2 TƐSALONIKƐ 2:8 - WE NU GALE 1995

⁸ Do 'da fala nɛ ni, nɛ Wi sɛnɛ Gale a be sɛ tɛ a nza. Kɔ fala kɛ Nwa Yezu hɔ, nɛ a gbɛ sɛ a do bũ nu a, nɛ a kumu sɛ a do dɔ̃lɔ̃ li kɛ a tɛ sɛ nɛ ni.

2 TƐSALONIKƐ 2:8 Iomraidhean Croise

2 SAMUƐLƐ 23:7

Wi kɛ a kɔ̃ we dɛ to fala tɛ̃ ni, nɛ a ba te, tabi kunggu mɔ bolo dɛ kɔ̃ a, nɛ a ngɛmɛ do wɔkɔsɔ tɛ̃, nɛ a dɔ ma vɛ̃ dɛ di ni.”

YƆBƆ 4:9

Nɛ gã nɔ̃lɔ̃ zã 'da Gale ma tɛ ɔ nɛ gba bũ kamba ni, nɛ ma kumu winɔ ni vɛ̃.

Zumanɔ 18:15

A tombo nyɛa li kolo, nɛ ma vĩ zu Owi sɛnɛ a. Nɛ a da kpilinɔ 'da a, nɛ ma pɛsɛ wa.

Ezai 11:4

A gbɛ sɛ gbãlã we hã owi 'bako, a tɔ̃ sɛ gulu we 'da owi sãnɔ do bɔlɔ nɛ. We kɔ nu a zɛlɛ tɛ winɔ ɔ nɛ zufa ni. A gɔnɔ we, nɛ ma gbɛ o'dã winɔ.

Ezai 30:28

A fi gba bũ dati a, nɛ ma kala mɛnɔ vɛ̃, nɛ ma la do ma ɔ nɛ gba fua lì ni. A tɛ we hã etumbu hã nu kɔnggɔ owinɔ. A kumu sɛ wa do omɛnɔ kɛ wa 'dafa we dɛ ma ni vɛ̃.

DANIƐLƐ 11:36

“Nwa ngɔ nù Siri a dɛ sɛ mɛ ma dia tɛ̃ a ni vɛ̃. Zu a ma gã sɛ wena, nɛ a ba sɛ tɛ̃ a na, ɛ nɛa ngɔ ogalenɔ vɛ̃. A tɔ̃ sɛ 'dã we hã Gale kɛ a do nganda vɛ̃. Nɛ a dɛ sɛ ni gbaa we hɔ 'da fala kɛ Gale nɛ hã do etumbui hã a, ɔ nɛ kɛ a handa zi we dɛ ma ni.

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

DANIƐLƐ 7:26

'Do nɛ, nɛ owi gɔnɔ wenɔ tɛ li nza i, wa gɔnɔ sɛ we 'da a, nɛ wa fo to nwa kɔ̃ a do'do. Wa 'danga sɛ dɛa to nwa 'da a, nɛ ma Sɔkpɔ sɛ fai.

DANIƐLƐ 8:25

Nɛ a ɔlɔ sɛ ogele winɔ, we duzu kɛ hã zã a dɔ wena. Wali 'da a ma gã sɛ dɛ dati, nɛ a gbɛ sɛ ogili winɔ kɛ wa lengge na, mɔ kpo dɛ́ sɛ lo gɔ ni. A dɛ sɛ 'bɔ nga zu dɛ tɛ Wele kɛ a a gã wi ngɔ Onwanɔ vɛ̃ ni. Nɛ do 'da fala ni, a fe sɛ. Nɛ nde wele kpo gbɛ́ sɛ a gɔ.

OZE 6:5

Ma kɛ mi tumba Owi gba olo nu mi we tɔ̃ ngbangga dɛ ngɔ nɛ, nɛ olo nu mi ma gbɛ sɛ nɛ. Nɛ 'bili we 'da mi ma sala sɛ nɛ́ tua wese ni.

MATIE 13:19

Wi kɛ a zele Dia Sako dɛa to nwa 'da Gale, nɛ nde a ĩ́ ti gulu nɛ gɔ ni, a wia kɔ̃ do li wala kɛ mbe kpalɛ ala tɛ nɛ ni. We kɛ Dia Sakoe gbo zala a, nɛ a zele ma, nɛ Satana tɛ, nɛ a fo ma kɔ sila a do'do.

MATIE 13:38

Nɛ fɔɛ, mɛ a nùi gɛ. Nɛ dia kpalɛ, wi a Owi kɔ le nwa 'da Gale. Nɛ 'dã wɔkɔsɛ, wi a owinɔ 'da Satana.

MATIE 16:27

Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.

MATIE 16:28

Mi tɔ̃ hã nɛ do gbãlã we na, ombe winɔ sanga nɛ gɛ wa fé sɛ do ti gɔ, wa zɔ sɛ mi Be 'da Wele tɛ tɛ we dungu nwa ngɔ winɔ ni do'do sɛ nɛ de.”

1 KORINTƐ 1:28

Mɛnɔ kɛ owinɔ wa zɔ li wa nɛ́ mɔ yala, tabi yia mɔ kɛ ma do gulu nɛ bina ni, Gale saka ma we 'danga do mɛ kɛ winɔ wa ba ma do dĩ ni.

2 TƐSALONIKƐ 2:3

Da dɛ kɔ wele ɔlɔ nɛ do gele we gɔ. Mba gɔ, dati kɛ na kɔ̃ tũi ni ma we, nɛ Owele wena wa bé sɛ gɛnɛ Gale, nɛ Wi 'danga mbula 'da Gale a be sɛ tɛ a nza. A a wi kɛ Gale a gbɛ sɛ a do ndɔti nɛ.

1 TIMOTE 6:14

mɔ dɛ́ mɛnɔ mi tɔ̃a hã mɔ ni do wala do nɛ vɛ́, dɔ mɔ kpá kɔ'da kɔ nɛ gɔ. Mɔ dɛ́ ni gbaa we 'bɔ do 'da tɛa 'da Nwa 'da lɛ Yezu Kristo,

2 TIMOTE 1:10

Kɔ a bia dia zã 'da a hã lɛ ngangga gɛ do wala hɔa 'da Wi kpasa lɛ Yezu Kristo. Mba gɔ, Yezu Kristo hɔa, nɛ a gbɛa ngawi 'da fio, nɛ a bia kpasi kɛ ma é sɛ gɔ ni hã lɛ do wala 'da Dia Sakoe.

2 TIMOTE 4:1

We mi nɛ tɔ̃ nɛ ni, mi tɔ̃ ma hã mɔ dɛ gbali Gale do Yezu Kristo, kɛ a tɛ sɛ we 'bili we 'da owinɔ kɛ wa 'bana nza, do wanɔ wa fia ni, nɛ mi tɔ̃ ma do zu li Kristo, kɛ a tɛ sɛ ni, do zu li dɛa to nwa 'da a. We ni ma kɛ:

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

TITO 2:13

Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.

OHEBRE 10:27

Ki ni, nɛ nde ma 'bana tati a kɛ na, lɛ tana kili 'bɔ do 'da ngbangga kɛ Gale a 'bili sɛ dɛ ngɔ owi bɛ̃ gɛnɛ a ni, mba do gba nyɛa we kɛ ma tɛ sɛ we bɛlɛ wa ni.

1 YOANƐ 2:13

Kɛ 'da nɛ, obaa mi, mi kɔma hã nɛ na, nɛ ĩ ti wi kɛ a zɛ́ boe fai, yolo do ndo nyanga mɛnɔ ni. Nɛ nɛ, zagbãlãnɔ, mi kɔma ma hã nɛ na, nɛ nɛa ngɔ Satana.

1 YOANƐ 3:12

nɛ lɛ tɛ ɔ̀ nɛ Kaina, kɛ a zi a be 'da Satana, nɛ a gbɛa hɔ dɛ 'do a ni gɔ. A gbɛa nya a we ge nde? A gbɛa a we kɛ dɛa mɔ tɛ̃ a dè gɔ, nɛ dɛa mɔ tɛ nya a zi a dia.

1 YOANƐ 5:18

Lɛ ĩ na, wi kɛ a a be 'da Gale ni, a dɛ́ 'dã mɔ gɔ, we kɛ Yezu Be 'da Gale tɛ zɔ mɔ tɛ a, nɛ Satana wè tɛ dɛ mɔ kpo do a gɔ.

USU MƐNƆ 1:16

Nɛ a 'bia osɔla sambo do ngawili kɔ̃ a, nɛ du kɔya kɛ nu nɛ bɔa ni dɛ nu a. Nɛ bula li a to ɔ nɛ wese kɛ ma hɔa gbogbo zu wi ni.

USU MƐNƆ 13:5

Nɛ wa hã wala hã sa'de ni na, a wele we do wali vɛ, nɛ a dã zu li Gale. A kpa ngawi we dɛ na mɛ ni gbaa, 'do zɛkɛ 'bu nɛ nalɛ ngɔ nɛ bɔa.

USU MƐNƆ 19:15

Du kɔya kɛ nu nɛ tɔ̃ wena ni hɔa kɔ nu a, we bi do ogele winɔ kɛ wa bɛa gɛnɛ a ni. A dungu sɛ nwa ngɔ wa do ngawi wena, nɛ a tɛ sɛ do gã nɔ̃lɔ̃ zã 'da Gale kɛ a do nganda vɛ ni, nɛ a ma wa ti nyanga a, ɔ nɛ kɛ wa ma do wala vinɔ we kpĩlĩ lì nɛ ni.

USU MƐNƆ 2:16

Kɔ nɛ kífí sila nɛ, ní gɔ, nɛ mi nɛ sɛ i mɔ ngangga gɛ, we bi winɔ ni do kɔya nu mi ni.

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.