2 TƐSALONIKƐ 2:3 - WE NU GALE 1995

³ Da dɛ kɔ wele ɔlɔ nɛ do gele we gɔ. Mba gɔ, dati kɛ na kɔ̃ tũi ni ma we, nɛ Owele wena wa bé sɛ gɛnɛ Gale, nɛ Wi 'danga mbula 'da Gale a be sɛ tɛ a nza. A a wi kɛ Gale a gbɛ sɛ a do ndɔti nɛ.

2 TƐSALONIKƐ 2:3 Iomraidhean Croise

DANIƐLƐ 11:36

“Nwa ngɔ nù Siri a dɛ sɛ mɛ ma dia tɛ̃ a ni vɛ̃. Zu a ma gã sɛ wena, nɛ a ba sɛ tɛ̃ a na, ɛ nɛa ngɔ ogalenɔ vɛ̃. A tɔ̃ sɛ 'dã we hã Gale kɛ a do nganda vɛ̃. Nɛ a dɛ sɛ ni gbaa we hɔ 'da fala kɛ Gale nɛ hã do etumbui hã a, ɔ nɛ kɛ a handa zi we dɛ ma ni.

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

DANIƐLƐ 8:25

Nɛ a ɔlɔ sɛ ogele winɔ, we duzu kɛ hã zã a dɔ wena. Wali 'da a ma gã sɛ dɛ dati, nɛ a gbɛ sɛ ogili winɔ kɛ wa lengge na, mɔ kpo dɛ́ sɛ lo gɔ ni. A dɛ sɛ 'bɔ nga zu dɛ tɛ Wele kɛ a a gã wi ngɔ Onwanɔ vɛ̃ ni. Nɛ do 'da fala ni, a fe sɛ. Nɛ nde wele kpo gbɛ́ sɛ a gɔ.

YOANƐ 17:12

'Da fala zi mi fala nɛ kpo do wa ni, mi fɔmɔ zi wa do ngawi 'da mɔ, kɛ mɔ hã zi ma hã mi ni. Mi fɔmɔ zi wa de wena, nɛ wele kpo yɔ̀ zi gɔ, tati a wele kɛ wa kɔma zɛ́ kɔ 'Buki na, a yɔ sɛ ni iko. Ma la ní, takɔ we wa kɔma kɔ 'Buki ni dɛ tɛ̃ ɛ.

1 KORINTƐ 6:9

Nɛ ĩ de wena na, o'dã winɔ wa lé sɛ kɔ le nwa 'da Gale gɔ. Kɔ nɛ tɛ ɔ̀lɔ̀ tɛ nɛ gɔ. Owi dɛ mɔ sapenɔ, do Owi dɔnggɔ okpikimanɔ, do owi ɔ do wukonɔ tabi wilinɔ 'da ngba wa, do owinɔ kɛ wa ɔ do kpo kpo ngba wa ni, wa lé sɛ kɔ le nwa 'da Gale gɔ.

EFƐZƐ 5:6

Dɔ wele ɔ́lɔ́ nɛ do lɛnggɛ bɛlɛ gɔ. Nɔ̃lɔ̃ zã 'da Gale ma te sɛ ngɔ Owi bɛ gɛnɛ a, we duzu 'dã mɛnɔ ni.

1 YOANƐ 2:18

Aa benɔ 'daa, ngba soe ndɔti nùi kɔla ia. Nɛ zila zi na, Wi sɛnɛ Yezu Kristo a hɔ sɛ. Kɔ lɛ zɔa na ngangga gɛ, ogili wi sɛnɛ Yezu wa hɔa ia. Ma kɛ lɛ ĩ na, ndɔti nùi kɔla ia.

1 YOANƐ 4:3

Nɛ wi kɛ a kɔ̃̀ ní gɔ ni, a do Hi Wi 'da Gale bina. Nɛ nde hi wi kɔ a ni yula 'da Wi sɛnɛ Yezu Kristo, kɛ nɛ zila na, a tɛ sɛ, nɛ ngangga gɛ a hɔa ngɔ nù gɛ ia ni.

USU MƐNƆ 17:11

Nɛ sa'de kɛ a zi do tunu li a, nɛ ngangga ni a 'bɔ bina ni, a ngboo hã a nɛ dungu sɛ nwa kɛ ngbɛ'dɛ'dɛ. Nɛ nde a sanga Onwanɔ sambo dati ni, kɔ a nɛ la dɛ fala wa gbɛ sɛ do a ni.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.