2 TƐSALONIKƐ 3:1 - WE NU GALE 1995

¹ Onyae, do ndɔti nɛ, mi aka nɛ na, nɛ sámbálá Gale we duzu lɛ, takɔ we 'da Nwa yɛ'bɛ dɛ dati, nɛ sako nɛ yɛ'bɛ falanɔ vɛ̃, ɔ nɛ kɛ ma yɛ'ba zi 'da nɛ i ni.

2 TƐSALONIKƐ 3:1 Iomraidhean Croise

Zumanɔ 138:2

Mi siki li mi dɛ tɛ Tɛmpɛloe 'da mɔ kɛ ma santo, nɛ mi bili zu mi nù, nɛ mi dɔnggɔ zu li mɔ, we duzu kɛ mɔ dɛ olo nu mɔ fai, nɛ mɔ do kɔ̃a zã wena. We kɛ mɔ dɛa mbuli 'da mɔ, nɛ ma la ngɔ kɛ lɛ lingga zi ni.

MATIE 9:38

Kɔ nɛ áká wele fɔɛ, kɔ a tombo Owi dɛa to we kala kpalɛnɔ ni.”

LUKA 10:2

Nɛ a tɔ̃ hã wa na: “Kpalɛ ma li fɔ i wena, nɛ nde Owi dɛ to kala ma wa dɛlɛ gɔ. Kɔ nɛ áká wele fɔɛ, kɔ a tombo Owi dɛa to we kala kpalɛnɔ ni.

Owi Nɛ Tonɔ 12:24

Nɛ we nu Gale ma yɛ'bɛ zi dɛ dati yɛ'ba fai.

Owi Nɛ Tonɔ 19:20

Na mɛ ni, nɛ we 'da Nwa Yezu zi do ngawi, nɛ ma yɛ'ba.

Owi Nɛ Tonɔ 6:7

Na mɛ ni, we nu Gale yɛ'bɛ zi dɛ dati fai. Nɛ owinɔ tɛ Yeruzalɛmɛ, kɛ wa kɔ̃a zu li Yezu ni, wa dɛlɛ 'bɔ dɛ dati. Nɛ gba gili onganganɔ wa kɔ̃a tɛ mɛ 'bɔ.

ROMA 15:30

Kɔ onyae, do zu li Nwa 'da lɛ Yezu Kristo, nɛ we duzu kɔ̃ gɛnɛ ngba wi kɛ Hi Wi Santo hã ma hã lɛ ni, mi aka nɛ na, nɛ sámbálá Gale we mi, takɔ a gala mi kɔ bole mi bi gɛ.

1 KORINTƐ 16:9

Mba gɔ, gɛnɛ kɔ owi sɛnɛ mi wa dɛlɛ Efɛzɛ gɛ wena, nɛ nde Gale hũi wala hã mi na, mi dɛ gã to hã a kɔ le gɛ.

2 KORINTƐ 1:11

Mba gɔ, nɛ ngboo nɛ gala sɛ lɛ do sambala 'da nɛ. Na mɛ ni, nɛ Gale a gese sɛ nu sambala 'da ogili winɔ kɛ wa sambala a we lɛ ni, nɛ Owele wena wa hã sɛ iɔ̃nae hã a we duzu lɛ.

2 KORINTƐ 13:11

Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.

KƆLƆSƐ 4:3

Nɛ nɛ sámbálá 'bɔ a we duzu lɛ na, a hã wala hã lɛ we be we 'da a hã owinɔ, do tɔ̃ gulu usu we 'da Kristo, kɛ mi lia bɔlɔkɛ we ma ni.

1 TƐSALONIKƐ 1:5

Mba gɔ, Dia Sakoe kɛ lɛ bia zi hã nɛ ni, lɛ bè zi do ngawi 'da lɛ iko gɔ, nɛ nde lɛ bia do ngawi 'da Hi Wi Santo. Nɛ lɛ bia hã nɛ na, Dia Sakoe ni a gbãlã we ngboo. Nɛ nɛ ĩ ti tɛlɛ tɛ kɛ lɛ dungu zi nɛ sanga nɛ we gala nɛ na, nɛ dungu do dia nɛ ni.

1 TƐSALONIKƐ 1:8

Mba gɔ, we 'da Nwa yula 'da nɛ ni, nɛ ma sɔ̀kpɔ̀ dɛ Masedɔanɛ do Akai iko gɔ, nɛ nde sako kɔ̃a we 'da nɛ yɛ'ba falanɔ vɛ. Nɛ lɛ wè 'bɔ tɛ tɔ̃ mbé lɛnggɛ ngɔ ma tɔ̃a gɔ.

1 TƐSALONIKƐ 2:1

Aa onyae, nɛ ngboo nɛ ĩ na, olo gɛnɛ kɛ lɛ nɛa zi 'da nɛ i ni là iko gɔ.

1 TƐSALONIKƐ 2:13

Mbe gulu kɛ lɛ hã 'bɔ iɔ̃nae hã Gale fai ni ma kɛ: 'Da fala kɛ nɛ zila zi we 'da Gale kɛ lɛ bia hã nɛ ni, nɛ nɛ kɔ̃̀ zi gɛnɛ nɛ ɔ nɛ lɛnggɛ nu wele iko gɔ, nɛ nde nɛ kɔ̃a na, mɛ a we nu Gale ngboo, nɛ ma tɛ dɛ to kɔ sila nɛ winɔ kɛ nɛ kɔ̃a ma ni.

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

1 TƐSALONIKƐ 5:17

Nɛ nɛ tɛ ɔ̀mɔ̀ tɛ sambala Gale gɔ,

1 TƐSALONIKƐ 5:25

Aa onyae, nɛ sámbálá 'bɔ Gale we duzu lɛ.

2 TIMOTE 2:9

Nɛ we duzu Dia Sakoe ni, ma kɛ mi kpa zɛlɛ tɛ, nɛ wa ɛnzɛ mi do dɔkpɔ, nɛ wa fi mi bɔlɔkɔ ɔ nɛ wi dɛ 'dã mɔ ni. Nɛ nde wa ɛ̀nzɛ̀ we nu Gale gɔ.