2 TƐSALONIKƐ 1:7 - WE NU GALE 1995

⁷ nɛ a hã sɛ fala kpe tɛ wi hã nɛ, winɔ kɛ nɛ zɔa ngamɛnɔ ni, a hã sɛ ma hã lɛ do nɛ fala nɛ kpo. A dɛ sɛ ni 'da fala kɛ Nwa Yezu a yolo sɛ ngɔ i, nɛ a zĩlĩ fala nɛ kpo do anzɛnɔ 'da a kɛ wa do ngawi wena ni.

2 TƐSALONIKƐ 1:7 Iomraidhean Croise

Kulu Tɔa 19:18

Do fala ni, nɛ nde kala Sinai kutu do zɛ̃ we, we kɛ NWA zĩlĩ dɛ ngɔ nɛ kɔ nyɛa we. Nɛ zɛ̃ we ni kutu nɛ́ zɛ̃ we kɔ furu ni, nɛ kala Sinai vɛ̃ tana zi tana.

Kulu Tɔa 3:2

Nɛ anzɛ 'da NWA hɔa dati a dɛ kɔ gba nyɛa we, dɛ ngbala gisa nwá. Nɛ Mɔizɛ zɔa gba nyɛa we kɛ ma lɔ'ba gisa nwá ni, nɛ nde ma bɛ́lɛ́ gisa nwá gɔ.

Ezai 57:2

Gɛnɛ kɔ na mɛ ni, nɛ nde owinɔ kɛ wa dɛ to tɛ wa do bɔlɔ nɛ ni, fala kɛ wa fe, nɛ wa kpa dia dungu, nɛ wa kpe tɛ wa do dia nɛ.

Ezai 66:15

NWA Gale a tɛ sɛ kɔ nyɛa we, nɛ ongilingilinɔ 'da a ma o sɛ dã ɔ nɛ kolo ni. Nɛ a hã sɛ etumbu hã owinɔ kɛ zã a nɔ̃lɔ̃ dɛ tɛ wa ni.

EZEKIƐLƐ 1:13

Mi ka mɔ, nɛ mi zɔ kalĩ we dɛ sanga wa, ma nyɛ ɔ nɛ tanda ni, nɛ ma tɛ yɛkɛ tɛ̃ ɛ. Mɛ zi a gba nyɛa we, nɛ mɔ nyɛ kɔ nɛ ngbangge ngbangge.

DANIƐLƐ 7:9

“Mi 'bana tɛ ka mɔ tɛ nɛ, nɛ mi zɔ, nɛ nde wa 'dafa okpongbo nwa. Nɛ mbe kpasa wi wili dungu ngɔ mbe kpongbe ni kpo. A hi'da tulu, ma fɛnga nde nde ɔ nɛ gba kutu ni, nɛ mili zu a fɛnga ɔ nɛ tukia ni. Kpongbo dungi 'da a nyɛ do we, okolo nyanga nɛ yele ɔ nɛ gba nyɛa we ni,

MATIE 16:27

Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.

MATIE 16:28

Mi tɔ̃ hã nɛ do gbãlã we na, ombe winɔ sanga nɛ gɛ wa fé sɛ do ti gɔ, wa zɔ sɛ mi Be 'da Wele tɛ tɛ we dungu nwa ngɔ winɔ ni do'do sɛ nɛ de.”

MATIE 25:31

Nɛ Yezu tɔ̃ na: “'Da fala kɛ mi Be 'da Wele, mi tɛ sɛ do dɔ̃lɔ̃ li nwa 'da mi, fala nɛ kpo do oanzɛnɔ vɛ̃ ni, nɛ mi dungu sɛ ngɔ kpongbo dɔ̃lɔ̃ li 'da mi.

MATIE 25:41

“Nɛ 'do nɛ, nɛ mi tɔ̃ sɛ hã wanɔ si ngɔ gale kɔ̃ mi ni na: ‘Nɛ fó tɛ nɛ li mi do'do, we kɛ Gale fɔmbɔ nɛ fɔmba! Nɛ lá dɛ li gba nyɛa we kɛ ma bí gɔ, nɛ Gale dɛa zɛ́ ma we Satana, fala nɛ kpo do oanzɛnɔ 'da a ni!

MATIE 26:64

Nɛ Yezu gisa hã a na: “Ma hã mɔ tɔ̃a ni. Mi tɔ̃ hã mɔ na, ndo do sɔɛ gɛ, nɛ zɔ sɛ mi Be 'da Wele, nɛ nde mi dungu si ngɔ ngawili kɔ̃ Gale, kɛ a do nganda vɛ̃ ni. Nɛ nɛ zɔ sɛ mi tɛ sanga kutunɔ ngɔ gɛ.”

MARKO 14:62

Nɛ Yezu gese hã a na: “Ĩi, wi a mi! Nɛ nɛ zɔ sɛ mi Be 'da Wele, nɛ nde mi dungu si ngɔ ngawili kɔ̃ Gale, kɛ a do nganda vɛ̃ ni. Nɛ nɛ zɔ sɛ mi tɛ sanga kutunɔ ngɔ gɛ.”

MARKO 8:38

Fala kɛ sape ba li wele we mi, tabi we we olo nu mi sanga o'dã winɔ kikina gɛ, kɛ wa kɔ̃̀ 'bɔ gɛnɛ Gale gɔɛ ni, nɛ 'da fala kɛ mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛ santonɔ ni, nɛ sape ma ba sɛ tɛ mɛ 'bɔ li mi we wi ni.”

LUKA 16:25

Nɛ Abrahama gese hã a na: ‘Be 'da mi, mɔ lénggé do kɛ mɔ zi do kpamɔ kɔ dungu nza 'da mɔ wena, nɛ Lazarɛ zi a wi 'bakoe ni. Kɔ ngangga gɛ, 'bakoe 'da a ma ia, nɛ mɔ tɛ kpa ngamɔ.

LUKA 17:30

Na mɛ ni, mi Be 'da Wele, mi hɔ sɛ do ngba soe kɛ winɔ wa lènggè do ma gɔ ni.

YOANƐ 1:3

We ni dɛa mɛnɔ ngɔ nù gɛ vɛ̃ do ngawi 'da Gale. Fo mɔ kpo kɛ a dɛ̀ ma ngɔ nù gɛ gɔ ni bina.

YOANƐ 1:51

Nɛ Yezu tɔ̃ 'bɔ na: “Mi tɔ̃ hã nɛ do gbãlã we na, nɛ zɔ sɛ li nza, nɛ nde ma hũi, kɔ oanzɛnɔ 'da Gale wa kũ, nɛ wa zĩlĩ 'da mi Be 'da Wele!”

Owi Nɛ Tonɔ 1:11

nɛ wa tɔ̃ hã wa na: “Aa nɛ, Owi Galile, gulu kɛ nɛ yolo tɛ soko mɔ dɛ li nza i ni we ge nde? Yezu kɛ a yula dɛ sanga nɛ gɛ, nɛ a kũ dɛ li nza i dɛ li nɛ gɛ ni, a tɛ sɛ 'bɔ kpasaa ɔ nɛ kɛ nɛ zɔa do a tɛ kũ dɛ li nza i ni.”

Owi Nɛ Tonɔ 3:19

Kɔ we duzu ki ni, nɛ kífí sila nɛ, nɛ nɛ kpolo tɛ nɛ dɛ 'da Gale, takɔ a fo ku'da 'dã mɛnɔ zu nɛ.

ROMA 8:17

Hã fala kɛ lɛ a benɔ 'da Gale, nɛ lɛ kpa sɛ 'bɔ dia mɛnɔ kɛ a usu ma hã obenɔ 'da a ni. Lɛ kpa sɛ ma fala nɛ kpo do Kristo. Mba gɔ, fala kɛ lɛ kpa zɛlɛ tɛ fala nɛ kpo do Kristo, nɛ lɛ sɛ tɛ mɛ 'bɔ do a kpo kɔ dɔ̃lɔ̃ fi 'da a.

1 KORINTƐ 3:13

Nɛ nde dɛa to 'da wele do wele ma be sɛ tɛ́ ɛ do ngba soe 'bili ngbangga. Mba gɔ, do ngba soe ni, nɛ we ma nyɛ sɛ, nɛ ma yamba sɛ toe 'da wele do wele we be na, ma a dia nde.

2 KORINTƐ 4:17

Obe zɛlɛ tɛnɔ kɛ lɛ kpa ma ngangga gɛ, nɛ ma la dɔ̃ iko ni, ma 'dafa lɛ we kpa gã dɔ̃lɔ̃ li kɛ ma 'bana sɛ fai, nɛ ma nɛa ngɔ zɛlɛ tɛnɔ ni fala dɛlɛ wena ni.

EFƐZƐ 1:2

E kɔ Baa lɛ Gale, do Nwa Yezu, wa be dia zã 'da wa hã nɛ, nɛ wa dɛ 'bɔ na, nɛ dungu do gɛ̃a sila.

KƆLƆSƐ 1:16

Mba gɔ, Gale dɛa mɛnɔ vɛ̃ do wala 'da a: omɛnɔ li nza i, do kɛnɔ nù nga, kɛnɔ wa zɔ zɔa, do kɛnɔ wa zɔ́ gɔ ni, mba do ohi winɔ li ngɔ gɛ kɛ wa a onwa, tabi ogã wi, nɛ wa do ngawi wena ni. Gale dɛa mɛnɔ nyanga nza gɛ vɛ̃ do wala 'da Kristo, nɛ ma ɔ hã a.

1 TƐSALONIKƐ 3:13

Na mɛ ni, a hã sɛ kpã sila hã nɛ, kɔ do ngba soe kɛ Nwa 'da lɛ Yezu a tɛ sɛ do owinɔ 'da a ni, nɛ fo sɛ mɔ kɔ'dɔ nɛ we nɛ bina, nɛ nɛ sɛ santo gbali Baa lɛ Gale.

2 TIMOTE 2:12

Kɔ fala kɛ lɛ kpãlã sila lɛ kɔ ngamɔ, nɛ lɛ dungu sɛ nwa do a. Kɔ fala kɛ lɛ kafa a, nɛ a kafa sɛ tɛ mɛ 'bɔ lɛ.

TITO 2:13

Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.

OHEBRE 10:27

Ki ni, nɛ nde ma 'bana tati a kɛ na, lɛ tana kili 'bɔ do 'da ngbangga kɛ Gale a 'bili sɛ dɛ ngɔ owi bɛ̃ gɛnɛ a ni, mba do gba nyɛa we kɛ ma tɛ sɛ we bɛlɛ wa ni.

OHEBRE 12:29

Mba gɔ, Gale 'da lɛ a ɔ nɛ nyɛa we kɛ ma bɛlɛ mɔ, nɛ ma ngutu vɛ̃ ni.

OHEBRE 4:1

Gale kpua zɛ́ mbulu hã lɛ na, lɛ wia sɛ we le fala kpe do tɛ wi 'da ɛ, nɛ mbuli ni ma 'bana. We duzu ma, lɛ dɛ́ nganda na, dɔ mbe kpo sanga lɛ 'báná 'do, kɔ a zɔlɔ le nɛ gɔ.

OHEBRE 4:11

Kɔ lɛ dɛ́ nganda wena we le fala kpe do tɛ wi ni, nɛ da dɛ kɔ mbe kpo sanga lɛ bɛ̃́ we nu Gale, kɔ a dɛ 'dã mɔ ɔ nɛ wanɔ wa zi li gba zɔ̃ i ni gɔ.

OHEBRE 4:9

Na mɛ ni, ma be na, mbé gele tũ kpe tɛ wi, takɔ winɔ 'da Gale wa kpe do tɛ wa, ɔ nɛ kɛ a kpia zi tɛ̃ a do sambo tũi ni boe.

OHEBRE 9:28

Na mɛ ni, Kristo hã zi tɛ a hã Gale, nɛ a fia fala kpo we 'dã mɛ 'da ogili winɔ. Nɛ a hɔ sɛ 'bɔ mbé nɛ fala kpo, nɛ nde a hɔ́ sɛ we fo 'dã mɔ gɔ, a hɔ sɛ we kpasa winɔ wa 'bɔ 'da a ni.

1 PETRO 3:22

nɛ a si dɛ li nza i, nɛ a dungu tɛ ngawili kɔ̃ Gale. I mɔ ni, a dungu nwa ngɔ anzɛnɔ, do ogã winɔ do ohi winɔ vɛ kɛ wa do ngawi ni.

2 PETRO 3:7

Nɛ a wila zɛ́ 'bɔ we na, li nza do nùi sɔɛ gɛ, ɛ e ma 'bɔ do 'da ngba soe kɛ ɛ nɛ 'bili sɛ do we 'da winɔ ni. Ɛ fi sɛ we tɛ nɛ, nɛ ɛ gbɛ owi dɛ 'dã mɛnɔ vɛ̃.

YUDA 1:7

Nɛ nɛ lénggé 'bɔ le Sodɔmɛ do Gomɔrɛ, do ombe gele lenɔ kɛ zã nɛ ni. Owi kɔ lenɔ ni wa hã zi 'bɔ tɛ wa we dɛ mɔ sape kpasaa ɔ nɛ anzɛnɔ ni, nɛ wa dɛa 'dã mɛnɔ kɛ wele wè tɛ dɛ ma gɔ ni. Kɔ wa tɛ kpa etumbu tɛ li gba nyɛa we kɛ ma bí sɛ fala kpo gɔ ni. Ki ni a mbisa we we owinɔ vɛ.

USU MƐNƆ 1:7

Nɛ ĩ́ na, a a sanga kutunɔ tɛ tɛ nɛ, nɛ winɔ vɛ wa zɔ sɛ a. Gɛnɛ kɔ wanɔ kɛ wa dumu zi gbãlã ngu'du a ni, wa zɔ sɛ 'bɔ a. Nɛ owinɔ ngɔ nù gɛ vɛ, wa he sɛ kɔ̃a we a. Ma ɔ sɛ na mɛ ni! Amɛ.

USU MƐNƆ 14:10

a nɔ sɛ dɔ̃ nɔ̃lɔ̃ zã 'da Gale. A nɔ sɛ nga dɔ̃ɛ ni, nɛ ma e kɔ bila nɛ vɛ. Winɔ kɛ wa dɛ mɛnɔ ní ni, tɛ wa ma zɛlɛ sɛ li gba nyɛa we, dɛ li oanzɛ santonɔ, do li Be Bata.

USU MƐNƆ 14:13

'Do ki ni, nɛ mi zele wala gɛlɛ wele li nza i tɛ tɔ̃ hã mi na: “Mɔ kɔ́mɔ́ na: Ngangga gɛ winɔ kɛ wa fia dɛ kɔ dɛa toe 'da Nwa ni, wa a owi yangga!” Nɛ Hi Wi Santo na: “Mɛ a ngbongbo we. Ngangga ni, wa wia tɛ ɔmɔ tɛ wa do nga dɛa toe wa dɛa zi ni, we duzu kɛ dia mɔ do dɛa toe 'da wa kpia dɛ 'dɔkɔlɔ wa.”

USU MƐNƆ 20:11

Nɛ 'do ki ni, nɛ mi zɔ gba fɛa kpongbo nwa do wele dɛ ngɔ nɛ. Nɛ nùi do li nza yu wi ni, nɛ wa zɔ̀ 'bɔ do nɛ gɔ.

USU MƐNƆ 21:4

A dili sɛ mili kɔ̃a li wa. Fo sɛ fio bina! Nɛ fo sɛ 'bɔ dungu gɛla, do hia kɔ̃a, do ngamɔ bina, we kɛ omɛnɔ zi dati ni ma la ia.”

USU MƐNƆ 22:16

“Mi Yezu, mi tumba anzɛ 'da mi, we tɔ̃ wenɔ gɛ hã eklezianɔ. Mi a wi nu fɛlɛ nwa Davidi. Mi a gbandolo titole kɛ ma to wena ni.”

USU MƐNƆ 22:6

Nɛ 'do ki ni, nɛ anzɛ tɔ̃ hã mi na: “Wenɔ gɛ a gbãlã we ngboo, nɛ wele wia we e sila ɛ ngɔ nɛ. Nwa Gale kɛ a hã Hi Wi 'da a hã owi gba olo nu a ni, a tumba anzɛ 'da a we be mɛnɔ, kɛ ma hɔ sɛ ngangga gɛ ni hã owi dɛa tonɔ 'da a.”

USU MƐNƆ 22:9

Nɛ a tɔ̃ hã mi na: “Mɔ tɛ dɛ̀ ní gɔ. Mi tɛ mɛ 'bɔ a wi dɛa to 'da Gale ɔ nɛ mɔ, do onya mɔ vɛ kɛ wa gba olo nu Gale, do wanɔ wa kɔ̃a gɛnɛ wenɔ kɔ 'buki gɛ ni. Kɔ mɔ dɔ́nggɔ́ Gale!”

USU MƐNƆ 6:11

Nɛ oanzɛnɔ wa hã fɛ̃a tulu hã wele do wele sanga wa ni, nɛ wa tɔ̃ hã wa na, wa kunu sila wa, kɔ wa 'bɔ, hã li onya wa, do ongba wa winɔ 'da Gale, kɛ wa nɛ gbɛ 'bɔ wa, ɔ nɛ kɛ wa gbɛa zi do wa ni, we vɛ sɛ nɛ de.