2 TƐSALONIKƐ 1:9 - WE NU GALE 1995

⁹ Nɛ etumbui wa kpa sɛ olo 'dã mɛ 'da wa ni, mɛ a gã ngamɔ kɛ fo ndɔti nɛ bina ni. Nwa a ndaka sɛ wa ngɔ li a do'do, nɛ wa zɔ sɛ dɔ̃lɔ̃ li 'da a gɔ.

2 TƐSALONIKƐ 1:9 Iomraidhean Croise

Ndo Nyanga Dɛ Mɔ 3:8

Wese gɛ̃a, nɛ NWA Gale ma ngɔ yɛnggɛ kɔ fɔɛ, nɛ wi wili do wuke 'da a wa zila giti nyanga a, nɛ wa usu tɛ wa dɛ sanga otenɔ na, da dɛ kɔ Gale zɔ́ lo gɔ.

Ndo Nyanga Dɛ Mɔ 4:16

Nɛ Kaina la, nɛ a nyɛlɛ do NWA, nɛ a nɛ we ɔ ngɔ nù Nɔdɛ, kɛ mɔ yolo Edɛnɛ, nɛ nde ma si 'biti gba wese ni.

YƆBƆ 21:14

Ĩ na, wa tɔ̃ zi hã Gale na, a la lo hã lo dungu fio, we kɛ linggamɛ 'da a ma dɛ́ mɔ hã lo gɔ.

YƆBƆ 22:17

O'dã winɔ wa tɔ̃ hã Gale na, a lá lo ni, hã lo dungu fio. A a wele kɛ a do nganda vɛ̃, nɛ nde mɔ kɛ a wia we dɛ do lo ni ma bina.

Zumanɔ 16:11

Mɔ bé wala kpasi hã mi na, mi ĩ ti ma. Fala kɛ mɔ do mi boe, nɛ mi dɛ yangga. Fala kɛ mi ɔ dɛ kɛ zã mɔ, nɛ mi do yangga kɛ ndɔti nɛ bina ni.

Zumanɔ 51:11

Mɔ tɛ zɔ̃ 'dã mɛnɔ 'da mi gɔ, mɔ élé ma vɛ̃ do'do.

Ezai 1:28

Nɛ nde ngamɔ sɛ wena we Owi nga zunɔ, do Owi dɛ 'dã mɛnɔ. Owinɔ wa siki 'do wa hã nwa ni, wa kumu sɛ.

Ezai 2:10

Nɛ úsú tɛ nɛ kɔ ta, nɛ za kɔ̃, hã nɛ yu dɛ kɔ nɛ. Nɛ tɛ hɔ nza dati nwa gɔ, nɛ dɛ́ kili a, we kɛ dɔ̃lɔ̃ li 'da a gã nɛa ngɔ mɔ vɛ̃. Nɛ tɛ hɔ nza dati a gɔ.

Ezai 2:19

Nɛ úsú tɛ nɛ kɔ ta, nɛ zã kɔ̃, hã nɛ yu dɛ kɔ nɛ. Nɛ tɛ hɔ nza dati NWA gɔ, nɛ dɛ́ kili a, we kɛ dɔ̃lɔ̃ li 'da a gã nɛa ngɔ mɔ vɛ̃. Fala kɛ a hɔ, nɛ a dɛ sɛ na, nùi ma yaka.

Ezai 2:21

Wa dɛ sɛ kili, nɛ wa yu sɛ NWA, kɛ dɔ̃lɔ̃ li 'da a gã nɛa ngɔ mɔ vɛ̃ ni, nɛ wa usu sɛ tɛ wa kɔ holo tanɔ, nɛ nde wa hɔ́ sɛ nza dati a gɔ. Fala kɛ nwa hɔ, nɛ a dɛ sɛ na, nùi ma yaka.

Ezai 33:14

Owi 'dã gulu wenɔ kɔ le Sioni wa dɛa kili, nɛ owanɔ kɛ wa bɛ̃a we nu Gale ni, wa tana. Nɛ wa na: “Gale 'bili we 'da ɛ, nɛ ma bele wele ɔ nɛ we ni. Kɔ sanga lɛ gɛ, wi kɛ a wia sɛ we dungu kɛ zã kalĩ we, kɛ ma bɛlɛ mɛnɔ fai ni a wio nde?”

Ezai 66:24

Nɛ wa nɛ sɛ we hɔ nza, nɛ wa zɔ wɔlɔ winɔ kɛ wa dɛa zi nga zu, nɛ wa bɛ̃a we nu mi ni. Odɔkɔnɔ kɛ wa nyɔngɔ sɛ wɔlɔnɔ ni, wa fé sɛ gɔ, nɛ we ma bele sɛ wɔlɔnɔ ni, ma bí sɛ gɔ. Nɛ mɛnɔ ni ma hã sɛ nɛa sila hã owinɔ vɛ̃.”

DANIƐLƐ 12:2

Odɛlɛ winɔ kɛ wa fia zi ia ni, wa tunu sɛ 'bɔ. Ombe wa kpa sɛ kpasi kɛ ma é sɛ gɔ ni, nɛ ombe wa kpa sape do zɛlɛ tɛ kɛ ma é sɛ gɔ ni.

MATIE 16:27

Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.

MATIE 22:13

Nɛ nwa ni hã nu ɛ hã Owi tonɔ 'da a na: ‘Nɛ ɛ́nzɛ́ kɔ̃ a do nyanga a, kɔ nɛ dá a nza kɔ gba tũ, tɛ fala kɛ a he sɛ kɔ̃a, nɛ a nyɔngɔ li gogo a ni.’ ”

MATIE 24:30

Nɛ mɛ kɛ ma be sɛ na, mi Be 'da Wele, mi tɛ tɛ nɛ ni, ma hɔ sɛ li nza i. Nɛ nu kpala winɔ ngɔ nù gɛ vɛ̃, wa he sɛ kɔ̃a, nɛ wa zɔ sɛ mi Be 'da Wele, nɛ nde mi hɔa do ngawi, do dɔ̃lɔ̃ li vɛ̃ dɛ sanga kutunɔ.

MATIE 25:41

“Nɛ 'do nɛ, nɛ mi tɔ̃ sɛ hã wanɔ si ngɔ gale kɔ̃ mi ni na: ‘Nɛ fó tɛ nɛ li mi do'do, we kɛ Gale fɔmbɔ nɛ fɔmba! Nɛ lá dɛ li gba nyɛa we kɛ ma bí gɔ, nɛ Gale dɛa zɛ́ ma we Satana, fala nɛ kpo do oanzɛnɔ 'da a ni!

MATIE 25:46

Nɛ wa la sɛ dɛ fala zɛlɛ tɛ kɛ ma é gɔ ni. Nɛ owi bɔlɔ zunɔ wa kpa sɛ kpasi kɛ ma é sɛ gɔ ni.”

MATIE 26:24

Mi, Be 'da Wele, mi nɛ fe ɔ nɛ kɛ 'Buki 'da Gale tɔ̃a ni. Nɛ nde 'bako do wi kɛ a nɛ 'dɔlɔ mi ni. Ma dia sɔ fɛ̃ na, wa tɛ kò a gɔ!”

MATIE 7:23

Nɛ mi gese sɛ hã wa na: ‘Mi ĩ̀ ti nɛ gɔ, nɛ a owi dɛ 'dã mɔ! Nɛ fó tɛ nɛ ngɔ li mi do'do!’ ”

LUKA 13:27

Nɛ a gese sɛ hã nɛ na: ‘Nɛ fó tɛ nɛ li mi! Mi ĩ̀ ti nɛ gɔ, nɛ a Owi dɛ 'dã mɔ!’

YOANƐ 5:14

'Do nɛ, nɛ Yezu kpa wi ni kɔ Tɛmpɛlo i, nɛ a tɔ̃ hã a na: “Mɔ zɔ́, mɔ kpasa ia. Kɔ mɔ tɛ dɛ̃ 'bɔ mbé 'dã mɔ gɔ, dɔ mɔ kpa mbé zɛlɛ 'danga nɛ ngɔ kɛ zi dati ni gɔ.”

Mbulanɔ 33:2

“NWA yula ngɔ kala Sinai, nɛ a kulu ngɔ dɛ ngɔ nù Seirɛ, ɔ nɛ wese kɛ ma gba ngɔ nùi ni. A yolo tɛ ngɔ kala Paranɛ, nɛ a yele dɛ ngɔ owinɔ 'da a. A tɛa do oanzɛ koto do koto, nɛ nyɛa we hɔ si tɛ ngawili kɔ̃ a.

FILIPƐ 3:19

Winɔ ni, wa kã tɛ wa hã fio, we kɛ gale 'da wa mɛ a zã wa. Wa dɔnggɔ tɛ wa do mɛnɔ kɛ ma wia sɔ we hã sape hã wa ni, nɛ wa lengge tati a mɛnɔ nù gɛ iko.

1 TƐSALONIKƐ 5:3

'Da fala kɛ owele wa ma sɛ ngɔ tɔ̃ na: “Lɛ vɛ a dia iko, fo mɔ yɛkɛ lɛ bina” ni, nɛ ngamɔ ma gbanga sɛ wa nɛ́ kɛ zɛlɛ kula gbanga do wi zã ni, nɛ nde fo sɛ wala na wa yu ma bina.

2 TƐSALONIKƐ 2:8

Do 'da fala nɛ ni, nɛ Wi sɛnɛ Gale a be sɛ tɛ a nza. Kɔ fala kɛ Nwa Yezu hɔ, nɛ a gbɛ sɛ a do bũ nu a, nɛ a kumu sɛ a do dɔ̃lɔ̃ li kɛ a tɛ sɛ nɛ ni.

TITO 2:13

Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.

OHEBRE 10:29

Kɔ ma ɔ na mɛ ni, nɛ nɛ lengge na ge nde? Wi kɛ a zɔ Be 'da Gale li a yala iko, nɛ a faka gba tɔkɛ kɛ Gale fua do ku'da 'dã mɛnɔ zu a ni na, fo gulu nɛ bina, nɛ a dã 'bɔ zu li Hi Wi Santo kɛ a be dia zã 'da Gale hã lɛ ni, a kpá sɛ zɛlɛ tɛ 'danga nɛ ngɔ wele kɛ sɔ ni gɔ nde?

2 PETRO 2:17

Owi be we bɛlɛnɔ ni, wa ɔ nɛ 'de kɛ ma ɔ̃sã, tabi gba tũ kolo kɛ bũ kala ma do'do, nɛ kole tɛ̀ gɔ ni. Gale 'dafa fala hã wa kɔ gba tũ kpirr.

2 PETRO 3:7

Nɛ a wila zɛ́ 'bɔ we na, li nza do nùi sɔɛ gɛ, ɛ e ma 'bɔ do 'da ngba soe kɛ ɛ nɛ 'bili sɛ do we 'da winɔ ni. Ɛ fi sɛ we tɛ nɛ, nɛ ɛ gbɛ owi dɛ 'dã mɛnɔ vɛ̃.

YUDA 1:13

Wa ɔ nɛ ngele gba lì ni, wa dúngú zirr gɔ, nɛ 'dã mɛnɔ 'da wa ma be tɛ́ ɛ nza ɔ nɛ ngɔnzɔlɔ ndi kɛ fua lì a ma nu kolo lì ni. Wa ɔ́ nɛ osɔla kɛ wa yɔa wala olo wa do'do ni. Gale 'dafa fala kɔ gba tũ hã wa, nɛ wa 'bana sɛ dɛ di ni fai ndɔti nɛ bina.

USU MƐNƆ 20:11

Nɛ 'do ki ni, nɛ mi zɔ gba fɛa kpongbo nwa do wele dɛ ngɔ nɛ. Nɛ nùi do li nza yu wi ni, nɛ wa zɔ̀ 'bɔ do nɛ gɔ.

USU MƐNƆ 20:14

Nɛ 'do nɛ, nɛ wa ba fio do le 'da fionɔ, nɛ wa da wa li gba nyɛa we. Gba nyɛa we ni a bɔa fie hã ni.

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.