2 TƐSALONIKƐ 1:6 - WE NU GALE 1995

⁶ Gbãlã we, Gale dɛ mɔ do bɔlɔ nɛ: A gese sɛ zɛla tɛ hã owinɔ kɛ wa zɛla zi tɛ nɛ ni,

2 TƐSALONIKƐ 1:6 Iomraidhean Croise

Kulu Tɔa 23:22

Kɔ fala kɛ nɛ zele nu a, kɔ nɛ dɛ mbulanɔ 'da mi vɛ̃, nɛ mi NWA Gale, mi sɛnɛ sɛ owi sɛnɛ nɛ, nɛ mi bi sɛ do wa.

WI LENGGE WE 3:17

Ma hã mi tɔ̃a na, Gale a 'bili sɛ we 'da odia winɔ do o'dã winɔ, we kɛ mɔ kpo kpo ma dɛ tɛ̃ ɛ do ngba soe nɛ.

Ezai 49:26

Mi dɛ sɛ na, owinɔ kɛ wa hã ngamɛ hã nɛ ni, wa gbɛ ngba wa dɛ sanga ngba wa. Wa zɔ sɛ tɔkɔ tɛ ngba wa, nɛ zu wa ma zĩ sɛ, ɔ nɛ kɛ wa nɔa mbé dɔ̃ ni. Na mɛ ni, nɛ owinɔ ngɔ nùi gɛ vɛ̃, wa ĩ sɛ na, mi NWA, mi a wi kpasa nɛ, nɛ mi a mi fo nɛ kɔ ngamɔ. Nɛ wa ĩ sɛ 'bɔ na, mi a Gale ngawi 'da nɛ, obe Israɛlɛ.”

Yeremi 50:29

NWA tɔ̃a na: “Aa nɛ, Owi da nzabelenɔ, nɛ nɛ́ hã nɛ bí le Babilɔnɛ. Nɛ dɛ́ fala ɔinɔ 'da nɛ zĩ do wa takpa, nɛ nɛ kélé wala yu ti wa! Nɛ gésé olo 'dã mɛnɔ wa dɛa zi ni hã wa, nɛ nɛ dɛ́ do wa ɔ nɛ kɛ wa dɛa zi do ogele winɔ ni. Mba gɔ, wa zɔ zi tɛ wa na, wa nɛa ngɔ mi NWA Gale santo 'da obe Israɛlɛ.

ZAKARIA 2:8

Nɛ anzɛ wele kɛ dati ni tɔ̃ hã wele ki ni na: “Mɔ yú 'do be zagbãlã a 'bia fɛlɛ dɛ kɔ̃ a ni, nɛ mɔ tɔ̃ hã a na, wa dɛ́ sɛ gba ngbo zĩ 'do le Yeruzalɛmɛ gɔ, we kɛ owinɔ do onadalamɛnɔ di ni wa dɔ wena.

KƆLƆSƐ 3:25

Nɛ nde Gale a hã sɛ etumbu hã Owi dɛ 'dã mɛnɔ olo 'dã mɛnɔ wa dɛ ni. We kɛ Gale zɔ́ bula li wele gɔ.

OHEBRE 6:10

Gale a wi bɔlɔ zu, nɛ ta zu a élé sɛ ngɔ de dɛa mɛnɔ 'da nɛ, do kɔ̃a zã nɛ kɔ̃a do a ni gɔ. We kɛ a zɔa tɛlɛ tɛ kɛ nɛ gala zi onya nɛ wi kɔ̃a wenɔ, nɛ nɛ 'bana tɛ gala wa tia do sɔɛ gɛ ni.

USU MƐNƆ 11:18

Zã ogele winɔ nɔ̃lɔ̃ zi dɛ tɛ mɔ wena, nɛ nde tũi kɛ mɔ nɛ be do nɔ̃lɔ̃ zã 'da mɔ ni, ma wia ia. Mɛ a tũi kɛ mɔ nɛ 'bili do we 'da ofionɔ. Nɛ mɛ 'bɔ a tũ si do de mɔ hã owi dɛa tonɔ 'da mɔ, kɛ wa gba olo nu mɔ ni, do winɔ 'da mɔ vɛ̃, ogã winɔ do obe winɔ kɛ wa dɔnggɔ mɔ dɔngga ni. Mɛ a tũi kɛ mɔ nɛ kumu do winɔ kɛ wa 'danga zi nùi gɛ ni.”

USU MƐNƆ 15:4

Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

USU MƐNƆ 18:24

Le Babilɔnɛ tia, we duzu tɔkɔ tɛ owi gba olo nu Gale, do owinɔ 'da Gale, kɛ wa gbɛa zi wa ni. Gbãlã we, wa kpa tɔkɔ tɛ winɔ vɛ kɛ wa gbɛa zi wa ngɔ nù gɛ ni dɛ di ni.

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 6:10

Kɔ wa tɛ he mɔ do nga gɛlɛ na: “Aa Nwa, mɔ a santo, nɛ mɔ tɔ̃ fai a gbãlã we. Mɔ nɛ 'bɔ gbaa we 'bili we 'da winɔ nù gɛ, nɛ mɔ hã etumbu hã wa do kɛ wa gbɛa zi lɛ ni soe ki nge nde?”