EFƐZƐ 3:1 - WE NU GALE 1995

¹ We duzu ma, mi Polo, mi sambala Gale we nɛ kɛ nɛ a Oyuda gɔ ni. Mi a wi bɔlɔkɔ we duzu toe kɛ Yezu Kristo tumba mi we dɛ hã nɛ ni.

EFƐZƐ 3:1 Iomraidhean Croise

LUKA 21:12

“Nɛ nde do dati mɛnɔ ni, Owele wa kala sɛ nɛ, nɛ wa zɛlɛ tɛ nɛ, nɛ wa nɛ do nɛ we 'bili we 'da nɛ kɔ tɔa mbulanɔ, nɛ wa a sɛ nɛ bɔlɔkɔ. Wa a sɛ nɛ dati Onwanɔ, do ogã winɔ, we kɛ nɛ a winɔ 'da mi.

Owi Nɛ Tonɔ 21:33

Nɛ gã wi nɛa dɛ kɛ zã Polo, nɛ a tɔ̃ na, wa ba a, kɔ wa ɛnzɛ a do dɔkpɔ bɔa. Nɛ a aka winɔ na, wi gɛ a wio nde, nɛ mɛ ngboo a dɛa ni a ge nde?

Owi Nɛ Tonɔ 23:18

Nɛ wi ngɔ sodanɔ ni kã be hã gã wi 'da wa, nɛ a tɔ̃ hã a na: “Wi bɔlɔkɛ li a a Polo ni tɔ̃a hã mi na, mi tɛ do be gɛ hã mɔ, we kɛ a do lɛnggɛ we tɔ̃ hã mɔ.”

Owi Nɛ Tonɔ 26:29

Nɛ Polo gese hã a na: “Mi aka Gale we mɔ, do we owinɔ kɛ wa tɛ zele mi ni na, ngangga ni, tabi do 'do, nɛ nɛ ɔ sɛ nɛ mi ni. Nɛ nde mi tɔ̃̀ gɛ na, nɛ hɔ Owi bɔlɔkɔ nɛ́ mi ni gɔ!”

Owi Nɛ Tonɔ 9:15

Nɛ Nwa tɔ̃ hã a na: “Mɔ nɛ́, we kɛ mi saka a do wi toe 'da mi, takɔ a yɛnggɛ we be zu li mi hã obe Israɛlɛ, do ogele nu kɔnggɔnɔ, do Onwanɔ 'da wa.

2 KORINTƐ 1:6

Kɔ fala kɛ lɛ ma ngɔ nyɔngɔ 'bako, nɛ nde gulu nɛ na, Gale hã ngawi hã nɛ do wala 'da lɛ, takɔ nɛ kpasa. Hã fala kɛ Gale nganda sila lɛ, nɛ nde gulu nɛ 'bɔ na, sila nɛ nganda, takɔ nɛ ĩ ti kunu sila nɛ kɔ kpo kpo 'bakoe kɛ lɛ zɔ ma gɛ.

2 KORINTƐ 10:1

Mi Polo, kɛ ombe wa tɔ̃ na, fala kɛ mi a 'da nɛ i, nɛ mi ba tɛ mi dɛ nù, kɔ mi nɛ hɔ gele fala, nɛ mi dãlã do nɛ wena ni, mi nɛ tɔ̃ we gɛ hã nɛ. Mi aka nɛ do zu li Kristo, kɛ a do mbɔkɔ sila, do dia zã ni na,

2 KORINTƐ 11:23

Wa a wi dɛa tonɔ 'da Kristo, nɛ nde mi nɛ wele we ɔ nɛ wi bɔ ni na, mi nɛa ngɔ wa do ki ni. Mi dɛa to nɛa ngɔ wa, mi lia bɔlɔkɔ fala dɛlɛ wena, wa zɛa mi do zufa ndala, nɛ mi hɔa fɛna fio fala dɛlɛ wena. Mi kpa ngamɛnɔ ni vɛ́ nɛa ngɔ wa.

GALATI 5:11

Onyae, nɛ zɔ́ kɛ 'da mi! Fala kɛ mi 'bana sɔ 'bɔ tɛ be na, owi Kristo wa nɛ́ gaza, nɛ gulu kɛ owele wa zɛlɛ 'bɔ tɛ mi we ge nde? Mi 'bana sɔ tɛ be we na mɛ ni, nɛ nde sako fie 'da Yezu ngɔ finda te, ma sɔ 'bɔ a zugbulu te we kɔ do nyanga wi gɔ.

GALATI 5:2

Nɛ zélé we mi Polo, mi tɔ̃ hã nɛ gɛ: Fala kɛ nɛ kɔ̃ na, wa gɔnɔ nɛ do gaza, nɛ nde fo sɛ 'bɔ gulu Kristo we duzu nɛ bina.

GALATI 5:24

Owinɔ kɛ wa mba kpo do Kristo ni, wa gbɛa 'dã wɔ kɔ kili tɛ wa, do hɛlɛnɔ kɔ sila wa ni vɛ ia.

EFƐZƐ 3:11

Gale 'dafa zɛ́ linggamɛ ni belee dati a ndo nyanga dɛ mɛnɔ, nɛ a dɛa ma do wala 'da Yezu Kristo, Nwa 'da lɛ.

EFƐZƐ 3:13

We duzu ki ni, mi aka nɛ na, nɛ tɛ zɔ̀ zɛlɛ tɛnɔ kɛ mi kpa we duzu nɛ ni, kɔ nɛ mbɔkɔ gɔ. Zɛlɛ tɛnɔ ni ma hã dia mɔ hã nɛ, nɛ nɛ dɔnggɔ tɛ nɛ do ma.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 6:20

Gɛnɛ kɔ mi a wi bɔlɔkɔ, nɛ nde mi a wi nɛ toe 'da Kristo we be Dia Sakoe hã owinɔ. Kɔ nɛ sámbálá Gale we mi na, a hã kpã sila hã mi we be Dia Sakoe ɔ nɛ kɛ ma wia ni.

FILIPƐ 1:7

Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

KƆLƆSƐ 1:24

Nɛ ngangga gɛ, zɛlɛ tɛnɔ mi kpa we duzu nɛ ni, ma hã yangga hã mi. Mba gɔ, ngamɛnɔ mi zɔ kɔ kili tɛ mi ni, ma gbala nu kɛnɔ Yezu zɔa zi ma we Eklezia, kɛ mɛ a kili tɛ̃ a ni.

KƆLƆSƐ 4:18

Mi Polo, mi hã balɛ hã nɛ kɔ mbɛti mi kɔmɔ hã nɛ do zu kɔ̃ mi wele nɛ gɛ. Kɔ da dɛ kɔ ta zu nɛ élé na, mi a kɔ bɔlɔkɔ ni gɔ. E kɔ dia zã 'da Gale 'bana do nɛ.

KƆLƆSƐ 4:3

Nɛ nɛ sámbálá 'bɔ a we duzu lɛ na, a hã wala hã lɛ we be we 'da a hã owinɔ, do tɔ̃ gulu usu we 'da Kristo, kɛ mi lia bɔlɔkɛ we ma ni.

2 TIMOTE 1:16

E kɔ Nwa be dia zã 'da ɛ hã nu fɛlɛ Onezifɔrɛ, we kɛ a hã zi kpã sila hã mi fala dɛlɛ wena, nɛ sape bà zi li a we bɔlɔkɛ mi lia ni gɔ.

2 TIMOTE 1:8

We duzu ma, mɔ tɛ dɛ̀ sape we tɔ̃ we 'da Nwa 'da lɛ hã Owele gɔ. Nɛ sape tɛ bà 'bɔ li mɔ we mi kɛ mi lia bɔlɔkɔ we duzu a ni gɔ. Nɛ nde mɔ mbá do mi kɔ ngamɛ kɛ mi kpa we duzu be Dia Sakoe ni, nɛ mɔ gbini zã mɔ do ngawi kɛ Gale hã ma hã mɔ ni.

FILEMƆ 1:1

Wi a mi Polo, wi bɔlɔkɔ we duzu Yezu Kristo, lɛ do nya lɛ Timote, lɛ kɔmɔ mbɛti gɛ hã mɔ Filemɔ, kɛ mɔ a yali ngba lɛ, nɛ mɔ 'bɔ a ngba lɛ wi dɛa toe 'da Kristo ni.

FILEMƆ 1:23

Epafrasi, kɛ a do mi kɔ bɔlɔkɛ gɛ we duzu Yezu Kristo ni, a tumba balɛ hã mɔ.

FILEMƆ 1:9

nɛ nde mi kɔ̃a we aka mɔ do dia sila iko, we duzu kɔ̃a ngba wi 'da lɛ do mɔ. Wi aka mɔ, i a mi Polo, kɛ mi a kpasa wi, nɛ di ngangga ni, mi a wi bɔlɔkɔ we duzu Yezu Kristo ni.

USU MƐNƆ 2:10

Nɛ tɛ dɛ̀ kili zɛlɛ tɛ nɛ kpa ma ni gɔ. Nɛ zɔ́, Satana kɔ̃a we yamba sila nɛ. A da sɛ ombe sanga nɛ ni kɔ bɔlɔkɔ, nɛ nɛ zɔ sɛ ngamɔ 'do tũ 'bu. Kɔ wa kɔ̃ we gbɛ nɛ, nɛ nɛ tɛ kìfì nu nɛ gɔ. Nɛ mi si sɛ olo zɛlɛ tɛ ni hã nɛ do kpasi kɛ ma é sɛ gɔ ni.