EFƐZƐ 2:4 - WE NU GALE 1995

⁴ Nɛ nde Gale do 'bako li a we lɛ wena, we kɛ a kɔ̃a gɛnɛ lɛ la li ngele.

EFƐZƐ 2:4 Iomraidhean Croise

NEHEMIE 9:17

Zala wa ngaka do'do, wa bɛ̃a we dɛ olo nu mɔ, nɛ tɛ wa ila ngɔ odia dɛa mɛnɔ vɛ̃ kɛ mɔ dɛa zi we wa ni, nɛ wa saka we kpolo tɛ wa kɔ ngbá tɛ Ezipeto. Nɛ nde mɔ là wa na mɛ ni gɔ, we kɛ mɔ a Gale kɛ mɔ fo ku'da 'dã mɛnɔ zu winɔ. Mɔ ĩ 'bako hã winɔ, nɛ mɔ do dia kɔ sila dɛ 'da wa. Mɔ do du sila, nɛ kɔ̃a zã 'da mɔ ma la mɔ vɛ̃.

Zumanɔ 145:8

NWA do mbɔkɔ li wena, a a wi dia zã do du sila, nɛ kɔ̃a zã 'da a ma la mɔ vɛ̃.

Zumanɔ 51:1

Zuma 'da Davidi

Zumanɔ 86:15

Nɛ nde mɔ NWA, kɛ mɔ a Gale mbɔkɔ li, do dia zã, do du sila, mɔ dunu do kɔ̃a zã do bɔlɔ zu,

Zumanɔ 86:5

Mɔ NWA, mɔ a wi dia sila, nɛ mɔ 'bɔ a wi mbɔkɔ li. Mɔ be dia zã 'da mɔ hã owinɔ vɛ̃ kɛ wa sambala mɔ ni.

Kulu Tɔa 33:19

Nɛ NWA tɔ̃ na: “Mi nɛ la do dati mɔ, nɛ mi be dia zã 'da mi vɛ̃ hã mɔ, nɛ mi sa sɛ mɔ do li mi wele nɛ na: ‘NWA’. Mi ĩ 'bako hã wi kɛ mi kɔ̃a we ĩ 'bako hã a ni.”

Ezai 63:7

Mi nɛ tɔ̃ lɛnggɛ dia zã 'da NWA. Mi dɔnggɔ NWA we duzu dia mɛnɔ vɛ̃ kɛ a dɛa ma we lɛ ni. A bia dia zã 'da a hã lɛ, obe Israɛlɛ, a wila nu a tɛ lɛ, nɛ a do kɔ̃a zã we lɛ.

Yeremi 31:3

Mi yula ndũu, nɛ mi tɛa 'da nɛ owinɔ 'da mi na nɛ zɔ mi. Mi kɔ̃a gɛnɛ nɛ, nɛ kɔ̃a zã 'da mi ma 'bana sɛ dɛ 'da nɛ fai, ma kɛ mi be dia zã 'da mi hã nɛ bia pii ni.

DANIƐLƐ 9:9

Nɛ gɛnɛ kɔ lɛ dɛa nga zu dɛ tɛ mɔ NWA Gale 'da lɛ, nɛ nde mɔ bia dia zã 'da mɔ hã lɛ, nɛ mɔ fua ku'da 'dã mɛ zu lɛ.

YONASI 4:2

Nɛ a tɔ̃ hã Gale na: “Aa NWA, dati kɛ na mi la le 'da mi ni, mi ĩ zi na, mɔ dɛ sɛ mɛ kɛ mɔ dɛa gɛ. Gulu nɛ a mi fa zi we yu dɛ Tarsisi i ni. Mi ĩ zi na, mɔ a Gale mbɔkɔ li, mɔ 'bɔ do dia zã wena. Mɔ a wi du sila, nɛ kɔ̃a zã 'da mɔ la mɔ vɛ̃. Mɔ kpolo linggamɛ 'da mɔ ngɔ etumbui mɔ kɔ̃a sɔ we hã hã owinɔ ni dɔ̃ iko.

LUKA 1:78

We duzu kɛ Gale 'da lɛ do dia zã, do 'bako li a wena. Ma hã a tombo sɛ wese 'da a, nɛ ma gba, nɛ ma to dɛ ngɔ lɛ nù nga.

ROMA 10:12

Na mɛ ni, lɛ Oyudanɔ do ogele winɔ lɛ là ngba lɛ gɔ. Nwa 'da lɛ kpo wi a Yezu Kristo, kɛ a kɛ dia mɛnɔ hã winɔ vɛ kɛ wa sa mɔ do zu li a ni.

ROMA 2:4

Mɔ zɔ gã dia zã 'da Gale, do du sila 'da a, do gɛa sila 'da a dɛ 'da winɔ li mɔ yala iko nde? Mɔ ĩ̀ na, Gale bia dia zã 'da a hã mɔ, takɔ mɔ kifi sila mɔ gɔ nde?

ROMA 5:8

Nɛ nde Gale bia hã lɛ na, ɛ kɔ̃a gɛnɛ lɛ wena. Mba gɔ, gɛnɛ kɔ lɛ 'bana zi o'dã wi ni, nɛ nde a tumba Yezu Kristo na, a fe we duzu lɛ.

ROMA 9:23

A dɛa na mɛ ni, takɔ a be gã dɔ̃lɔ̃ li 'da a hã owinɔ kɛ a ĩ 'bako hã wa, nɛ a saka zɛ́ wa belee na, wa kpa dɔ̃lɔ̃ li ni.

EFƐZƐ 1:7

Nɛ́ kɛ lɛ mba kpo do Kristo ni, ma kɛ tɔkɔ tɛ́ a gɔnɔ zu lɛ kɔ 'dã mɔ, nɛ Gale fua ku'da 'dã mɛnɔ zu lɛ do'do ni. Na mɛ ni, Gale bia na, dia zã 'da a dɛ 'da lɛ

EFƐZƐ 2:7

A dɛa ni we be dia zã 'da a dɛ 'da lɛ do wala 'da Kristo. Nɛ a kɔ̃a we be dia zã 'da a kɛ ma nɛa ngɔ mɔ vɛ́ ni hã owinɔ kɔ sabɛlɛnɔ 'do gɛ.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

2 TƐSALONIKƐ 2:13

Nɛ nde kɛ 'da lɛ, onyae, lɛ wia tɛ hã iɔ̃nae hã Gale 'da fala fai we duzu nɛ, kɛ Nwa kɔ̃a gɛnɛ nɛ ni. Mba gɔ, Gale saka zɛ́ nɛ do ndo nyanga dɛ mɛnɔ, takɔ a kpasa nɛ, nɛ a kifi nɛ do winɔ 'da a ngboo. A kpasa sɛ nɛ do ngawi 'da Hi Wi Santo, do ngawi 'da kɔ̃a we nɛ kɔ̃a do gɛnɛ gbãlã we ni.

1 TIMOTE 1:14

Gbãlã we, Nwa 'da lɛ Yezu bia dia zã 'da a hã mi, nɛ ma nɛa ngɔ mɛnɔ vɛ. Nɛ a dɛa na, mi ɔ do kɔ̃a we do kɔ̃ gɛnɛ ngba wi kɛ ma yolo kɔ a ni.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.