EFƐZƐ 2:8 - WE NU GALE 1995

⁸ Mba gɔ, nɛ kpasa we dia zã 'da Gale, do wala kɔ̃a we kɛ nɛ kɔ̃a ni. Kpasi ni ma yòlò kɔ̃ nɛ gɔ, wi a Gale a hã ma hã nɛ.

EFƐZƐ 2:8 Iomraidhean Croise

MATIE 16:17

Nɛ Yezu tɔ̃ hã a na: “Simɔ, be 'da Yonasi, mɔ a wi yangga. We kɛ wi a wi nù hã a bè gbãlã we gɛ hã mɔ gɔ, nɛ nde wi a Baa mi, kɛ a li nza i ni, hã a bia ma hã mɔ.

MATIE 20:9

Nɛ kapita ndua futa winɔ do ngɔ wanɔ wa ndua sɔ toe 'da wa do sa mɔlɛ 'do midi ni. Wele do wele kpa mbili ɔ nɛ kɛ wa futa do winɔ tũ kpo kpo fai ni.

MARKO 16:16

Kɔ wele kɛ a kɔ̃, kɔ nɛ batisa a, nɛ Gale a kpasa sɛ a. Nɛ nde wele kɛ a kɔ̃̀ gɔ, nɛ a te sɛ li ngbangga 'da Gale.

LUKA 7:50

Nɛ Yezu tɔ̃ hã wuke ni na: “Gale kpasa mɔ we kɔ̃a we 'da mɔ. Kɔ mɔ sí do dia nɛ!”

YOANƐ 3:36

Kɔ wele kɛ a kɔ̃ zu li Be 'da Gale ni, a do kpasi kɛ ma é sɛ gɔ ni. Nɛ wele kɛ a bɛ̃ gɛnɛ Be 'da Gale ni, a do kpasi ni bina, nɛ mãlã 'da Gale tia ngɔ a.

YOANƐ 4:10

Nɛ Yezu gese hã a na: “Ɔ do kɛ mɔ ĩ sɔ ti dia mɛ kɛ Gale hã ma ni ĩ, kɔ mɔ ĩ sɔ 'bɔ ti wele kɛ a gɔa lì kɔ̃ mɔ gɛ, nɛ mɔ a mɔ gɔ sɔ li kɔ a, nɛ a hã sɔ lì kɛ ma hã kpasi ni hã mɔ.”

YOANƐ 5:24

“Mi tɔ̃ hã nɛ do gbãlã we na, wi kɛ a zele we nu mi, kɔ a kɔ̃ zu li Wi tumba mi ni, a do kpasi kɛ ma é sɛ gɔ ni. Nɛ Gale 'bílí sɛ we mɔ́ wi ni gɔ, nɛ wi ni hɔa nza kɔ fio, nɛ a do kpasi.

YOANƐ 6:35

Nɛ Yezu tɔ̃ hã wa na: “Mi a nyɔngɔmɔ kɛ ma hã kpasi hã wele ni. Wi kɛ a tɛ 'da mi, nɛ a ɔ́ sɛ wɔ gɔ, nɛ wele kɛ a kɔ̃ zu li mi ni, wɔ lì bá sɛ 'bɔ a gɔ.

YOANƐ 6:37

Winɔ vɛ̃ kɛ Baa mi hã wa hã mi ni, wa tɛ sɛ dɛ 'da mi, nɛ mi ndáká sɛ wele kpo sanga wa ni gɔ.

YOANƐ 6:40

We duzu kɛ Baa mi kɔ̃a na, winɔ vɛ̃ kɛ wa zɔa mi Be 'da a, nɛ wa kɔ̃a zu li mi ni, wa kpa kpasi kɛ ma é sɛ gɔ ni. Nɛ do ndɔti nùi, nɛ mi tunu sɛ wa kɔ fio, takɔ wa ɔ do kpasi.”

YOANƐ 6:44

We kɛ wele wè tɛ tɛ dɛ 'da mi do ngawi 'da a iko gɔ. Baa mi kɛ a tumba mi ni, a tombo wele dɛ 'da mi, sɛ nɛ wi ni tɛ de. Nɛ do ndɔti nùi, nɛ mi tunu sɛ wi ni kɔ fio, takɔ a ɔ do kpasi.

YOANƐ 6:65

Nɛ a tɔ̃ 'bɔ hã wa na: “Nɛ zɔ́ gulu kɛ mi tɔ́a hã nɛ na, fala kɛ Baa mi tòmbò wele gɔ, nɛ nde a wè tɛ tɛ dɛ 'da mi gɔ gɛ a ni.”

Owi Nɛ Tonɔ 14:27

Wa hɔa Antiɔsɛ i, nɛ wa mba li Owi Kristonɔ vɛ. Nɛ wa tɔ̃ gulu tonɔ vɛ kɛ Gale dɛa ma do wala 'da wa ni, do tɛlɛ tɛ kɛ a hũi li wala hã winɔ kɛ wa a Oyuda gɔ ni na, wa kɔ̃ tɛ mɛ 'bɔ zu li Yezu ni.

Owi Nɛ Tonɔ 15:11

Nɛ nde lɛ ĩ na, Nwa Yezu kpasa lɛ, we duzu kɛ a ĩ 'bako hã lɛ, nɛ a kpasa tɛ mɛ 'bɔ wa, ɔ nɛ kɛ a kpasa do lɛ ni.”

Owi Nɛ Tonɔ 16:14

Nɛ mbe kpo sanga wa ni, li a a Lidia, a yula Tiatirɛ, nɛ a zi a wi be gole fila tulu. A zi a wi dɔnggɔ Gale, nɛ Nwa Gale hũi linggamɛ 'da a, takɔ a zele bia we 'da Polo, nɛ a kɔ̃ gɛnɛ nɛ.

Owi Nɛ Tonɔ 16:31

Nɛ wa gese hã a na: “Mɔ kɔ̃́ zu li Nwa Yezu, nɛ a kpasa sɛ mɔ do nu fɛlɛ mɔ vɛ.”

ROMA 10:14

Kɔ wa nɛ dɛ fala sa mɔ do li a, kɛ wa kɔ̃̀ zu li a gɔ ni nɛ nde? Nɛ wa nɛ dɛ fala kɔ̃ zu li a, kɛ wa zèlè sako nɛ gɔ ni nɛ nde? Nɛ wa nɛ dɛ fala zele sakoe 'da a, kɛ wele bè hã wa gɔ ni nɛ nde?

ROMA 10:17

Na mɛ ni, ma wia na, owele wa zele we wa be ni, sɛ nɛ wa kɔ̃ de. Nɛ we wa be ni, mɛ a Dia Sakoe 'da Kristo.

ROMA 4:16

Kɔ we duzu ma, winɔ wa kpa sɛ dia mɛnɔ kɛ Gale kpua zɛ́ mbulu nɛ ni, do wala kɔ̃a we. Nɛ ma be na Gale kpua mbuli ni do dia zã 'da a iko. Nɛ ma we duzu obe zã Abrahama vɛ̀. Nɛ a kpò ma tati a hã owinɔ wa dɛ mbula ni iko gɔ, nɛ nde ma we winɔ vɛ kɛ wa kɔ̃a Gale, ɔ nɛ kɛ Abrahama kɔ̃a zɛ́ ni. We kɛ Abrahama a baa lɛ wi kɔ̃a wenɔ vɛ́.

ROMA 4:5

Nɛ nde Gale dɛ́ na mɛ ni gɔ. Mba gɔ, fala kɛ wele dɛ̀ to dɛa gɔ, kɔ a kɔ̃ zu li Gale kɛ a dɛ na, 'dã wi hɔ wi bɔlɔ zu ni, nɛ Gale a kpasa sɛ a. Nɛ a zɔ sɛ a li a na, a hɔa wi bɔlɔ zu we duzu kɔ̃a we 'da a.

ROMA 9:16

Ma be na, Gale sàkà wele we duzu linggamɛ, tabi dɛa mɔ tɛ̃ a gɔ. Nɛ nde a saka wele we 'bakoe a dɛ hã a ni.

GALATI 3:14

Ma dɛa tɛ ɛ na mɛ ni, takɔ wila nui kɛ Gale wila zɛ́ tɛ Abrahama ni, ma kpa tɛ mɛ 'bɔ owinɔ kɛ wa a Oyuda gɔ ni, do wala kɔ̃ zu li Yezu Kristo. Ma kɛ lɛ kpa tɛ mɛ 'bɔ Hi Wi Santo kɛ Gale kpua zɛ́ mbulu hã a hã lɛ, we duzu kɔ̃a we ni.

GALATI 3:22

Nɛ nde wa kɔma kɔ 'Buki 'da Gale na, 'dã mɔ ɛnza owinɔ ngɔ nù gɛ vɛ́. Na mɛ ni, owinɔ wa kɔ̃a zu li Yezu Kristo ni, wa kpa de mɛ kɛ a kpua zɛ́ mbulu nɛ hã wa ni.

EFƐZƐ 1:19

Nɛ nɛ ĩ 'bɔ ti ngawi 'da a kɛ ma nɛa ngɔ mɛnɔ vɛ, nɛ a fɔmɔ do lɛ owinɔ kɛ lɛ kɔ̃a zu li a ni.

EFƐZƐ 2:10

Gbãlã we, lɛ a mɔ do kɔ̃ Gale. A dɛa lɛ, nɛ a mba li lɛ kpo do Yezu Kristo, takɔ lɛ dɛ dia mɛnɔ kɛ a 'dafa zi dati belee na, lɛ dɛ ma ni.

EFƐZƐ 2:5

Na mɛ ni, gɛnɛ kɔ lɛ ɔ zi nɛ lɛ fĩ fia ni, we duzu yɔa ti dɛa mɛnɔ 'da lɛ, nɛ nde Gale mba li lɛ kpo do Kristo, nɛ a hã mbé kpasi hã lɛ. Tati a dia zã 'da Gale hã ma kpasa nɛ!

FILIPƐ 1:29

Mba gɔ, Gale bia dia zã 'da a hã nɛ na, nɛ ɔ owinɔ 'da Kristo. A sàkà nɛ na, nɛ kɔ̃ zu li Kristo iko gɔ, nɛ nde nɛ zɔ 'bɔ ngamɔ we duzu a.

KƆLƆSƐ 2:12

Mba gɔ, ngba soe nɛ kpa zi batisimɔ ni, ma be na wa mi zi nɛ fala nɛ kpo do Kristo, nɛ Gale tunu zi nɛ kɔ fio fala nɛ kpo do a. Gale dɛa ni, we duzu kɛ nɛ gbini zi zã nɛ do ngawi 'da a, kɛ a tunu do Kristo kɔ ofionɔ ni.

2 TƐSALONIKƐ 1:9

Nɛ etumbui wa kpa sɛ olo 'dã mɛ 'da wa ni, mɛ a gã ngamɔ kɛ fo ndɔti nɛ bina ni. Nwa a ndaka sɛ wa ngɔ li a do'do, nɛ wa zɔ sɛ dɔ̃lɔ̃ li 'da a gɔ.

OHEBRE 6:4

Kɔ ma ɔ sɛ do winɔ kɛ wa kpula 'bɔ tɛ wa li wala 'dã mɔ ni nɛ nde? Wa lia zi kɔ sa fala 'da Gale, nɛ wa kpa dia mɛnɔ kɛ Gale hã ma hã wa ni, nɛ wa kpa 'bɔ ngawi 'da Hi Wi Santo.

1 PETRO 1:5

Nɛ́ kɛ nɛ do kɔ̃a we dɛ 'da Gale ni, ma kɛ a fɔmɔ nɛ do ngawi 'da a gbaa na, nɛ kpa sɛ kpasi ni. Mɛ a kpasi kɛ ma be sɛ tɛ̃ ɛ nza do ndɔti nùi ni.