2 TƐSALONIKƐ 3:5 - WE NU GALE 1995

⁵ E kɔ Nwa 'dafa sila nɛ na, nɛ kpa kɔ̃a zã 'da Gale, nɛ sila nɛ nganda ɔ nɛ kɛ 'da Kristo ni.

2 TƐSALONIKƐ 3:5 Iomraidhean Croise

1 Onwanɔ 8:58

“Mi aka 'bɔ NWA na, a dɛ na sila lɛ 'bana ngɔ a fai, sɛ a lɛ dɛa to tɛ lɛ ɔ nɛ kɛ a kɔ̃a ni de. A dɛ 'bɔ ni, sɛ a lɛ dɛa olo nu a, do mbulanɔ a ba zi hã oyaa lɛ ni de.

1 Sakonɔ 29:18

NWA Gale 'da oyaa lɛ Abrahama, Izaka do Yakɔbɔ, mɔ dɛ́ na, owinɔ 'da mɔ wa 'bana do dia linggamɛ gɛ fai, nɛ wa gbini zã wa ngboo do mɔ.

Zumanɔ 119:36

Mɔ é wɔ dɛ mbulanɔ 'da mɔ kɔ sila mi, nɛ ma nɛ ngɔ wɔ fa kpamɔ.

Zumanɔ 119:5

E kɔ mi zele we nu mɔ, nɛ mi dɛ mɔ tɛ mi do bɔlɔ nɛ ngboo.

Zumanɔ 40:1

Zuma 'da Davidi

GBA WENƆ 3:6

nɛ mɔ e sila mɔ ngɔ a kɔ mɛnɔ vɛ̃ kɛ mɔ kɔ̃a we dɛ ma ni. Nɛ a be sɛ mɛ ma wia na mɔ dɛ ni hã mɔ.

Yeremi 10:23

Aa NWA, mi ĩ na, wele wè tɛ ĩ ti mɛ kɛ ma hɔ sɛ hã a do 'do nza ni gɔ. Nɛ wele wè we ĩ ti wala kɛ a wia tɛ ba nɛ ni gɔ.

Yeremi 31:33

Mbé gba tɔkɛ mi gba sɛ do Oisraɛlɛ ni, ma sɛ nɛ́: Mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa, nɛ mi sɛ a Gale 'da wa, nɛ wa sɛ a owinɔ 'da mi.

ALA NU 3:26

Ma dia fɛ̃ na, lɛ ɔ do du sila, nɛ lɛ 'bɔ 'da NWA na, a tɛ we kpasa lɛ.

ROMA 5:5

Nɛ olo kɛ lɛ gbini zã lɛ do Gale ni, ma ɔ́ sɛ yala iko gɔ, we duzu kɛ Gale bia kɔ̃a zã 'da a hã lɛ do wala 'da Hi Wi Santo kɛ a hã a hã lɛ ni.

ROMA 8:25

Nɛ nde lɛ, lɛ gbini zã lɛ do mɔ kɛ lɛ tɛ zɔ̀ ma gɔ ni, nɛ lɛ 'bɔ 'da ma do kpã sila ngboo.

ROMA 8:28

Lɛ ĩ na, Gale dɛ na, omɛnɔ vɛ ma sɔkpɔ do dia nɛ we owinɔ kɛ wa kɔ̃a gɛnɛ a, nɛ a saka wa ɔ nɛ kɛ a 'dafa zɛ́ do kɔ sila a ni.

1 KORINTƐ 8:3

Nɛ nde wi kɛ a kɔ̃ gɛnɛ Gale ni, nɛ Gale ĩ ti a.

GALATI 5:22

Nɛ nde mɛnɔ kɛ Hi Wi Santo tombo wele we dɛ ma ni, ma kɛ: kɔ̃ gɛnɛ ngba wi, do dɛ yangga, dungu do gɛa sila, do du sila, do dia zã, dɛ de dɛa mɔ, dɛ olo nu wi,

Mbulanɔ 30:6

“NWA Gale 'da nɛ, a 'dafa sɛ sila nɛ do sila obe zã nɛ, takɔ nɛ kɔ̃ gɛnɛ a do sila nɛ vɛ̃. Nɛ nɛ 'bana sɛ dɛ ngɔ nùi ni fai.

1 TƐSALONIKƐ 1:10

Nɛ wa tɔ̃ 'bɔ tɛlɛ tɛ kɛ nɛ ia sila nɛ we 'bɔ 'da tɛa 'da Yezu Be 'da Gale, kɛ Gale tunu zi a sanga ofionɔ, nɛ a kpasa sɛ lɛ ti nɔ̃lɔ̃ zã 'da Gale 'da fala a nɛ 'bili do ngbangga 'da owinɔ ni.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

1 TƐSALONIKƐ 3:11

E kɔ Baa lɛ Gale do tɛ̃ a, do Nwa 'da lɛ Yezu wa 'dafa wala hã lɛ na, lɛ hɔ 'da nɛ i.

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

TITO 2:13

Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.

OHEBRE 9:28

Na mɛ ni, Kristo hã zi tɛ a hã Gale, nɛ a fia fala kpo we 'dã mɛ 'da ogili winɔ. Nɛ a hɔ sɛ 'bɔ mbé nɛ fala kpo, nɛ nde a hɔ́ sɛ we fo 'dã mɔ gɔ, a hɔ sɛ we kpasa winɔ wa 'bɔ 'da a ni.

ZAKE 2:5

Aa onyae ngɔ sila mi gɛ, nɛ zélé mi sɛ: Gale saka owinɔ kɛ wa zɔ wa nɛ́ Owi sã ngɔ nù gɛ ni na, wa hɔ Owi kɔ̃a we, nɛ kɔ̃a we ni a kpamɛ 'da wa, nɛ wa le sɛ kɔ le nwa 'da a, kɛ a kpua zɛ́ mbulu nɛ hã owinɔ wa kɔ̃a gɛnɛ a ni.

1 PETRO 4:1

Nɛ ĩ na, kili tɛ Yezu Kristo kpa ngamɔ. We duzu ma, ma wia na, nɛ ɔ do kpo linggamɛ nɛ́ Yezu ni, nɛ nɛ kpãlã sila nɛ kɔ ngamɛnɔ. Mba gɔ, wi kɛ kili tɛ̃ a kpa ngamɔ ni, a dɛ́ 'bɔ 'dã mɔ gɔ.

2 PETRO 3:12

Nɛ dɛ na mɛ ni gbaa we 'bɔ do 'da tũ hɔa 'da Gale, nɛ nɛ dɛ 'bɔ nganda na, kɔ̃ tũi ni ma hɔ dɔ̃. Mɛ sɛ a tũi kɛ li nza ma bɛlɛ sɛ, nɛ mɛnɔ li nza i ni ma ngutu sɛ vɛ.

1 YOANƐ 4:19

Lɛ gɛ, lɛ kɔ̃a gɛnɛ Gale, we duzu kɛ Gale kɔ̃a zɛ́ gɛnɛ lɛ dati.

USU MƐNƆ 1:9

Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 13:10

Wi kɛ ma we na, a la kɔlɔ 'duli, nɛ a la sɛ. Nɛ wi kɛ ma we na, wa gbɛ a do du kɔya, nɛ wa gbɛ sɛ a do du kɔya. Kɔ we duzu ki ni, ma wia na, owinɔ 'da Gale wa kunu sila wa, nɛ wa 'bana do kɔ̃a we dɛ 'da Gale.”