Owi Nɛ Tonɔ 1:3 - WE NU GALE 1995

³ 'Do kɛ a fia ni, nɛ a bia zi 'bo tɛ a hã wa do walanɔ vɛ we be na, ɛ do kpasi. Nɛ a bia tɛ a hã wa ní gbaa we 'bu tũ nalɛ, tɛ tɔ̃ gulu dɛa to nwa 'da Gale hã wa.

Owi Nɛ Tonɔ 1:3 Iomraidhean Croise

1 Onwanɔ 19:8

Nɛ Elia kulu ngɔ, nɛ a nyɔngɔ mɔ, nɛ a nɔ lì, nɛ a kpa ngawi, nɛ a ma ngɔ la nɛ. A nɛa ni gbaa 'do 'bu tũ nalɛ, nɛ a hɔ ngɔ kala Horɛbɛ, kɛ mɛ a kala 'da Gale ni.

MATIE 21:43

Ma kɛ Yezu tɔ̃a 'bɔ mbé nɛ na: “Mi tɔ̃ hã nɛ do gbãlã we na, Gale a ba sɛ le nwa 'da a kɔ̃ nɛ, nɛ a hã ma hã ombé gele wele, kɛ wa dɛ sɛ de dɛa to we duzu le nwa ni. [

MATIE 28:9

Kɔ wa nɛ gbanga nɛ, nɛ Yezu gɔnɔ dati wa, nɛ a tɔ̃ hã wa na: “Balɛ hã nɛ!” Nɛ wa tɛa, nɛ wa 'be tɛ nyanga a, nɛ wa dɔnggɔ a.

MATIE 3:2

“Nɛ kífí sila nɛ, we kɛ ngba soe Gale nɛ tɛ we dungu nwa ngɔ nù gɛ ni kɔla ia.”

MATIE 4:2

Nɛ a ɔa i mɔ 'bu tũ nalɛ, nɛ nde a nyɔ̀ngɔ̀ mɔ gɔ, nɛ wɔ ba a.

MARKO 16:19

Nwa Yezu tɔ̃a wenɔ ni hã wa do'do, nɛ a kũ dɛ li nza i, nɛ a dungu tɛ ngawili kɔ̃ Gale.

YOANƐ 20:26

Ma la 'bɔ pɔsɔ kpo 'do ki ni, nɛ owi yambala mɛnɔ 'da Yezu wa mba 'bɔ li ngba wa dɛ kɔ tɔa ni, nɛ wa kpia 'bɔ nu tɔa dɛ ngɔ wa, nɛ wa kã ma. Ki ni nɛ nde Toma zi boe. Nɛ Yezu hɔa, nɛ a yolo dɛ sanga wa ni, nɛ a tɔ̃ hã wa na: “Nɛ ɔ́ do gɛ̃a sila!”

YOANƐ 21:1

'Do nɛ, nɛ Yezu bia 'bɔ tɛ̃ ɛ hã owi yambala mɛnɔ 'da a tɛ ngu'du gba ndɔ Tiberiadɛ. A bia tɛ̃ a hã wa na mɛ gɛ:

YOANƐ 21:14

Ki ni zi a fala talɛ kɛ Yezu bia do tɛ̃ ɛ hã owi yambala mɛnɔ 'da a, 'do kɛ a za'da nza kɔ fio ni.

Owi Nɛ Tonɔ 13:31

Nɛ 'do kɛ Yezu za'da nza kɔ fie ni, nɛ a kpa ngba a do owinɔ kɛ a yɛnggɛ zi do wa ni fala dɛlɛ wena. Wi zi a winɔ kɛ wa zi do a, yolo do ndò nyanga toe 'da a tɛ Galile i, gbaa we hɔ tɛ Yeruzalɛmɛ ni. Nɛ ngangga gɛ, winɔ ni wa hɔa temɔɛnɔ 'da a dati winɔ.

Owi Nɛ Tonɔ 19:8

Nɛ 'do zɛkɛ talɛ vɛ̃, Polo zi tɛ nɛ kɔ tɔa mbula, tɛ be we hã winɔ do sila a kpo. A be zi a we ngɔ dɛa to nwa 'da Gale, nɛ a dɛ nganda wena na, winɔ wa kɔ̃ gɛnɛ we ɛ be hã wa ni.

Owi Nɛ Tonɔ 28:23

Nɛ wa wia 'bɔ mbé kɔ̃ tũ hã Polo na, wa wele we do a. Nɛ do kɔ̃ tũi ni, owinɔ wa tɛa 'da Polo nga dɛlɛ la ngɔ wanɔ zi dati ni. Nɛ wa wila we yolo titole gbaa gɛa wese. Nɛ Polo tɔ̃a gulu dɛa to nwa 'da Gale hã wa. Nɛ a tɔlɔ 'buku mbula 'da Mɔizɛ, do 'bukunɔ 'da Owi gba olo nu Gale hã wa. Nɛ yolo dɛ ngɔ wenɔ kɔ 'bukunɔ ni, nɛ a fa na, wa kɔ̃ gɛnɛ we 'da Yezu na, a a Mɛsiya.

Owi Nɛ Tonɔ 28:31

A bia zi gulu dɛa to nwa 'da Gale, do gulu wenɔ 'da Nwa Yezu Kristo hã wa. Nɛ a dɛ zi ma do kɔ̃a zã vɛ, nɛ fo zi wi amba a bina.

Owi Nɛ Tonɔ 8:12

Nɛ nde 'da fala kɛ Filipɛ ndua be Dia Sakoe ngɔ dɛa to nwa 'da Gale, do Yezu Kristo ni, nɛ owinɔ tɛ Samaria wa kɔ̃a zu li Yezu, nɛ Filipɛ batisa owi wili do owuko.

ROMA 14:17

We duzu kɛ dɛa to nwa 'da Gale ma zɔ̀ nyɔngɔmɔ gɔ, nɛ nde mɛ a bɔlɔ zu dɛa mɔ, do gɛ̃a sila, do yangga kɛ Hi Wi Santo hã ma ni.

Mbulanɔ 9:18

“'Do nɛ, nɛ mi tia 'bɔ mbé nɛ, nɛ mi gu li mi nù dati NWA. Nɛ mi 'bana dɛ nù ni 'do 'bu tũ nalɛ, mi nyɔngɔ mɔ gɔ, nɛ mi nɔ̀ 'bɔ mbamba lì gɔ. Mi dɛa zi na mɛ ni, we kɛ nɛ dɛa 'dã mɔ dɛ 'da NWA. Nɛ dɛa zi mɔ kɛ ma dè tɛ NWA gɔ ni, nɛ nɛ nɔ̃lɔ̃ zã a nganda wena.

Mbulanɔ 9:9

Mi kũ zi dɛ ngɔ kala i, we kala otanɔ bɔa, kɛ Gale kɔma mbɛti gba tɔkɛ 'da a do lɛ dɛ ngɔ nɛ ni. Nɛ mi ɔa i mɔ 'bu tũ nalɛ. Nɛ do kɔ̃ tũnɔ ni vɛ̃, mi nyɔngɔ mɔ gɔ, nɛ mi nɔ̀ 'bɔ mbamba lì gɔ.

KƆLƆSƐ 1:13

A fua zi lɛ ti ngawi 'da ohi wi kɔ gba tũ, nɛ a a lɛ kɔ le nwa 'da Be 'da a, kɛ a ngɔ sila a ni.

1 TƐSALONIKƐ 2:12

Lɛ kpãlã zi sila nɛ, nɛ lɛ hã ngawi hã nɛ, nɛ lɛ hɛ̃lɛ̃ nɛ na, nɛ 'dafa dɛa mɔ tɛ nɛ na, ma de li Gale. Mba gɔ, a sa mɔ hã nɛ na, nɛ kpa dɔ̃lɔ̃ li do a kɔ le nwa 'da a.

1 YOANƐ 1:1

Lɛ kɔma mbɛti gɛ hã nɛ ngɔ We nu Gale kɛ ma hã kpasi ni. Do kuti kɛ kurr na, Gale dɛ mɛnɔ ngɔ nù gɛ vɛ ni, nɛ nde We nu Gale zɛ́ boe. Nɛ We nu Gale bia tɛ ɛ, nɛ lɛ zila wala gɛlɛ a do zala lɛ, nɛ lɛ zɔ a do gbali lɛ. Lɛ soko zi a ngboo, nɛ lɛ 'be tɛ̃ a do kɔ̃ lɛ.