2 TƐSALONIKƐ 3:2 - WE NU GALE 1995

² Nɛ nɛ sámbálá 'bɔ Gale we duzu lɛ na, a kpasa lɛ ti kɔ̃ o'dã winɔ do owi sɛnɛ lɛ, we kɛ winɔ wa kɔ̃̀ we 'da Gale kpa zu wa vɛ gɔ.

2 TƐSALONIKƐ 3:2 Iomraidhean Croise

MATIE 17:17

Nɛ Yezu tɔ̃ na: “O! Aa nɛ 'dã winɔ gɛ! Gulu kɛ nɛ do kɔ̃a we dɛ 'da Gale bina we ge nde? Mi 'bana sɛ 'bɔ do nɛ gbaa soe ki nge nde? Mi kunu sɛ sila mi dɛ tɛ nɛ fai nde? Nɛ tɛ́ do be hã mi!” Nɛ wa tɛa do be hã a.

MATIE 23:23

“'Bako do nɛ, owi be mbulanɔ do Ofariziɛnɔ! Nɛ a owi ɔlɔ wi! We kɛ nɛ hã hã Gale mɛ a kpo mbee 'bu ngɔ nwá sanggonɔ kpi do kpi kɛ ma unu tɛ nyɔngɔmɛnɔ ni, nɛ nde nɛ kɔ̃̀ we dɔnggɔ mbulanɔ 'da Gale kɛ ma nɛa ngɔ mɛnɔ vɛ̃ ni gɔ. Mbulanɔ ni a: dɛ bɔlɔ zu dɛa mɔ, ĩ 'bako hã Owele, do dɛ olo nu wi. Ĩ na, mɛ ma wia sɔ ngboo na, nɛ dɛ gɛ a ni, sɛ nɛ nɛ dɛ tala gele mbulanɔ de.

LUKA 18:8

Mi tɔ̃ hã nɛ na, a gala sɛ wa da dɔ̃ iko. Kɔ 'da fala tɛa 'da mi Be 'da Wele, nɛ mi kpa sɛ owinɔ kɛ wa do kɔ̃a we dɛ 'da Gale ni ngɔ nù gɛ nde?”

Owi Nɛ Tonɔ 13:45

Kɔ ombe Yudanɔ wa zɔa gba gili winɔ ni, nɛ wa dɛa sɛnɛmɔ, nɛ wa 'danga wenɔ kɛ Polo be hã winɔ ni, nɛ wa dã a.

Owi Nɛ Tonɔ 13:50

Nɛ nde Oyudanɔ wa tɔndɔ go'do wukonɔ kɛ wa a gã wi, nɛ wa dɔnggɔ Gale dɔngga ni, mba do ogã winɔ kɔ le ni, takɔ wa zɛlɛ tɛ Polo do Barnabasi. Nɛ winɔ ni wa ndaka wa tɛ ngɔ nùi 'da wa do'do.

Owi Nɛ Tonɔ 14:2

Nɛ Oyudanɔ kɛ wa kɔ̃̀ zi gɔ ni, wa tɔndɔ go'do ogele winɔ na, wa dɛ owi Kristonɔ 'danga.

Owi Nɛ Tonɔ 17:5

Kɔ Oyudanɔ wa nɛa we zɔ ni, nɛ wa dɛ sɛnɛmɔ. Nɛ wa ngɛmɛ o'dã zu wele kɛ wa yɛnggɛ do li wala iko ni, nɛ wa mu wa dɛ tɛ winɔ, nɛ wa ma ngɔ fi balia kɔ le. Nɛ wa hɔa nu tɔa 'da Yasoni we fa Polo do Silasi, takɔ wa kala wa, hã winɔ wa 'bili we 'da wa.

Owi Nɛ Tonɔ 25:27

We kɛ mi lengge na, wa nɛ tombo wi bɔlɔkɔ hã gã nwa ngɔ nù Roma, nɛ wa be gulu we wa da do a ni sɛ. Kɔ wa dɛ̀ ni gɔ, nɛ nde ma wè gɔ.”

Owi Nɛ Tonɔ 28:24

Nɛ ombe wa kɔ̃a, nɛ ombe wa bɛ.

ROMA 10:16

Nɛ nde owinɔ wa kɔ̃̀ Dia Sakoe ni vɛ gɔ. Ma kɛ Ezai tɔ̃a zɛ́ na: “Nwa, fo wi kɔ̃ gɛnɛ we lɛ tɔ̃ gɛ bina.”

ROMA 15:31

Nɛ sámbálá Gale we mi na, dɔ mi kpá ngamɔ ti kɔ̃ Owi ngɔ nù Yude, kɛ wa tɛ kɔ̃̀ zu li Kristo gɔ ni gɔ. Nɛ nɛ sámbálá 'bɔ a, takɔ Owi kɔ̃a wenɔ tɛ Yeruzalɛmɛ wa kɔ̃ gɛnɛ mbili kɛ mi nɛ nɛ hã wa ni do dia nɛ.

1 KORINTƐ 15:32

Tɛ Efɛzɛ nga, mi tɛ bi bolo ɔ nɛ kɛ mi bi do osa'de zamɔ ni. Kɔ fala kɛ mi bi sɔ bole ni we lengge do mɛnɔ nù gɛ iko, nɛ mɛ mi nɛ kpa sɔ oto nɛ ni a ge nde? Fala kɛ ofionɔ wa túnú gɔ gbãlã we, nɛ ma wia na, lɛ dɛ mɔ tɛ lɛ ɔ nɛ kɛ winɔ wa tɔ̃ na: “Lɛ nyɔ́ngɔ́ mɔ, nɛ lɛ nɔ́ dɔ̃, we kɛ bindɛ nɛ lɛ fe sɛ” ni.

Mbulanɔ 32:20

Nɛ a tɔ̃a na: ‘Mi gálá sɛ 'bɔ wa mbé nɛ gɔ, kɔ mi zɔ mɛ ma nɛ hɔ hã wa ni, we kɛ wa a owi dɛ vĩ zu dɛa mɔ, mi wè tɛ gbini zã mi do wa gɔ. Wa dɔnggɔ mi gɔ, nɛ wa dɛ́ kili mi gɔ.

1 TƐSALONIKƐ 2:18

Lɛ kɔ̃a zi we gili 'bɔ tɛ lɛ 'da nɛ i. Mi Polo, mi fa zi we nɛ i mɔ fala dɛlɛ wena, nɛ nde Satana kpia wala ti lɛ.

2 TIMOTE 4:17

Nɛ nde Nwa zi fala nɛ kpo do mi, nɛ a hã zi ngawi hã mi. Nɛ we duzu ngawi ni, mi bia Dia Sakoe hã owinɔ kɛ wa zi a Oyuda gɔ ni ia vɛ̃, nɛ wa vɛ wa zila. Nɛ Nwa kpasa zi mi kɔ nu gbɔgbɔ.