DANIƐLƐ 8:3 - WE NU GALE 1995

³ Nɛ mi nɛa we ka mɔ, nɛ mi zɔ wili bata, nɛ nde a yula dɛ nu lì ni. A do zamba zu a bɔa, nɛ ma dulu wena. Mbee nɛ dulu nɛa ngɔ ngbɛ ɛ. Zamba a kɛ dulu wena ni, ma kunu do ngɔ go'do.

DANIƐLƐ 8:3 Iomraidhean Croise

1 Sakonɔ 21:16

Davidi nɛa we ba li ɛ ngɔ, nɛ a zɔ anzɛ li nza ngɔ i tɛ yaka gba du kɔya 'da a dɛ si 'biti Yeruzalɛmɛ nga. Nɛ Davidi do kumunɔ kɛ wa hi'da tulu gɛlanɔ ni, wa gu li wa nù.

Ɛsdrasi 1:2

“Nɛ zélé wenɔ kɛ Sirusi, gã nwa ngɔ nù Pɛrsɛ tɔ̃a na, wa sa ma do mbula ni. NWA Gale kɛ li nza i, a ia mi na, mi ɔ nwa ngɔ nùnɔ vɛ̃. A hã to hã mi na, mi dɛ mbé tɔa Tɛmpɛlo hɛ̃ ɛ tɛ Yeruzalɛmɛ, ngɔ nù Yuda.

Ɛsdrasi 4:5

Ndo do 'da fala dɛa to nwa 'da Sirusi, gã nwa ngɔ nù Pɛrsɛ, gbaa we hɔ tɛ kɛ 'da Dariusi, owinɔ ngɔ nùi ni wa tɛ hã mbili hã owi tɔ̃ mbula hã nwa na, wa 'danga linggamɛ 'da Oyudanɔ, kɔ wa la fala dɛ tɔa Tɛmpɛloe do'do.

Ezai 13:17

NWA tɔ̃a 'bɔ na: “Mi sa sɛ mɔ hã Omɛdɛ, kɛ wa lénggé do mbili tabi do mɔ mbali gɔɛ ni, nɛ mi tombo sɛ wa we bi le Babilɔnɛ.

Ezai 21:2

NWA Gale bia mɔ hã mi, mɛ a mɔ kɛ ma 'danga wena, nɛ tɛ wele fe tɛ nɛ fia. Owinɔ kɛ wa dɛ zi na dati dɛa ni, wa hɔa wi vũ to tɛ ngba wa. Ngba soe 'danga mɔ ma hɔa ia. NWA tɔ̃a na: “Osoda Elamɛ, nɛ kúlú ngɔ we bi bolo! Osoda Mɛdɛ, nɛ bá le ni! Mi dɛ sɛ na, ngawi 'da Owi Babilɔnɛ ma e, nɛ wa ha sɛ 'bɔ ngamɔ hã wele gɔ.”

Ezai 44:28

Mi tɔ̃a hã nwa Sirusi na: ‘Mi saka mɔ na, mɔ kpe dati owinɔ hã mi. Mɔ dɛ sɛ mɛnɔ kɛ zã mi kɔ̃a ni. Mɔ ba sɛ nu mɔ na, wa dɛ le Yeruzalɛmɛ dɛ olo nɛ, nɛ wa ndo nyanga dɛ tɔa Tɛmpɛloe.’ ”

Yeremi 51:11

NWA nɛ bili nu gbã 'dã mɛ kɛ Obabilonia wa dɛa zi do Tɛmpɛloe 'da a kɛ ma santo ni hã wa. Ma kɛ a sɔ̃ɛ onwa ngɔ nù Medi na wa nɛ, hã wa 'danga nù Babilonia. Nɛ ogã wi ngɔ sodanɔ wa ba nu wa na: “Nɛ sɛ́ nu kpilinɔ 'da nɛ, nɛ nɛ á ma dunu kɔ fokonɔ!

DANIƐLƐ 10:5

Mi ka mɔ, nɛ mi zɔ wele, a hi'da tulu linɛ, nɛ a kpo 'dɛ̃ mɔ mbali 'dɛ tili a.

DANIƐLƐ 2:39

'Do mɔ gɛ, nɛ mbé gele gã nwa a hɔ sɛ, nɛ nde a ngándá sɛ ɔ nɛ mɔ gɛ gɔ. 'Do nɛ, nɛ nwa wele kɛ talɛ a hɔ sɛ. Nɛ ngawi 'da a ma ɔ sɛ nɛ tũ mɔ bolo, nɛ a e sɛ mbula ngɔ nùnɔ vɛ̃.

DANIƐLƐ 6:28

A fo wele kɔ ngamɔ, nɛ a kpasa a, a dɛ oɔngbamɔ do ogba sɔ mɔ tɛ li nza i do ngɔ nù nga. A kpasa Daniɛlɛ ti kɔ ogbɔgbɔnɔ.”

DANIƐLƐ 7:5

Sa'de wele kɛ bɔa wia kɔ̃ do sa'de li a a ursi ni. Nɛ a yula dɛ ngɔ mbee nyanga a, nɛ a 'bɔmɔ gbãlã ngu'du sa'de talɛ dɛ li gogo a. Nɛ wa ba nu wa hã a na, a bɔlɔ tɛ̃ a, kɔ a nyɔngɔ mulu sa'de, ɔ nɛ kɛ ma wia do a ni.

DANIƐLƐ 8:2

Mi yala zu mi, nɛ nde mi a tɛ Suzɛ, le kɛ gba ngbo zĩ ma takpa, tɛ ngɔ 'bili tɛ nù Elamɛ. Nɛ mi dɛ nu lì kɛ li nɛ a Ulai.

DANIƐLƐ 8:20

Wili bata kɛ mɔ zɔa a, nɛ nde zamba zu a bɔa ni, a be onù Mɛdɛ do Pɛrsɛ.

ZAKARIA 2:1

Mi ka 'bɔ mɔ do li yalɛ ni, nɛ mi zɔ oza sa'de nalɛ.

ZAKARIA 5:1

Mi ka 'bɔ mɔ do li yalɛ, nɛ mi zɔ kasa 'buku, wa yala li nɛ yala, nɛ ma tɛ bũlũ do zã bũ gɛ.

ZAKARIA 5:5

Nɛ anzɛ ni tɛa 'bɔ, nɛ a tɔ̃ hã mi na: “Ká mɔ sɛ! Mɛ mɔ zɔ ma tɛ tɛ i mɔ ni a ge nde?”

ZAKARIA 5:9

Mi nɛa we ba li mi dɛ ngɔ, nɛ mi zɔ owuko bɔa, nɛ nde wa do sala 'baka wa ɔ nɛ kɛ 'da nɔɛ ngele ni, wa tɛ bũlũ do zã bũi. Nɛ wa tɛa, nɛ wa ba gã yele ni, nɛ wa bũlũ do ma dɛ li ngɔ i.

ZAKARIA 6:1

Mi ka 'bɔ mɔ do li yalɛ, nɛ mi zɔ ongilingili nalɛ kɛ ma yolo dɛ sanga okala bɔa, nɛ wa dɛa kalanɔ ni do mɔ bolo.

Tɔlɔ Mɔ 24:2

A nɛa we ba li a ngɔ, nɛ a zɔ obe Israɛlɛ, wa dungu dɛ fala ɔi 'da wa do nu kpala wa kpo kpo. Nɛ Hi Wi 'da Gale lia kɔ a,

Yozue 5:13

Mbe ngba soe kpo, Yozue zi dɔ̃ɔ do Yeriko, kɔ a nɛ ka mɔ, nɛ a zɔ wele kpo, nɛ nde a yula dɛ dati a do du kɔya kɔ̃ a. Nɛ Yozue nɛ, nɛ a kɔlɔ do a, nɛ a aka a na: “Mɔ a wi mɔ́ lɛ, tabi mɔ a wi sɛnɛ lɛ nde?”

USU MƐNƆ 13:11

Nɛ 'do ki ni, kɔ mi nɛ ka mɔ, nɛ mi zɔ 'bɔ mbe gele sa'de kpo, a yula ti nù, kɔ a tɛ hɔ nza. A do zamba zu a bɔa, ma ɔ nɛ zamba zu be bata ni, nɛ a wele we ɔ nɛ gba sɔ̃ sa'de ni.

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.