EFƐZƐ 3:12 - WE NU GALE 1995

¹² Kɔ nɛ́ kɛ lɛ kɔ̃a zu li Kristo, nɛ lɛ mba kpo do a ni, lɛ kpa wala we kɔlɔ do Gale do gɛ̃a sila.

EFƐZƐ 3:12 Iomraidhean Croise

YOANƐ 14:6

Nɛ Yezu gese hã a na: “Mi a li wala kɛ ma la dɛ 'da Baa mi, nɛ mi a wele gbãlã we do wele kpasi. Wele wè tɛ hɔ 'da Baa mi iko gɔ, tati a do wala 'da mi sɛ nɛ de.

ROMA 3:22

Li wala kɛ Gale dɛ na, wele hɔ wi bɔlɔ zu li a ni, mɛ a kɔ̃a we wi ni kɔ̃ do zu li Yezu Kristo ni. Nɛ Gale hũi li wala hã winɔ vɛ kɛ wa kɔ̃a zu li Yezu Kristo ni. Mba gɔ, winɔ vɛ wa wia kɔ̃,

ROMA 5:2

Wi a Yezu kɛ lɛ kɔ̃a zu li a ni, a a hũi wala hã lɛ na, lɛ ĩ ti dia zã kɛ Gale bia hã lɛ, nɛ lɛ kpasa we nɛ ni. Nɛ lɛ dɛ yangga dia zã ni, nɛ lɛ gbini zã lɛ do Yezu na, lɛ mba sɛ do a kɔ dɔ̃lɔ̃ li 'da Gale.

2 KORINTƐ 3:4

Lɛ tɔ̃ ní mba gɔ, lɛ gbini zã lɛ do Gale do wala 'da Kristo.

EFƐZƐ 2:18

Kristo dɛa na, lɛ vɛ, Oyudanɔ do ogele winɔ, lɛ kɔlɔ do Baa lɛ Gale do wala 'da Hi Wi Santo kpo, kɛ lɛ kpa a ni.

OHEBRE 10:35

Kɔ nɛ tɛ là fala gbini zã nɛ do Gale gɔ, we kɛ nɛ kpa sɛ si mɔ olo nɛ gã wena.

OHEBRE 3:6

Nɛ nde Yezu Kristo a Be 'da Gale, kɛ Gale ia a ngɔ winɔ 'da a vɛ ni, nɛ Yezu dɛa toe 'dɛ ɛ do wala olo nɛ. Owinɔ 'da Gale ni wi a lɛ. Kɔ ma wia na, lɛ ɔ do kpã sila, nɛ lɛ 'bana tɛ gbini zã lɛ do mɛnɔ kɛ lɛ a linggamɛnɔ 'da lɛ na, a dɛ sɛ hã lɛ ni.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.

1 YOANƐ 2:28

Aa benɔ 'daa, nɛ 'báná dɛ kɔ Yezu, kɔ ngba soe kɛ a hɔ sɛ nɛ ni, nɛ lɛ sɛ do kili kɔ sila lɛ bina, nɛ sape bá sɛ li lɛ we hɔ dati a gɔ.

1 YOANƐ 3:21

Aa nɛ, oyali ngba mi, fala kɛ linggamɔ zu lɛ dà lɛ hã Gale gɔ, nɛ lɛ sɛ do kili dati a bina.