EFƐZƐ 2:3 - WE NU GALE 1995

³ Lɛ vɛ, lɛ ɔ zi tɛ mɛ 'bɔ nɛ wa ni. Lɛ dɛ zi mɛ kɛ sila lɛ tombo lɛ we dɛ ma ni. Nɛ lɛ nɛ zi 'dɔkɔlɔ 'dã wɔ kɔ zã lɛ, do 'dã linggamɔ kɔ sila lɛ iko. Gulu nɛ a zã Gale nɔ̃lɔ̃ zi dɛ tɛ lɛ, ɔ nɛ kɛ ma nɔ̃lɔ̃ zi dɛ tɛ ogele winɔ ni.

EFƐZƐ 2:3 Iomraidhean Croise

Ndo Nyanga Dɛ Mɔ 5:3

Adamu zi do sabɛlɛ kama do 'bu nɛ talɛ, nɛ a ko bulu be, nɛ a e li a na Sɛtɛ. Bula li be ni ɔ zi kpasaa nɛ kɛ 'da baa a ni.

Ndo Nyanga Dɛ Mɔ 6:5

NWA zɔa na, linggamɔ zu winɔ ma dè gɔ, ma tombo wa li wala dɛ 'dã mɔ, nɛ dɛa mɔ tɛ wa ma 'danga dɛ dati 'danga fai.

Ndo Nyanga Dɛ Mɔ 8:21

Nɛ zɛ dɔnggamɛ ni unu NWA, nɛ ma de tɛ a wena, nɛ a tɔ̃ do kɔ sila a na: “Mi fɔmbɔ sɛ 'bɔ nùi we duzu 'dã dɛa mɛnɔ kɛ owinɔ wa dɛ ma ni gɔ. Gɛnɛ kɔ mi ĩ na, 'dã linggamɔ lia zi kɔ sila wele belee do be tɛ a, nɛ nde mi gbɛ sɛ 'bɔ Otunu li mɛnɔ ɔ nɛ kɛ mi dɛa gɛ gɔ.

YƆBƆ 14:4

Nɛ nde wi wia we kpa mɔ kɛ ma ɔ sa ni kɔ wele, kɛ wa a wi ndi ni, wi a wio nde? Wele kpo bina.

YƆBƆ 25:4

Wi wia do kpa dia gulu we dati Gale, nɛ a tɔ̃ na ɛ a wi bɔlɔ zu a wio nde? Wele bina.

Zumanɔ 51:5

Mi ĩ na, mi dɛ̃ de gɔ, nɛ ta zu mi dɛ ngɔ 'dã mɛ ni fai.

Ezai 53:6

Lɛ vɛ̃ lɛ yɛnggɛ zi mba mba ɔ nɛ odua kɔ ba'de kɛ wa kpè nu wa gɔ ni. Nɛ lɛ dɛ zi tati a mɛnɔ kɛ zã lɛ kɔ̃a gɛnɛ nɛ ni. Nɛ nde NWA kala 'dã mɛnɔ 'da lɛ, nɛ a a zu wi toe 'da a na, a si olo ku'da nɛ.

MARKO 4:19

nɛ wɔ mɛnɔ nù gɛ, do yangga kpamɛnɔ kɛ ma ɔlɔ winɔ ni, do wɔ kɔ kili tɛ wi kpi do kpi, ma kɔ sila wa, nɛ ma busu Dia Sakoe do'do, nɛ nde ma dɛ́ to gɔ.

YOANƐ 1:13

Nɛ nde wa hɔ̀ zi benɔ 'da Gale do tɛlɛ tɛ linggamɔ zu wele, tabi do tɛlɛ tɛ tunu tɛ wi mɔ́ wele, tabi do tɛlɛ tɛ kɛ wa ko do wele ngɔ nù gɛ ni gɔ. Gale a kua wa.

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

Owi Nɛ Tonɔ 14:16

Zɛ́ dati, nɛ Gale la winɔ na, wa dɛ mɛnɔ ɔ nɛ kɛ zã wa kɔ̃a ni.

ROMA 1:24

Ma kɛ Gale la wa na, wa nɛ 'dɔkɔlɔ 'dã wɔ kɔ kili tɛ wa, nɛ wa dɛ o'dã mɔ sape do ngba wa.

ROMA 11:30

Zɛ́ dati, nɛ bɛa zi gɛnɛ Gale. Nɛ di ngangga ni, Gale ĩ 'bako hã nɛ, we duzu kɛ Oyudanɔ wa bɛ̃a gɛnɛ a ni.

ROMA 13:14

Nɛ bá wala hã Nwa 'da lɛ Yezu Kristo na, a bi zu nɛ, nɛ nɛ tɛ fà we dɛ mɔ kɛ wɔ kɔ kili tɛ nɛ kɔ̃a ni gɔ.

ROMA 2:14

Ogele winɔ wa ĩ̀ ti mbula 'da Mɔizɛ gɔ. Nɛ nde mbe 'da fala kpo, nɛ linggamɔ zu wa tombo wa we dɛ mɛnɔ kɛ mbula tɔ̃a ni. Hã fala kɛ wa dɛ na mɛ ni, nɛ ma be na, mbula ni kɔ sila wa boe.

ROMA 5:10

Mba gɔ, zi dati lɛ zi a Owi sɛnɛ Gale, nɛ nde ngangga ni, Gale 'dafa dɛa na do lɛ, do wala fie 'da Kristo, Be 'da a. Kɔ ɔ nɛ kɛ sanga tɛ ngba lɛ ma dia ia ni, ma be tɛ mɛ 'bɔ na, Gale a kpasa sɛ lɛ do wala 'da Kristo, kɛ a za'da nza kɔ fio, nɛ a do kpasi ni.

ROMA 5:9

Nɛ ɔ nɛ kɛ fie 'da Yezu kifi lɛ do wi bɔlɔ zu li Gale ni, ma be tɛ mɛ 'bɔ na, a kpasa sɛ lɛ kɔ nɔ̃lɔ̃ zã 'da Gale.

ROMA 6:12

Kɔ ma wè na, 'dã mɔ dungu 'bɔ nwa ngɔ kifi tɛ nɛ, kɛ ma fe sɛ ni, nɛ nɛ nɛ 'dɔkɔlɔ 'dã wɔ kɔ kifi tɛ nɛ gɔ.

ROMA 7:18

We duzu kɛ mi ĩ na, dia mɔ kɔ mi, kɛ mi a wele, nɛ kifi tɛ mi a nù iko ni bina. Mba gɔ, gɛnɛ kɔ mi kɔ̃ we dɛ dia mɔ, nɛ nde mi do ngawi we dɛ ma bina.

ROMA 9:22

Kɔ ma tɛ mɛ 'bɔ na mɛ ni we Gale. A kɔ̃a zi we be mãlã 'da a, do ngawi 'da a. Nɛ a kunu zi sila a ngɔ 'dã mɛnɔ 'da winɔ kɛ wa nɔ̃lɔ̃ zi zã a, nɛ wa wia do fio ni.

1 KORINTƐ 4:7

Mba gɔ, mɔ nɛa ngɔ ongba mɔ we wio nde? Mɛ kɛ mɔ do ma, nɛ nde wi hã hã mɔ wi a Gale gɔ ni, mɛ a ge nde? Kɔ gulu kɛ mɔ dɔnggɔ tɛ mɔ ngɔ nɛ, ɔ nɛ kɛ mɔ kpa do ngawi 'da mɔ wele nɛ ni we ge nde?

2 KORINTƐ 7:1

Aa oyali ngba mi, Gale kpua mbuli ni hã lɛ, kɔ ma wia na, lɛ bɛ̃ gɛnɛ 'dã mɛnɔ vɛ́, kɛ ma hã ndi kɔ kili tɛ wi, do hi wi ni. Lɛ dɛ́ kili Gale, nɛ lɛ 'dáfá dɛa mɔ tɛ lɛ, nɛ lɛ fá we dungu nɛ́ owinɔ 'da a ngboo.

GALATI 3:22

Nɛ nde wa kɔma kɔ 'Buki 'da Gale na, 'dã mɔ ɛnza owinɔ ngɔ nù gɛ vɛ́. Na mɛ ni, owinɔ wa kɔ̃a zu li Yezu Kristo ni, wa kpa de mɛ kɛ a kpua zɛ́ mbulu nɛ hã wa ni.

EFƐZƐ 2:2

Nɛ yɛnggɛ zi do li 'dã wala ɔ nɛ kɛ owinɔ nù gɛ wa yɛnggɛ ni. Nɛ nɛ zi 'dɔkɔlɔ nwa ngɔ o'dã hi winɔ kɔ bũi sanga li ngɔ gɛ. Nɛ tia do sɔɛ gɛ, 'dã hi wi ni 'bana dɛ to sanga owinɔ kɛ wa bɛa gɛnɛ we nu Gale ni.

EFƐZƐ 4:22

Kɔ nɛ lá fala ã dɛa mɔ tɛ nɛ, kɛ nɛ zi do ma 'da fala kɛ nɛ tɛ hɔ̀ zi winɔ 'da Kristo gɔ ni. Ã dɛa mɔ tɛ nɛ ni, ma hã 'dã wɔ hã nɛ, nɛ ma ɔlɔ nɛ, nɛ ma 'danga nɛ.

KƆLƆSƐ 1:21

Nɛ nɛ tɛ mɛ 'bɔ, nɛ nyɛlɛ zi do Gale wena. Nɛ zi a Owi sɛnɛ Gale, we kɛ dɛa mɔ tɛ nɛ do linggamɛnɔ 'da nɛ, ma dè zi gɔ.

1 TƐSALONIKƐ 4:13

Aa onyae, lɛ kɔ̃̀ na, nɛ yɔ ti mɛ kɛ ma dɛ sɛ owinɔ kɛ wa fia ia ni gɔ, dɔ nɛ dúngú do 'bako ɔ nɛ owinɔ kɛ wa gbíní zã wa do Gale gɔ ni gɔ.

1 TƐSALONIKƐ 5:6

Na mɛ ni, lɛ tɛ ɔ̀ yala nɛ́ ogele winɔ gɔ, nɛ nde lɛ dúngú do sɔ̃a li, nɛ lɛ dĩ́lĩ́ fala tɛ lɛ.

1 TIMOTE 6:9

Nɛ nde owinɔ kɛ wa fa we hɔ wi kpamɔ ni, sila wa ma ɔkɔlɔ sɛ wa, nɛ wa te sɛ li bili 'da Satana we 'dã wɔnɔ kɔ sila wa kpi do kpi kɛ li zuma nɛ bina ni. Nɛ o'dã wɔnɔ ni ma 'danga wa, nɛ ma tombo wa dɛ li fio.

TITO 3:3

Mba gɔ, zi dati, lɛ zi tɛ mɛ 'bɔ a oyɔnda wi, Owi nga zu. Lɛ yɔa zi wala, nɛ lɛ zi a ngbá 'da wɔ kɔ kili tɛ lɛ, do mɛnɔ kpi do kpi kɛ ma hã zi yangga hã lɛ ni. Lɛ zi a o'dã wi, Owi dɛ bɔnɛ dia mɔ mɔ ngba lɛ. Lɛ sɛnɛ zi ongba lɛ, nɛ wa sɛnɛ tɛ mɛ 'bɔ lɛ.

1 PETRO 1:14

Nɛ zélé nu Gale ɔ nɛ kɛ obe wa zele do nu baa wa ni. Nɛ nɛ tɛ kɔ̃̀ 'bɔ gɛnɛ o'dã wɔ kɔ kili tɛ nɛ, kɛ nɛ zi do ma dati kɛ nɛ tɛ ĩ̀ ti Dia Sakoe 'da Yezu Kristo gɔ ni gɔ.

2 PETRO 2:14

Gbali wa kɛnggɛlɛ tati a owuko ndumbanɔ we fa wa, nɛ wɔ tɛ 'dã mɔ é kɔ sila wa fala kpo gɔ. Wa ɔkɔlɔ winɔ kɛ sila wa ngàndà gɔ ni, nɛ wa fi wa kɔ 'dã mɔ. Wɔ mbili gã kɔ sila wa wena. Nɛ nde Gale fɔmba wa ia.

2 PETRO 2:18

Wa tɔ̃ oyia lɛnggɛ we dɔnggɔ tɛ wa hã winɔ. Nɛ wa yamba we ɔlɔ winɔ kɛ wa hɔa nza kɔ Owi dɛ 'dã mɛnɔ, nɛ wa kifi sila wa 'da kala gɔ ni, nɛ wa fa na, winɔ ni wa dɛ 'dã mɛnɔ kɛ wɔ zã wa tombo wa we nɛ ni.

1 YOANƐ 2:16

Mba gɔ, omɛnɔ nù gɛ vɛ́ kɛ owinɔ wa dɛ wɔ tɛ nɛ, tabi wa zɔ ma, nɛ wa 'bã ma, tabi kpamɛnɔ nù gɛ kɛ wa dɛ wali nɛ ni, mɛnɔ ni vɛ̃ ma yòlò 'da Baa lɛ Gale gɔ, nɛ nde ma yula dɛ ngɔ nù gɛ iko.

1 YOANƐ 2:8

Gɛnɛ kɔ ní, nɛ nde mbula kɛ mi kɔma hã nɛ gɛ, mɛ a mbé mbula. Dɛa mɔ tɛ Yezu, do kɛ 'da nɛ, ma be na, mbula ni a gbãlã we. Mba gɔ, tũ fala tɛ la nɛ, nɛ ngbongbo sa fala ma ngɔ sa dɛ do tũ fala ni.