EFƐZƐ 2:16 - WE NU GALE 1995

¹⁶ Fie 'da Kristo ngɔ finda te, ma fua sɛnɛmɔ vɛ, nɛ ma mba li nu fɛlɛ kulanɔ bɔa nɛ na, wa hɔ kili tɛ wele kpo, nɛ ma 'dafa dɛa na sanga winɔ do Gale dɛ olo nɛ.

EFƐZƐ 2:16 Iomraidhean Croise

ROMA 5:10

Mba gɔ, zi dati lɛ zi a Owi sɛnɛ Gale, nɛ nde ngangga ni, Gale 'dafa dɛa na do lɛ, do wala fie 'da Kristo, Be 'da a. Kɔ ɔ nɛ kɛ sanga tɛ ngba lɛ ma dia ia ni, ma be tɛ mɛ 'bɔ na, Gale a kpasa sɛ lɛ do wala 'da Kristo, kɛ a za'da nza kɔ fio, nɛ a do kpasi ni.

ROMA 6:6

Lɛ ĩ na, Gale gbɛa ã dungi 'da lɛ zi ni ngɔ finda te fala nɛ kpo do Kristo, takɔ 'dã dɛa mɔ tɛ lɛ ma sɔkpɔ, nɛ lɛ tɛ ɔ̀ 'bɔ ngbá 'da 'dã mɔ gɔ.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

ROMA 8:7

Mba gɔ, wi kɛ a fa mɛ kɛ kifi tɛ a do wɔ nɛ ni, a a wi sɛnɛ Gale, we duzu kɛ a dɛ́ mbulanɔ 'da Gale gɔ, nɛ a 'bɔ do ngawi dɛ ma bina.

1 KORINTƐ 10:17

Nɛ́ kɛ lɛ nyɔngɔ mapa kpo ni, gɛnɛ kɔ lɛ dɛlɛ wena, nɛ nde lɛ vɛ lɛ hɔa kili tɛ wele kpo, we duzu mapa kpo ni.

GALATI 2:20

Wi do kpasi, wi a mi gɔ, nɛ nde Kristo a kpasa kɔ mi. Kpasi kɛ mi do ma ngangga gɛ, mi do ma we kɔ̃a we kɛ mi kɔ̃a do zu li Be 'da Gale, kɛ a kɔ̃a zi gɛnɛ mi wena, nɛ a fia we mi ni.

EFƐZƐ 2:15

A gbɛa mbula 'da Oyudanɔ kɛ ma kɛa zi sanga wa do ogele winɔ ni, nɛ a 'dafa dɛa na sanga wa, nɛ a mba li wa bɔa nɛ dɛ kɔ a, nɛ wa hɔa wele kpo.

EFƐZƐ 3:6

Usu linggamɛ ni ma kɛ: Dia Sakoe ma dɛa na, ogele winɔ wa kpa de mɛ 'da Gale fala nɛ kpo do Oyudanɔ. Wa bɔa nɛ, wa hɔa wele kpo, nɛ wa wia tɛ kpa mɔ do mbuli kɛ Gale kpua zɛ́ ma hã owinɔ 'da a do wala 'da Yezu Kristo ni.

EFƐZƐ 4:4

Lɛ Owi Kristonɔ vɛ, lɛ a kili tɛ wi kpo, nɛ lɛ kpa 'bɔ Hi Wi Santo kpo. Nɛ lɛ gbini zã lɛ do kpo dia mɛ kɛ Gale kpua zi do mbulu nɛ hã lɛ 'da fala kɛ a sa zi do mɔ hã lɛ ni.

KƆLƆSƐ 2:14

Zi dati, lɛ tia zi do ngbangga, we duzu kɛ lɛ bɛ̃a zi mbula 'da Gale. Nɛ nde Gale fua ngbangga ni zu lɛ do'do. Ma ɔ nɛ kɛ a ba mbɛti ku'da zu lɛ ni, nɛ a gbɛa ma ngɔ finda te 'da Kristo ni.

KƆLƆSƐ 3:15

Kɔ ma wia na, dɛa na kɛ Kristo hã ma ni 'dafa dungi 'da nɛ. We duzu kɛ Gale sa mɔ hã nɛ na, nɛ mba vɛ, nɛ nɛ hɔ kili tɛ wi kpo, nɛ nɛ dɛ na sanga tɛ ngba nɛ. Nɛ nɛ hã̀ 'bɔ iɔ̃nae hã a Gale.