EFƐZƐ 2:10 - WE NU GALE 1995

¹⁰ Gbãlã we, lɛ a mɔ do kɔ̃ Gale. A dɛa lɛ, nɛ a mba li lɛ kpo do Yezu Kristo, takɔ lɛ dɛ dia mɛnɔ kɛ a 'dafa zi dati belee na, lɛ dɛ ma ni.

EFƐZƐ 2:10 Iomraidhean Croise

Zumanɔ 100:3

Nɛ ĩ́ na NWA 'da lɛ, a a ngbongbo Gale ngboo. A dɛa lɛ, nɛ lɛ a owinɔ 'da a. A ɔ nɛ wi zɔ mɔ tɛ obata, nɛ lɛ a obata kɔ ba'de 'da a.

Zumanɔ 119:3

Wa dɛ́ 'dã mɔ fala kpo gɔ, nɛ wa dɛ mɔ tɛ wa nɛ́ kɛ zã NWA kɔ̃a ni.

Zumanɔ 138:8

Aa NWA, mɔ dɛ sɛ mɛnɔ vɛ̃ mɔ kpua mbulu nɛ hã mi ni. Kɔ̃a zã 'da mɔ ma 'bana sɛ kɔ sabɛlɛ do sabɛlɛ. Mɔ tɛ bɛ gɛnɛ lɛ owinɔ, kɛ mɔ dɛa lɛ do kɔ̃ mɔ ni gɔ.

Zumanɔ 51:10

Mɔ bé hã mi na, mɔ mbɔka mi, takɔ sila mi dunu do yangga. Mɔ hã zi zɛlɛ tɛ hã mi la li ngele, nɛ nde di dɔ́ ni, mi nɛ dɛ yangga.

Zumanɔ 81:13

Ma hã mi la nɛ na, nɛ dɛ mɔ nga zu, do mɔ yɔndanɔ nɛ́ kɛ zã nɛ kɔ̃a ni.

Ezai 19:25

Gale, NWA ngɔ mɔ nyanga nza vɛ̃, a wele sɛ nu a tɛ nùnɔ ni na: “Mi wele nu mi tɛ Oezipeto, owinɔ 'da mi, do tɛ Oasiri kɛ mi dɛa wa do kɔ̃ mi, do tɛ obe Israɛlɛ kɛ mi saka wa do mɔ́ mi ni.”

Ezai 29:23

Fala kɛ nɛ zɔ obenɔ kɛ mi hã sɛ wa hã nɛ na, nɛ ko wa ni, nɛ nɛ ĩ sɛ na, mi a Gale santo 'da nɛ, obe Israɛlɛ. Na mɛ ni, nɛ nɛ dɛ sɛ kili mi.

Ezai 43:21

Wa a owinɔ 'da mi, mi a mi dɛa wa. Wa dɔnggɔ sɛ mi do zuma.”

Ezai 43:7

Nɛ a owinɔ 'da mi ngboo, mi a mi dɛa nɛ vɛ̃. Mi dɛa nɛ we be dɔ̃lɔ̃ li 'da mi.”

Ezai 44:21

NWA Gale tɔ̃a na: “Aa nɛ, obe Israɛlɛ, ta zu nɛ tɛ èlè na, nɛ a Owi dɛa tonɔ 'da mi ni gɔ. Mi dɛa nɛ na, nɛ dɛ to hã mi, nɛ ta zu mi èlè ngɔ nɛ gɔ.

Ezai 60:21

Nɛ nɛ vɛ̃, nɛ dɛ sɛ mɔ do bɔlɔ nɛ, nɛ nɛ sɛ a wele nùi gɛ 'da fala fai. Mi a mi dɛa nɛ do kɔ̃ mi, takɔ nɛ be dɔ̃lɔ̃ li 'da mi. Na mɛ ni, nɛ gã sɛ de wena ɔ nɛ okpalɛ tɛ li fɔɛ 'da mi ni.

Ezai 61:3

nɛ mi hã yangga hã owi Sioni kɛ wa tɛ dungu gɛla ni. Mi kifi 'bakoe 'da wa do yangga, nɛ mi kifi 'bɔ zuma ala nui 'da wa do zuma dɔnggɔ NWA. Mi kpolo sɛ tulu gɛla 'da wa do tulu ɛngga. Wa ɔ sɛ nɛ odia te kɛ NWA do tɛ̃ a ngboo a mi ma ni. Wa dɛ sɛ mɔ vɛ̃ do bɔlɔ nɛ, nɛ wa hã sɛ dɔ̃lɔ̃ li hã NWA.

Yeremi 31:33

Mbé gba tɔkɛ mi gba sɛ do Oisraɛlɛ ni, ma sɛ nɛ́: Mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa, nɛ mi sɛ a Gale 'da wa, nɛ wa sɛ a owinɔ 'da mi.

MATIE 5:16

Kɔ ma wia na, nɛ nyɛ ɔ nɛ mwinda ni dati winɔ, takɔ wa zɔ de dɛa mɛ kɛ nɛ dɛ ni, kɔ wa dɔnggɔ Baa nɛ, kɛ a li nza i ni.

YOANƐ 3:21

Nɛ wele kɛ a dɛ bɔlɔ zu dɛa mɔ ni, a le kɔ sa fala, takɔ winɔ vɛ̃ wa zɔ mɛnɔ a dɛ we dɔnggɔ do Gale ni.”

Owi Nɛ Tonɔ 9:31

Do 'da fala nɛ ni, Owi kɔ̃a wenɔ tɛ ngɔ nù Yude, do Galile, do Samaria wa kpa zi dungu fio. Nɛ Hi Wi Santo hã ngawi hã wa na, wa dɛ kifi Nwa, nɛ wa dɛlɛ dɛ dati fai.

Owi Nɛ Tonɔ 9:36

Mbe wuko kɔ̃a we zi kpo tɛ le Yope, fi a a Tabita. (Tabita do nu Grɛkɛ a Dɔrka, gulu nɛ na Dɛngbɛ.) A gala zi Owi sãnɔ, nɛ a dɛ zi dia mɔ wena.

ROMA 8:1

Kɔ ngangga ni, Gale a 'bílí sɛ 'bɔ 'dã we dɛ zu winɔ kɛ wa mba kpo do Yezu Kristo ia ni gɔ.

ROMA 8:29

Mba gɔ, a ĩ ti wa zɛ́ belee, nɛ a saka zɛ́ wa na, wa we kɔ̃ do Be 'da a Kristo, nɛ Be 'da a ni, a ɔ kuti be sanga ogba dɛlɛ nya a.

1 KORINTƐ 3:9

Mba gɔ, lɛ do Apolosi a wi dɛa to kɔ fɔɛ 'da Gale, nɛ fɔɛ 'da Gale, wi a nɛ. Nɛ nɛ ɔ 'bɔ nɛ tɔa kɛ Gale dɛ ma ni.

2 KORINTƐ 5:17

Fala kɛ wele hɔ wi 'da Kristo, nɛ nde a hɔa mbé wele ia. Ã mɛnɔ zi ni ma la, nɛ mbé mɛnɔ ma hɔa.

2 KORINTƐ 5:5

Nɛ nde wi a Gale hã a dɛa vɛ́ na mɛ ni, we hã mbé kili tɛ wi ni hã lɛ, nɛ a hã Hi Wi hã lɛ ɔ nɛ mbe nu dia mɛnɔ kɛ a 'dafa we hã ma hã lɛ li nza i ni.

2 KORINTƐ 9:8

Gale do ngawi we hã odia mɔ hã nɛ kpi do kpi, takɔ 'da fala fai, nɛ ɔ do mɛnɔ vɛ kɛ ma wia do nɛ ni. Nɛ tala nɛ 'bana 'bɔ kɔ̃ nɛ, we dɛ do de dɛa mɔ kpi do kpi.

GALATI 6:15

Kɔ fala wele nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma dɛ mɔ, mɛ a kɛ na, Gale dɛ lɛ do mbé wi.

EFƐZƐ 1:1

Wi a mi Polo, kɛ Gale saka mi do kɔ̃a zã 'da a, nɛ a ia mi do wi nɛ toe 'da Yezu Kristo ni. Mi kɔma mbɛti gɛ hã nɛ, owinɔ 'da Gale tɛ kɔ le Efɛzɛ, kɛ nɛ mba kpo do Yezu Kristo, nɛ nɛ 'bana tɛ kɔ̃ gɛnɛ a do sila nɛ kpo ni.

EFƐZƐ 1:4

Mba gɔ, dati kɛ na Gale dɛ nùi ni, nɛ nde a saka zɛ́ lɛ, nɛ a mba lɛ kpo do Kristo, takɔ lɛ ɔ santo li a, nɛ mɔ kɔ'dɔ wi tɛ ɔ̀ kɔ lɛ gɔ.

EFƐZƐ 2:13

Nɛ nyɛla zi do Gale wena, nɛ nde ngangga gɛ, nɛ mba kpo do Yezu Kristo, nɛ nɛ kɔla do Gale we duzu fie 'da Kristo.

EFƐZƐ 2:15

A gbɛa mbula 'da Oyudanɔ kɛ ma kɛa zi sanga wa do ogele winɔ ni, nɛ a 'dafa dɛa na sanga wa, nɛ a mba li wa bɔa nɛ dɛ kɔ a, nɛ wa hɔa wele kpo.

EFƐZƐ 2:2

Nɛ yɛnggɛ zi do li 'dã wala ɔ nɛ kɛ owinɔ nù gɛ wa yɛnggɛ ni. Nɛ nɛ zi 'dɔkɔlɔ nwa ngɔ o'dã hi winɔ kɔ bũi sanga li ngɔ gɛ. Nɛ tia do sɔɛ gɛ, 'dã hi wi ni 'bana dɛ to sanga owinɔ kɛ wa bɛa gɛnɛ we nu Gale ni.

EFƐZƐ 2:6

A tunu lɛ kɔ fio fala nɛ kpo do Kristo, nɛ a a lɛ do onwa fala nɛ kpo do a tɛ li nza i.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 4:24

Nɛ 'dáfá dɛa mɔ tɛ nɛ na, nɛ hɔ mbé wi kɛ Gale dɛa a na, a hɔ ɛ, nɛ zu a a bɔlɔ, nɛ a santo nɛ́ kɛ gbãlã we 'da Gale be ma ni.

Mbulanɔ 32:6

Aa nɛ, owi bɔnɔ, kɛ nɛ lénggé mɛ gɔɛ gɛ, gulu kɛ nɛ dɛ 'dã mɔ dɛ 'da NWA we ge nde? A a baa nɛ, a a dɛa nɛ, nɛ a ia nɛ do owinɔ 'da a.

Mbulanɔ 5:33

Nɛ dɛ́ mɛnɔ vɛ̃ kɛ NWA Gale 'da nɛ, a bia hã nɛ ni. Nɛ dɛ na mɛ ni, nɛ 'do nɛ ma nyɛlɛ sɛ ngɔ nù gɛ, nɛ nɛ dɛ sɛ yangga ngɔ nùi kɛ nɛ nɛ ba do mɔ́ nɛ ni.

FILIPƐ 1:6

Gbãlã we, mi ĩ na, Gale kɛ a ndua nyanga dɛ dia to kɔ sila nɛ ni, a 'bana sɛ tɛ dɛ na mɛ ni fai, gbaa we sɔkpɔ do ngba soe kɛ Yezu Kristo a tɛ sɛ nɛ ni.

FILIPƐ 2:13

We kɛ Gale tɛ dɛ to kɔ sila nɛ na, nɛ kpa wɔ tɛ mɛnɔ kɛ ma de tɛ̃ a ni, nɛ nɛ kpa 'bɔ ngawi we dɛ ma.

KƆLƆSƐ 1:10

Na mɛ ni, nɛ nɛ dungu sɛ nɛ́ kɛ ma wia do owinɔ 'da Gale ni, nɛ dɛa mɔ tɛ nɛ ma hã sɛ yangga hã a fai. Nɛ dɛ sɛ de mɔ kpi do kpi, nɛ nɛ ĩ sɛ ti Gale dɛ dati fai.

KƆLƆSƐ 3:10

nɛ nɛ hɔa mbé wi ia. Gale kɛ a dɛa nɛ do mbé wi ni, a tɛ kifi dɛa mɔ tɛ nɛ fai na, nɛ hɔ a ngboo, nɛ nɛ ĩ ti a do dia nɛ.

1 TIMOTE 2:10

Nɛ nde wa dɛ́ de dɛa mɔ nɛ́ kɛ ma wia do owukonɔ kɛ wa zɔ tɛ wa nɛ́ owinɔ 'da Gale ni.

1 TIMOTE 5:10

Nɛ ma wia na, owinɔ wa ĩ ti a we dia dɛa mɔ tɛ a. Wa ĩ na: A dala zi obenɔ 'da a do dia nɛ, nɛ a dɛ zi gbɛla ogɛnɛnɔ 'da a dɛa, nɛ a fɔla zi nyanga owinɔ 'da Gale, nɛ a gala zi Owi 'bako, nɛ a dɛa zi 'bɔ de dɛa mɔ kpi do kpi.

1 TIMOTE 5:25

Ma 'bɔ kpasaa na mɛ ni we duzu dia dɛa mɛnɔ. Wele dɛ de mɔ, nɛ wa ĩ fala nɛ do ti, nɛ gɛnɛ kɔ ombe dia dɛa mɛnɔ, ma bè tɛ̃ ɛ dɔ gɔ, nɛ nde ma wè tɛ usu tɛ̃ ɛ fai gɔ.

1 TIMOTE 6:18

Mɔ dálá nu mɔ hã wa na, wa dɛ de mɔ, nɛ de dɛa mɛnɔ 'da wa dɛlɛ wena. Wa hã́ mɔ do de sila, nɛ wa kɛ sanga mɛnɔ 'da wa do ngba wa.

2 TIMOTE 2:21

Kɔ wi kɛ a yu 'dã mɛnɔ kɛ mi tɔ̃ we nɛ gɛ, nɛ a ɔ sɛ nɛ dia kpana kɛ Gale saka ma we a wele nɛ ni. Nɛ a wia mɔ dɛ to 'da wele a, nɛ a e sɛ a we dɛ do dia dɛa tonɔ 'da a vɛ.

2 TIMOTE 3:17

Na mɛ ni, ma gala wi 'da Gale na, a hɔ gbãlã wele ngboo, nɛ a we tɛ dɛ de dɛa mɛnɔ vɛ.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

TITO 2:7

Nɛ mɔ do tɛ mɔ, mɔ 'dáfá dɛa mɔ tɛ mɔ we do kɛ na, ma be dia wala hã winɔ. Kɔ fala kɛ mɔ be we hã Owele, nɛ mɔ bé do wala olo nɛ, nɛ́ kɛ ma wia ni.

TITO 3:1

Mɔ gbá ta zu Owi kɔ̃a wenɔ vɛ̃ na, wa ba tɛ wa dɛ nù dati Onwanɔ, do ogã wi ngɔ wa. Wa dɛ́ do nu wa, nɛ wa fá we dɛ dia mɔ fai.

TITO 3:14

Nɛ ma wia 'bɔ na, winɔ 'da lɛ wa yambala we dɛ dia dɛa to fai, takɔ wa gala do winɔ do ngba soe kɛ sã ba wa ni. Na mɛ ni, nɛ dungu nza 'da wa sɛ yala iko gɔ.

TITO 3:8

Wenɔ mi tɔ̃a gɛ a ngbongbo we. Kɔ mi kɔ̃a na, mɔ dala nu mɔ tɛ nɛ, takɔ wanɔ wa kɔ̃a zu li Gale ni, wa ba tɛ wa we dɛ de dɛa mɔ. Ki ni de wena, nɛ ma wia tɛ gala Owele.

OHEBRE 10:24

Lɛ lénggé ngba lɛ, nɛ lɛ ngándá sila ngba lɛ na, lɛ kɔ̃ gɛnɛ ngba lɛ, nɛ lɛ dɛ dia mɔ dɛ dati.

OHEBRE 13:21

E kɔ Gale, wele gɛa sila hã ngawi hã nɛ, we dɛ mɛnɔ vɛ kɛ a kɔ̃a na, nɛ dɛ ma ni. E kɔ Gale dɛ mɛ kɛ ma hã yangga hã a ni kɔ lɛ, do wala 'da Yezu Kristo. E kɔ Yezu Kristo ɔ́ do dɔ̃lɔ̃ li fai! Amɛ.

1 PETRO 2:12

Nɛ dɛ́ bɔlɔ zu dɛa mɔ sanga owinɔ kɛ wa tɛ ĩ̀ ti Gale gɔ ni. Nɛ dɛ ní, hã gɛnɛ kɔ wa tɔ̃ na, nɛ a o'dã wi, nɛ wa zɔ sɛ de dɛa mɛnɔ kɛ nɛ dɛ ma fai ni, nɛ wa dɔnggɔ sɛ Gale do ngba soe kɛ a tɛ sɛ nɛ ni.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.

1 YOANƐ 2:6

Fala kɛ wele tɔ̃ na, ɛ 'bana dɛ kɔ Gale, nɛ ma wia na, a dɛ mɔ tɛ a ɔ nɛ kɛ Yezu dɛa zi ni.