ABDIASI 1:3 - WE NU GALE 1995

³ Nɛ dɛ gã zu wena, nɛ nɛ yɔa wala we duzu gã zui 'da nɛ. Nɛ dɛa le 'da nɛ ngɔ tanɔ do zu kala i, nɛ nɛ tɔ̃ na, Owele wa wè tɛ hɔ i mɔ, nɛ wa bi nɛ, nɛ wa ndaka nɛ gɔ.

ABDIASI 1:3 Iomraidhean Croise

Ndo Nyanga Dɛ Mɔ 36:8

Ma kɛ Ezau kulu zi ngɔ, nɛ a la we ɔ ngɔ kalanɔ tɛ Seirɛ.

2 Onwanɔ 14:7

Nɛ Amasia gbɛa zi 'bɔ osoda Edɔmɛ koto 'bu tɛ kɔ gbangɔlɔ̃ kɛ li nɛ a “Gbangɔlɔ̃ Tɔ̃.” Nɛ do ngba soe bole ni, nɛ a ba le Sela, nɛ a kpolo li nɛ na Yoketeɛlɛ. Wa 'bana tɛ sa li nɛ ni tia do sɔɛ gɛ.

2 Sakonɔ 25:11

Amasia kpa kpã sila, nɛ a kpe dati sodanɔ 'da a, nɛ wa nɛ, nɛ wa bi bole tɛ kɔ gbangɔlɛ̃ li nɛ a Gbangɔlɔ̃ Tɔ̃ ni, nɛ wa gbɛa osoda Edɔmɛ koto 'bu.

2 Sakonɔ 25:12

Nɛ osoda Yuda wa kala mbe kɔ osoda Edɔmɛ koto 'bu, nɛ wa ɛnzɛ wa, nɛ wa la do wa dɛ ngɔ mbe zu kala kpo, nɛ wa ili wa dɛ nù i, nɛ wa te ngɔ ta, nɛ zã wa fũ.

YƆBƆ 20:6

Gɛnɛ kɔ 'dã wi ngala gbaa, kɔ zu a to li nza,

GBA WENƆ 16:18

Dɛ mɔ do gã zu, ma e te nu wele ia. Nɛ dɛ mɔ do wali, ma 'danga wele 'danga.

GBA WENƆ 18:12

Ma wia na, mɔ ba tɛ mɔ dɛ nù, sɛ nɛ mɔ kpa sɛ dɔ̃lɔ̃ li de. We kɛ wali ma kã wele dɛ li fio.

GBA WENƆ 29:23

Wi gã zu a kpa sɛ sape. Nɛ nde wi gbisa zu a kpa sɛ dɔ̃lɔ̃ li.

Ezai 16:6

Oyuda wa gisa na: “Lɛ zele lɛnggɛ 'da Omoabɛ zila. Wa dɛ wali wena, wa a wi nga zu do wi ɔkɔlɔ wele. Wa dɔnggɔ tɛ wa wena, nɛ nde fo gulu nɛ bina.”

Yeremi 21:13

Nɛ, winɔ kɛ nɛ ɔ kɔ tɔa nwa, ti nyanga tɔa Tɛmpɛloe, tɛ ngɔ kala Sioni i ni, nɛ lengge na, owi sɛnɛ nɛ wa wè tɛ hɔ 'da nɛ i gɔ. Nɛ nde mi nwa, mi hɔ sɛ 'da nɛ i,

Yeremi 37:9

Mi NWA, mi tɔ̃ hã nɛ na, osoda Babilɔnɛ wa sɛ boe fai, nɛ tɛ lènggè na wa si si gɔ. Nɛ lengge ní, nɛ nde nɛ ɔkɔlɔ tɛ nɛ iko!

Yeremi 48:28

“Aa nɛ Omoabɛ, nɛ kúlú kɔ lenɔ 'da nɛ, hã nɛ lá dɛ ngɔ tanɔ tɛ zu kalanɔ i, nɛ nɛ dɛ tɔanɔ 'da nɛ dɛ di ni, ɔ nɛ kɛ ogbakulĩnɔ wa dɛ ni.

Yeremi 49:16

Nɛ zɔ zi tɛ nɛ na, nɛ nɛa ngɔ winɔ vɛ̃, nɛ nɛ nɔ̃lɔ̃ zi zã winɔ vɛ̃. Nɛ nde nɛ ɔkɔlɔ zi tɛ nɛ wele nɛ. Nɛ dɛa le 'da nɛ tɛ ngɔ tanɔ zu kala i. Nɛ nde mi NWA, mi tɔ̃a na, gɛnɛ kɔ nɛ kũ sɔ dɛ ngɔ i, ɔ nɛ ziki ni, hã nɛ dɛ sɔ tɔanɔ 'da nɛ dɛ sanga sɔlanɔ li nza i, nɛ mi dɛ sɔ na nɛ zĩlĩ.”

Yeremi 49:4

Aa nɛ, owi kɔ le Raba, nɛ a owi nga zu! Nɛ dɔnggɔ zi tɛ nɛ do dia nùi kɔ gbangɔlɔ̃ɛ 'da nɛ, nɛ nɛ gbini zi zã nɛ do kpamɛnɔ 'da nɛ. Nɛ nɛ tɔ̃ zi na, wele kpo wè we bi nɛ gɔ!

EZEKIƐLƐ 28:16

Mɔ zi tɛ be gole, nɛ ma gã zi gã fai, nɛ ma ka mɔ dɛ li wala dɛ 'dã mɔ, nɛ mɔ hɔa wi dɛ ngatɛ. Mi zɔa na mɛ ni, nɛ mi ndaka mɔ tɛ ngɔ kala santo 'da mi do'do. Nɛ anzɛ kɛ a zɔ mɔ tɛ mɔ ni, ndaka mɔ nyɛlɛ do tanɔ ma to zoko zoko ni.

MALAKI 1:4

Mbe gɔ, nɛ obe zã Ezau kɛ wa sa li wa na Oedɔmɛ ni, wa tɔ̃ sɛ na, le 'da lo ma 'danga zi, nɛ nde lo 'dafa sɛ ma dɛ olo nɛ. Kɔ mi NWA ngɔ mɔ nyanga nza vɛ̃, mi tɔ̃a na, gɛnɛ kɔ wa 'dafa, nɛ mi 'danga sɛ 'bɔ ma. Nɛ winɔ wa e sɛ mbé li zu wa na: ‘Nu fɛlɛ Owi dɛ 'dã mɔ’, tabi ‘Owinɔ kɛ wa nɔ̃lɔ̃ zã NWA nɔ̃lã fai’.