EFƐZƐ 2:2 - WE NU GALE 1995

² Nɛ yɛnggɛ zi do li 'dã wala ɔ nɛ kɛ owinɔ nù gɛ wa yɛnggɛ ni. Nɛ nɛ zi 'dɔkɔlɔ nwa ngɔ o'dã hi winɔ kɔ bũi sanga li ngɔ gɛ. Nɛ tia do sɔɛ gɛ, 'dã hi wi ni 'bana dɛ to sanga owinɔ kɛ wa bɛa gɛnɛ we nu Gale ni.

EFƐZƐ 2:2 Iomraidhean Croise

YƆBƆ 1:16

Kɔ wi toe ni 'bana tɔ̃ tɔ̃a iko, nɛ mbé nɛ le 'bɔ, nɛ a na: “Kolo ua dã li nza i, nɛ ma kala obatanɔ 'da mɔ, do Owi zɔ mɔ tɛ wa, nɛ ma ngutu wa vɛ̃. Nɛ mi zu mi kpo a mi kpasa, hã mi tɛa we tɔ̃ 'da nɛ hã mɔ.”

YƆBƆ 1:19

nɛ gba bũ kamba yula li go i, nɛ ma gbini 'bolo zã tɔa nalɛ nɛ Nɛ tɔa gbɛsa dɛ ngɔ wa, nɛ wa fe. Nɛ mi zu mi kpo a mi kpasa, hã mi tɛa we tɔ̃ 'da nɛ hã mɔ.”

YƆBƆ 1:7

Nɛ NWA aka a na: “Mɔ yula do nde?” Nɛ Satana gese na: “Mi ngbala sɔ mbe nyanga mi dɛ ngɔ nù i we soko ma.”

YƆBƆ 31:7

Mi ɛlɛ tɛ mi ngɔ wala 'da Gale, tabi mi ba wɔ tɛ mɔ kɛ mi zɔa, tabi mi dɛ 'dã mɔ nde,

Zumanɔ 17:14

Aa nwa, mɔ bá du kɔya 'da mɔ hã mɔ gbɛ́ do wa. Mɔ mbítí wa ngɔ nù gɛ do'do. Mɔ hã etumbui mɔ usu ma we wa ni hã wa. Nɛ mɔ hã́ ma gã wena, nɛ ma kpa kɔ̃ obe zã wa do obe yaa wa.

Ezai 30:1

NWA Gale tɔ̃a na: “'Bako do nɛ, owi zɔ mɔ tɛ obe Israɛlɛ, we kɛ nɛ bɛ̃a we nu mi. Nɛ 'dafa mɛnɔ kɛ ma yòlò nu mi gɔ ni, nɛ nɛ dɛ ma. Nɛ gba tɔkɔ do ogele wele, nɛ nde mi wèlè nu mi tɛ ma gɔ. Na mɛ ni, nɛ tɛ dɛ 'dã mɔ 'do ngbɛ ɛ do 'do ngbɛ ɛ.

Ezai 57:4

Wi kɛ nɛ 'bã nu nɛ gã wena, nɛ nɛ mɔmɔ a, nɛ nɛ yɛfɛ lɛfɛ nɛ hã a ni, wi a wio nde? Nɛ a Owi dɛ nga zu, Owi tɔ̃ bɛlɛ.

Yeremi 23:10

Nùi ma dunu do owinɔ, kɛ wa yɛnggɛ 'dɔkɔlɔ ogele galenɔ ɔ nɛ owuko ndumba ni. Tɛ wa gbɛngɛ we dɛ 'dã mɔ iko, nɛ kili mbula bá wa gɔ. Gulu nɛ a nùi ma dunu do 'bako, nɛ dia wɔkɔsɔnɔ ma kula vɛ̃ ni.

OZE 10:9

NWA tɔ̃a na: “Ndo do 'da fala oyaa obe Israɛlɛ wa dɛa zi 'dã mɔ dɛ 'da mi tɛ Gibea i ni, gbaa we hɔ sɔɛ gɛ, obe zã wa wa là fala dɛ 'dã mɔ dɛ 'da mi gɔ. Ma kɛ bolo ma gbanga sɛ wa dɛ kɔ le Gibea ni ngboo.

MATIE 11:19

Kɔ mi Be 'da Wele, mi hɔa, nɛ mi nyɔngɔ mɛnɔ vɛ̃ nyɔnga, nɛ mi nɔ 'bɔ dɔ̃ nɔa, nɛ wa tɔ̃a na: ‘Nɛ zɔ́ wi gɛ a lengge nyɔngɔ mɔ do nɔ dɔ́ iko, nɛ a ba 'bia do Owi futa takonɔ, do o'dã winɔ!’ Nɛ nde winɔ wa zɔa dɛa tonɔ 'da Gale, nɛ wa ĩ na, hã zã 'da a mɛ a gbãlã we hã zã.”

MATIE 13:22

Nɛ wi kɛ a ɔ nɛ nùi, kɛ kpalɛ ala tɛ nɛ dɛ sanga nyaka tɛ̃ ni, wi a wele kɛ a zele Dia Sakoe de wena, nɛ wɔ mɛnɔ nù gɛ, do yangga kpamɛnɔ kɛ ma ɔlɔ winɔ ni, ma busu ma kɔ sila a do'do, nɛ nde ma dɛ́ to gɔ.

MATIE 13:38

Nɛ fɔɛ, mɛ a nùi gɛ. Nɛ dia kpalɛ, wi a Owi kɔ le nwa 'da Gale. Nɛ 'dã wɔkɔsɛ, wi a owinɔ 'da Satana.

MARKO 4:19

nɛ wɔ mɛnɔ nù gɛ, do yangga kpamɛnɔ kɛ ma ɔlɔ winɔ ni, do wɔ kɔ kili tɛ wi kpi do kpi, ma kɔ sila wa, nɛ ma busu Dia Sakoe do'do, nɛ nde ma dɛ́ to gɔ.

LUKA 16:8

Kɔ wi kpamɛ ni nɛa we zɔ ni, nɛ a dɔnggɔ kapita wi zũi ni, we duzu hã zã 'da a. Mba gɔ, o'dã winɔ ngɔ nùi gɛ, wa ĩ ti dɛ mɔ hã zã dɛ sanga tɛ ngba wa nɛa ngɔ owinɔ 'da Gale.”

LUKA 22:31

Nɛ 'do nɛ, nɛ Yezu tɔ̃ hã Petro na: “Simɔ, Simɔ, mɔ ĩ́ na, Satana kpa ngawi, takɔ a pɛpɛ nɛ, ɔ nɛ kɛ wa pɛpɛ do gbãlã mɔ, we gɔnɔ sanga kɔa kɛ do gbãlã kɛ ni.

YOANƐ 12:31

Ngangga ni, Gale nɛ 'bili we 'da winɔ ngɔ nù gɛ, nɛ a ndaka sɛ Satana, nwa ngɔ nùi gɛ do'do.

YOANƐ 13:2

Yezu zi do Owi yambala mɛnɔ 'da a tɛ nyɔngɔ mɔ. Mɛ ni nɛ nde Satana fi zi linggamɔ kɔ zã Yudasi, be 'da Simɔ Iskariɔtɛ na, a 'dɔlɔ Yezu ia.

YOANƐ 13:27

Kɔ Yudasi nɛa we ba gbini mapa ni, nɛ Satana le kɔ a do ti. Nɛ Yezu tɔ̃ hã a na: “Mɛ mɔ nɛ dɛ nɛ ni, mɔ dɛ́ ma dɔ̃!”

YOANƐ 14:30

Mi wélé sɛ 'bɔ mbé we hã nɛ wena gɔ, we kɛ Satana, nwa ngɔ nùi gɛ tɛ tɛ nɛ. Nɛ nde a do ngawi kpo ngɔ gɛlɛ mi bina.

YOANƐ 15:19

Ɔ do kɛ nɛ sɔ a owinɔ nù gɛ, nɛ owinɔ nùi gɛ wa kɔ̃ sɔ gɛnɛ nɛ, we kɛ nɛ a winɔ 'da wa. Nɛ nde mi saka zi nɛ, nɛ mi kala nɛ sanga wa do'do, nɛ nɛ 'bɔ a winɔ 'da wa gɔ, ma kɛ winɔ nùi gɛ wa sɛnɛ nɛ ni.

YOANƐ 16:11

Wa ĩ̀ ti gulu 'bili we 'da Gale gɔ, we kɛ Gale 'bili we 'da Satana, nwa ngɔ nùi gɛ ia.

YOANƐ 7:7

Winɔ nù gɛ, wa wè tɛ sɛnɛ nɛ gɔ, nɛ nde wa tɛ sɛnɛ mi, we duzu kɛ mi be dɛ nza na, mɛnɔ wa dɛ ni, ma dè gɔ.

YOANƐ 8:23

Nɛ Yezu gese hã wa na: “Nɛ a Owi ngɔ nù gɛ, nɛ nde kɛ 'da mi, mi yula li nza i.

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

Owi Nɛ Tonɔ 19:35

Nɛ 'do nɛ, nɛ wi kɔmɔ mbɛtinɔ kɔ le ni tɛa, nɛ a ga winɔ tɛ tɔ̃ na: “Nɛ, Oefɛzɛ, nɛ ĩ vɛ na, gã le Efɛzɛ a ma fɔmɔ tɔa sambala 'da gale Artemisi, do hi a kɛ ma yula ngɔ i, nɛ ma te dɛ nù nga ni.

Owi Nɛ Tonɔ 5:3

Nɛ Petro tɔ̃ hã Ananiasi na: “Ananiasi, gulu kɛ Satana 'danga sila mɔ, nɛ mɔ 'bili bɛlɛ hã Hi Wi Santo, nɛ mɔ usu mbe nu mbili fɔɛ kɔ tɔa 'da mɔ i, nɛ mɔ tɔ̃ na, mbili fɔɛ 'da mɔ vɛ hã ni we ge nde?

ROMA 12:2

Nɛ tɛ bà dɛa mɔ tɛ winɔ ngɔ nùi gɛ gɔ, nɛ nde nɛ há wala hã Gale na, a kifi linggamɛnɔ 'da nɛ, kɔ nɛ hɔ ombé wele. Na mɛ ni, nɛ nɛ ĩ sɛ ti mɛnɔ kɛ zã Gale kɔ̃a ni. Mɛ a mɛnɔ kɛ ma a dia, nɛ ma dɛ yangga tɛ̃a, nɛ ma wia ngboo ni.

1 KORINTƐ 5:10

Nɛ nde mi sà zi a li paganɔnɔ, kɛ wa dɛ mɔ sape, tabi wa dɛ wɔ tɛ mbili, tabi wa zũ mɔ, tabi wa dɔnggɔ okpikimanɔ ni gɔ. Mi tɔ̃ sɔ ní, nɛ ma wia sɔ na, nɛ fo tɛ nɛ ngɔ nùi gɛ do'do.

1 KORINTƐ 6:11

Nɛ ombe sanga nɛ ni, wa dɛ zi 'dã mɛnɔ ni dɛa. Nɛ nde Gale fua ku'da 'dã mɛnɔ 'da nɛ ia, nɛ a dɛa na, nɛ hɔ owinɔ 'da a, nɛ nɛ hɔ owi bɔlɔ zu li a. A dɛa ni do wala 'da Hi Wi 'da a, do zu li Nwa Yezu Kristo.

2 KORINTƐ 4:4

Owinɔ ni wa kɔ̃̀ zu li Gale gɔ, we kɛ 'dã gale ngɔ nùi gɛ, a bi gbãlã zã wa do'do. A dɛa na, dɔ wa zɔ́ tɛlɛ tɛ kɛ Dia Sakoe yele ngɔ nùi gɛ, nɛ ma be dɔ̃lɔ̃ li 'da Kristo, kɛ a ba tɛlɛ tɛ Gale ngboo ni gɔ.

GALATI 1:4

Kristo fia zi we 'dã mɛnɔ 'da lɛ, takɔ a fo lɛ ti ngawi 'da 'dã mɛnɔ ngɔ nù gɛ. A dɛa ni do kɔ̃a zã 'da Baa lɛ Gale.

EFƐZƐ 1:21

Gale ia Kristo ngɔ ohi winɔ li ngɔ gɛ vɛ, kɛ wa a onwa, tabi ogã wi, nɛ wa do ngawi wena ni. Nɛ a ia li zu a, nɛ li ni nɛa ngɔ li gã winɔ vɛ kɛ li wa dɔ̃lɔ̃ sɔɛ gɛ, do ngba soenɔ ma tɛ sɛ ni.

EFƐZƐ 2:11

Nɛ, winɔ kɛ nɛ a Oyuda gɔ ni, Oyudanɔ wa sa li nɛ na omanda'ba. Wa tɔ̃ ní, we kɛ wa zɔ tɛ wa na, wa a owinɔ 'da Gale we gaza wa nɛa ni. Nɛ nde gaza ma dɛ ndala tɛ wele iko. Kɔ nɛ lénggé tɛlɛ tɛ kɛ nɛ zi do ma dati ni.

EFƐZƐ 2:13

Nɛ nyɛla zi do Gale wena, nɛ nde ngangga gɛ, nɛ mba kpo do Yezu Kristo, nɛ nɛ kɔla do Gale we duzu fie 'da Kristo.

EFƐZƐ 2:3

Lɛ vɛ, lɛ ɔ zi tɛ mɛ 'bɔ nɛ wa ni. Lɛ dɛ zi mɛ kɛ sila lɛ tombo lɛ we dɛ ma ni. Nɛ lɛ nɛ zi 'dɔkɔlɔ 'dã wɔ kɔ zã lɛ, do 'dã linggamɔ kɔ sila lɛ iko. Gulu nɛ a zã Gale nɔ̃lɔ̃ zi dɛ tɛ lɛ, ɔ nɛ kɛ ma nɔ̃lɔ̃ zi dɛ tɛ ogele winɔ ni.

EFƐZƐ 4:17

Ma a mi tɔ̃ hã nɛ, nɛ mi dala nu mi do zu li Nwa na: Nɛ tɛ dɛ̀ mɔ tɛ nɛ ɔ nɛ opaganɔnɔ, kɛ wa ĩ̀ ti Gale gɔ, nɛ wa nɛ 'do yia linggamɛnɔ 'da wa iko ni gɔ.

EFƐZƐ 4:22

Kɔ nɛ lá fala ã dɛa mɔ tɛ nɛ, kɛ nɛ zi do ma 'da fala kɛ nɛ tɛ hɔ̀ zi winɔ 'da Kristo gɔ ni. Ã dɛa mɔ tɛ nɛ ni, ma hã 'dã wɔ hã nɛ, nɛ ma ɔlɔ nɛ, nɛ ma 'danga nɛ.

EFƐZƐ 5:6

Dɔ wele ɔ́lɔ́ nɛ do lɛnggɛ bɛlɛ gɔ. Nɔ̃lɔ̃ zã 'da Gale ma te sɛ ngɔ Owi bɛ gɛnɛ a, we duzu 'dã mɛnɔ ni.

EFƐZƐ 5:8

Mba gɔ, nɛ zi a kɔ gba tũ, kɔ ngangga ni, nɛ mba kpo do Nwa, nɛ nɛ hɔa kɔ sa fala. We duzu ma, nɛ dɛ́ mɔ tɛ nɛ ɔ nɛ kɛ 'da owinɔ wa kɔ sa fala ni.

EFƐZƐ 6:12

We kɛ lɛ bí bole do Owele ɔ nɛ lɛ gɛ gɔ, nɛ nde lɛ bi do ohi winɔ kɛ wa do ngawi, nɛ wa a onwa do ogã wi ngɔ gba tũi, do o'dã hi winɔ kɛ wa yɛnggɛ do kɔ gba kuti ni.

KƆLƆSƐ 1:21

Nɛ nɛ tɛ mɛ 'bɔ, nɛ nyɛlɛ zi do Gale wena. Nɛ zi a Owi sɛnɛ Gale, we kɛ dɛa mɔ tɛ nɛ do linggamɛnɔ 'da nɛ, ma dè zi gɔ.

2 TIMOTE 4:10

Mba gɔ, Demasi yu mi do'do, we kɛ wɔ tɛ mɛnɔ nù gɛ ma gã kɔ sila a wena, kɔ a la dɛ Tɛsalonikɛ. Nɛ Krɛsansɛ la dɛ Galati, nɛ Tito la dɛ Dalmati.

ZAKE 1:27

Ngbongbo dɔnggɔ wi kɛ Baa lɛ Gale kɔ̃a gɛnɛ nɛ ni, mɛ a kɛ na, mɔ gálá obe gula, do Owi fio wili kɔ ngamɛnɔ 'da wa. Nɛ mɔ fɔ́mɔ́ sila mɔ wele nɛ na, dɔ 'dã mɛnɔ nù gɛ 'dángá ma gɔ.

ZAKE 1:7

Wi ba kafi ni tɛ lènggè na, Nwa a hã sɛ mɔ hã ɛ gɔ,

ZAKE 4:4

Nɛ, winɔ kɛ nɛ kɔ̃̀ gɛnɛ Gale ngboo gɔ gɛ, nɛ ĩ̀ na, wi kɛ a kɔ̃ gɛnɛ omɛnɔ nùi gɛ, nɛ nde a a wi sɛnɛ Gale ni gɔ nde? Wi kɛ a kɔ̃ gɛnɛ omɛnɔ nù gɛ ni, a hɔa wi sɛnɛ Gale ia.

1 PETRO 1:14

Nɛ zélé nu Gale ɔ nɛ kɛ obe wa zele do nu baa wa ni. Nɛ nɛ tɛ kɔ̃̀ 'bɔ gɛnɛ o'dã wɔ kɔ kili tɛ nɛ, kɛ nɛ zi do ma dati kɛ nɛ tɛ ĩ̀ ti Dia Sakoe 'da Yezu Kristo gɔ ni gɔ.

1 PETRO 4:3

Mba gɔ, zi dati, nɛ nɛ 'danga kɔ̃ tũnɔ 'da nɛ wena tɛ dɛ mɛnɔ kɛ opaganɔnɔ wa kɔ̃a we dɛ ma ni. Nɛ dɛa zi vĩ zu dɛa mɔ, nɛ nɛ kɔ̃a zi gɛnɛ mɔ sape do bá dɔ̃. Nɛ nɔa zi dɔ̃, nɛ nɛ nyɔngɔ mɔ do nga'ba wena, nɛ nɛ mba zi do opaganɔnɔ ni, nɛ nɛ dɔngga okpikimanɔ, kɛ ma hã sape wena ni.

2 PETRO 2:14

Gbali wa kɛnggɛlɛ tati a owuko ndumbanɔ we fa wa, nɛ wɔ tɛ 'dã mɔ é kɔ sila wa fala kpo gɔ. Wa ɔkɔlɔ winɔ kɛ sila wa ngàndà gɔ ni, nɛ wa fi wa kɔ 'dã mɔ. Wɔ mbili gã kɔ sila wa wena. Nɛ nde Gale fɔmba wa ia.

1 YOANƐ 3:10

Nɛ zɔ́ mɛ kɛ ma gɔnɔ sanga benɔ 'da Gale, do benɔ 'da Satana ni, ma kɛ: Wi kɛ a dɛ́ bɔlɔ zu dɛa mɔ gɔ, nɛ a kɔ̃̀ 'bɔ gɛnɛ onya a gɔ ni, a a be 'da Gale gɔ.

1 YOANƐ 3:8

Nɛ wi kɛ a 'bana tɛ dɛ 'dã mɔ fai ni, a a wi 'da Satana. Mba gɔ, Satana ndua zɛ́ dɛ 'dã mɔ yolo do gulu. Nɛ nde Be 'da Gale tɛa we gbɛ dɛa to 'da Satana.

1 YOANƐ 4:4

Kɛ 'da nɛ benɔ 'daa, nɛ a winɔ 'da Gale, nɛ nɛ nɛa ngɔ owinɔ wa gba do nu Gale do bɛlɛ ni. Mba gɔ, Hi Wi Santo kɔ nɛ ni, a nganda nɛa ngɔ hi wi kɔ owi nùnɔ.

1 YOANƐ 5:19

Lɛ ĩ na, lɛ a benɔ 'da Gale, nɛ tala winɔ nù gɛ vɛ, wa 'bana ti ngawi 'da Satana.

1 YOANƐ 5:4

Wi kɛ a a be 'da Gale ni, a wia we nɛ ngɔ 'dã mɛnɔ nù gɛ. Nɛ mɛ ma hã ngawi hã lɛ na, lɛ nɛ ngɔ 'dã mɛnɔ ni, mɛ a kɔ̃a we kɛ lɛ kɔ̃a do zu li Yezu ni.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 13:14

Nɛ a ɔlɔ owinɔ ngɔ nù gɛ do gba sɔ̃ mɛnɔ, kɛ wa hã wala hã a we dɛ ma dɛ li kuti sa'de sɔ ni. Nɛ a ba nu a hã winɔ na, wa dɛ hi sa'de kɛ wa dumu zi a do du kɔya na a fe, nɛ a fè gɔɛ ni, hã wa dɔnggɔ ma.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 16:17

Nɛ sambo anzɛ sulu ngamɛ kɔ bila kɔ̃ a ni dɛ zã bũi. Nɛ wala gɛlɛ wele wila nganda wena tɛ kpongbo nwa kɔ tɔa Tɛmpɛloe i na: “Ma ia wá ia!”

USU MƐNƆ 20:2

Nɛ a ba gba sɔ̃ sa'de, ã gɔ̃ɛ zɛ́ belee kɛ li a a Zabulu tabi Satana ni, nɛ a ɛnzɛ a do dɔkpɛ, takɔ a ɔ do ma we sabɛlɛ koto kpo.