EFƐZƐ 1:4 - WE NU GALE 1995

⁴ Mba gɔ, dati kɛ na Gale dɛ nùi ni, nɛ nde a saka zɛ́ lɛ, nɛ a mba lɛ kpo do Kristo, takɔ lɛ ɔ santo li a, nɛ mɔ kɔ'dɔ wi tɛ ɔ̀ kɔ lɛ gɔ.

EFƐZƐ 1:4 Iomraidhean Croise

2 SAMUƐLƐ 22:24

Mi kɔ̃̀ na, mi dɛ 'dã mɔ gɔ, da dɛ kɔ a kɔ́'dɔ́ mi gɔ.

Zumanɔ 135:4

NWA saka lɛ obe Israɛlɛ, obe zã Yakɔbɔ, nɛ lɛ hɔa owinɔ 'da a ngboo.

Ezai 42:1

NWA tɔ́a na: “Nɛ zɔ́ wi dɛa toe 'da mi, mi saka a, nɛ mi hã ngawi hã a. Mi dɛ yangga we duzu a. Hi Wi 'da mi lia kɔ a na, a e bɔlɔ zu dɛa mɔ ngɔ nù gɛ.

Levitɛnɔ 19:2

a e mbulanɔ gɛ hã obe Israɛlɛ na: “Nɛ ɔ́ santo, we kɛ mi NWA Gale 'da nɛ, mi santo.

Levitɛnɔ 20:7

“Nɛ dɛ́ mɔ tɛ nɛ ɔ nɛ dɛa mɔ tɛ Owele kɛ wa santo, we kɛ mi a NWA Gale 'da nɛ.

MATIE 24:22

Kɔ Nwa Gale tɛ 'bìlì sɔ mbe nu tũnɔ ni gɔ, nɛ nde wele kpo kpásá sɔ gɔ. Kɔ a 'bili mbe nu nɛ, we kɛ a lingga do owinɔ kɛ a saka zɛ́ wa ia ni.

MATIE 24:24

We duzu kɛ ombe wele wa hɔ sɛ, nɛ wa dɛ ogã ɔngbamɔ do ogba sɔ̃ mɔ we ɔkɔlɔ winɔ na, lo a Mɛsiya, tabi lo a Owi gba olo nu Gale. Nɛ mbe gɔ, hã ma we, nɛ wa ɔlɔ sɛ winɔ kɛ Gale saka wa ni.

MATIE 24:31

Nɛ gã mɔtũlũ ma dɔ̃lɔ̃ sɛ, nɛ mi tombo sɛ anzɛnɔ, nɛ wa yɛnggɛ nyanga nza gɛ vɛ̃, we ngɛmɛ li owinɔ kɛ Gale saka zɛ́ wa ia ni ngɔ nù gɛ vɛ̃.

MATIE 25:34

Nɛ mi tɔ̃ sɛ hã wanɔ si ngɔ ngawili kɔ̃ mi ni na: ‘Baa mi wila zɛ́ nu a tɛ nɛ ia! Nɛ tɛ́, kɔ nɛ le kɔ le nwa 'da a, kɛ a 'dafa zɛ́ ma hã nɛ dati ndo nyanga dɛ nùi ni.

YOANƐ 10:16

Nɛ mi 'bɔ do gele obata kɛ wa kɔ ngbo bina ni. Kɔ ma wia na, mi kpe tɛ mɛ 'bɔ ti wa, nɛ mi a wa kɔ ngboe. Wa zele sɛ gɛlɛ mi, nɛ ngɔ gili batanɔ sɛ kpo, nɛ wi fɔmɔ wa kpo.

YOANƐ 15:16

Nɛ a nɛ sàkà zi mi gɔ, nɛ nde mi a mi saka nɛ. Nɛ mi hã to hã nɛ na, nɛ ɔ nɛ te kɛ ma wa wala ni, nɛ wala tenɔ ni 'bana fai. Na mɛ ni, fala kɛ nɛ gɔ mɔ kɔ̃ Baa mi do zu li mi, nɛ a hã sɛ ma hã nɛ.

YOANƐ 17:24

“Baa mi, mɔ hã zi wa hã mi, kɔ mi kɔ̃a na, wa ɔ fala nɛ kpo do mi tɛ fála kɛ mi nɛ dungu do ma ni, takɔ wa zɔ dɔ̃lɔ̃ li 'da mi. Mɛ a dɔ̃lɔ̃ li kɛ mɔ hã zɛ́ ma hã mi, we kɛ mɔ kɔ̃a zɛ́ gɛnɛ mi dati kɛ na mɔ dɛ nùi ni.

Owi Nɛ Tonɔ 13:48

Kɔ owinɔ kɛ wa a Oyuda gɔ ni, wa nɛa we zele ni, nɛ wa dɛa yangga, nɛ wa dɔnggɔ we nu Gale. Nɛ owanɔ kɛ Gale saka wa na, we kpa kpasi kɛ ma é sɛ gɔ ni, wa kɔ̃a zi zu li Yezu.

Owi Nɛ Tonɔ 15:18

Ki ni a olo nu Nwa kɛ a bia zi do gulu mɛnɔ belee ia gɛ a ni.’ ”

Owi Nɛ Tonɔ 18:10

Mba gɔ, mi sɛ do mɔ boe. Wele wé sɛ we dɛ mɔ 'danga gɔ. We kɛ gba gili winɔ kɔ le gɛ, wa a winɔ 'da mi.”

ROMA 8:33

Wi nɛ da sɛ winɔ kɛ Gale saka wa ni a wio nde? Gale do tɛ̃ a ngboo dɛa na, wa hɔ Owi bɔlɔ zu li a.

1 KORINTƐ 1:8

Nɛ Gale a dɛ sɛ na, nɛ yolo nganda gbaa we hɔ tɛ ndɔti nɛ na, dɔ do ngba soe Nwa 'da lɛ Yezu Kristo a tɛ sɛ nɛ ni, nɛ nɛ kpá kɔ'da gɔ.

GALATI 5:13

Onyae, Gale sa zi mɔ hã nɛ na, nɛ hɔ nza ti mbula. Kɔ nɛ́ kɛ nɛ 'bànà ti mbula gɔ ni, nɛ tɛ lènggè na, nɛ wia we dɛ mɛnɔ ɔ nɛ kɛ wɔ kili tɛ nɛ tombo do nɛ ni gɔ. Nɛ nde ma wia na, kɔ̃ gɛnɛ ngba wi kɛ nɛ kɔ̃a do ngba nɛ ni, ma tombo nɛ we dɛ to hã ngba nɛ.

GALATI 5:22

Nɛ nde mɛnɔ kɛ Hi Wi Santo tombo wele we dɛ ma ni, ma kɛ: kɔ̃ gɛnɛ ngba wi, do dɛ yangga, dungu do gɛa sila, do du sila, do dia zã, dɛ de dɛa mɔ, dɛ olo nu wi,

GALATI 5:6

Mba gɔ, wi kɛ a mba do Kristo kpo ni, gɛnɛ kɔ a nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma do gã gulu nɛ, mɛ a kɔ̃a we kɛ ma be tɛ́ ɛ kɔ kɔ̃ gɛnɛ ngba wi ni.

EFƐZƐ 2:10

Gbãlã we, lɛ a mɔ do kɔ̃ Gale. A dɛa lɛ, nɛ a mba li lɛ kpo do Yezu Kristo, takɔ lɛ dɛ dia mɛnɔ kɛ a 'dafa zi dati belee na, lɛ dɛ ma ni.

EFƐZƐ 3:17

Nɛ a dɛ́ na, Kristo ɔ dɛ kɔ sila nɛ fai we duzu kɔ̃a we nɛ kɔ̃a do a ni. Mi aka 'bɔ Gale na, tɛlɛ tɛ kɛ nɛ kɔ̃a do a, nɛ nɛ kɔ̃ 'bɔ do ongba nɛ ni, ma bá nù kɔ sila nɛ fai.

EFƐZƐ 4:2

Nɛ bá tɛ nɛ dɛ nù, nɛ nɛ ɔ́ do gɛa sila, do du sila. Nɛ nɛ kúnú sila nɛ ngɔ dɛa mɔ tɛ ngba nɛ we be kɔ̃a zã 'da nɛ hã wa.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

EFƐZƐ 5:27

A kɔ̃a zi na, Eklezia ma hɔ dia mɔ li a wele nɛ. A kɔ̃̀ zi na, mɔ ndi, do yɔa ti dɛa mɔ, do gele 'dã mɔ ɔ kɔ nɛ gɔ, nɛ nde ma ɔ santo, nɛ ma we ngboo.

FILIPƐ 2:15

Nɛ dúngú do sa sila, nɛ nɛ tɛ dɛ̀ mɔ kɛ wa wia we kɔ'dɔ nɛ we nɛ ni gɔ. Nɛ ɔ́ benɔ 'da Gale, nɛ 'dã mɔ tɛ ɔ̀ kɔ nɛ gɔ. Nɛ nɛ tó ɔ nɛ sɔla ni sanga winɔ nù gɛ, kɛ wa a owi 'dã hã, do Owi nga zu ni.

KƆLƆSƐ 1:22

Kɔ ngangga ni, Gale dɛa na do nɛ do wala 'da Be 'da a, kɛ kili tɛ a fia zi we duzu nɛ, takɔ nɛ hɔ santo li Gale, nɛ 'dã mɔ kpo tɛ ɔ̀ kɔ nɛ gɔ, nɛ a tɛ kpà mɔ kɔ'dɔ wi kpo kɔ nɛ gɔ ni.

KƆLƆSƐ 2:2

Mi dɛa ni, takɔ wa kpa kpã sila, nɛ wa mba kpo, nɛ wa kɔ̃ gɛnɛ ngba wa. Na mɛ ni, nɛ wa ĩ sɛ ti gulu usu linggamɛ 'da Gale ngboo, nɛ ma dɛ sɛ na, kafi sĩ tɛ ɔ̀ kɔ sila wa gɔ. Usu linggamɛ 'da Gale ni, wi a Kristo do tɛ̃ a.

KƆLƆSƐ 3:12

Nɛ a owinɔ 'da Gale. A kɔ̃a gɛnɛ nɛ, nɛ a saka nɛ do owinɔ 'da a ngboo. We duzu ma, nɛ ĩ́ 'bako hã ngba nɛ, nɛ nɛ ɔ́ do dia sila dɛ 'da wa, nɛ nɛ bá tɛ nɛ dɛ nù, nɛ nɛ ɔ́ do gɛ̃a sila, do du sila.

1 TƐSALONIKƐ 3:12

E kɔ Nwa gã 'da kɔ̃a zã 'da nɛ dɛ 'da ngba nɛ do 'da owinɔ vɛ dɛ dati fai, takɔ ma we kɔ̃ do kɔ̃a zã lɛ kɔ̃a do nɛ ni.

1 TƐSALONIKƐ 4:7

Gale sà zi mɔ hã lɛ we dɛ mɔ sape gɔ, nɛ nde a sa mɔ hã lɛ na, lɛ ɔ owinɔ 'da a ngboo.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

2 TIMOTE 2:10

We duzu ma, mi kunu sila mi kɔ ngamɛnɔ vɛ̃, we lengge do winɔ kɛ Gale saka wa ia ni, takɔ wa kpa tɛ mɛ 'bɔ kpasi kɛ ma kɔ Yezu Kristo, do dɔ̃lɔ̃ li kɛ ma é sɛ gɔ ni.

2 TIMOTE 2:19

Nɛ nde gbãlã we kɛ lɛ kɔ̃a gɛnɛ ma ni, ma ɔ nɛ nga tanɔ, kɛ Gale ia zɛ́ we dɛ tɔa dɛ ngɔ nɛ ni, nɛ ma 'bana nganda wena fai. Nɛ wa kɔma mbɛti dɛ ngɔ nɛ na: “Nwa ĩ ti winɔ 'da a.” Nɛ wa kɔma 'bɔ na: “Wi kɛ a tɔ̃ na ɛ a wi 'da Nwa, nɛ ma wia na a yu 'dã mɔ.”

ZAKE 2:5

Aa onyae ngɔ sila mi gɛ, nɛ zélé mi sɛ: Gale saka owinɔ kɛ wa zɔ wa nɛ́ Owi sã ngɔ nù gɛ ni na, wa hɔ Owi kɔ̃a we, nɛ kɔ̃a we ni a kpamɛ 'da wa, nɛ wa le sɛ kɔ le nwa 'da a, kɛ a kpua zɛ́ mbulu nɛ hã owinɔ wa kɔ̃a gɛnɛ a ni.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.

1 PETRO 1:20

Dati kɛ na Gale dɛ nùi ni, nɛ a saka zɛ́ Yezu na, a kpasa sɛ nɛ. Nɛ nde do ndɔti ngba soenɔ gɛ, Gale dɛa na, Yezu hɔ nù gɛ we duzu nɛ.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.

2 PETRO 3:14

We duzu ma, oyali ngba mi, mi tɔ̃ hã nɛ na, 'da fala nɛ tɛ 'bɔ 'da tũ hɔa 'da Nwa 'da lɛ ni, ma wia na, nɛ dɛ nganda, dɔ nɛ hɔ́ li a do 'dã mɔ gɔ, kɔ nɛ ɔ do gɛ̃a sila dati a.

1 YOANƐ 4:16

Nɛ we duzu lɛ, lɛ ĩ na, Gale do kɔ̃a zã dɛ 'da lɛ wena, nɛ lɛ kɔ̃a gɛnɛ nɛ. Gale a wele kɔ̃a zã, nɛ wi kɛ a 'bana tɛ kɔ̃ gɛnɛ ngba a ni, a kɔ Gale, nɛ Gale kɔ a boe.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.