EFƐZƐ 1:12 - WE NU GALE 1995

¹² Kɔ ma wia na lɛ, kɛ lɛ a wi dati we gbini zã lɛ do Kristo ni, lɛ dɔnggɔ Gale we gã dia zã 'da a.

EFƐZƐ 1:12 Iomraidhean Croise

Ezai 11:10

Do ngba soe ni, be olo Yɛse sɛ a gã wi be wala hã owinɔ ngɔ nù gɛ vɛ̃. Onu kɔnggɔ winɔ kpi do kpi wa tɛ sɛ 'da a, nɛ a tɔ̃ sɛ mbula hã wa. Nɛ dɔlɔ li 'da Gale, ma yele sɛ fala a ɔ nɛ ni.

Ezai 12:2

“Gbãlã we, Gale mɔ a wi kpasa mi, mi gbini zã mi do mɔ, nɛ mi dɛ́ 'bɔ mbé kili gɔ. Aa NWA, mɔ a zuma nu mi, mɔ a gã ngawi 'da mi, wi kpasa mi, wi a mɔ.”

Ezai 45:23

Mi kpo mbulu, nɛ ma dɛ gbãlã we, nɛ nde mi kpóló nu mi gɔ. Mi tɔ̃a dɛ nza na: Owinɔ vɛ̃ wa tɛ sɛ, nɛ wa gu gba zugolo dati mi. Nɛ wa kana sɛ tɛ wa dati mi na, lo élé sɛ dɛ olo nu mi gɔ.

Ezai 45:25

Nɛ mi zɔ sɛ obe zã Yakɔbɔ vɛ̃ ɔ nɛ owi bɔlɔ zu. Hã wa zɔ ni, nɛ wa dɔnggɔ sɛ mi.”

Yeremi 23:6

'Da fala a dungu sɛ nwa ni, nɛ Oyuda wa kpasa sɛ, nɛ Oisraɛlɛ wa kpa sɛ gɛ̃a dungu. Wa sa sɛ li a na: ‘NWA, wele bɔlɔ zu.’ ”

YOANƐ 14:1

Nɛ Yezu tɔ̃ hã wa na: “Dɔ sila nɛ ɔ́ ngɔ gɔ. Nɛ ɔ́ do kɔ̃a we dɛ 'da Gale, nɛ nɛ ɔ́ 'bɔ do kɔ̃a we dɛ 'da mi.

EFƐZƐ 1:6

Kɔ lɛ dɔ́nggɔ́ Gale we gã dia zã kɛ a bia ma hã lɛ do wala 'da Yezu Kristo, Be 'da a ngɔ sila a ni.

EFƐZƐ 2:7

A dɛa ni we be dia zã 'da a dɛ 'da lɛ do wala 'da Kristo. Nɛ a kɔ̃a we be dia zã 'da a kɛ ma nɛa ngɔ mɔ vɛ́ ni hã owinɔ kɔ sabɛlɛnɔ 'do gɛ.

EFƐZƐ 3:21

E kɔ lɛ owinɔ kɔ Eklezia kɛ lɛ mba kpo do Yezu Kristo ni, lɛ dɔnggɔ Gale 'da fala fai kɔ sabɛlɛ do sabɛlɛ! Amɛ.

2 TƐSALONIKƐ 2:13

Nɛ nde kɛ 'da lɛ, onyae, lɛ wia tɛ hã iɔ̃nae hã Gale 'da fala fai we duzu nɛ, kɛ Nwa kɔ̃a gɛnɛ nɛ ni. Mba gɔ, Gale saka zɛ́ nɛ do ndo nyanga dɛ mɛnɔ, takɔ a kpasa nɛ, nɛ a kifi nɛ do winɔ 'da a ngboo. A kpasa sɛ nɛ do ngawi 'da Hi Wi Santo, do ngawi 'da kɔ̃a we nɛ kɔ̃a do gɛnɛ gbãlã we ni.

2 TIMOTE 1:12

Kɔ we duzu ki ni, ma kɛ mi kunu sila mi kɔ ngamɛnɔ mi kpa gɛ. Nɛ sape nɛ bá li mi gɔ, we kɛ mi ĩ ti wi kɛ mi gbini zã mi do a ni. Nɛ mi ĩ ngboo na, a do ngawi we fɔmɔ wenɔ kɛ a hã hã mi ni, gbaa we hɔ ngba soe tɛa 'da a.

ZAKE 1:18

A kɔ̃a do sila a, nɛ a hã kpasi hã lɛ do wala 'da we nu a kɛ mɛ a gbãlã we ni. A dɛa ni, takɔ lɛ ɔ Owi dati kɔ mɛnɔ a dɛa ma ni vɛ̃.

1 PETRO 1:21

Kɔ we duzu a, nɛ nɛ kɔ̃a zu li Gale, kɛ a tunu zi a kɔ fio, nɛ a hã dɔ̃lɔ̃ li hã a ni. Gale dɛa ni, takɔ nɛ ɔ do kɔ̃a we, nɛ nɛ gbini 'bɔ zã nɛ do a.