DANIƐLƐ 10:3 - WE NU GALE 1995

³ Mi nyɔ̀ngɔ̀ zi sa'de, tabi gbãlã we nyɔngɔmɔ gɔ, nɛ mi nɔ̀ 'bɔ dɔ̀ gɔ. Nɛ mi bɛ̃a kɛlɛ zu mi gbaa, nɛ pɔsɔnɔ talɛ ni ia.

DANIƐLƐ 10:3 Iomraidhean Croise

2 SAMUƐLƐ 19:24

Nɛ a tɔ̃ hã Simei na: “Mi kana tɛ mi na, mɔ fé sɛ gɔ.”

YƆBƆ 33:20

nɛ nyɔngɔmɔ 'danga nu a. Nɛ gɛnɛ kɔ nyɔngɔmɔ kɛ a kɔ̃a wena ni, nɛ ma dé 'bɔ nu a gɔ.

DANIƐLƐ 10:12

“'Do nɛ, nɛ a tɔ̃ 'bɔ na: ‘Daniɛlɛ, kili tɛ bà mɔ gɔ. Ndo do kɔ tũi mɔ ba tɛ mɔ dɛ nù dati Gale, nɛ mɔ ia sila mɔ we ĩ ti mɛ ma la ni, nɛ nwa zila sambala 'da mɔ. Kɔ mi tɛa we gese nu sambala ni.

DANIƐLƐ 11:8

Nɛ 'da fala kɛ a yolo sɛ Siri i we si nɛ ni, nɛ a kala sɛ osɛa tenɔ ngɔ nùi ni, do odia sani mɔ mbali do fɛ̃a mɔ bolo, kɛ wa e zi ma hã ogalenɔ ni, nɛ a si nɛ. Olo nɛ ma la sɛ sabɛlɛ dɛlɛ wena, fo sɛ 'bɔ mbé bolo bina.

DANIƐLƐ 6:18

Wa tɛa do gã ta, nɛ wa kimili ma dɛ nu kɔ̃ɛ. Nɛ nwa to kasɛ 'da a, do kɛ 'da ogã wi tonɔ 'da a tɛ nɛ na, da dɛ kɔ wele tɛ́ we kpasa Daniɛlɛ kɔ kɔ̃ɛ ni gɔ.

AMƆSI 5:11

Nɛ nde Gale tɔ̃a na: “Mi ĩ ti ogili yɔa ti dɛa mɛnɔ 'da nɛ, nɛ mi ĩ 'bɔ ti o'dã mɛnɔ kɛ nɛ dɛa ni. Nɛ hã ngamɔ hã Owi bɔlɔ zu, nɛ nɛ zɛlɛ tɛ Owi sã, nɛ nɛ zũ 'bɔ kpalɛ 'da wa. Nɛ hã mbili tɛ fala 'bili we na, dɔ wa gbɛ́ gbãlã we hã Owi sã gɔ. We duzu ma, nɛ ɔ̃ sɛ kɔ odia tɔanɔ kɛ nɛ dɛa ni gɔ. Nɛ dɔ̃ vinɔnɔ kɛ nɛ mi ni, ma gbó sɛ nu nɛ gɔ.

NAHUMƐ 2:9

Owi Ninivɛ wa tɛ yu le ɔ nɛ fua lì kɛ wa kpia, nɛ ma ba, hã ma tɛ fo do ngɔ nùi vɛ̃ ni. Nɛ ombe wa tɛ he mɔ na: “Nɛ tɛ yù gɔ! Nɛ tɛ yù gɔ!” Nɛ nde fo wi kpolo tɛ̃ ɛ 'do bina.

MATIE 6:17

Nɛ nde kɛ 'da mɔ, fala kɛ mɔ nɛ bɛ̃ nyɔngɔmɔ we dɔnggɔ Gale, nɛ mɔ fɔ́lɔ́ sanga li mɔ, nɛ mɔ sálá zu mɔ,

LUKA 7:46

Mɔ à nɔ zu mi gɔ, nɛ nde a fɛla nɔ yɔmbɔ tɛ nyanga mi.

1 KORINTƐ 9:27

Kɔ mi hã ngamɔ hã kili tɛ mi, takɔ ma ɔ nɛ kɛ mi kɔ̃a ni, dɔ do 'do, nɛ Gale bé gɛnɛ mi olo kɛ mi bia we nu a hã owinɔ ni gɔ.