2 TƐSALONIKƐ 1:4 - WE NU GALE 1995

⁴ Ma kɛ lɛ dɔnggɔ tɛ lɛ do nɛ kɔ eklezianɔ 'da Gale, we duzu kɛ kɔ zɛlɛ tɛnɔ do ngamɛnɔ nɛ kpa ma ni, nɛ nde nɛ 'bana do kpã sila, do kɔ̃a we dɛ 'da Yezu.

2 TƐSALONIKƐ 1:4 Iomraidhean Croise

ROMA 12:12

Nɛ dɛ́ yangga kɛ nɛ gbíní zã nɛ do Gale ni. Nɛ kúnú sila nɛ kɔ ngamɛnɔ kɛ nɛ kpa ma ni, nɛ nɛ sámbálá Gale 'da fala fai.

ROMA 2:7

A hã sɛ kpasi kɛ ma é gɔ ni hã wanɔ kɛ wa hã tɛ wa we dɛ toe 'da wa do dia nɛ, nɛ wa fa we kpa dɔ̃lɔ̃ li ngboo, do dĩ li Gale, do kpasi kɛ ma 'dángá gɔ ni.

ROMA 8:25

Nɛ nde lɛ, lɛ gbini zã lɛ do mɔ kɛ lɛ tɛ zɔ̀ ma gɔ ni, nɛ lɛ 'bɔ 'da ma do kpã sila ngboo.

1 KORINTƐ 7:17

Nɛ nde 'bangga tɛ ki ni mba, ma wia na, wele do wele 'bana nɛ́ kɛ Gale dɛa zi do a ni, nɛ a dungu nɛ́ kɛ a zi do ma 'da fala Gale sa do mɔ hã a ni. Ki ni a mbula kɛ mi hã ma kɔ eklezianɔ falanɔ vɛ́ gɛ a ni.

2 KORINTƐ 12:10

Nɛ we duzu ma, mi do yangga 'da fala kɛ mi mbɔkɔ, tabi Owele wa dã mi, tabi mi kɔ 'bako, tabi wa zɛlɛ tɛ mi, tabi mi kɔ ngamɔ we zu li Kristo ni. Mba gɔ, 'da fala kɛ mi mbɔkɔ, nɛ nde ngawi 'da Kristo kɔ mi boe.

2 KORINTƐ 7:14

Mi dɔnggɔ zi tɛ mi hã a we duzu nɛ, nɛ nɛ kala sape li mi. Nɛ́ kɛ wenɔ lɛ tɔ̃a zi ma hã nɛ ni, mɛ vɛ́ a gbãlã we ni, na mɛ ni, dɔnggɔ tɛ wi kɛ lɛ dɔnggɔ zi hã Tito we duzu nɛ ni, mɛ 'bɔ a gbãlã we.

2 KORINTƐ 7:4

Mi do kafi ngɔ nɛ bina, nɛ mi dɔnggɔ tɛ mi do nɛ. Nɛ kɔ 'bakonɔ vɛ́ lɛ kpa ni, nɛ nde mi mbɔ́kɔ́ gɔ, nɛ mi do yangga wena.

2 KORINTƐ 9:2

We kɛ mi ĩ ti wɛ 'da nɛ we gala ongba nɛ ni, nɛ mi dɔnggɔ tɛ mi do nɛ hã Omasedɔanɛ. Mi tɔ̃a zi hã wa na, owinɔ ngɔ nù Akai wa ngɛma mbɔkɔ mbili 'da wa ma la dɛ sabɛlɛ kpo ia. Nɛ kɔ̃a zã 'da nɛ ma hã tɛ 'bɔ kpã sila hã ombe sanga wa wena we dɛ na mɛ ni.

2 KORINTƐ 9:4

We kɛ ní gɔ, kɔ fala kɛ lɛ hɔ 'da nɛ i do ombe Masedɔanɛ, kɔ lɛ kpa nɛ, nɛ nde nɛ tɛ 'dàfà mɛnɔ ni gɔ, nɛ sape ma ba sɛ li lɛ wena. We kɛ lɛ a zi linggamɛnɔ 'da lɛ vɛ́ dɛ ngɔ nɛ. Nɛ sape ma ba sɛ 'bɔ li nɛ wele nɛ.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

1 TƐSALONIKƐ 2:14

Mba gɔ, onyae, mɛ kɛ ma dɛa tɛ̃ ɛ hã nɛ ni, ma wia kɔ̃ do kɛ 'da owinɔ 'da Gale kɔ eklezianɔ tɛ ngɔ nù Yude, kɛ wa kɔ̃a zu li Yezu Kristo ni. Onya nɛ ngboo, wa zɛlɛ zi 'bɔ tɛ nɛ, ɔ nɛ kɛ Oyudanɔ wa zɛlɛ zi do tɛ Owi Kristonɔ ngɔ nù Yude i ni.

1 TƐSALONIKƐ 2:19

Mba gɔ, 'da fala Nwa 'da lɛ Yezu a hɔ sɛ nɛ ni, nɛ lɛ gbini sɛ zã lɛ do wio nde? Nɛ lɛ dɛ sɛ yangga we wio nde? Lɛ dɔnggɔ sɛ tɛ lɛ gbali a do wio nde? Lɛ dɔ́nggɔ́ sɛ tɛ lɛ tati a do nɛ gɔ nde?

2 TƐSALONIKƐ 3:5

E kɔ Nwa 'dafa sila nɛ na, nɛ kpa kɔ̃a zã 'da Gale, nɛ sila nɛ nganda ɔ nɛ kɛ 'da Kristo ni.

OHEBRE 10:36

Ma wia na, nɛ ɔ do du sila, takɔ nɛ we tɛ dɛ mɛ kɛ zã Gale kɔ̃a ni, nɛ nɛ kpa mɛ kɛ a kpua zɛ́ mbulu nɛ hã nɛ ni.

OHEBRE 6:12

Lɛ kɔ̃̀ na, nɛ mbɔkɔ hã nɛ la fala nɛ gɔ. Nɛ nde nɛ dɛ mɔ tɛ nɛ ɔ nɛ kɛ 'da winɔ wa kɔ̃ zu li Gale, nɛ wa kunu sila wa gbaa, nɛ wa kpa mɛnɔ kɛ Gale kpua zi mbulu nɛ hã wa ni.

OHEBRE 6:15

Nɛ Abrahama 'bɔa zi 'da mbuli ni do du sila, nɛ a kpa mɛ kɛ Gale tɔ̃a zi nɛ hã a ni.

ZAKE 5:11

Lɛ sa li wa na, wa a Owi yangga, we kɛ wa kunu zɛ́ sila wa kɔ ngamɔ. Nɛ zila we kɛ Yɔbɔ kunu zi do sila a 'da fala kɛ ngamɔ kpa zi a ni. Nɛ nɛ ĩ 'bɔ ti de mɛ kɛ Nwa Gale dɛa do a do ndɔti nɛ ni. Gbãlã we, Nwa a wi mbɔkɔ li, nɛ a ĩ 'bako hã Owele wena.

2 PETRO 1:6

nɛ ĩ ti mɛ 'da nɛ mba do zimi tɛ nɛ. Kɔ nɛ ma ngɔ zimi tɛ nɛ, nɛ nɛ kúnú sila nɛ. Nɛ nɛ mba kunu sila nɛ do ba tɛ nɛ hã Gale.

USU MƐNƆ 14:12

We duzu ki ni, ma wia na, owinɔ 'da Gale kɛ wa dɛ mbulanɔ 'da a, nɛ wa do kɔ̃a we dɛ 'da Kristo ni, wa ɔ do du sila.