2 TƐSALONIKƐ 1:8 - WE NU GALE 1995

⁸ Nwa 'da lɛ Yezu a zĩlĩ sɛ dɛ kɔ gba nyɛa we, takɔ a bili nu gbã hã owinɔ kɛ wa kɔ̃̀ we ĩ ti Gale gɔ, nɛ wa bɛa gɛnɛ Dia Sakoe ni.

2 TƐSALONIKƐ 1:8 Iomraidhean Croise

Ndo Nyanga Dɛ Mɔ 3:24

A ndaka a ni do'do, nɛ a a oanzɛnɔ, kɛ li wa a okerubinɛ ni, tɛ nu fɔ Edɛnɛ. Nɛ wa 'bia tɔ̃a nu kɔya kɛ li ma nyɛ vɛ vɛ nɛ we, nɛ nu nɛ siki si falanɔ vɛ ni dɛ kɔ wa. Gale a wa dɛ di ni, takɔ wa zɔ mɔ tɛ wala kɛ ma la dɛ tɛ te kpasi ni na, da dɛ kɔ wele hɔ́ i mɔ gɔ.

2 SAMUƐLƐ 23:7

Wi kɛ a kɔ̃ we dɛ to fala tɛ̃ ni, nɛ a ba te, tabi kunggu mɔ bolo dɛ kɔ̃ a, nɛ a ngɛmɛ do wɔkɔsɔ tɛ̃, nɛ a dɔ ma vɛ̃ dɛ di ni.”

Zumanɔ 18:44

Owinɔ 'da mi wa bɛ̃a nu mi, nɛ wa bi mi, nɛ mɔ kpasa mi ti kɔ̃ wa. Mɔ ia mi na, mi dungu nwa ngɔ Owele, nɛ owinɔ kɛ mi ĩ̀ zi ti wa gɔ ni, wa lia ti mbula 'da mi.

Zumanɔ 79:6

Mɔ bé nɔ̃lɔ̃ zã 'da mɔ hã ogele winɔ, kɛ wa ĩ̀ ti mɔ gɔ, nɛ wa dɔ́nggɔ́ mɔ gɔɛ ni.

Zumanɔ 9:10

Aa NWA, mɔ ɔ nɛ gba ngbo ni, mɔ amba zu owinɔ do 'da fala ngamɔ, nɛ mɔ amba 'bɔ zu wi kɛ wa zɛlɛ tɛ̃ a ni.

Zumanɔ 94:1

Aa nwa, mɔ a Gale bili nu gbã. Mɔ bílí nu gbã olo 'dã mɛnɔ, hã winɔ wa zɔ.

Kulu Tɔa 5:2

Nɛ nwa ngɔ nù Ezipeto gese na: “NWA kɛ a kɔ̃a na, mi zele nu ɛ, nɛ mi e nɛ, obe Israɛlɛ ní, hã nɛ la gɛ a wio nde? Mi ĩ̀ ti a gɔ, nɛ mi é sɛ nɛ na nɛ la gɔ.”

Ezai 1:19

Fala kɛ nɛ 'dafa sila nɛ, kɔ nɛ zele we nu mi, nɛ nɛ nyɔngɔ sɛ dia nyɔngɔmɛnɔ ngɔ nùi gɛ.

Ezai 1:28

Nɛ nde ngamɔ sɛ wena we Owi nga zunɔ, do Owi dɛ 'dã mɛnɔ. Owinɔ wa siki 'do wa hã nwa ni, wa kumu sɛ.

Ezai 27:11

Gbakɔ̃ tenɔ di ni ni ma kolo sɛ, nɛ ma ala, nɛ owukonɔ wa nɛ we fa ma, nɛ wa dã ma. Owinɔ zi kɔ le ni wa ĩ́ mɔ kpo gɔ, we duzu ma, Gale kɛ a dɛa mɛnɔ vɛ̃ ni, a ĩ́ 'bako hã wa gɔ, nɛ a gbáká wa gɔ.

Ezai 61:2

Nɛ a tombo 'bɔ mi we be hã owinɔ 'da a na, ngba soe kpasa wa ma wia, nɛ a bili sɛ nu gbã hã owi sɛnɛ wa. Nɛ a na, mi hã ngawi hã owinɔ kɛ wa kpa 'bakoe ni,

Yeremi 10:25

E kɔ zã mɔ nɔ̃lɔ̃ dɛ tɛ ogele winɔ kɛ wa dɔ́nggɔ́ mɔ gɔɛ ni, do tɛ wanɔ kɛ wa bɛ̃a gɛnɛ mɔ ni. We duzu kɛ wa gbɛa lɛ owinɔ 'da mɔ, nɛ wa kumu lɛ vɛ̃, nɛ nùi 'da lɛ hɔa olo tɔa.

Yeremi 9:6

We duzu ma, NWA kɛ a do nganda vɛ̃ tɔ̃a na: “Mi nɛ fi owinɔ 'da mi kɔ ngamɔ we yamba wa ɔ nɛ kɛ wa yamba do mɔ bolo li we ni. Mbé mɔ kɛ mi wia sɔ 'bɔ we dɛ do wa ni, mɛ a mɔ ge nde?

DANIƐLƐ 7:10

nɛ we ma fo do dati a ɔ nɛ lì ni. Gba gili Owele koto do koto, wa yolo dɛ dati a, we dɛ to hã a. Nɛ ombé gba gili wele dɛlɛ wena, wa yolo dati a, takɔ a gɔnɔ we 'da wa. 'Da fala gɔnɔ we ma wia, nɛ wa ma ngɔ hũi li 'bukunɔ.

MATIE 25:41

“Nɛ 'do nɛ, nɛ mi tɔ̃ sɛ hã wanɔ si ngɔ gale kɔ̃ mi ni na: ‘Nɛ fó tɛ nɛ li mi do'do, we kɛ Gale fɔmbɔ nɛ fɔmba! Nɛ lá dɛ li gba nyɛa we kɛ ma bí gɔ, nɛ Gale dɛa zɛ́ ma we Satana, fala nɛ kpo do oanzɛnɔ 'da a ni!

MATIE 25:46

Nɛ wa la sɛ dɛ fala zɛlɛ tɛ kɛ ma é gɔ ni. Nɛ owi bɔlɔ zunɔ wa kpa sɛ kpasi kɛ ma é sɛ gɔ ni.”

YOANƐ 3:19

Nɛ zɔ́, gulu kɛ ngbangga te ngɔ winɔ gɛ ma kɛ: Sa fala tɛa ngɔ nù gɛ, nɛ nde winɔ wa kɔ̃̀ gɛnɛ sa fala ni gɔ. Wa kɔ̃a gɛnɛ tũ fala nɛa ngɔ sa fala, we kɛ dɛa mɔ tɛ wa dè gɔ.

YOANƐ 8:19

Nɛ wa aka a na: “Baa mɔ a do nde?” Nɛ Yezu gese na: “Nɛ ĩ̀ ti mi gɔ, nɛ nɛ ĩ̀ 'bɔ ti Baa mi gɔ. Ɔ do kɛ nɛ ĩ sɔ ti mi, nɛ nɛ ĩ sɔ ti Baa mi.”

Owi Nɛ Tonɔ 6:7

Na mɛ ni, we nu Gale yɛ'bɛ zi dɛ dati fai. Nɛ owinɔ tɛ Yeruzalɛmɛ, kɛ wa kɔ̃a zu li Yezu ni, wa dɛlɛ 'bɔ dɛ dati. Nɛ gba gili onganganɔ wa kɔ̃a tɛ mɛ 'bɔ.

ROMA 1:28

Kɔ ɔ nɛ kɛ wa bɛ̃a na, lo kɔ̃̀ we ĩ ti Gale gɔ ni, Gale la wa na, wa 'bana do 'dã linggamɛnɔ 'da wa, hã wa dɛ mɛnɔ kɛ wele wè tɛ dɛ ma gɔ ni.

ROMA 1:5

Nɛ do wala 'da a, Gale bia dia zã 'da a hã mi, nɛ a ia mi do wi nɛ toe 'da a, takɔ mi tɔ̃ hã ogele nu fɛlɛ kulanɔ vɛ na, wa kɔ̃ zu li Yezu Kristo, nɛ wa zele we nu a.

ROMA 10:16

Nɛ nde owinɔ wa kɔ̃̀ Dia Sakoe ni vɛ gɔ. Ma kɛ Ezai tɔ̃a zɛ́ na: “Nwa, fo wi kɔ̃ gɛnɛ we lɛ tɔ̃ gɛ bina.”

ROMA 15:18

Mba gɔ, fala kɛ mi nɛ tɔ̃ toe 'da mi, nɛ mi tɔ̃ tati a we mɛnɔ kɛ mi dɛa ma do ngawi 'da Kristo ni, takɔ mi mana do winɔ kɛ wa a Oyuda gɔ ni na, wa zele we nu Gale. We kɛ wi ia wenɔ dɛ nu mi, wi a Kristo, nɛ a dɛa tonɔ,

ROMA 16:26

Kɔ ngangga ni, Gale bia ma dɛ wila fala tɛ kɔ 'bukunɔ 'da Owi gba do nu a. Nɛ Gale kɛ a ɔ fai ni, a ba nu a na, lɛ be usu wenɔ ni hã winɔ ngɔ nù gɛ vɛ́, takɔ wa kɔ̃ zu li Yezu, nɛ wa zele nu a.

ROMA 6:16

Nɛ ĩ́ de wena na, 'da fala kɛ nɛ hã tɛ nɛ hã wele, we dɛ mbula 'da a, nɛ nde nɛ hɔa ngbá 'da wi ni ia. Na mɛ ni, fala kɛ nɛ hã tɛ nɛ we dɛ 'dã mɔ, nɛ nɛ hɔ sɛ ngbá 'da 'dã mɔ, nɛ ma kã sɛ nɛ dɛ li fio. Kɔ fala kɛ nɛ hã tɛ nɛ hã Gale, kɔ nɛ zele a, nɛ a dɛ sɛ na, nɛ hɔ Owi bɔlɔ zu li a.

1 KORINTƐ 15:34

Nɛ 'dáfá linggamɛ 'da nɛ dɛ oto nɛ, nɛ nɛ tɛ dɛ̀ 'bɔ 'dã mɔ gɔ. Mba gɔ, ombe sanga nɛ ni wa tɛ ĩ̀ ti Gale gɔ, nɛ mi tɔ̃ we gɛ we hã sape hã nɛ.

2 KORINTƐ 10:5

do linggamɛ 'da owi gã zunɔ vɛ́, kɛ ma kpe wala ti winɔ na, wa tɛ ĩ̀ ti Gale gɔ ni. Nɛ lɛ tɛ ngbɔkɔ winɔ na, wa kpolo linggamɛnɔ 'da wa, nɛ wa zele nu Kristo.

GALATI 3:1

Aa nɛ, Ogalati kɛ gbãlã zã nɛ bina gɛ, wi 'danga nɛ a wio nde? Ĩ na, mi bia zi gulu fie 'da Yezu ngɔ finda te hã nɛ dɛ wila fala vɛ.

GALATI 4:8

Zi dati, nɛ ĩ̀ zi ti Gale gɔ, nɛ nɛ zi a ngbá 'da ogalenɔ kɛ wa a ngbongbo Gale gɔ ni.

Mbulanɔ 32:35

NWA a bili sɛ nu gbã, nɛ a hã etumbu hã wa. Ngba soe kɛ wa te sɛ ni kɔla ia. Kɔ̃ tũ ngamɛ 'da wa nyɛlɛ 'bɔ gɔ.

Mbulanɔ 4:11

“Nɛ tɔ̃́ tɛlɛ tɛ kɛ nɛ yolo zi nɛ dɛ nyanga kala ni hã obe zã nɛ. Kala ni, ma fũ zi do we gbau, nɛ ma kũ gbaa dɛ ngɔ i. Gba zɛ̃ we do gba kutu kpia zi nɛ kpã kpã.

Mbulanɔ 4:30

'Da fala wenɔ mi tɔ̃ hã nɛ gɛ ma dɛ sɛ tɛ̃ ɛ, nɛ nɛ le sɛ kɔ ngamɔ ni, nɛ nɛ kpolo sɛ tɛ nɛ dɛ 'da NWA Gale 'da nɛ. Nɛ nɛ dɛ sɛ 'bɔ olo nu a mbé nɛ.

Mbulanɔ 5:5

Do 'da fala ni, mi yula zi dɛ ngbala NWA do nɛ, nɛ mi tɔ̃a wenɔ a wila ni hã nɛ, we duzu kɛ nɛ dɛa zi kili nyɛa we, nɛ nɛ bɛ̃a we kũ dɛ ngɔ kala i. Nɛ NWA tɔ̃a zi na:

1 TƐSALONIKƐ 4:5

Nɛ a tɛ nɛ̀ 'dɔkɔlɔ 'dã wɔ kɔ sila a ɔ nɛ opaganɔ, kɛ wa ĩ̀ ti Gale gɔ ni gɔ.

OHEBRE 10:27

Ki ni, nɛ nde ma 'bana tati a kɛ na, lɛ tana kili 'bɔ do 'da ngbangga kɛ Gale a 'bili sɛ dɛ ngɔ owi bɛ̃ gɛnɛ a ni, mba do gba nyɛa we kɛ ma tɛ sɛ we bɛlɛ wa ni.

OHEBRE 10:30

We duzu kɛ lɛ ĩ ti wi kɛ a tɔ̃a we na: “Wi a mi, mi gese sɛ do 'dã mɔ hã wi dɛ 'dã mɔ.” Nɛ a tɔ̃ 'bɔ na: “Nwa a 'bili sɛ we 'da owinɔ 'da a” ni.

OHEBRE 11:8

Abrahama zɛ́ do kɔ̃a we dɛ 'da Gale, ma kɛ 'da fala Gale sa mɔ hã a, nɛ a zila nu a. Nɛ a kulu ngɔ, nɛ a la dɛ kɔ mbé le kɛ Gale kɔ̃a zɛ́ we 'dɔlɔ ma hã a ni. A kulu ngɔ kɔ le 'da a, nɛ a le wala, nɛ nde a ĩ̀ ti fala a nɛ se'de ni gɔ.

OHEBRE 12:29

Mba gɔ, Gale 'da lɛ a ɔ nɛ nyɛa we kɛ ma bɛlɛ mɔ, nɛ ma ngutu vɛ̃ ni.

OHEBRE 2:3

Ma ɔ ní, nɛ lɛ winɔ kɛ lɛ zila sako gã kpasi gɛ, nɛ lɛ lènggè nɛ gɔ ni, lɛ nɛ dɛ fala yu ngbangga 'da Gale nɛ nde? Nwa Yezu ngboo a tɔ̃a zi to kpasi ni dati, nɛ 'do nɛ, nɛ owinɔ kɛ wa zila ni, wa bia hã lɛ na, mɛ a gbãlã we.

OHEBRE 5:9

Kɔ Gale zɔa na, Yezu dɛa toe 'da a, nɛ ma wia vɛ ia ni, nɛ Gale ia a do wi hã kpasi kɛ ma é sɛ gɔ ni hã winɔ vɛ̃, kɛ wa zele nu a ni.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.

1 PETRO 3:6

Ma ɔ nɛ kɛ Sara zele zɛ́ nu wili a Abrahama, nɛ a sa zɛ́ 'bɔ li a na nwa 'da ɛ ni. Kɔ fala kɛ nɛ dɛ de mɔ, nɛ nɛ do kili kɔ sila nɛ bina, nɛ nde nɛ hɔa benɔ 'da Sara.

1 PETRO 4:17

Ngba soe kɛ Gale nɛ 'bili do we 'da winɔ ni ma wia ia. Nɛ nde a ndo sɛ 'bili we do ngɔ owinɔ 'da a. Kɔ fala kɛ a ndo 'bili we 'da a do ngɔ lɛ winɔ 'da a, kɔ ma hɔ ngɔ winɔ kɛ wa bɛa gɛnɛ Dia Sakoe 'da a ni, nɛ ma sɔkpɔ sɛ do wa nɛ nde?

2 PETRO 3:7

Nɛ a wila zɛ́ 'bɔ we na, li nza do nùi sɔɛ gɛ, ɛ e ma 'bɔ do 'da ngba soe kɛ ɛ nɛ 'bili sɛ do we 'da winɔ ni. Ɛ fi sɛ we tɛ nɛ, nɛ ɛ gbɛ owi dɛ 'dã mɛnɔ vɛ̃.

YUDA 1:7

Nɛ nɛ lénggé 'bɔ le Sodɔmɛ do Gomɔrɛ, do ombe gele lenɔ kɛ zã nɛ ni. Owi kɔ lenɔ ni wa hã zi 'bɔ tɛ wa we dɛ mɔ sape kpasaa ɔ nɛ anzɛnɔ ni, nɛ wa dɛa 'dã mɛnɔ kɛ wele wè tɛ dɛ ma gɔ ni. Kɔ wa tɛ kpa etumbu tɛ li gba nyɛa we kɛ ma bí sɛ fala kpo gɔ ni. Ki ni a mbisa we we owinɔ vɛ.

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 6:10

Kɔ wa tɛ he mɔ do nga gɛlɛ na: “Aa Nwa, mɔ a santo, nɛ mɔ tɔ̃ fai a gbãlã we. Mɔ nɛ 'bɔ gbaa we 'bili we 'da winɔ nù gɛ, nɛ mɔ hã etumbu hã wa do kɛ wa gbɛa zi lɛ ni soe ki nge nde?”

1 SAMUƐLƐ 2:12

Obenɔ 'da Heli, wa zi a yia wi iko, wa lénggé zi do NWA gɔ.