EFƐZƐ 2:11 - WE NU GALE 1995

¹¹ Nɛ, winɔ kɛ nɛ a Oyuda gɔ ni, Oyudanɔ wa sa li nɛ na omanda'ba. Wa tɔ̃ ní, we kɛ wa zɔ tɛ wa na, wa a owinɔ 'da Gale we gaza wa nɛa ni. Nɛ nde gaza ma dɛ ndala tɛ wele iko. Kɔ nɛ lénggé tɛlɛ tɛ kɛ nɛ zi do ma dati ni.

EFƐZƐ 2:11 Iomraidhean Croise

EZEKIƐLƐ 20:43

Nɛ tɛ ngɔ nùi ni, nɛ lengge sɛ mɔ ngɔ ã dɛa to tɛ nɛ kɛ ma la zi ni, do tɛlɛ tɛ kɛ nɛ dɛa zi na, nɛ hɔ owi ndi li mi ni. Nɛ nɛ sɛnɛ sɛ kili tɛ nɛ wele nɛ, we duzu 'dã mɛnɔ vɛ̃ kɛ nɛ dɛa zi ni.

EZEKIƐLƐ 36:31

Na mɛ ni, nɛ tɛ nɛ ma gba sɛ ngɔ 'dã dɛa to tɛ nɛ, do 'dã mɛnɔ kɛ nɛ dɛa zi ni. Nɛ zu nɛ ma dĩlĩ sɛ do sape olo gã 'dã mɛnɔ nɛ dɛa zi ni.

MATIE 20:7

Nɛ wa gese hã a na: ‘Wele ha to hã lɛ gɔ!’ Nɛ wi ni tɔ̃ hã wa na: ‘Ní, nɛ nɛ nɛ́ kɔ fɔ vinɔ 'da mi i!’

ROMA 11:17

Nu kɔnggɔ Oyuda wa ɔ nɛ te olivɛ kɛ wa mi ma mi ni. Nɛ Gale 'bili mbe gbakɔ̃ te ni do'do, nɛ a kala ogbakɔ̃ te olivɛ zamɔ, nɛ a kpɔ ma dɛ olo kɛnɔ a 'bili ni. Ogbakɔ̃ te olivɛ zamɛ ni, wi a nɛ, ogele winɔ kɛ nɛ ba fala olo Oyudanɔ, nɛ nɛ kpa ngawi kɛ ma yolo tɛ kɔ Hã te olivɛ ni.

ROMA 2:26

Kɔ fala kɛ gele wi kɛ a a manda'ba ni, a dɛ mbula, nɛ Gale zɔ́ sɛ a ɔ nɛ wi nɛ gaza gɔ nde?

ROMA 2:27

Nɛ manda'ba kɛ a a dɛ mbula dɛa ni, a fĩ ngbangga zu mɔ, be Yuda. Mba gɔ, mɔ do 'buku mbula boe, nɛ mɔ nɛa 'bɔ gaza nɛa, nɛ nde mɔ dɛ́ mbula ni gɔ.

1 KORINTƐ 12:2

Nɛ ĩ na, 'da fala kɛ nɛ 'bana zi opaganɔ ni, nɛ sila nɛ zi tɛ ɔkɔlɔ nɛ fai we dɔnggɔ okpikimanɔ kɛ wa wélé we gɔ ni, nɛ nɛ wè zi tɛ kunu sila nɛ gɔ.

1 KORINTƐ 6:11

Nɛ ombe sanga nɛ ni, wa dɛ zi 'dã mɛnɔ ni dɛa. Nɛ nde Gale fua ku'da 'dã mɛnɔ 'da nɛ ia, nɛ a dɛa na, nɛ hɔ owinɔ 'da a, nɛ nɛ hɔ owi bɔlɔ zu li a. A dɛa ni do wala 'da Hi Wi 'da a, do zu li Nwa Yezu Kristo.

GALATI 2:15

Kɛ 'da lɛ, lɛ a obe Yuda ngboo, lɛ a ogele winɔ, kɛ lɛ zɔ wa na, wa a owi dɛ 'dã mɛnɔ ni gɔ.

GALATI 6:12

Owinɔ kɛ wa hɛ̃lɛ̃ nɛ na, nɛ nɛ gaza ni, wi a owanɔ kɛ wa fa we be tɛ wa nɛ́ bɔlɔ zu wele li owinɔ ni. Wa dɛ ní na, da dɛ kɔ Owele wa zɛ́lɛ́ tɛ wa 'da fala kɛ wa be gulu we fie 'da Yezu ngɔ finda te ni gɔ.

EFƐZƐ 2:2

Nɛ yɛnggɛ zi do li 'dã wala ɔ nɛ kɛ owinɔ nù gɛ wa yɛnggɛ ni. Nɛ nɛ zi 'dɔkɔlɔ nwa ngɔ o'dã hi winɔ kɔ bũi sanga li ngɔ gɛ. Nɛ tia do sɔɛ gɛ, 'dã hi wi ni 'bana dɛ to sanga owinɔ kɛ wa bɛa gɛnɛ we nu Gale ni.

EFƐZƐ 5:8

Mba gɔ, nɛ zi a kɔ gba tũ, kɔ ngangga ni, nɛ mba kpo do Nwa, nɛ nɛ hɔa kɔ sa fala. We duzu ma, nɛ dɛ́ mɔ tɛ nɛ ɔ nɛ kɛ 'da owinɔ wa kɔ sa fala ni.

Mbulanɔ 15:15

Mba gɔ, tɛ nɛ tɛ èlè ngɔ kɛ na, nɛ zi a ngbá ngɔ nu Ezipeto, nɛ nwa fua nɛ kɔ nɛ ni gɔ. We duzu ki ni, ma kɛ mi hã mbula gɛ hã nɛ sɔɛ gɛ ni.

Mbulanɔ 16:12

Nɛ dɛ́ mbulanɔ gɛ vɛ̃, nɛ ta zu nɛ tɛ èlè na, nɛ zi a ongbá tɛ ngɔ nù Ezipeto i ni gɔ.

Mbulanɔ 5:15

Dɔ tɛ zu mɔ élé gɔ, mɔ zi a ngbá tɛ ngɔ nù Ezipeto, nɛ mi fua mɔ dɛ nza do ngawi 'da mi, kɛ ma la mɔ vɛ̃ ni. Ma kɛ mi NWA Gale 'da mɔ, mi ba nu mi hã mɔ na, mɔ dungu ɛngga do kɔ tũ ɔmɔ tɛ wi ni.

Mbulanɔ 8:2

Tɛ nɛ tɛ èlè ngɔ 'bu sabɛlɛnɔ nalɛ, kɛ nɛ yɛnggɛ zi do li gba zɔ̃ɛ gɛ ni gɔ. NWA kɔ̃a zi na, nɛ yɛnggɛ na mɛ ni, nɛ tɛ nɛ zɛlɛ, takɔ a yamba sila nɛ. A dɛa na mɛ ni, takɔ a ĩ ti linggamɛ kɔ sila nɛ ni, nɛ a ĩ 'bɔ na, nɛ dɛ sɛ mbulanɔ 'dɛ ɛ, tabi nɛ dɛ́ sɛ gɔ nde.

Mbulanɔ 9:7

“Nɛ tɛ nɛ tɛ èlè ngɔ tɛlɛ tɛ kɛ nɛ dɛa zi na, zã NWA Gale 'da nɛ nɔ̃lɔ̃ tɛ li gba zɔ̃ i ni gɔ. Yolo do ngba soe nɛ hɔa zi nza ngɔ nù Ezipeto gbaa we hɔ dɛ ni, nɛ là fala dɛ nga zu dɛ tɛ̃ a gɔ.

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

KƆLƆSƐ 1:21

Nɛ nɛ tɛ mɛ 'bɔ, nɛ nyɛlɛ zi do Gale wena. Nɛ zi a Owi sɛnɛ Gale, we kɛ dɛa mɔ tɛ nɛ do linggamɛnɔ 'da nɛ, ma dè zi gɔ.

KƆLƆSƐ 2:11

Kɔ nɛ́ kɛ nɛ mba kpo do Kristo ni, nɛ nɛa gaza ia. Gaza ni, mɛ a gaza kɛ owele wa a wa gɔna gɔ, nɛ nde mɛ a gaza kɛ Kristo hã a gɔna. Gulu nɛ na, a fua nɛ ti ngawi 'da 'dã wɔ kɔ sila nɛ.

KƆLƆSƐ 2:13

Zi dati, nɛ ɔ zi nɛ fio, we duzu 'dã mɛnɔ 'da nɛ, do we duzu kɛ nɛ zi a opaganɔ. Nɛ nde ngangga gɛ, Gale tunu nɛ kɔ fio fala nɛ kpo do Kristo, nɛ a fua ku'da 'dã mɛnɔ zu nɛ vɛ̃.

KƆLƆSƐ 3:11

Na mɛ ni, nɛ nde mɔ kɛ ma gɔnɔ sanga be Yuda do gele wi, tabi wi nɛ gaza do manda'ba ni bina. Nɛ wi kɛ a yàmbàlà mɔ gɔ, do wi kɛ a ĩ̀ ti mɔ wena gɔ, do ngbá, tabi wele le, wa vɛ wa wia kɔ̃ li Gale iko. We kɛ Kristo ngɔ mɛnɔ vɛ, nɛ a kɔ winɔ 'da a vɛ.

1 SAMUƐLƐ 17:26

Davidi aka osodanɔ kɛ zã a ni na: “Wi kɛ a gbɛ Filisti gɛ, hã a fo sape li obe Israɛlɛ ni, nɛ a kpa sɛ mɔ ge nde? Be Filisti gɛ, kɛ a a manda'ba iko, a wia we nɛ ngɔ osodanɔ 'da Gale wele kpasi nde?”

1 SAMUƐLƐ 17:36

Mi gbɛa ogbɔgbɔ do gele o'dã sa'denɔ, kɔ mi gbɛ sɛ tɛ mɛ 'bɔ be Filisti gɛ, kɛ a a manda'ba iko ni na mɛ ni. We duzu kɛ a dã osodanɔ 'da Gale wele kpasi ni.