2 TƐSALONIKƐ 3:6 - WE NU GALE 1995

⁶ Onyae, lɛ tɔ̃ hã nɛ do zu li Nwa Yezu Kristo na, nɛ yú Owi Kristonɔ kɛ wa a osulu wi, nɛ wa kɔ̃̀ we dɛ mbula kɛ lɛ bia zi ma hã nɛ ni gɔ ni.

2 TƐSALONIKƐ 3:6 Iomraidhean Croise

MATIE 18:17

Kɔ fala kɛ a zèlè 'bɔ winɔ ni gɔ, nɛ mɔ fi we ni kɔ eklezia. Kɔ fala kɛ a bɛ̃ 'bɔ we zele wa, nɛ nɛ zɔ a nɛ́ a gele wi, tabi 'dã wele ni.

ROMA 16:17

Kɔ onyae, mi aka nɛ na, li nɛ sɔ̃ tɛ owinɔ kɛ wa dɛ na, nɛ, Owi kɔ̃a wenɔ, nɛ gɔnɔ sanga tɛ ngba nɛ, nɛ zu nɛ vĩ, nɛ nɛ tɛ kɔ̃̀ 'bɔ gɛnɛ bia wenɔ kɛ nɛ kɔ̃a zi ma dati ni gɔ ni. Nɛ yú wa do'do!

1 KORINTƐ 11:2

Mi hã iɔ̃nae hã nɛ, we kɛ ta zu nɛ élé ngɔ mi gɔ, nɛ nɛ 'bana tɛ dɛ mɛnɔ kɛ mi bia zi hã nɛ ni.

1 KORINTƐ 5:9

Kɔ mbɛti kɛ mi kɔma zi hã nɛ dati ni, mi tɔ̃a zi na, nɛ tɛ yɛ̀nggɛ̀ do owi dɛ mɔ sape gɔ.

2 KORINTƐ 2:10

Fala kɛ nɛ mbɔkɔ wele olo 'dã mɛ kɛ a dɛa ni, nɛ mi mbɔkɔ sɛ tɛ mɛ 'bɔ wi ni. Kɛ 'da mi, fala kɛ a dɛa tabi 'dã mɔ do mi, kɔ ma wia na mi mbɔkɔ a nde, nɛ nde mi mbɔkɔ a ia. Nɛ mi mbɔkɔ a we duzu nɛ, dɛ dati Kristo. Mi dɛa ni na,

EFƐZƐ 4:17

Ma a mi tɔ̃ hã nɛ, nɛ mi dala nu mi do zu li Nwa na: Nɛ tɛ dɛ̀ mɔ tɛ nɛ ɔ nɛ opaganɔnɔ, kɛ wa ĩ̀ ti Gale gɔ, nɛ wa nɛ 'do yia linggamɛnɔ 'da wa iko ni gɔ.

KƆLƆSƐ 3:17

Wenɔ vɛ nɛ tɔ̃ ma, do mɛnɔ nɛ dɛ ni, nɛ dɛ́ do zu li Nwa Yezu Kristo, nɛ nɛ hã 'bɔ iɔ̃nae hã Baa lɛ Gale do wala 'da Kristo ni.

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

1 TƐSALONIKƐ 4:11

Nɛ dɛ́ nganda na, nɛ dungu do gɛa sila do ongba nɛ, nɛ nɛ tɛ à sila nɛ ngɔ ngba nɛ gɔ. Nɛ wele do wele dɛ to do kɔ̃ a we kpasa do ma, ɔ nɛ kɛ lɛ tɔ̃a zi hã nɛ ni.

1 TƐSALONIKƐ 5:14

Onyae, mɛ lɛ aka nɛ we nɛ ni ma kɛ: Nɛ kɔ́'dɔ́ osulu winɔ, nɛ nɛ ngándá sila owi dɛ kilinɔ, nɛ nɛ gálá owanɔ kɛ wa do ngawi bina ni, nɛ nɛ ɔ́ do du sila dɛ 'da winɔ vɛ.

2 TƐSALONIKƐ 2:15

Na mɛ ni, onyae, nɛ yóló nganda, nɛ sila nɛ nɔ́ tɛ gbãlã wenɔ kɛ lɛ bia zi ma hã nɛ do nu lɛ, tabi lɛ kɔma ma do mbɛti ni vɛ̃.

2 TƐSALONIKƐ 3:7

Nɛ do tɛ nɛ, nɛ ĩ ti tɛlɛ tɛ kɛ nɛ wia tɛ 'bã do olo kɔ̃ lɛ ni. Mba gɔ, lɛ dùngù zi sanga nɛ ɔ nɛ osulu wi gɔ.

1 TIMOTE 5:21

Mi ba nu mi hã mɔ do zu li Gale, do zu li Yezu Kristo, do zu li anzɛnɔ kɛ a saka wa ni na, mɔ dɛ́ mbulanɔ kɛ mi tɔ̃a hã mɔ gɛ vɛ, nɛ mɔ tɛ zɔ̀ bula li wele gɔ, nɛ nde mɔ dɛ́ mɔ hã winɔ vɛ we kɔ̃.

1 TIMOTE 6:5

Nɛ ma dɛ 'bɔ na, kafi le sanga owinɔ kɛ hã zã wa 'danga do'do, nɛ wa ĩ̀ ti gbãlã we gɔ, nɛ wa zɔ ba tɛ wi hã Gale nɛ́ wala fa do kpamɔ ni.

2 TIMOTE 3:5

Wa be sɛ tɛ wa ɔ nɛ kɛ wa kɔ̃a Gale kɔ̃a ni, nɛ nde do kɔ sila wa, wa bɛa ngawi kɛ wa wia sɔ we kpa kɔ kɔ̃a we ni. Kɔ mɔ yú owinɔ wa dɛ ní ni do'do.

2 TIMOTE 4:1

We mi nɛ tɔ̃ nɛ ni, mi tɔ̃ ma hã mɔ dɛ gbali Gale do Yezu Kristo, kɛ a tɛ sɛ we 'bili we 'da owinɔ kɛ wa 'bana nza, do wanɔ wa fia ni, nɛ mi tɔ̃ ma do zu li Kristo, kɛ a tɛ sɛ ni, do zu li dɛa to nwa 'da a. We ni ma kɛ:

2 YOANƐ 1:10

Kɔ fala kɛ mbe wele hɔ 'da nɛ, kɔ a be gele we olo ki ni, nɛ nɛ tɛ kɔ̃̀ gɛnɛ a kɔ tɔa 'da nɛ gɔ, nɛ nɛ tɛ hã̀ 'bɔ balɛ hã a gɔ.