2 TƐSALONIKƐ 1:3 - WE NU GALE 1995

³ Onyae, ma wia na, lɛ hã iɔ̃nae hã Gale we duzu nɛ 'da fala fai. Lɛ wia tɛ dɛ na mɛ ni gbãlã we, mba gɔ, kɔ̃a we 'da nɛ dɛ 'da Gale, do kɔ̃ ngba wi 'da nɛ ma gã dɛ dati gã fai.

2 TƐSALONIKƐ 1:3 Iomraidhean Croise

YƆBƆ 17:9

E kɔ wi bɔlɔ zu 'bana tɛ dɛ mɔ bɔlɔ zu 'da a. Nɛ wi dia sila dɛ nganda we dɛ de mɔ.

Zumanɔ 84:7

Wa nɛa we la do kɔ kula gbangɔlɔ̃ɛ kɛ te bomienɔ hɔ kɔ nɛ ni, nɛ mɔ Gale mɔ dɛa na, fala ni kifi dɛka lì, nɛ kuti kolonɔ tɛ, nɛ lì yolo di ni.

Zumanɔ 92:13

Nɛ nde ode winɔ wa kpasa de wena ɔ nɛ 'bete ni, wa dɛndɛlɛ ɔ nɛ te sɛdrɛ ngɔ nù Libanɛ ni.

GBA WENƆ 4:18

Nɛ nde dɛa to tɛ owi bɔlɔ zunɔ, ma ɔ nɛ wese kɛ ma gba do titole, nɛ ma to dɛ dati gbaa na, ma hɔa ngɔ ni.

LUKA 15:32

Nɛ nde ma wia na, lɛ dɛ mɔ dɔ, kɔ lɛ dɛ yangga, we kɛ nya mɔ gɛ, a fia zi fia, kɔ a kpasa. A yɔa zi yɔa, kɔ mi kpa a!’ ”

LUKA 17:5

Nɛ Owi nɛ tonɔ wa aka Nwa Yezu na: “Mɔ dɛ́ na, kɔ̃a we 'da lɛ ma gã dɛ dati.”

YOANƐ 15:2

A 'bili gbakɔ̃ te vɛ̃ kɛ ma wálá gɔ ni, nɛ a fo ogisa nwá tɛ kɛnɔ ma wala ni, takɔ tɛ nɛ sa, nɛ ma wala dɛ dati.

ROMA 1:8

Dati ngboo, mi hã iɔ̃nae hã Gale 'da mi do wala 'da Yezu Kristo, we duzu nɛ vɛ. Mba gɔ, sako kɔ̃a we 'da nɛ yɛ'ba falanɔ vɛ.

1 KORINTƐ 1:4

Mi hã iɔ̃nae hã Gale 'da fala fai we nɛ. Mi dɔnggɔ a we kɛ a bia dia zã 'da a hã nɛ do wala 'da Yezu Kristo ni.

2 KORINTƐ 10:15

Na mɛ ni, lɛ là ngɔ li ngbala toe 'da lɛ gɔ, nɛ lɛ dɔ̀nggɔ̀ tɛ lɛ do toe ogele winɔ wa dɛa gele fala ni gɔ. Nɛ nde lɛ gbini zã lɛ na, kɔ̃a we 'da nɛ gã dɛ dati, takɔ lɛ we tɛ dɛ 'bɔ gã to sanga nɛ nɛ ngɔ kɛ zi ni. Nɛ nde lɛ ku sɛ ngɔ li ngbala kɛ Gale ia ma hã lɛ ni gɔ.

EFƐZƐ 5:20

Nɛ nɛ hã́ iɔ̃nae hã Baa lɛ Gale fai we mɛnɔ vɛ́, do zu li Nwa 'da lɛ Yezu Kristo.

FILIPƐ 1:7

Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

FILIPƐ 1:9

Mi sambala Gale we nɛ na, kɔ̃a zã 'da nɛ gã dɛ dati, nɛ nɛ ĩ ti gbãlã we ngboo, nɛ nɛ kpa hã zã,

1 TƐSALONIKƐ 3:12

E kɔ Nwa gã 'da kɔ̃a zã 'da nɛ dɛ 'da ngba nɛ do 'da owinɔ vɛ dɛ dati fai, takɔ ma we kɔ̃ do kɔ̃a zã lɛ kɔ̃a do nɛ ni.

1 TƐSALONIKƐ 3:6

Nɛ nde ngangga ni, Timote kpula tɛ̃ a, nɛ a tɔ̃a dia sakoe 'da nɛ hã lɛ na, nɛ 'bana do kɔ̃a we dɛ 'da Gale, nɛ nɛ 'bana tɛ kɔ̃ ngba nɛ. A tɔ̃a 'bɔ na, nɛ 'bana tɛ lengge lɛ de wena, nɛ nɛ do wɔ we zɔ tɛ lɛ ɔ nɛ kɛ lɛ tɛ mɛ 'bɔ do wɔ we zɔ tɛ nɛ ni.

1 TƐSALONIKƐ 3:9

Kɔ lɛ nɛ hã iɔ̃nae hã Gale we duzu nɛ tɛlɛ tɛ nɛ nɛ nde? We kɛ yangga kɛ nɛ hã ma hã lɛ dati a ni, ma nɛa ngɔ mɛnɔ vɛ̃.

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

2 TƐSALONIKƐ 2:1

Onyae, di ngangga ni, mi kɔ̃a we tɔ̃ lɛnggɛ ngɔ tɛa 'da Nwa 'da lɛ Yezu Kristo, kɛ a hɔ sɛ, nɛ lɛ mba li ngba lɛ do a ni. Mi ala nu mi hã nɛ na,

2 TƐSALONIKƐ 2:13

Nɛ nde kɛ 'da lɛ, onyae, lɛ wia tɛ hã iɔ̃nae hã Gale 'da fala fai we duzu nɛ, kɛ Nwa kɔ̃a gɛnɛ nɛ ni. Mba gɔ, Gale saka zɛ́ nɛ do ndo nyanga dɛ mɛnɔ, takɔ a kpasa nɛ, nɛ a kifi nɛ do winɔ 'da a ngboo. A kpasa sɛ nɛ do ngawi 'da Hi Wi Santo, do ngawi 'da kɔ̃a we nɛ kɔ̃a do gɛnɛ gbãlã we ni.

1 PETRO 1:22

Di ngangga gɛ, nɛ zila nu Gale, nɛ bɛ̃a gɛnɛ 'dã mɔ, nɛ sila nɛ sa, nɛ nɛ kɔ̃a gɛnɛ onya nɛ wi kɔ̃a wenɔ do ngbongbo nɛ. Kɔ ma wia na, nɛ kɔ̃ gɛnɛ ngba nɛ dɛ dati do sila nɛ vɛ.

2 PETRO 1:13

Mba gɔ, mi zɔa na, nɛ́ kɛ mi 'bana nza gɛ, ma wia na, mi gba ta zu nɛ ngɔ mɛnɔ ni, dɔ ta zu nɛ élé ngɔ nɛ gɔ, kɔ nɛ lengge do ma fai.

2 PETRO 3:18

Nɛ nde nɛ yɛ́nggɛ́ do li wala 'da Nwa 'da lɛ Yezu Kristo kɛ a a Wi kpasa lɛ ni fai, takɔ a be dia zã hã nɛ, nɛ nɛ ĩ ti a dɛ dati. E kɔ a kpa dɔ̃lɔ̃ li sɔɛ gɛ, do kɔ sabɛlɛ do sabɛlɛ! Amɛ.