bi do wa ni. Wa zɛ́ do ngawi bina, nɛ nde wa kpa ngawi, nɛ tɛ wa hãsã li bolonɔ, nɛ wa nɛa ngɔ ogele sodanɔ.

1 PETRO 3:4

Nɛ nde ma wia na, dia wi 'da nɛ ma yolo kɔ sila nɛ. Nɛ ɔ́ do gɛa sila, nɛ nɛ dungu fio, we kɛ ki ni a dia wi kɛ ma 'dángá fala kpo gɔ, nɛ Gale zɔ ma na, mɛ a de mɔ ngboo.