2 TƐSALONIKƐ 2:2 - WE NU GALE 1995

² fala kɛ wele tɔ̃ hã nɛ na, ngba soe tɛa 'da Nwa hɔa ia nde, nɛ ma tɛ vĩ̀ zu nɛ gɔ, nɛ sila nɛ tɛ ɔ̀ ngɔ gɔ. Gɛnɛ kɔ mbe wele tɔ̃ na Hi Wi Santo bia hã ɛ ni, tabi owele wa be do we, tabi wa tɔ̃ na, lɛ a lɛ kɔma ma do mbɛti nde, nɛ nɛ tɛ kɔ̃̀ gɛnɛ nɛ gɔ.

2 TƐSALONIKƐ 2:2 Iomraidhean Croise

Ezai 26:3

NWA, mɔ a mɔ hã dungu fio ngboo hã owinɔ kɛ wa kpóló nu wa gɔ, nɛ wa gbini zã wa do mɔ fai ni.

Ezai 7:2

Wa mbisa Ahazɛ, wi nu fɛlɛ Davidi, do owinɔ 'da a na, Osiri wa 'dafa fala ɔi 'da wa tɛ ngɔ nù Israɛlɛ. Nwa Ahazɛ do owinɔ 'da a wa nɛa we zele ni, nɛ kili ba wa, nɛ wa tana ɔ nɛ nwá te tana tɛ bũ ni.

Mike 2:11

“Nɛ kɔ̃a gɛnɛ zele wi kɛ a tɔ̃ bɛlɛ, nɛ a ɔlɔ nɛ do zu li mi na, mi Gale, mi tɔ̃a na, nɛ nɔ sɛ dɔ̃, nɛ nɛ nɔ sɛ 'bɔ onga dɔ̃ wena ni. Wi tɔ̃ bɛlɛ na mɛ ni wia do nɛ.”

MATIE 24:24

We duzu kɛ ombe wele wa hɔ sɛ, nɛ wa dɛ ogã ɔngbamɔ do ogba sɔ̃ mɔ we ɔkɔlɔ winɔ na, lo a Mɛsiya, tabi lo a Owi gba olo nu Gale. Nɛ mbe gɔ, hã ma we, nɛ wa ɔlɔ sɛ winɔ kɛ Gale saka wa ni.

MARKO 13:7

Kɔ fala kɛ nɛ ma sɛ ngɔ zele sako bolonɔ kɛ winɔ wa tɛ bi nɛ, do kɛnɔ wa tɛ 'dafa we bi nɛ ni, nɛ nɛ tɛ dɛ̀ kili gɔ. We kɛ ma wia na, mɛnɔ ni ma dɛ tɛ̃ ɛ. Kɔ gɛnɛ kɔ ma dɛ tɛ̃ ɛ, nɛ nde mɛ sɛ a ndɔti nùi a ni gɔ.

LUKA 21:19

Kɔ sila nɛ nɔ tɛ kɔ̃a we 'da nɛ, nɛ Gale a kpasa sɛ nɛ.

LUKA 21:9

Kɔ fala kɛ nɛ ma sɛ ngɔ zele sako bolonɔ, do sako balianɔ winɔ wa fa do Onwanɔ 'da wa ni, nɛ nɛ tɛ dɛ̀ kili gɔ. We kɛ ma wia na, mɛnɔ ni ma hɔ dati. Kɔ gɛnɛ kɔ ma dɛ tɛ̃ ɛ, nɛ nde mɛ sɛ a ndɔti nùi a ni gɔ.”

YOANƐ 14:1

Nɛ Yezu tɔ̃ hã wa na: “Dɔ sila nɛ ɔ́ ngɔ gɔ. Nɛ ɔ́ do kɔ̃a we dɛ 'da Gale, nɛ nɛ ɔ́ 'bɔ do kɔ̃a we dɛ 'da mi.

YOANƐ 14:27

“Mi hã gɛ̃a sila hã nɛ, mi la gɛ̃a sila kɛ mi do ma ni hã nɛ. Mi hã̀ ma ɔ nɛ kɛ winɔ nù gɛ wa hã ma ni gɔ. Kɔ dɔ sila nɛ ɔ́ ngɔ gɔ, nɛ kili tɛ bà nɛ gɔ.

1 KORINTƐ 1:8

Nɛ Gale a dɛ sɛ na, nɛ yolo nganda gbaa we hɔ tɛ ndɔti nɛ na, dɔ do ngba soe Nwa 'da lɛ Yezu Kristo a tɛ sɛ nɛ ni, nɛ nɛ kpá kɔ'da gɔ.

1 KORINTƐ 14:32

Ma wia na, ngawi gba oto nu Gale 'bana ti mbula 'da wi gba oto nu Gale.

1 KORINTƐ 7:26

Mi lengge na, ɔ nɛ kɛ ngba soe gɛ do ngamɔ wena ni, ma dia fɛ̃ na, wele 'bana tɛ dungu nɛ́ kɛ a nɛ ni.

EFƐZƐ 5:6

Dɔ wele ɔ́lɔ́ nɛ do lɛnggɛ bɛlɛ gɔ. Nɔ̃lɔ̃ zã 'da Gale ma te sɛ ngɔ Owi bɛ gɛnɛ a, we duzu 'dã mɛnɔ ni.

1 TƐSALONIKƐ 3:3

dɔ wele kpo sanga nɛ mbɔ́kɔ́, we duzu ngamɛnɔ kɛ nɛ zɔ ma ni gɔ. Mba gɔ, nɛ ĩ na ngamɛnɔ lɛ zɔ ni, mɛ a wala kɛ Gale saka we lɛ.

1 TƐSALONIKƐ 4:15

Nɛ zɔ́ kpo we kɛ Nwa bia zi hã lɛ, nɛ lɛ be ma hã nɛ gɛ ma kɛ: Lɛ winɔ kɛ lɛ 'bana sɛ do tunu li lɛ do kɔ̃ tũi kɛ Nwa a tɛ sɛ nɛ ni, lɛ lá sɛ dati hã wanɔ wa fia zi ni gɔ.

1 TƐSALONIKƐ 5:2

Mba gɔ, nɛ ngboo nɛ ĩ na, ngba soe kɛ Nwa a tɛ sɛ nɛ ni, ma gbanga sɛ lɛ ɔ nɛ wi zũ, kɛ a tɛ we zũ mɔ do tũ ni.

2 TƐSALONIKƐ 2:15

Na mɛ ni, onyae, nɛ yóló nganda, nɛ sila nɛ nɔ́ tɛ gbãlã wenɔ kɛ lɛ bia zi ma hã nɛ do nu lɛ, tabi lɛ kɔma ma do mbɛti ni vɛ̃.

2 TƐSALONIKƐ 3:17

Wi a mi Polo, mi kɔmɔ balɛ gɛ hã nɛ do zu kɔ̃ mi wele nɛ. Nɛ zɔ́ tɛlɛ tɛ kɛ mi e do kɔ̃ mi ti mbɛtinɔ 'da mi vɛ gɛ a ni. Kɛ gɛ a mbɛti do kɔ̃ mi.

USU MƐNƆ 19:20

Nɛ wa bi gbaa, nɛ wa ba sa'de ni, nɛ wa ba 'bɔ wi gba olo nu Gale do bɛlɛ, kɛ a dɛ zi gba sɔ̃ mɛnɔ dɛ li sa'de, nɛ ma ɔlɔ winɔ, nɛ wa gɔnɔ zi dã 'da sa'de dati wa, nɛ wa dɔnggɔ hi a ni. Nɛ wa da wa bɔa nɛ do tunu li wa dɛ li gba nyɛa we, kɛ ma nyɛ gile gile ni.