DANIƐLƐ 1:2 - WE NU GALE 1995

² Nɛ NWA Gale dɛa na, Nabukɔdɔnɔzɔrɛ nɛ ngɔ Yoakimɛ li bole. Nɛ Nabukɔdɔnɔzɔrɛ ba Yoakimɛ, nɛ a kala 'bɔ ombe mɔ dɛa tonɔ kɔ tɔa Tɛmpɛloe 'da Gale, nɛ a si do a, mba do mɛnɔ ni dɛ Babilonia i, nɛ a a ma kɔ tɔa kpamɛnɔ, kɔ tɛmpɛloe 'da ogalenɔ 'da a.

DANIƐLƐ 1:2 Iomraidhean Croise

Ndo Nyanga Dɛ Mɔ 10:10

Kuti olenɔ kɛ a dungu zi nwa ngɔ ma ni a: Babɛlɛ, Erɛkɛ, Akadɛ do Kalne, kɛ ma kɔ le Sinearɛ,

Ndo Nyanga Dɛ Mɔ 11:2

Owinɔ wa yɛnggɛ zi si 'biti gba wese, nɛ wa hɔ ngɔ mbe mbɛ nù tɛ Mezopotami, nɛ wa dɛ tɔa di ni.

2 Onwanɔ 24:1

Do 'da fala dɛa to nwa 'da Yoakimɛ ngɔ nù Yuda, nɛ Nabukɔdɔnɔzɔrɛ, nwa ngɔ nù Babilonia tɛa do osodanɔ 'da a, nɛ wa bi nù Yuda, nɛ wa ba ma, nɛ Nabukɔdɔnɔzɔrɛ e mbula ngɔ nɛ. Yoakimɛ dɛa mbula 'da nwa ngɔ nù Babilonia 'do sabɛlɛ talɛ, nɛ 'do nɛ, nɛ a dɛ nga zu, nɛ a bɛ̃ we dɛ mbula 'da a.

2 Sakonɔ 36:5

Yoakimɛ hɔa zi nwa, nɛ nde a do 'bu sabɛlɛ bɔa ngɔ nɛ mɔlɔ. Nɛ a dɛa zi to nwa 'da a tɛ Yeruzalɛmɛ 'do sabɛlɛ 'bu ngɔ nɛ kpo. Yoakimɛ dɛa zi mɔ kɛ ma dè tɛ NWA Gale 'da a gɔ ni.

2 Sakonɔ 36:7

Nɛ a kala 'bɔ omɔ kpi do kpi kɔ tɔa Tɛmpɛlo 'da NWA, nɛ a si do ma, nɛ a a ma kɔ tɔa nwa 'da a tɛ Babilɔnɛ i.

Ɛsdrasi 1:7

Nɛ gã nwa Sirusi hã nu a, nɛ wa ngɛmɛ li saka mɛnɔ kɛ ma wia do to kɔ tɔa Tɛmpɛloe tɛ Yeruzalɛmɛ i ni. Mɛnɔ ni a mɛnɔ kɛ Nabukɔdɔnɔzɔrɛ kala zɛ́ kɔ Tɛmpɛloe 'da nwa, we a kɔ tɛmpɛlo 'da ogalenɔ 'da a ni.

Ezai 11:11

Do ngba soe ni, nɛ NWA Gale a be sɛ 'bɔ ngawi 'da a. A gese sɛ tala winɔ 'da a, kɛ wa 'dɔlɔ zi wa kɔ ogele lenɔ, nɛ wa 'bana nza ni. A kala sɛ wa ngɔ nù Asiri, Ezipeto, Patrosi, Sudanɛ, Elamɛ, Babilonia, Hamatɛ, do olenɔ nu gba lìnɔ ni, nɛ a si sɛ do wa.

Ezai 42:24

Wi kɛ a 'dɔlɔ zi lɛ, obe Israɛlɛ, hã Owi sɛnɛ lɛ na, wa kala mɛnɔ 'da lɛ ni, wi a wio nde? Wi zi a NWA, kɛ lɛ dɛa zi 'dã mɛ dɛ 'da a ni. Gale bia zi wala hã lɛ obe Israɛlɛ, nɛ nde lɛ bà do li wala ni gɔ. A bia mbula hã lɛ, nɛ lɛ dɛ̃ ma gɔ.

Yeremi 25:1

Yoakimɛ ɔa tɛ to nwa 'da a ngɔ nù Yuda sabɛlɛ nalɛ, nɛ nwa tumba mi na, mi tɔ̃ toe gɛ hã Oyuda vɛ̃. 'Da fala ni, mɛ zi a kuti sabɛlɛ dɛa to nwa 'da Nabukɔdɔnɔzɔrɛ, nwa ngɔ nù Babilonia.

Yeremi 27:16

Nɛ mi tɔ́a olo nu NWA hã onganganɔ, do owinɔ zi di ni ni na: “Nɛ tɛ zèlè nu owi gba olo nu Gale gɔ. Wa tɔ̃ hã nɛ na, Owi Babilonia wa kɔlɔ tɛ gese mbe mɔ dɛa tonɔ kɔ tɔa Tɛmpɛloe, kɛ wa si zi do ma dɛ Babilɔnɛ i ni ia. Ĩ na, wa 'bili bɛlɛ hã nɛ iko.

Yeremi 28:3

Ma 'bana sabɛlɛ bɔa na, mi gese omɔ dɛa tonɔ vɛ̃ kɛ nwa Nabukɔdɔnɔzɔrɛ kala zi kɔ tɔa Tɛmpɛloe, nɛ a si nɛ dɛ Babilɔnɛ i ni dɛ olo nɛ.

Yeremi 35:11

Nɛ nde fala kɛ Nabukɔdɔnɔzɔrɛ, nwa ngɔ nù Babilonia tɛa ngɔ nù Yuda we bi ma, nɛ lɛ yu osoda Babilɔnɛ, do osoda Siri dɛ kɔ le Yeruzalɛmɛ nga. Gulu kɛ lɛ ɔ kɔ le Yeruzalɛmɛ gɛ a ni.”

Yeremi 50:2

A na: “Mɔ tɔ̃́ toe gɛ hã onu kɔnggɔ winɔ vɛ̃! Mɔ yɛ́'bɛ́ sako nɛ! Mɔ tɔ̃́ ma dɛ nza, mɔ tɛ ùsù we kpo gɔ! Wa ba le Babilɔnɛ! Mɛ a sape we okpikimanɔ do ogale bɛlɛnɔ 'da owinɔ kɔ le ni! Mɛ a 'bako we gale kɛ li a a Bɛlɛ, do gale Mardukɛ!

Yeremi 51:44

NWA tɔ́a na: “Mi hã sɛ etumbu hã Bɛlɛ, gale 'da Owi Babilɔnɛ. Mi dɛ sɛ na, a fũlũ mɛ kɛ a yɔ'dɔ ni. Nɛ onu kɔnggɔ winɔ ngɔ nù gɛ, wa ngɛ́mɛ́ sɛ 'bɔ ngba wa dɛ 'da a we dɔnggɔ a gɔ. “Gba ngbo nu le Babilɔnɛ ma gbini ia.

DANIƐLƐ 5:13

Wa kpa Daniɛlɛ, nɛ wa tɛ do a dɛ dati nwa Baltazarɛ. Nɛ nwa aka a na: “Wi a mɔ Daniɛlɛ, be Yuda, kɛ baa mi ba zi mɔ do 'duli ngɔ nù Yuda i, nɛ a si do mɔ ni nde?

DANIƐLƐ 5:18

Gale kɛ a nɛa ngɔ mɛnɔ vɛ̃ ni, a dɛa zi na, baa mɔ Nabukɔdɔnɔzɔrɛ hɔ gã nwa, kɛ a do dɔ̃lɔ̃ li.

HABAKUKƐ 1:16

Wa zɔ gbandanɔ 'da wa li wa, ɔ nɛ gale 'da wa ni, nɛ wa gbɛ osa'de, nɛ wa dɔ fũ yɔmbɔ we dɔnggɔ do ma. We duzu kɛ gbandanɔ ni hã dia nyɔngɔmɔ hã wa dɛlɛ wena.

ZAKARIA 5:11

Nɛ a gese hã mi na: “Wa la do ma dɛ ngɔ nù Babilonia, nɛ wa 'dafa sɛ tɔa i mɔ, nɛ wa e gã yele ni kɔ nɛ.”

Mbulanɔ 32:30

Gulu kɛ wele zu a kpo iko, nɛ a nɛ ngɔ obe Israɛlɛ kama kpo ni we ge nde? Nɛ gulu kɛ Owele bɔa, nɛ wa nɛ ngɔ obe Israɛlɛ koto kpo ni we ge nde? Mɛ a we duzu kɛ Gale 'da wa, kɛ a do nganda vɛ̃ ni, a la wa do'do.

Owi kpe dati 2:14

Nɛ nwa zɔa ní, nɛ zã a nɔ̃lã dɛ tɛ wa obe Israɛlɛ. Nɛ a ia wa dɛ kɔ̃ owi 'danga mɔ na, wa 'danga mɛnɔ 'da wa. Nɛ owi sɛnɛ wa wa hɔa, nɛ wa linggi wa, nɛ wa bi wa. Nɛ nde obe Israɛlɛ wa wè zi tɛ yolo dati wa gɔ.

Owi kpe dati 3:8

Nɛ zã NWA nɔ̃lɔ̃ dɛ tɛ wa, nɛ a la zi wa dɛ kɔ Kusanɛ-Risataimɛ, nwa ngɔ nù Mezopotami. Nɛ nwa ni ia mbula ngɔ wa 'do sabɛlɛ ngbɛ'dɛ'dɛ.

Owi kpe dati 4:2

NWA zɔa ní, nɛ a hã ngawi hã Yabinɛ na, a nɛ ngɔ wa. Yabinɛ zi a nwa ngɔ nù Kanana, nɛ a ɔ tɛ Hasɔrɛ. Nɛ gã wi ngɔ osodanɔ 'da a zi a Sisra, nɛ a ɔ zi tɛ Harosɛtɛ-Goimɛ.

1 SAMUƐLƐ 5:2

Wa nɛa we hɔ do ma tɛ Asdɔdɛ 'di, nɛ wa e ma kɔ tɔa 'da gale 'da wa, kɛ wa sa li a na Dagoni ni. Wa ia Sanduki dɔ̃ɔ do kpikima Dagoni.