EFƐZƐ 1:10 - WE NU GALE 1995

¹⁰ Kɔ fala kɛ tũ nɛ ma we, nɛ a ngɛmɛ sɛ mɛnɔ li nza i, do kɛnɔ nù nga gɛ vɛ́ dɛ kɔ̃ Nwa kpo, wi a Kristo.

EFƐZƐ 1:10 Iomraidhean Croise

Ndo Nyanga Dɛ Mɔ 49:10

Nu kpala mɔ ma dɛ sɛ to nwa fai. Dɔndɔlɔ nwa yú sɛ tɛ̃ ɛ kɔ̃ be zã mɔ gɔ, gbaa na owinɔ wa tɛ do mɔ we dɔnggɔ do a, nɛ wa dɛ mbulanɔ 'da a.

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

AMƆSI 9:11

NWA tɔ̃a na: “Mbe ngba soe kpo, nɛ mi 'dafa sɛ nu kpala Davidi kɛ ma kumu, nɛ ma ɔ nɛ olo tɔa ni, nɛ ma de sɛ 'bɔ dɛ olo nɛ. Mi kpe sɛ oholonɔ, nɛ mi bɔlɔ sɛ dɛlɛ tɔanɔ. Mi 'dafa sɛ ma na, ma de 'bɔ ɔ nɛ kɛ zi dati ni.

MALAKI 3:1

Nɛ zélé we kɛ NWA ngɔ mɔ nyanga nza vɛ̃, a gisa hã nɛ gɛ: “Mi tombo sɛ wi toe 'da mi na, a 'dafa li wala hã mi. 'Do nɛ, nɛ mi NWA, kɛ nɛ 'bɔ 'da tɛa 'da mi ni, mi hɔ sɛ do gbanga nɛ, nɛ mi le sɛ kɔ Tɛmpɛloe 'da mi. Wi toe 'da mi NWA kɛ nɛ kɔ̃a na a tɛ ni, a li wala tɛ tɛ ma. A hɔ sɛ, nɛ a tɔ̃ sɛ we gba tɔkɛ kɛ mi gba ma do nɛ ni.”

MATIE 25:32

Nɛ owinɔ ngɔ nù gɛ vɛ̃ wa ngɛmɛ sɛ ngba wa dɛ dati mi. Nɛ mi gɔnɔ sɛ sanga winɔ, ɔ nɛ kɛ wi fɔmɔ nadalamɔ gɔnɔ do sanga obatanɔ do duanɔ 'da a ni.

MARKO 1:15

“Ngba soe Gale nɛ tɛ we dungu nwa ngɔ nù gɛ ni kɔla ia. Nɛ kífí sila nɛ, kɔ nɛ kɔ̃́ gɛnɛ Dia Sakoe gɛ.”

1 KORINTƐ 10:11

Mɛnɔ ni ma dɛa zi oyaa lɛ, takɔ ma sɔ̃ li lɛ. Nɛ wa kɔma ma kɔ 'buku we gba ta zu lɛ, kɛ lɛ kɔla hɔ ndɔti nùi ia ni.

1 KORINTƐ 11:3

Nɛ nde mi kɔ̃a na, nɛ ĩ do dia nɛ na, Kristo a Nwa ngɔ wi wilinɔ, nɛ wi wili a nwa ngɔ kɛnɛ a, nɛ Gale a Nwa ngɔ Kristo.

GALATI 4:4

Nɛ nde 'da fala ngba soe nɛ wia zi ni, nɛ Gale tumba Be 'da a ngɔ nù gɛ. Wuko kua a, nɛ a zi ti mbula 'da Oyudanɔ.

EFƐZƐ 1:22

Gale a mɛnɔ vɛ ti nyanga Kristo, nɛ a ia a do gã nwa ngɔ Eklezia.

EFƐZƐ 2:15

A gbɛa mbula 'da Oyudanɔ kɛ ma kɛa zi sanga wa do ogele winɔ ni, nɛ a 'dafa dɛa na sanga wa, nɛ a mba li wa bɔa nɛ dɛ kɔ a, nɛ wa hɔa wele kpo.

EFƐZƐ 3:15

kɛ a a gba gulu nu fɛlɛ kulanɔ li nza i, do nù nga vɛ ni.

EFƐZƐ 3:2

Kafi bina, nɛ zila we toe kɛ Gale hã hã mi do dia zã 'da a na, mi dɛ hã nɛ ni.

KƆLƆSƐ 1:16

Mba gɔ, Gale dɛa mɛnɔ vɛ̃ do wala 'da a: omɛnɔ li nza i, do kɛnɔ nù nga, kɛnɔ wa zɔ zɔa, do kɛnɔ wa zɔ́ gɔ ni, mba do ohi winɔ li ngɔ gɛ kɛ wa a onwa, tabi ogã wi, nɛ wa do ngawi wena ni. Gale dɛa mɛnɔ nyanga nza gɛ vɛ̃ do wala 'da Kristo, nɛ ma ɔ hã a.

KƆLƆSƐ 1:20

Nɛ do wala 'da Kristo ni, Gale 'dafa dɛa na sanga a do omɛnɔ vɛ. A 'dafa dɛa na sanga a do mɛnɔ li nza, do kɛnɔ nù nga vɛ do wala 'da tɔkɔ tɛ Kristo kɛ a fia ngɔ finda te ni.

KƆLƆSƐ 3:11

Na mɛ ni, nɛ nde mɔ kɛ ma gɔnɔ sanga be Yuda do gele wi, tabi wi nɛ gaza do manda'ba ni bina. Nɛ wi kɛ a yàmbàlà mɔ gɔ, do wi kɛ a ĩ̀ ti mɔ wena gɔ, do ngbá, tabi wele le, wa vɛ wa wia kɔ̃ li Gale iko. We kɛ Kristo ngɔ mɛnɔ vɛ, nɛ a kɔ winɔ 'da a vɛ.

OHEBRE 1:2

Nɛ nde do ngba soenɔ gɛ, kɛ mɛ a ndɔti tũnɔ ni, Gale wila we hã lɛ do wala 'da Be 'da a. Be ni a wi kɛ Gale dɛa zɛ́ mɛnɔ vɛ̃ do wala 'da a, nɛ a ia mɛnɔ vɛ̃ dɛ kɔ̃ a ni.

OHEBRE 11:40

We duzu kɛ Gale 'dafa mɔ kɛ ma dia nɛa ngɔ ma ni we lɛ. A kɔ̃a na, a mba lɛ do wa kpo, sɛ nɛ a hã kpasi kɛ ma wia ngboo ni hã lɛ de.

OHEBRE 9:10

Mɛnɔ ni, mɛ a ombula ngɔ onyɔngɔmɛnɔ, do dɔ̃nɔ, do tɛlɛ tɛ fɔlɔ tɛ mɛnɔ 'da wa na, ma ɔ sa li Gale ni iko. Mɛ a ombula mɔ́ Owele, nɛ ma sɛ do ngawi gbaa we sɔkpɔ do 'da fala kɛ Gale a kpolo sɛ do mɛnɔ vɛ ni.

1 PETRO 1:20

Dati kɛ na Gale dɛ nùi ni, nɛ a saka zɛ́ Yezu na, a kpasa sɛ nɛ. Nɛ nde do ndɔti ngba soenɔ gɛ, Gale dɛa na, Yezu hɔ nù gɛ we duzu nɛ.

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.