2 TƐSALONIKƐ 1:5 - WE NU GALE 1995

⁵ Zɛlɛ tɛnɔ vɛ̃ nɛ kpa ni, ma 'dafa nɛ na, nɛ we owi kɔ le nwa 'da Gale, kɛ nɛ kpa zɛlɛ tɛ we nɛ ni. Nɛ lá ni ma be na, Gale 'bili we do bɔlɔ nɛ.

2 TƐSALONIKƐ 1:5 Iomraidhean Croise

YƆBƆ 8:3

Mɔ lengge na, Gale wia we zɔlɔ bɔlɔ zu nde? Gale kɛ a do nganda vɛ̃ ni, a wia we kpolo mbulanɔ nde?

Zumanɔ 111:7

Gbãlã we do bɔlɔ zu be tɛ̃ ɛ li toe 'da a. Lɛ wia we gbini zã lɛ do mbulanɔ a e ni.

Zumanɔ 33:5

NWA a wi bɔlɔ zu, a kɔ̃a we dɛ de mɔ. Kɔ̃a zã 'da NWA, ma kpa ngɔ nù gɛ vɛ̃.

Zumanɔ 50:6

Nɛ li nza hia mɔ na: “Gale a wi bɔlɔ zu, wi gɔnɔ ngbangga, wi a a zu a kpo.”

Zumanɔ 72:2

E kɔ a dɛ mbulanɔ do wala olo nɛ, nɛ a zɔ mɔ tɛ Owi 'bakonɔ do bɔlɔ nɛ.

Zumanɔ 99:4

Aa mɔ nwa kɛ mɔ do nganda vɛ̃, mɔ kɔ̃a mɔ kɛ ma ɔ bɔlɔ ni. Mɔ a mɔ 'dafa mɛnɔ ngɔ nù Israɛlɛ, nɛ mɔ a mɔ ia gbãlã we do bɔlɔ zu ngɔ nùi ni.

Yeremi 9:24

NWA tɔ̃a 'bɔ na: “'Da fala kpo, nɛ mi hã sɛ etumbu hã Oezipeto, Oyuda, Oedɔmɛ, Oamoni, Omoabɛ, do owinɔ tɛ li gba zɔ̃ i, kɛ wa kɛlɛ dati wa we dɔnggɔ ogalenɔ 'da wa ni. Owinɔ ni vɛ̃ wa nɛa gaza nɛa, nɛ nde wa dɛ́ mbula gaza gɔ. Wele kpo kɔ owinɔ ni, tabi kɔ obe Israɛlɛ a dɛ́ mbula gba tɔkɛ 'da mi gɔ.”

LUKA 20:35

Nɛ nde Owi wilinɔ do owukonɔ kɛ wa fia, kɔ Gale zɔa na, wa wia we tunu kɔ fio, hã wa le kɔ mbé nùi kɛ ma tɛ sɛ 'do gɛ ni, wa bá sɛ ngba wa gɔ,

LUKA 21:36

Nɛ tɛ ɔ̃ yala gɔ. Nɛ sámbálá Gale 'da falanɔ vɛ̃ na, a hã ngawi hã nɛ, takɔ nɛ we tɛ kpasa kɔ mɛnɔ vɛ̃ kɛ ma hɔ sɛ ni, nɛ nɛ we tɛ yolo dati mi Be 'da Wele.”

Owi Nɛ Tonɔ 13:46

Nɛ Polo do Barnabasi wa tɔ̃ hã wa do kpã sila vɛ̃ na: “Ma wia sɔ na, lɛ be we nu Gale hã nɛ dati. Nɛ nde nɛ bɛ́a ma, nɛ nɛ 'bili we 'da nɛ na, nɛ wè we kpa kpasi kɛ ma é gɔɛ ni gɔ, kɔ ma a dia. Kɔ lɛ la sɛ dɛ 'da owinɔ kɛ wa a Oyuda gɔ ni.

Owi Nɛ Tonɔ 14:22

Nɛ wa nganda sila Owi Kristonɔ di ni ni na, wa 'bana tɛ kɔ̃ zu li Yezu do sila wa kpo. Nɛ wa tɔ̃ hã wa na: “Ma wia na, lɛ winɔ kɛ lɛ kɔ̃a zu li Yezu ni, lɛ kpa ngamɔ ngɔ nùi gɛ gbaa, ndɔti nɛ a kɛ lɛ le sɛ nɛ kɔ le 'da Gale i ni.”

ROMA 2:5

Zu mɔ nganda wena, nɛ mɔ kɔ̃̀ we kifi sila mɔ gɔ. Kɔ we duzu ki ni, mɔ do tɛ mɔ, mɔ fa na, ngbangga kpa mɔ do ngba soe kɛ Gale a be sɛ mãlã 'da a, nɛ a 'bili we 'da winɔ do bɔlɔ nɛ ngboo ni.

ROMA 8:17

Hã fala kɛ lɛ a benɔ 'da Gale, nɛ lɛ kpa sɛ 'bɔ dia mɛnɔ kɛ a usu ma hã obenɔ 'da a ni. Lɛ kpa sɛ ma fala nɛ kpo do Kristo. Mba gɔ, fala kɛ lɛ kpa zɛlɛ tɛ fala nɛ kpo do Kristo, nɛ lɛ sɛ tɛ mɛ 'bɔ do a kpo kɔ dɔ̃lɔ̃ fi 'da a.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

FILIPƐ 1:28

Nɛ tɛ dɛ̀ kili owi sɛnɛ nɛ fala kpo gɔ. Nɛ ɔ́ do kpã sila, nɛ ma be sɛ hã wa na, wa kumu sɛ, nɛ nɛ kpasa sɛ. Nɛ wi a Gale hã a dɛa na mɛ ni we nɛ.

KƆLƆSƐ 1:12

Nɛ dɛ́ yangga, nɛ nɛ hã iɔ̃nae hã Baa lɛ Gale, we duzu kɛ a 'dafa nɛ na, nɛ we wi kpa de mɛnɔ kɛ a a ma kɔ sa fala 'da a ngɔ i, we 'bɔ do 'da winɔ 'da a ni.

1 TƐSALONIKƐ 2:14

Mba gɔ, onyae, mɛ kɛ ma dɛa tɛ̃ ɛ hã nɛ ni, ma wia kɔ̃ do kɛ 'da owinɔ 'da Gale kɔ eklezianɔ tɛ ngɔ nù Yude, kɛ wa kɔ̃a zu li Yezu Kristo ni. Onya nɛ ngboo, wa zɛlɛ zi 'bɔ tɛ nɛ, ɔ nɛ kɛ Oyudanɔ wa zɛlɛ zi do tɛ Owi Kristonɔ ngɔ nù Yude i ni.

2 TƐSALONIKƐ 1:11

Gulu nɛ a lɛ sambala Baa lɛ Gale we duzu nɛ fai na, a 'dáfá nɛ, kɔ nɛ we do kpasi kɛ a sa zi mɔ hã nɛ we nɛ ni. Nɛ lɛ aka a na, a hã ngawi 'da a hã nɛ, takɔ nɛ dɛ dia mɛnɔ vɛ kɛ nɛ kɔ̃a we dɛ nɛ ni, nɛ a dɛ 'bɔ na, to olo kɔ̃a we 'da nɛ we ngboo.

2 TIMOTE 2:12

Kɔ fala kɛ lɛ kpãlã sila lɛ kɔ ngamɔ, nɛ lɛ dungu sɛ nwa do a. Kɔ fala kɛ lɛ kafa a, nɛ a kafa sɛ tɛ mɛ 'bɔ lɛ.

USU MƐNƆ 15:4

Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”

USU MƐNƆ 16:7

Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 3:4

Nɛ nde ombe winɔ Sardɛ ni, wa tɛ 'dàngà tɛ tulunɔ 'da wa gɔ. Winɔ ni wa he'de sɛ fɛ̃a tulu, nɛ wa yɛnggɛ do mi, we kɛ ki ni wia do wa.