2 TƐSALONIKƐ 3:7 - WE NU GALE 1995

⁷ Nɛ do tɛ nɛ, nɛ ĩ ti tɛlɛ tɛ kɛ nɛ wia tɛ 'bã do olo kɔ̃ lɛ ni. Mba gɔ, lɛ dùngù zi sanga nɛ ɔ nɛ osulu wi gɔ.

2 TƐSALONIKƐ 3:7 Iomraidhean Croise

GBA WENƆ 31:18

A zɔ na toe 'da a tɛ nɛ do dia nɛ, nɛ do tũi, nɛ a tũ mwinda, nɛ a dɛ toe ni dɛ dati fai.

1 KORINTƐ 11:1

Kɔ nɛ 'bã́ olo kɔ̃ mi, ɔ nɛ kɛ mi 'bã do olo kɔ̃ Kristo ni.

1 KORINTƐ 4:16

Kɔ mi tɔ̃ hã nɛ na, nɛ dɛ́ ɔ nɛ kɛ mi dɛ ni.

FILIPƐ 3:17

Onyae, nɛ vɛ̃ nɛ 'bã́ olo kɔ̃ mi. Nɛ kálá li nɛ, hã nɛ zɔ mɛ kɛ winɔ dɛa mɔ tɛ wa wia kɔ̃ do kɛ nɛ zɔa kɔ̃ lɛ ni, wa dɛ ni.

FILIPƐ 4:9

Nɛ dɛ́ mɛnɔ vɛ̃ kɛ mi bia zi hã nɛ, nɛ nɛ yambala zi kɔ̃ mi, nɛ nɛ zila dɛ nu mi, nɛ nɛ zɔa mi tɛ dɛ nɛ ni. Nɛ Gale, wele gɛ̃a sila sɛ fala nɛ kpo do nɛ.

1 TƐSALONIKƐ 2:10

Nɛ nɛ zɔa tɛlɛ tɛ kɛ lɛ dungu zi sanga nɛ wi kɔ̃a wenɔ ni, nɛ Gale zɔa 'bɔ ma. Lɛ dɛ̀ mbe 'dã mɔ li Gale gɔ, nɛ dɛa to tɛ lɛ zi a bɔlɔ fai, fo zi mɔ kɔ'dɔ lɛ we nɛ ni bina.

1 TƐSALONIKƐ 5:14

Onyae, mɛ lɛ aka nɛ we nɛ ni ma kɛ: Nɛ kɔ́'dɔ́ osulu winɔ, nɛ nɛ ngándá sila owi dɛ kilinɔ, nɛ nɛ gálá owanɔ kɛ wa do ngawi bina ni, nɛ nɛ ɔ́ do du sila dɛ 'da winɔ vɛ.

2 TƐSALONIKƐ 3:6

Onyae, lɛ tɔ̃ hã nɛ do zu li Nwa Yezu Kristo na, nɛ yú Owi Kristonɔ kɛ wa a osulu wi, nɛ wa kɔ̃̀ we dɛ mbula kɛ lɛ bia zi ma hã nɛ ni gɔ ni.

2 TƐSALONIKƐ 3:9

Lɛ wia zi tɛ gɔ mɔ kɔ̃ nɛ gbãlã we, nɛ nde lɛ dè ma gɔ, we kɛ lɛ kɔ̃a zi we be dia wala hã nɛ na, nɛ 'bã olo kɔ̃ lɛ.

1 TIMOTE 4:12

Dɔ li wele gbó do mɔ, we kɛ mɔ 'bana do be zagbãlã iko ni gɔ. Nɛ nde ma wia na, Owi kɔ̃a wenɔ wa nɛ 'do dia wila we nu mɔ, do dia dɛa to tɛ mɔ, do kɔ̃a zã, do kɔ̃a we, do dia mɛnɔ mɔ dɛ li Gale ni.

TITO 2:7

Nɛ mɔ do tɛ mɔ, mɔ 'dáfá dɛa mɔ tɛ mɔ we do kɛ na, ma be dia wala hã winɔ. Kɔ fala kɛ mɔ be we hã Owele, nɛ mɔ bé do wala olo nɛ, nɛ́ kɛ ma wia ni.

1 PETRO 5:3

Nɛ nɛ tɛ bà tɛ nɛ ngɔ owinɔ kɛ Gale hã wa hã nɛ ni, ɔ nɛ kɛ nɛ a onwa ni gɔ. Nɛ nde nɛ bé wala hã wa do dia dɛa mɔ tɛ nɛ.