EFƐZƐ 2:12 - WE NU GALE 1995

¹² Nɛ ĩ̀ zi ti Kristo gɔ, nɛ nɛ zi sanga winɔ kɛ Gale saka wa ni bina. Nɛ zi kɔ gba tɔkɛ kɛ Gale gba ma do owinɔ 'da a olo mbuli kɛ a kpua zi ma ni bina. Nɛ dungu zi ngɔ nù gɛ, nɛ nde fo zi de mɔ kɛ nɛ wia tɛ gbini zã nɛ do ma ni bina, nɛ nɛ ĩ̀ zi ti Gale gɔ.

EFƐZƐ 2:12 Iomraidhean Croise

Ndo Nyanga Dɛ Mɔ 15:18

Do ngba soe ni, nɛ NWA gba tɔkɔ do Abrama, nɛ a na: “Mi hã sɛ nùi gɛ hã obe zã mɔ, yolo tɛ nu fua lì ngɔ nù Ezipeto, gbaa we hɔ tɛ nu gba lì Efratɛ.

2 Sakonɔ 15:3

Ma la zɛ́ sabɛlɛ dɛlɛ wena, obe Israɛlɛ wa sámbálá zi Gale 'da wa ngboo ni gɔ. Nɛ onganga zi we be we 'da Gale hã wa bina, nɛ wa dɛ́ zi 'bɔ mbula 'da a gɔ.

Ɛsdrasi 4:3

Nɛ Zorobabɛlɛ, do Yesua, do ombe gele kpasa wi nu fɛlɛ kulanɔ 'da Oisraɛlɛ, wa gisa hã wa na: “Lɛ kɔ̃̀ na, nɛ gala lɛ we dɛ to Tɛmpɛlo hã Gale 'da lɛ gɔ. Lɛ zu lɛ kpo, lɛ dɛ sɛ ma, we kɛ mɛ sɛ a Tɛmpɛlo 'da NWA Gale 'da lɛ. Sirusi, gã nwa ngɔ nù Pɛrsɛ do tɛ̃ a hã 'bɔ nu a ní.”

Kulu Tɔa 12:45

Gele wi kɛ a ɔ dɛ kɔ le 'da nɛ, tabi wi dɛa to mbili, wa wè tɛ nyɔngɔ mɔ ɛngga ni gɔ.

Ezai 14:1

NWA a ĩ sɛ 'bako hã obe Israɛlɛ, nɛ a saka sɛ 'bɔ wa do owinɔ 'da a. A gese sɛ wa dɛ ngɔ nùi 'da wa, nɛ ogele winɔ wa le sɛ kɔ wa, nɛ wa dɛ na do wa.

Ezai 44:6

NWA ngɔ mɔ nyanga nza vɛ̃, kɛ a kpasa nɛ, obe Israɛlɛ, nɛ a kpe dati nɛ ni, a tɔ̃a na: “Gale wi a mi zu mi kpo. Mi a Gale kɛ mi ndua zi mɛnɔ vɛ̃, nɛ mi a mi Sɔkpɔ sɛ ma vɛ̃. Fo gele gale olo mi bina.

Ezai 45:20

NWA Gale tɔ̃a na: “Aa nɛ, ogele winɔ, kɛ nɛ 'bana nza ni, nɛ mbá li ngba nɛ, nɛ nɛ tɛ we tɔ̃ ngbangga 'da nɛ. Nɛ, owinɔ kɛ nɛ ba kpikima galenɔ, nɛ nɛ yɛnggɛ do ma, nɛ nɛ sambala galenɔ kɛ wa wè tɛ kpasa nɛ gɔɛ ni, fo mɔ kpo zã zu nɛ bina.

Ezai 61:5

Aa nɛ, owinɔ 'da mi, ogele winɔ wa dɛ sɛ to hã nɛ. Wa zɔ sɛ mɔ tɛ osa'denɔ 'da nɛ, wa wa sɛ ofɔ, nɛ wa mi vinɔ hã nɛ.

Yeremi 14:8

Nɛ nde wi kɛ lɛ, obe Israɛlɛ, lɛ wia we gbini zã le do a ni, wi tati a mɔ zu mɔ kpo, we kɛ mɔ a wi kpasa lɛ kɔ ngamɔ. Kɔ gulu kɛ mɔ zɔ tɛ mɔ ngɔ nùi 'da lɛ ɔ nɛ kɛ mɔ a gele wi ni we ge nde? Gulu kɛ mɔ dɛ tɛ mɔ ɔ nɛ wi la wala, kɛ a ɛlɛ we fa fala ɔi iko ni we ge nde?

Yeremi 17:13

Aa NWA, mɔ a wi kɛ obe Israɛlɛ wa gbini zã wa do mɔ. Nɛ owanɔ wa la fala mɔ ni, wa kpa sɛ sape. Wa kumu sɛ ngɔ nù gɛ, nɛ wa bisi ɔ nɛ li wi kɛ wa kɔma ma ngɔ kɛnzɛ ni, we duzu kɛ wa la fala mɔ nwa, kɛ mɔ ɔ nɛ zu lì kɛ wa kpasa we nɛ ni.

EZEKIƐLƐ 13:9

Wa lé sɛ kɔ mba li ngba wi 'da obe Israɛlɛ gɔ. Nɛ wele kpá sɛ 'bɔ li wa kɔ 'buki kɛ wa kɔmɔ do li obe Israɛlɛ ni gɔ. Wa sí sɛ 'bɔ mbé nɛ dɛ ngɔ nùi 'da wa gɔ. Na mɛ ni, nɛ wa ĩ sɛ ngboo na, mi a NWA Gale.

EZEKIƐLƐ 37:26

Mi gba sɛ tɔkɔ do wa, nɛ mi hã sɛ gɛ̃a dungu hã wa fai. Mi 'dafa sɛ nùi 'da wa, nɛ wa ɔ sɛ dɛ ngɔ nɛ. Nɛ mi dɛ sɛ na, wa dɛlɛ wena. Nɛ mi zɔ sɛ mɔ tɛ Tɛmpɛloe 'da mi na, ma 'bana dɛ sanga wa fai.

EZEKIƐLƐ 47:22

Nɛ to sɛ zeke, sɛ nɛ nɛ gɔnɔ do sanga nɛ dɛ kɔ̃ ngba nɛ de. Nɛ ta zu nɛ tɛ èlè ngɔ ogɛnɛnɔ wa ɔ sanga nɛ, nɛ wa kua obe ni gɔ. Nɛ zɔ sɛ wa ɔ nɛ obe Israɛlɛ kɛ wa ɔ ngɔ nùi ni. Nɛ wa kpa sɛ tɛ mɛ 'bɔ 'bili tɛ nu mɔ wa fala nɛ kpo do nɛ, onu kpala Israɛlɛ.

OZE 3:4

Ma dɛ sɛ tɛ̃ ɛ kpasaa na mɛ ni we obe Israɛlɛ. Nwa do ogã wi sɛ ngɔ wa bina 'do dɔa kɔ̃ tũ. Wa zɔlɔ sɛ mɔ dɔnggɔ do Gale, do ota santonɔ, do mɛnɔ kɛ ma santo we aka do NWA Gale ni.

Tɔlɔ Mɔ 18:19

Nɛ mi hã mɛnɔ vɛ̃ kɛ obe Israɛlɛ wa tɛ do ma hã mi ɔ nɛ dɔnggamɔ kɛ ma santo ni hã nɛ. Ma sɛ fai a mɔ́ mɔ, do obulu benɔ 'da mɔ do oboko benɔ 'da mɔ. Kɛ gɛ mɛ a gba tɔkɔ kɛ mi gba do mɔ do obe zã mɔ, nɛ mi kpóló sɛ ma gɔ fai.”

LUKA 1:72

Ta zu a gba ngɔ mbulu santoe kɛ a kpua zi ma hã oyaa lɛ ni, nɛ a bia dia zã 'da a hã lɛ.

YOANƐ 10:16

Nɛ mi 'bɔ do gele obata kɛ wa kɔ ngbo bina ni. Kɔ ma wia na, mi kpe tɛ mɛ 'bɔ ti wa, nɛ mi a wa kɔ ngboe. Wa zele sɛ gɛlɛ mi, nɛ ngɔ gili batanɔ sɛ kpo, nɛ wi fɔmɔ wa kpo.

YOANƐ 15:5

“Mi a te vinɔ, nɛ nɛ a ogbakɔ̃ nɛ. Wi kɛ a 'bana dɛ kɔ mi, nɛ mi 'bana dɛ kɔ a ni, a ɔ nɛ gbakɔ̃ te kɛ ma wala nɛ ge nde ni. Kɔ fala kɛ mi 'bànà dɛ kɔ nɛ gɔ, nɛ nde nɛ wé sɛ tɛ dɛ mɔ kpo gɔ.

YOANƐ 4:22

Nɛ, Osamaria, nɛ ĩ̀ ti Wele kɛ nɛ dɔnggɔ a gɛ gɔ. Nɛ nde lɛ, Oyudanɔ, lɛ ĩ ti Wele kɛ lɛ dɔnggɔ a ni, we duzu kɛ wi kɛ a kpasa sɛ winɔ ni, a yula kɔ nu kpala Oyudanɔ.

Owi Nɛ Tonɔ 2:39

Mba gɔ, Nwa Gale 'da lɛ kpua zɛ́ mbuli gɛ hã nɛ do benɔ 'da nɛ, nɛ a kpo 'bɔ ma hã winɔ kɛ wa ɔ ndũu ni. A kpua ma hã winɔ vɛ̃ kɛ a sa sɛ mɔ hã wa ni.”

Owi Nɛ Tonɔ 28:20

Ma kɛ mi sa mɔ hã nɛ na, mi tɔ̃ gulu nɛ hã nɛ ni. Mba gɔ, wa ɛnza nu kɔ̃ mi do dɔkpɔnɔ gɛ, we duzu wi kɛ obe Israɛlɛ wa gbini zã wa do a na, a tɛ sɛ ni.”

Owi Nɛ Tonɔ 3:25

Nɛ nɛ, nɛ a onu fɛlɛ owi gba olo nu Gale. Nɛ nɛ 'bɔ a obe gba tɔkɔ kɛ Gale gba zɛ́ do oyaa nɛ, do 'da fala kɛ a tɔ̃a zɛ́ do we hã Abrahama na, ɛ wele sɛ nu ɛ tɛ gele nu fɛlɛ kulanɔ ngɔ nùi gɛ vɛ̃ do wala 'da obe zã mɔ ni.

ROMA 9:8

Ma kɔ̃a we tɔ̃ na, benɔ vɛ́ kɛ Abrahama kua zɛ́ wa ni, wa a benɔ kɛ Gale kpua mbulu hã wa ni gɔ. Nɛ nde wi tati a obenɔ kɛ Abrahama kua wa olo mbuli kɛ Gale kpua hã a ni, wa a wa hɔa ngbongbo benɔ 'da a li Gale.

GALATI 4:8

Zi dati, nɛ ĩ̀ zi ti Gale gɔ, nɛ nɛ zi a ngbá 'da ogalenɔ kɛ wa a ngbongbo Gale gɔ ni.

EFƐZƐ 2:19

We duzu ki ni, nɛ, owinɔ kɛ nɛ a Oyuda gɔ ni, nɛ 'bɔ a ogele wi, tabi ogɛnɛ gɔ. Nɛ hɔa wele le mba do owinɔ 'da Gale. Nɛ hɔa Owi nu fɛlɛ kula 'da Gale.

EFƐZƐ 4:18

Gbãlã zã wa bi do'do, nɛ wa kpá sɛ kpasi kɛ Gale hã ma ni gɔ, we kɛ wa ĩ̀ ti mɔ kpo gɔ, nɛ sila wa nganda do'do.

KƆLƆSƐ 1:21

Nɛ nɛ tɛ mɛ 'bɔ, nɛ nyɛlɛ zi do Gale wena. Nɛ zi a Owi sɛnɛ Gale, we kɛ dɛa mɔ tɛ nɛ do linggamɛnɔ 'da nɛ, ma dè zi gɔ.

KƆLƆSƐ 1:27

Gale kɔ̃a we be hã wa na, we a usu ma ni mɛ a dia mɔ kɛ ma gã wena, nɛ ma do dɔ̃lɔ̃ li wena, nɛ ma 'bɔ we ogele winɔ vɛ̃. Usu we ni mɛ a kɛ na Kristo ɔ kɔ nɛ, nɛ nɛ wia we gbini zã nɛ do a na, nɛ mba sɛ do a kpo kɔ dɔ̃lɔ̃ li 'da a.

KƆLƆSƐ 1:5

Kɔ̃a we do kɔ̃ gɛnɛ ngba wi 'da nɛ ni, ma nganda, we kɛ nɛ tɛ gbini zã nɛ do de mɛ kɛ ma 'bɔ 'da nɛ li nza i ni. Mba gɔ, kuti kɛ wa bia zi gbãlã we kɛ ma kɔ Dia Sakoe hã nɛ ni, nɛ nɛ zila zi we de mɛ kɛ nɛ wia we kpa ma olo nɛ ni.

1 TƐSALONIKƐ 4:13

Aa onyae, lɛ kɔ̃̀ na, nɛ yɔ ti mɛ kɛ ma dɛ sɛ owinɔ kɛ wa fia ia ni gɔ, dɔ nɛ dúngú do 'bako ɔ nɛ owinɔ kɛ wa gbíní zã wa do Gale gɔ ni gɔ.

1 TƐSALONIKƐ 4:5

Nɛ a tɛ nɛ̀ 'dɔkɔlɔ 'dã wɔ kɔ sila a ɔ nɛ opaganɔ, kɛ wa ĩ̀ ti Gale gɔ ni gɔ.

2 TƐSALONIKƐ 2:16

E kɔ Nwa 'da lɛ Yezu Kristo do tɛ̃ a, do Baa lɛ Gale kɛ a kɔ̃a zi gɛnɛ lɛ ni, wa kpãlã sila nɛ, nɛ wa hã ngawi hã nɛ we dɛ mɛnɔ do tɔ̃ wenɔ kɛ ma a dia ni. Gale bia dia zã hã lɛ, nɛ a dɛa na, lɛ ɔ do kpã sila kɛ ma é sɛ gɔ ni, nɛ lɛ gbini zã lɛ do a fai.

1 TIMOTE 1:1

Wi a mi Polo, wi nɛ toe 'da Yezu Kristo. Gale Wi kpasa lɛ, do Yezu Kristo kɛ lɛ gbini zã lɛ do a ni, wa a wa hã toe gɛ hã mi.

OHEBRE 11:34

nɛ wa bi gba nyɛa we, nɛ wa kpasa li tɔ̃a nu bolonɔ kɛ Owele wa bi do wa ni. Wa zɛ́ do ngawi bina, nɛ nde wa kpa ngawi, nɛ tɛ wa hãsã li bolonɔ, nɛ wa nɛa ngɔ ogele sodanɔ.

OHEBRE 6:18

Nɛ mbuli 'da Gale, do zonggo tɛ wi 'da a ma kífí sɛ gɔ, nɛ Gale káfá sɛ olo nu ɛ gɔ. Ki ni ma hã ngawi hã lɛ winɔ kɛ lɛ usu tɛ lɛ dɛ tambala kɔ̃ a ni na, lɛ 'bɔ 'da mbuli ni do sila lɛ kpo.

OHEBRE 8:6

Nɛ nde ngangga gɛ, Gale hã dɛa to hã Yezu, nɛ ma nɛa ngɔ kɛ 'da ogele nganganɔ wena. Yezu 'dafa mbé gba tɔkɔ sanga Gale do owele. Nɛ mbé gba tɔkɛ ni, ma dia la li ngele, we kɛ ma yolo dɛ ngɔ mbulunɔ kɛ Gale kpua, nɛ ma dia nɛ ge nde ni.

1 PETRO 1:21

Kɔ we duzu a, nɛ nɛ kɔ̃a zu li Gale, kɛ a tunu zi a kɔ fio, nɛ a hã dɔ̃lɔ̃ li hã a ni. Gale dɛa ni, takɔ nɛ ɔ do kɔ̃a we, nɛ nɛ gbini 'bɔ zã nɛ do a.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.

1 PETRO 3:15

Nɛ nde nɛ dɔ́nggɔ́ Kristo do kɔ sila nɛ, nɛ nɛ kɔ̃ gɛnɛ a nɛ́ Nwa 'da nɛ. Kɔ fala kɛ owele wa aka nɛ na, gulu kɛ nɛ ia sila nɛ ngɔ Gale we ge nde, nɛ nɛ tɛ dɛ̀ kili tɔ̃ gulu nɛ hã wa gɔ.

1 YOANƐ 3:3

Kɔ wi kɛ a gbini zã a do Yezu ni, ma wia na, a 'dafa tɛ̃ a we hɔ sa wi li Gale, ɔ nɛ kɛ Yezu a sa wi li a ni.