EFƐZƐ 2:5 - WE NU GALE 1995

⁵ Na mɛ ni, gɛnɛ kɔ lɛ ɔ zi nɛ lɛ fĩ fia ni, we duzu yɔa ti dɛa mɛnɔ 'da lɛ, nɛ nde Gale mba li lɛ kpo do Kristo, nɛ a hã mbé kpasi hã lɛ. Tati a dia zã 'da Gale hã ma kpasa nɛ!

EFƐZƐ 2:5 Iomraidhean Croise

LUKA 15:24

We kɛ be 'da mi gɛ, a fia zi fia, kɔ a kpasa. A yɔa zi yɔa, kɔ mi kpa a.’ Nɛ wa ma ngɔ dɛ yangga.

YOANƐ 5:21

Mba gɔ, nɛ́ kɛ Baa mi tunu ofionɔ kɔ fio, nɛ a hã kpasi hã wa ni, mi Be 'da a, mi dɛ 'bɔ kpasaa na mɛ ni. Mi hã kpasi hã winɔ kɛ mi kɔ̃a wa ni.

YOANƐ 6:63

Wi a Hi Wi 'da Gale a hã kpasi hã winɔ. Wele wè tɛ dɛ mɔ do ngawi 'da a zu a kpo gɔ. Kɔ wenɔ mi tɔ̃ ma gɛ, ma yula kɔ Hi Wi 'da Gale, nɛ ma hã kpasi hã wele.

Owi Nɛ Tonɔ 15:11

Nɛ nde lɛ ĩ na, Nwa Yezu kpasa lɛ, we duzu kɛ a ĩ 'bako hã lɛ, nɛ a kpasa tɛ mɛ 'bɔ wa, ɔ nɛ kɛ a kpasa do lɛ ni.”

ROMA 16:20

Gale, wele gɛa sila kɔlɔ fala gbɛ ngawi 'da Satana ia, nɛ a e sɛ a do ti nyanga nɛ. E kɔ dia zã 'da Nwa 'da lɛ Yezu ma 'bana do nɛ vɛ!

ROMA 3:24

Nɛ nde Gale bia dia zã 'da a hã wa, nɛ a dɛ na, wa hɔ wi bɔlɔ zu li a, we dia kɔ sila 'da a iko. A dɛa na mɛ ni do wala 'da Yezu Kristo, kɛ a gɔna zu wa ni.

ROMA 4:16

Kɔ we duzu ma, winɔ wa kpa sɛ dia mɛnɔ kɛ Gale kpua zɛ́ mbulu nɛ ni, do wala kɔ̃a we. Nɛ ma be na Gale kpua mbuli ni do dia zã 'da a iko. Nɛ ma we duzu obe zã Abrahama vɛ̀. Nɛ a kpò ma tati a hã owinɔ wa dɛ mbula ni iko gɔ, nɛ nde ma we winɔ vɛ kɛ wa kɔ̃a Gale, ɔ nɛ kɛ Abrahama kɔ̃a zɛ́ ni. We kɛ Abrahama a baa lɛ wi kɔ̃a wenɔ vɛ́.

ROMA 5:10

Mba gɔ, zi dati lɛ zi a Owi sɛnɛ Gale, nɛ nde ngangga ni, Gale 'dafa dɛa na do lɛ, do wala fie 'da Kristo, Be 'da a. Kɔ ɔ nɛ kɛ sanga tɛ ngba lɛ ma dia ia ni, ma be tɛ mɛ 'bɔ na, Gale a kpasa sɛ lɛ do wala 'da Kristo, kɛ a za'da nza kɔ fio, nɛ a do kpasi ni.

ROMA 5:6

Zi dati, lɛ zi do ngawi we kpasa kili tɛ lɛ bina. Nɛ Kristo tɛa, nɛ a fia we duzu lɛ o'dã winɔ, do ngba soe kɛ Gale saka zɛ́ we nɛ ni.

ROMA 5:8

Nɛ nde Gale bia hã lɛ na, ɛ kɔ̃a gɛnɛ lɛ wena. Mba gɔ, gɛnɛ kɔ lɛ 'bana zi o'dã wi ni, nɛ nde a tumba Yezu Kristo na, a fe we duzu lɛ.

ROMA 8:2

Mba gɔ, ngawi 'da Hi Wi Santo, kɛ a hã kpasi hã mi do wala 'da Yezu Kristo ni, gɔnɔ zu mi kɔ ngawi 'da 'dã mɛ kɛ ma kã mi dɛ fi fio ni.

EFƐZƐ 2:1

Zi dati, nɛ ɔ zi nɛ winɔ kɛ wa fi fia ni, we duzu yɔa ti dɛa mɛnɔ do 'dã mɛnɔ 'da nɛ.

EFƐZƐ 2:8

Mba gɔ, nɛ kpasa we dia zã 'da Gale, do wala kɔ̃a we kɛ nɛ kɔ̃a ni. Kpasi ni ma yòlò kɔ̃ nɛ gɔ, wi a Gale a hã ma hã nɛ.

EFƐZƐ 5:14

Mba gɔ, 'da fala kɛ mɔ kɛ wa usu ma usu ni be tɛ̃ ɛ nza, nɛ nde ma hɔa dɛ sa fala ia. Ma kɛ wa tɔ̃a na: “Aa mɔ, wi ɔ yala gɛ, mɔ túnú, mɔ kúlú ngɔ sanga ofionɔ, nɛ yele ngbala 'da Kristo ma yele sɛ ngɔ mɔ.”

KƆLƆSƐ 2:13

Zi dati, nɛ ɔ zi nɛ fio, we duzu 'dã mɛnɔ 'da nɛ, do we duzu kɛ nɛ zi a opaganɔ. Nɛ nde ngangga gɛ, Gale tunu nɛ kɔ fio fala nɛ kpo do Kristo, nɛ a fua ku'da 'dã mɛnɔ zu nɛ vɛ̃.

TITO 2:11

Mba gɔ, Gale bia dia zã 'da a hã winɔ vɛ̃ na, a kɔ̃a we kpasa wa.

TITO 3:5

nɛ a kpasa lɛ. A kpàsà lɛ we dia dɛa to tɛ lɛ gɔ, nɛ nde a kpasa lɛ, we kɛ a ĩ 'bako hã lɛ. A fɔla 'dã mɔ kɔ sila lɛ, nɛ a kua lɛ fala bɔa, nɛ a hã mbé kpasi hã lɛ do wala 'da Hi Wi Santo.

USU MƐNƆ 22:21

E kɔ dia zã 'da Nwa Yezu 'bana do owinɔ vɛ́!