EFƐZƐ 1:1 - WE NU GALE 1995

¹ Wi a mi Polo, kɛ Gale saka mi do kɔ̃a zã 'da a, nɛ a ia mi do wi nɛ toe 'da Yezu Kristo ni. Mi kɔma mbɛti gɛ hã nɛ, owinɔ 'da Gale tɛ kɔ le Efɛzɛ, kɛ nɛ mba kpo do Yezu Kristo, nɛ nɛ 'bana tɛ kɔ̃ gɛnɛ a do sila nɛ kpo ni.

EFƐZƐ 1:1 Iomraidhean Croise

Tɔlɔ Mɔ 12:7

Nɛ nde kɛ 'da wi toe 'da mi Mɔizɛ, kɛ a zɔ mɔ tɛ owinɔ 'da mi do wala olo nɛ ngboo ni, ma ɔ́ ni gɔ.

LUKA 16:10

Wi kɛ a dɛ obe mɛnɔ do wala olo nɛ ni, nɛ a dɛ sɛ tɛ mɛ 'bɔ ogã mɛnɔ do wala olo nɛ. Kɔ wi kɛ a dɛ́ obe mɛnɔ do wala olo nɛ gɔ ni, a dɛ́ sɛ tɛ mɛ 'bɔ ogã mɛnɔ do wala olo nɛ gɔ.

Owi Nɛ Tonɔ 16:15

Nɛ lɛ hã batisimɔ hã a, do winɔ kɔ tɔa 'da a ni vɛ. Nɛ 'do nɛ, nɛ a tɔ̃ hã lɛ na: “Fala kɛ nɛ ĩ do gbãlã we na, mi kɔ̃a zu li Nwa ngboo nde, nɛ nɛ tɛ́, kɔ nɛ ɔ mbe dɛ 'da mi gɛ!” Nɛ a hɛ̃lɛ̃ lɛ gbaa, nɛ lɛ kɔ̃a.

Owi Nɛ Tonɔ 18:19

Nɛ wa la ni gbaa, nɛ wa hɔ Efɛzɛ, nɛ Polo la Akilasi do Pnsilɛ, nɛ a nɛ kɔ tɔa mbula, nɛ a wila we do Oyudanɔ.

Owi Nɛ Tonɔ 18:21

nɛ a tɔ̃ hã wa na: “Gale kɔ̃, nɛ mi kpolo sɛ tɛ mi 'da nɛ nga.” Nɛ a la, nɛ a kũ masua tɛ Efɛzɛ we nɛ dɛ Sezare.

Owi Nɛ Tonɔ 9:13

Nɛ Ananiasi gese na: “Aa Nwa, mi zila Owele wena tɛ tɔ̃ we 'da wi ni, do tɔ̃ we 'dã mɛnɔ vɛ kɛ a dɛ do owinɔ 'da mɔ, tɛ Yeruzalɛmɛ i ni.

ROMA 1:1

Wi a mi Polo, wi dɛa toe 'da Yezu Kristo hã mi kɔmɔ mbɛti gɛ hã nɛ. Gale sa zi mɔ hã mi, nɛ a ia mi do wi nɛ to, nɛ a saka mi we be Dia Sakoe 'da a hã Owele.

ROMA 1:7

Ma kɛ mi kɔmɔ mbɛti gɛ hã nɛ, Owi Roma. Mba gɔ, Gale kɔ̃a gɛnɛ nɛ, nɛ a sa mɔ hã nɛ na, nɛ hɔ winɔ 'da ɛ. E kɔ Baa lɛ Gale, do Nwa Yezu Kristo wa be dia zã 'da wa hã nɛ, nɛ wa hã gɛa dungu hã nɛ.

ROMA 8:1

Kɔ ngangga ni, Gale a 'bílí sɛ 'bɔ 'dã we dɛ zu winɔ kɛ wa mba kpo do Yezu Kristo ia ni gɔ.

1 KORINTƐ 4:12

Lɛ kpa ngamɔ dɛ to do kɔ̃ lɛ we kpasa do ma. Kɔ fala kɛ winɔ wa dã lɛ, nɛ lɛ wele nu lɛ tɛ wa. Kɔ wa ma ngɔ zɛlɛ tɛ lɛ, nɛ lɛ kunu sila lɛ iko.

1 KORINTƐ 4:17

Ma kɛ mi tumba Timote hã nɛ, takɔ a gba sɛ tɛ zu nɛ ngɔ mbula ngɔ dɛa toe 'da Kristo, kɛ mi dɛ ma, nɛ mi be ma hã Owi Kristonɔ falanɔ vɛ́ ni. Timote ni a be kɛ a ngɔ sila mi, nɛ a dɛ mbulanɔ 'da Nwa do wala do nɛ.

2 KORINTƐ 1:1

Wi a mi Polo, wi nɛ toe 'da Yezu Kristo ɔ nɛ kɛ zã Gale kɔ̃a ni, do nya lɛ Timote, lɛ kɔmɔ mbɛti gɛ hã nɛ, owinɔ kɔ eklezia 'da Gale tɛ Korintɛ, fala nɛ kpo do owinɔ 'da Gale ngɔ nù Akai vɛ̃.

GALATI 1:1

Wi a mi Polo, wi nɛ toe 'da Yezu Kristo. Mi a wi nɛ to mɔ́ wele gɔ, nɛ wele a tòmbò mi na, mi hɔ wi nɛ to gɔ. Nɛ nde wi a Yezu Kristo ngboo, do Baa lɛ Gale, kɛ a tunu zi Yezu kɔ fio ni, wa a wa tumba mi.

GALATI 3:26

Nɛ vɛ́ kɛ nɛ kɔ̃a zu li Yezu Kristo ni, nɛ hɔa benɔ 'da Gale we duzu a.

GALATI 3:28

Na mɛ ni, fo 'bɔ gɔnɔ sanga tɛ ngba wi kɔ nɛ bina. Nɛ ɔ do be Yuda tabi gele wi, ngbá tabi wele le, wi wili tabi wuko, nɛ nde nɛ vɛ nɛ wia kɔ̃, nɛ nɛ hɔa wele kpo kɔ Kristo.

GALATI 3:9

Nɛ Abrahama kɔ̃a, nɛ Gale wila nu ɛ tɛ a. Na mɛ ni, owinɔ vɛ kɛ wa do kɔ̃a we boe ni, Gale a wele sɛ nu a tɛ wa, ɔ nɛ kɛ a wila zi do nu a tɛ Abrahama ni.

EFƐZƐ 1:15

Mi zila sako kɔ̃a we nɛ kɔ̃a do Nwa Yezu Kristo, do kɔ̃a zã 'da nɛ dɛ 'da owinɔ 'da Gale vɛ́ ni. We duzu ma,

EFƐZƐ 2:10

Gbãlã we, lɛ a mɔ do kɔ̃ Gale. A dɛa lɛ, nɛ a mba li lɛ kpo do Yezu Kristo, takɔ lɛ dɛ dia mɛnɔ kɛ a 'dafa zi dati belee na, lɛ dɛ ma ni.

EFƐZƐ 2:13

Nɛ nyɛla zi do Gale wena, nɛ nde ngangga gɛ, nɛ mba kpo do Yezu Kristo, nɛ nɛ kɔla do Gale we duzu fie 'da Kristo.

EFƐZƐ 2:6

A tunu lɛ kɔ fio fala nɛ kpo do Kristo, nɛ a a lɛ do onwa fala nɛ kpo do a tɛ li nza i.

EFƐZƐ 6:21

Nya mi Tisikɛ, kɛ a ngɔ sila mi, nɛ a dɛ to 'da Nwa do wala olo nɛ ngboo ni, a tɔ̃ sɛ sako 'da mi vɛ̃ hã nɛ, takɔ nɛ ĩ tɛlɛ tɛ kɛ mi dungu nɛ ni.

KƆLƆSƐ 1:2

onya lɛ winɔ 'da Gale tɛ kɔ le Kɔlɔsɛ, kɛ nɛ mba kpo do Yezu, nɛ nɛ 'bana tɛ kɔ̃ gɛnɛ a do sila nɛ kpo ni. E kɔ Baa lɛ Gale be dia zã 'da a hã nɛ, nɛ a dɛ na, nɛ dungu do gɛ̃a sila.

USU MƐNƆ 17:14

Wa bi sɛ bolo do Be Bata, nɛ Be Bata nɛ ngɔ wa, we kɛ a a Nwa ngɔ Onwanɔ, nɛ to nwa 'da a nɛa ngɔ to nwanɔ vɛ. Nɛ winɔ 'da a, kɛ a sa zɛ́ mɔ hã wa, nɛ a saka zɛ́ wa, nɛ wa kàfà a gɔ ni, wa nɛ sɛ ngɔ Onwanɔ ni fala nɛ kpo do a.”

USU MƐNƆ 2:10

Nɛ tɛ dɛ̀ kili zɛlɛ tɛ nɛ kpa ma ni gɔ. Nɛ zɔ́, Satana kɔ̃a we yamba sila nɛ. A da sɛ ombe sanga nɛ ni kɔ bɔlɔkɔ, nɛ nɛ zɔ sɛ ngamɔ 'do tũ 'bu. Kɔ wa kɔ̃ we gbɛ nɛ, nɛ nɛ tɛ kìfì nu nɛ gɔ. Nɛ mi si sɛ olo zɛlɛ tɛ ni hã nɛ do kpasi kɛ ma é sɛ gɔ ni.

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.