EFƐZƐ 1:5 - WE NU GALE 1995

⁵ Gale kɔ̃a gɛnɛ lɛ, ma kɛ a 'bili zɛ́ do kɔ sila a belee na, lɛ sɛ a benɔ 'da a do wala 'da Yezu Kristo. A dɛa zi na mɛ ni do kɔ̃a zã 'da a.

EFƐZƐ 1:5 Iomraidhean Croise

Yeremi 3:19

NWA tɔ̃a na: “Aa nɛ, obe Israɛlɛ, mi tɔ̃a zi na, nɛ a Okuti benɔ 'da mi, nɛ mi ba sɛ nùi kɛ ma nɛa ngɔ nùnɔ vɛ̃ ni hã nɛ! Mi lingga zi na, nɛ sa sɛ li mi na baa nɛ, nɛ nɛ síkí sɛ 'bɔ 'do nɛ hã mi gɔ.

Yeremi 3:4

“Nɛ ngangga ni, nɛ dɛ́ kili he mɔ do zu li mi gɔ, nɛ nɛ tɔ̃ na: ‘Mɔ a baa lɛ, nɛ yolo tɛ kɛ lɛ 'bana zi be ni, mɔ kɔ̃ zi lɛ wena!

MATIE 1:25

Nɛ nde wa ɔ̃ ngu'du ngba wa gɔ gbaa, nɛ Maria kua do be. Nɛ Yozɛfu ia li be ni na Yezu.

MATIE 11:26

Gbãlã we, Baa mi, mɔ dɛa ni, we kɛ ma dia li mɔ na, ma dɛ tɛ̃ ɛ na mɛ ni.

LUKA 10:21

Do 'da fala ni, nɛ Hi Wi Santo dɛa na, yangga dunu kɔ sila Yezu. Nɛ Yezu tɔ̃a na: “Ee Baa mi, mɔ a Nwa ngɔ li nza do nùi gɛ! Mi hã iɔ̃nae hã mɔ wena, we duzu kɛ mɔ usu mɛnɔ gɛ do owi hã zãnɔ, do owinɔ kɛ wa yambala mɔ wena ni, nɛ mɔ bia ma hã owinɔ kɛ wa yala iko ni. Gbãlã we, Baa mi, mɔ dɛa ni, we kɛ ma dia li mɔ na, ma dɛ tɛ̃ ɛ na mɛ ni.

LUKA 11:32

Do ngba soe kɛ Gale nɛ 'bili do ngbangga 'da owinɔ ni, nɛ Owi Ninivɛ wa 'bili sɛ ngbangga dɛ zu owinɔ kikina gɛ na, wa tia do we. We kɛ owi Ninivɛ wa kifi zɛ́ sila wa, 'da fala kɛ Yonasi bia we 'da Gale hã wa ni. Nɛ nde wele kɛ nɛ zɔ a gɛ, a gã nɛa ngɔ Yonasi!

LUKA 12:32

“Aa nɛ, owinɔ 'da mi, nɛ dɛ̀lɛ̀ gɔ, kɔ nɛ tɛ dɛ̀ kili gɔ. We kɛ Baa nɛ Gale kɔ̃a na, nɛ le kɔ le nwa 'da a.

YOANƐ 1:12

Gɛnɛ kɔ na mɛ ni, nɛ nde ombe wa kɔ̃a gɛnɛ a. Ma kɛ a hã wala hã wa na, wa hɔ benɔ 'da Gale, we kɛ wa kɔ̃a zu li a ni.

YOANƐ 11:52

Nɛ nde Yezu fé sɛ we nu kpala Oyudanɔ iko gɔ, a fe sɛ we mba li winɔ 'da Gale kɛ wa kpa ngɔ nù gɛ vɛ̃ ni, takɔ wa hɔ wele kpo.

YOANƐ 20:17

Nɛ Yezu tɔ̃ hã a na: “Mɔ tɛ 'bè tɛ mi gɔ, we kɛ mi tɛ kṹ 'da Baa mi i gɔ. Kɔ mɔ nɛ́ we tɔ̃ hã owinɔ 'da mi na, mi kũ dɛ 'da Baa mi, kɛ a 'bɔ a Baa nɛ ni. Mi kũ dɛ 'da Gale 'da mi, kɛ a 'bɔ a Gale 'da nɛ ni.”

Owi Nɛ Tonɔ 13:48

Kɔ owinɔ kɛ wa a Oyuda gɔ ni, wa nɛa we zele ni, nɛ wa dɛa yangga, nɛ wa dɔnggɔ we nu Gale. Nɛ owanɔ kɛ Gale saka wa na, we kpa kpasi kɛ ma é sɛ gɔ ni, wa kɔ̃a zi zu li Yezu.

ROMA 8:23

Nɛ mɛ tati a ogele mɛnɔ ngɔ nù gɛ iko gɔ, nɛ nde lɛ winɔ, kɛ Gale hã Hi Wi 'da a hã lɛ nɛ́ mbe nu dia mɛnɔ a hã sɛ hã lɛ do 'do ni, lɛ bi tɛ mɛ 'bɔ tɛ lɛ wena. Nɛ lɛ 'bɔ na, Gale kifi lɛ do obenɔ 'da a, nɛ a kpasa kifi tɛ lɛ vɛ.

1 KORINTƐ 1:1

Wi a mi Polo, kɛ Gale sa zi mɔ hã mi do kɔ̃a zã 'da a, nɛ a ia mi do wi nɛ toe 'da Yezu Kristo ni. Mi do nya lɛ Sostɛnɛ,

1 KORINTƐ 1:21

Mba gɔ, hã zã 'da Gale dɛa zi na, owinɔ wa tɛ ĩ̀ ti a do hã zã 'da wa wele nɛ gɔ. Ma kɛ a kɔ̃a zi na, ɛ kpasa owinɔ kɛ wa kɔ̃ zu li Yezu ni, do wala sakoe kɛ lɛ be ma, nɛ ma ɔ li winɔ nɛ wila we bɔɛ iko ni.

2 KORINTƐ 6:18

Mi sɛ a baa nɛ, nɛ nɛ sɛ a benɔ 'da mi. Mi Nwa Gale, kɛ mi do nganda vɛ̃ ni, mi tɔ̃a ni.”

GALATI 3:26

Nɛ vɛ́ kɛ nɛ kɔ̃a zu li Yezu Kristo ni, nɛ hɔa benɔ 'da Gale we duzu a.

EFƐZƐ 1:11

Nɛ́ kɛ lɛ mba kpo do Kristo ni, Gale ia lɛ do owinɔ 'da a. A dɛa ni, we kɛ a 'bili zɛ́ do kɔ sila a belee we dɛ ma, nɛ a dɛ mɛnɔ vɛ́ nɛ́ kɛ a kɔ̃a ni.

EFƐZƐ 1:9

nɛ a bia usu mɛnɔ kɛ a 'dafa ni hã lɛ na, lɛ ĩ ti nɛ. A 'dafa zɛ́ belee na, a dɛ sɛ linggamɛ 'da a do wala 'da Kristo.

FILIPƐ 2:13

We kɛ Gale tɛ dɛ to kɔ sila nɛ na, nɛ kpa wɔ tɛ mɛnɔ kɛ ma de tɛ̃ a ni, nɛ nɛ kpa 'bɔ ngawi we dɛ ma.

KƆLƆSƐ 1:19

We kɛ Gale kɔ̃a zi na, Kristo ba tɛlɛ tɛ̃ ɛ, nɛ a we kɔ̃ do ɛ kɔ mɛnɔ vɛ̃.

2 TƐSALONIKƐ 1:11

Gulu nɛ a lɛ sambala Baa lɛ Gale we duzu nɛ fai na, a 'dáfá nɛ, kɔ nɛ we do kpasi kɛ a sa zi mɔ hã nɛ we nɛ ni. Nɛ lɛ aka a na, a hã ngawi 'da a hã nɛ, takɔ nɛ dɛ dia mɛnɔ vɛ kɛ nɛ kɔ̃a we dɛ nɛ ni, nɛ a dɛ 'bɔ na, to olo kɔ̃a we 'da nɛ we ngboo.

OHEBRE 2:4

Nɛ Gale hã ngawi hã wa we dɛ oɔngbamɔ, do ogba sɔ̃ mɔ wena we be na, we wa tɔ̃ ni, mɛ a gbãlã we. Nɛ a kɛa 'bɔ ngawinɔ 'da Hi Wi Santo hã owinɔ, ɔ nɛ kɛ zã a kɔ̃a ni.

1 YOANƐ 3:1

Baa lɛ Gale do kɔ̃a zã dɛ 'da lɛ la li ngele! A sa li lɛ la na obenɔ 'da a. Nɛ lɛ a obenɔ 'da a gbãlã we. Owi nù wa ĩ̀ na, lɛ a obenɔ 'da Gale gɔ, we duzu kɛ wa ĩ̀ ti Baa lɛ Gale gɔ.

USU MƐNƆ 21:7

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ dia mɛ gɛ hã a: Mi sɛ a Gale 'da a, nɛ a sɛ a be 'da mi.