AZE 2:3 - WE NU GALE 1995

³ We ni ma kɛ: “nwa aka na: Sanga nɛ winɔ nɛ 'bana nza gɛ, wi ta zu a 'bana ngɔ kɛ Tɛmpɛloe ndele zi nɛ dati gɛ ni, wi a wio nde? Kɔ da dɔ̃ gɛ, nɛ zɔ tɔa ni gbali nɛ nɛ nde? Ma ɔ́ gbali nɛ nɛ mɔ yala iko ni gɔ nde?

AZE 2:3 Iomraidhean Croise

1 Sakonɔ 22:5

Davidi dɛa na mɛ ni, we kɛ a tɔ̃ zi do kɔ sila a na: “Be 'da mi Salɔmɔ a 'bana be zagbãlã iko, nɛ li a tɛ ĩ̀ mɔ ngboo gɔ. Ĩ na, tɔa Tɛmpɛlo kɛ wa nɛ dɛ hã NWA gɛ, ma wia na, dɔ̃lɔ̃ li ma do lɛnggɛ dia nɛ, ma yɛ'bɛ ngɔ nùi vɛ̃. Kɔ mi nɛ fa omɔ dɛ do tɔa ni.” Na mɛ ni, nɛ Davidi ngɛmɛ zi li omɔ dɛlɛ wena dati kɛ na a fe ni.

Ɛsdrasi 3:11

Wa dɔngga NWA, nɛ wa hã dɔ̃lɔ̃ li hã a, nɛ wa ga zuma, nɛ wa kɔ̃ nu nɛ do 'do ngba wa na: “NWA do kɔ̃a zã dɛ 'da Oisraɛlɛ, nɛ kɔ̃a zã ni do ndɔti nɛ bina!” Nɛ owinɔ wa hia mɔ dɛ ngɔ we dɔnggɔ NWA, we kɛ Owi dɛ tɔanɔ wa tɛ a nyanga tɔa Tɛmpɛloe 'da NWA.

Ɛsdrasi 3:12

Nɛ do 'da fala kɛ wa tɛ a nyanga mbé tɔa Tɛmpɛloe ni, nɛ nde ogili onganganɔ, do olevitɛnɔ, do okpasa wi nu fɛlɛ kulanɔ, wa zi boe. Nɛ okpasa winɔ kɔ wanɔ wa zɔa zɛ́ ã Tɛmpɛloe zɔa ni, wa he wena. Nɛ gili ombe winɔ wa tɛ be yangga 'da wa, do kɔ̃ nu hiamɛnɔ dɛ ngɔ.

Ezai 64:10

Nɛ dia tɔa Tɛmpɛloe 'da mɔ kɛ ma santo, kɛ oyaa lɛ wa dɔnggɔ zi mɔ kɔ nɛ ni, wa dɔa ma do'do. Nɛ falanɔ kɛ lɛ kɔ̃a zi gɛnɛ ma wena ni, ma 'danga vɛ̃.

EZEKIƐLƐ 7:20

Wa dɔnggɔ zi tɛ wa do kpamɛnɔ 'da wa, nɛ wa dula ma do osɔ̃ kpikima. Ma kɛ mi dɛ sɛ na, kpamɛnɔ ni kifi 'dã mɔ we wa.

AZE 2:9

Nɛ 'da fala wa ngɛmɛ sɛ kpamɛnɔ ni dɛ kɔ mbé Tɛmpɛloe ni, nɛ ma ndele sɛ nɛ ngɔ kuti kɛ. Nɛ mi hã sɛ dia dungu hã nɛ dɛ fala gɛ. Mi NWA ngɔ mɔ nyanga nza vɛ̃, mi tɔ̃a ní.”