EFƐZƐ 1:7 - WE NU GALE 1995

⁷ Nɛ́ kɛ lɛ mba kpo do Kristo ni, ma kɛ tɔkɔ tɛ́ a gɔnɔ zu lɛ kɔ 'dã mɔ, nɛ Gale fua ku'da 'dã mɛnɔ zu lɛ do'do ni. Na mɛ ni, Gale bia na, dia zã 'da a dɛ 'da lɛ

EFƐZƐ 1:7 Iomraidhean Croise

Zumanɔ 130:4

Nɛ nde mɔ fua ku'da 'dã mɛnɔ zu lɛ, nɛ lɛ yu kili mɔ we nɛ.

Zumanɔ 130:7

Aa nɛ, obe Israɛlɛ, nɛ gbíní zã nɛ do NWA, we kɛ a do kɔ̃a zã we nɛ, nɛ a do wala dɔ wena we kpasa nɛ.

Zumanɔ 86:5

Mɔ NWA, mɔ a wi dia sila, nɛ mɔ 'bɔ a wi mbɔkɔ li. Mɔ be dia zã 'da mɔ hã owinɔ vɛ̃ kɛ wa sambala mɔ ni.

Kulu Tɔa 34:7

Mi fo 'dã mɛnɔ do nga zui 'da owinɔ, nɛ mi be dia zã 'da mi hã wa kɔ sabɛlɛ do sabɛlɛ. Kɔ fala kɛ wele dɛ 'dã mɔ, nɛ nde mi lá a iko gɔ, nɛ mi hã etumbu hã a do owi nu fɛlɛ a, gbaa we hɔ ngɔ obe yaa a do okanggadɔkɔ a.”

Ezai 43:25

Kɔ ngangga ni, mi fua ku'da 'dã mɛnɔ ni zu nɛ, nɛ ta mi gbá sɛ 'bɔ mbé ngɔ ma gɔ.

Yeremi 31:34

Wa bé sɛ 'bɔ wenɔ 'da mi hã ongba wa bia, sɛ nɛ wa ĩ ti mi NWA de gɔ. Mba gɔ, wa vɛ̃, yolo ngɔ be we hɔ ngɔ kpasa wi, wa ĩ sɛ ti mi. Mi ele sɛ 'dã mɛnɔ do yɔa ti dɛa mɛnɔ 'da wa, nɛ mi lénggé sɛ 'bɔ do ma gɔ. Mi NWA, mi tɔ̃a ni.” NWA tɔ̃a na:

DANIƐLƐ 9:19

Aa NWA, mɔ gɛ́ zala mɔ hã lɛ! Mɔ fó ku'da 'dã mɛnɔ zu lɛ, nɛ mɔ gálá lɛ. Aa Gale 'da mi, mɔ tɛ 'bɔ̀ 'bɔa gɔ. Mɔ bí ngɔ le gɛ, nɛ mɔ bi 'bɔ zu lɛ owi kɔ nɛ, we kɛ lɛ a owinɔ 'da mɔ, nɛ le gɛ a mɔ mɔ.

DANIƐLƐ 9:9

Nɛ gɛnɛ kɔ lɛ dɛa nga zu dɛ tɛ mɔ NWA Gale 'da lɛ, nɛ nde mɔ bia dia zã 'da mɔ hã lɛ, nɛ mɔ fua ku'da 'dã mɛ zu lɛ.

YONASI 4:2

Nɛ a tɔ̃ hã Gale na: “Aa NWA, dati kɛ na mi la le 'da mi ni, mi ĩ zi na, mɔ dɛ sɛ mɛ kɛ mɔ dɛa gɛ. Gulu nɛ a mi fa zi we yu dɛ Tarsisi i ni. Mi ĩ zi na, mɔ a Gale mbɔkɔ li, mɔ 'bɔ do dia zã wena. Mɔ a wi du sila, nɛ kɔ̃a zã 'da mɔ la mɔ vɛ̃. Mɔ kpolo linggamɛ 'da mɔ ngɔ etumbui mɔ kɔ̃a sɔ we hã hã owinɔ ni dɔ̃ iko.

Mike 7:18

Fo gele gale kpo kɛ a wia kɔ̃ do mɔ NWA ni bina. Fala kɛ mɔ zɔ 'dã mɛnɔ 'da otala winɔ 'da mɔ, kɛ wa 'bana nza ni, nɛ mɔ kunu sila mɔ, nɛ mɔ fo ku'da nɛ zu wa do'do. Zã mɔ nɔ̃́lɔ̃́ fai gɔ, we kɛ mɔ do yangga we be dia sila 'da mɔ hã lɛ.

ZAKARIA 13:1

NWA ngɔ mɔ nyanga nza vɛ̃ tɔ̃a na: “'Da fala ni ma we, nɛ fua lì ma go'do sɛ, nɛ mi fɔlɔ sɛ 'dã mɛnɔ 'da obe zã Davidi do tala winɔ kɔ le Yeruzalɛmɛ do lì ni.

ZAKARIA 13:7

NWA ngɔ mɔ nyanga nza vɛ̃ tɔ̃a na: “Aa du kɔya, mɔ sí ngɔ, nɛ mɔ gbɛ́ wi fɔmɔ batanɔ kɛ a dɛ toe do mi ni. Mɔ gbɛ́ a, nɛ obatanɔ wa pɛsɛ sɛ ndɛ̃ ndɛ̃. “Mi NWA, mi bi sɛ owinɔ 'da mi,

ZAKARIA 9:11

NWA tɔ̃a na: “Aa nɛ Oisraɛlɛ, mi lengge sɛ gba tɔkɛ kɛ mi gba zi do nɛ, nɛ mi gbangba 'da nɛ do wala tɔkɔ sa'denɔ kɛ nɛ gbɛ wa hã mi ni, nɛ mi fo sɛ winɔ 'da mi kɔlɔ 'duli, ɔ nɛ kɛ wa fo do wele kɔ gba 'du kɔ̃ dɛ nza ni.

MATIE 20:28

We duzu kɛ mi Be 'da Wele, mi tɛ̀ na Owele wa dɛ to hã mi gɔ, nɛ nde mi tɛa we dɛ to hã Owele, nɛ mi hã 'bɔ tɛ mi hã fio, takɔ mi gɔnɔ zu ogba gili wele.”

MATIE 26:28

we kɛ mɛ a tɔkɔ tɛ mi. Mɛ a tɔkɔ kɛ Gale gba sanga tɛ ngba ɛ do owinɔ. Ma a sɛ nù we duzu gba gili Owele, takɔ Gale fo ku'da 'dã mɛnɔ zu wa.

MATIE 6:12

Mɔ fó ku'da 'dã mɛnɔ zu lɛ, nɛ mɔ mbɔkɔ lɛ, ɔ nɛ kɛ lɛ tɛ mɛ 'bɔ, lɛ mbɔkɔ ongba lɛ ngɔ 'dã mɛnɔ wa dɛ do lɛ ni.

MARKO 14:24

Nɛ Yezu tɔ̃ hã wa na: “Kɛ gɛ mɛ a tɔkɔ tɛ mi, ma a sɛ nù we duzu gba gili Owele. Mɛ a tɔkɔ kɛ Gale gba sanga tɛ ngba ɛ do owinɔ.

LUKA 1:77

Mɔ be sɛ hã winɔ 'da a na, a fo sɛ ku'da 'dã mɛnɔ zu wa, nɛ a kpasa sɛ wa.

LUKA 24:47

Nɛ ma wia 'bɔ na, Owele wa be sakoe 'da a nyanga nza gɛ vɛ̃, ndo do Yeruzalɛmɛ, we tɔ̃ hã winɔ na, wa kifi sila wa, kɔ Gale fo ku'da 'dã mɛnɔ zu wa.

YOANƐ 20:23

Fala kɛ nɛ fo ku'da 'dã mɔ zu wele, nɛ Gale a fo sɛ tɛ mɛ 'bɔ ku'da 'dã mɛ zu wi ni. Kɔ fala kɛ nɛ fò ku'da 'dã mɔ zu wele gɔ, nɛ nde Gale fó sɛ tɛ mɛ 'bɔ ma gɔ.”

Owi Nɛ Tonɔ 10:43

Owi gba do nu Gale vɛ wa tɔ̃a zɛ́ we 'da a na, wi kɛ a kɔ̃ zu li a, nɛ Gale a fo sɛ ku'da 'dã mɛ zu wi ni.”

Owi Nɛ Tonɔ 2:38

Nɛ Petro gese hã wa na: “Nɛ kífí sila nɛ, nɛ wele do wele kpá batisimɔ do zu li Yezu Kristo, takɔ Gale fo 'dã mɛnɔ zu nɛ, nɛ a hã Hi Wi Santo hã nɛ.

Owi Nɛ Tonɔ 20:28

Nɛ dĩ́lĩ́ fala tɛ nɛ, nɛ nɛ zɔ́ mɔ tɛ gili winɔ 'da Gale, kɛ Hi Wi Santo hã wa hã nɛ ni. Ma wia na, nɛ fɔmɔ ogili wi Kristonɔ, kɛ Gale kpa wa olo li fio Be 'da a ni.

Owi Nɛ Tonɔ 3:19

Kɔ we duzu ki ni, nɛ kífí sila nɛ, nɛ nɛ kpolo tɛ nɛ dɛ 'da Gale, takɔ a fo ku'da 'dã mɛnɔ zu nɛ.

ROMA 2:4

Mɔ zɔ gã dia zã 'da Gale, do du sila 'da a, do gɛa sila 'da a dɛ 'da winɔ li mɔ yala iko nde? Mɔ ĩ̀ na, Gale bia dia zã 'da a hã mɔ, takɔ mɔ kifi sila mɔ gɔ nde?

ROMA 3:24

Nɛ nde Gale bia dia zã 'da a hã wa, nɛ a dɛ na, wa hɔ wi bɔlɔ zu li a, we dia kɔ sila 'da a iko. A dɛa na mɛ ni do wala 'da Yezu Kristo, kɛ a gɔna zu wa ni.

ROMA 3:25

Gale 'dɔlɔ zi Yezu, nɛ a fia, nɛ tɔkɔ tɛ a a nù we si olo ku'da 'dã mɛnɔ zu winɔ kɛ wa kɔ̃a zu li a ni. Gale dɛa na mɛ ni we be na, ɛ a wi bɔlɔ zu. A ila 'dã mɛnɔ owinɔ wa dɛa zi ni, nɛ a hã̀ etumbu olo nɛ hã wa gɔ.

ROMA 9:23

A dɛa na mɛ ni, takɔ a be gã dɔ̃lɔ̃ li 'da a hã owinɔ kɛ a ĩ 'bako hã wa, nɛ a saka zɛ́ wa belee na, wa kpa dɔ̃lɔ̃ li ni.

1 KORINTƐ 1:30

Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

EFƐZƐ 1:14

Gale hã Hi Wi Santo hã lɛ ɔ nɛ mbe nu dia mɛnɔ kɛ a kpua zɛ́ mbulu hã ma hã winɔ 'da a ni. Kɛ a dɛa ni ma be hã lɛ na, ngba soe nɛ we, nɛ lɛ kpasa sɛ, nɛ lɛ hɔ sɛ owinɔ 'da a ngboo. Kɔ lɛ dɔ́nggɔ́ Gale we gã dia zã 'da a.

EFƐZƐ 1:18

Mi aka 'bɔ Gale na, a hũi hã zã 'da nɛ, takɔ nɛ ĩ ti de mɛ kɛ a sa zi mɔ hã nɛ we nɛ, nɛ nɛ gbini zã nɛ do ma ni. Nɛ nɛ ĩ 'bɔ ti gã kpamɛnɔ kɛ a kpua mbulu nɛ hã owinɔ 'da a ni.

EFƐZƐ 1:6

Kɔ lɛ dɔ́nggɔ́ Gale we gã dia zã kɛ a bia ma hã lɛ do wala 'da Yezu Kristo, Be 'da a ngɔ sila a ni.

EFƐZƐ 1:8

ma gã la li ngele. A hã gã hã zã do ĩ ti mɔ hã lɛ,

EFƐZƐ 2:4

Nɛ nde Gale do 'bako li a we lɛ wena, we kɛ a kɔ̃a gɛnɛ lɛ la li ngele.

EFƐZƐ 2:7

A dɛa ni we be dia zã 'da a dɛ 'da lɛ do wala 'da Kristo. Nɛ a kɔ̃a we be dia zã 'da a kɛ ma nɛa ngɔ mɔ vɛ́ ni hã owinɔ kɔ sabɛlɛnɔ 'do gɛ.

EFƐZƐ 3:16

Nɛ mi aka Gale, kɛ a do dia mɔ li nza i wena ni na, a hã ngawi hã nɛ do wala 'da Hi Wi 'da a, takɔ sila nɛ nganda dɛ dati.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

FILIPƐ 4:19

Gale 'da mi, kɛ a a wele kpamɛnɔ vɛ̃ ni, a hã sɛ mɛnɔ vɛ̃ kɛ nɛ zɔla ni hã nɛ do wala 'da Yezu Kristo.

KƆLƆSƐ 1:14

Gale gɔnɔ zu lɛ, nɛ a fua ku'da 'dã mɛnɔ zu lɛ do'do we duzu Be 'da a ni.

KƆLƆSƐ 1:27

Gale kɔ̃a we be hã wa na, we a usu ma ni mɛ a dia mɔ kɛ ma gã wena, nɛ ma do dɔ̃lɔ̃ li wena, nɛ ma 'bɔ we ogele winɔ vɛ̃. Usu we ni mɛ a kɛ na Kristo ɔ kɔ nɛ, nɛ nɛ wia we gbini zã nɛ do a na, nɛ mba sɛ do a kpo kɔ dɔ̃lɔ̃ li 'da a.

KƆLƆSƐ 2:13

Zi dati, nɛ ɔ zi nɛ fio, we duzu 'dã mɛnɔ 'da nɛ, do we duzu kɛ nɛ zi a opaganɔ. Nɛ nde ngangga gɛ, Gale tunu nɛ kɔ fio fala nɛ kpo do Kristo, nɛ a fua ku'da 'dã mɛnɔ zu nɛ vɛ̃.

KƆLƆSƐ 2:2

Mi dɛa ni, takɔ wa kpa kpã sila, nɛ wa mba kpo, nɛ wa kɔ̃ gɛnɛ ngba wa. Na mɛ ni, nɛ wa ĩ sɛ ti gulu usu linggamɛ 'da Gale ngboo, nɛ ma dɛ sɛ na, kafi sĩ tɛ ɔ̀ kɔ sila wa gɔ. Usu linggamɛ 'da Gale ni, wi a Kristo do tɛ̃ a.

1 TIMOTE 2:6

A ba zi kili tɛ a we gɔnɔ zu winɔ vɛ. A dɛa ni do ngba soe kɛ Gale wia ni, we be na, Gale kɔ̃a we kpasa winɔ vɛ.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

TITO 3:6

Mba gɔ, Gale hã zi Hi Wi 'da a hã lɛ la li ngele do wala 'da Yezu Kristo, Wi kpasa lɛ.

OHEBRE 9:22

We zɔ mbula ni, nɛ nde wa wia we fɔlɔ gba gili mɛnɔ do tɔkɔ, nɛ ma hɔ sa mɔ li Gale. Nɛ takɔ Gale fo ku'da 'dã mɔ zu wele, nɛ nde ma wia na, tɔkɔ a nù.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.

1 YOANƐ 2:12

Benɔ 'daa, mi kɔmɔ mbɛti gɛ hã nɛ na, Gale fua ku'da 'dã mɛnɔ zu nɛ ia, we duzu Yezu.

1 YOANƐ 2:2

A a wi kɛ a hã zi tɛ̃ a nɛ́ dɔnggamɔ we si do ku'da 'dã mɛnɔ zu lɛ. A dɛ̀ ni tati nɛ we lɛ iko gɔ, nɛ nde a dɛa ní we owinɔ ngɔ nù gɛ vɛ́.

1 YOANƐ 4:10

Nɛ kɔ̃a zã ni, mɛ a kɛ na, lɛ a lɛ kɔ̃̀ zi gɛnɛ Gale dati gɔ, nɛ nde a kɔ̃a gɛnɛ lɛ dati, nɛ a tumba Be 'da a, takɔ a fe we si ku'da 'dã mɛnɔ zu lɛ.

USU MƐNƆ 14:4

Owinɔ ni wa a wi kɛ wa fɔmɔ kili tɛ wa de wena, nɛ wa ɔ̀ zɛ́ do owuko go, nɛ wa yɛnggɛ 'dɔkɔlɔ Be Bata falanɔ vɛ̃ a la nɛ ni. A gɔnɔ zi zu wa sanga winɔ nù gɛ, nɛ wa a kuti dɔnggamɛ kɛ a hã hã Gale, nɛ a hã 'bɔ hã kili tɛ a wele nɛ.

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.