2 TƐSALONIKƐ 1:11 - WE NU GALE 1995

¹¹ Gulu nɛ a lɛ sambala Baa lɛ Gale we duzu nɛ fai na, a 'dáfá nɛ, kɔ nɛ we do kpasi kɛ a sa zi mɔ hã nɛ we nɛ ni. Nɛ lɛ aka a na, a hã ngawi 'da a hã nɛ, takɔ nɛ dɛ dia mɛnɔ vɛ kɛ nɛ kɔ̃a we dɛ nɛ ni, nɛ a dɛ 'bɔ na, to olo kɔ̃a we 'da nɛ we ngboo.

2 TƐSALONIKƐ 1:11 Iomraidhean Croise

Zumanɔ 138:8

Aa NWA, mɔ dɛ sɛ mɛnɔ vɛ̃ mɔ kpua mbulu nɛ hã mi ni. Kɔ̃a zã 'da mɔ ma 'bana sɛ kɔ sabɛlɛ do sabɛlɛ. Mɔ tɛ bɛ gɛnɛ lɛ owinɔ, kɛ mɔ dɛa lɛ do kɔ̃ mɔ ni gɔ.

Zumanɔ 48:14

Nɛ sókó 'bɔ gba ngbo nu le ɔ dia, takɔ nɛ we sɛ we tɔ̃ lɛnggɛ nɛ hã obe zã nɛ na,

Zumanɔ 51:18

Mɔ kɔ̃̀ na, mi gbɛ sa'de we dɔnggɔ do mɔ gɔ. Gɛnɛ kɔ mi dɔ sa'de we dɔnggɔ do mɔ, nɛ nde ma dé tɛ mɔ gɔ.

Zumanɔ 68:20

E kɔ lɛ gese iɔ̃nae hã NWA Gale tũ kpo kpo. A a wi kpasa lɛ, nɛ a zɔ mɔ tɛ lɛ.

GBA WENƆ 4:18

Nɛ nde dɛa to tɛ owi bɔlɔ zunɔ, ma ɔ nɛ wese kɛ ma gba do titole, nɛ ma to dɛ dati gbaa na, ma hɔa ngɔ ni.

Ezai 25:9

Do ngba soe ni, owinɔ wa tɔ̃ sɛ na: “NWA, mɔ a Gale 'da lɛ ngboo. Lɛ gbini zi zã lɛ do mɔ, nɛ mɔ fua lɛ li ngamɔ. Lɛ he mɔ, nɛ lɛ dɛ yangga, we kɛ mɔ a wi kpasa lɛ.”

Ezai 55:7

E kɔ o'dã winɔ wa kpolo linggamɔ zu wa, nɛ wa la fala 'dã mɛnɔ 'da wa, nɛ wa kifi tɛ wa dɛ 'da NWA Gale, nɛ a ĩ sɛ 'bako hã wa, nɛ a mbɔkɔ sɛ wa.

Ezai 66:9

Linggamɔ zu nɛ tɛ ɔ̃lɔ̃ nɛ na, mi NWA, mi wia we 'dafa na, owinɔ 'da mi wa ko hã wa dɛlɛ, nɛ mi dɛ 'bɔ na, wa tɛ kò do dia nɛ gɔ ni gɔ.” NWA Gale tɔ̃a ni.

DANIƐLƐ 3:17

Mɔ ĩ́ na, Gale 'da lɛ, wele kɛ lɛ dɔnggɔ a ni, a wia we kpasa lɛ li gba nyɛa we, nɛ a wia we kpasa 'bɔ lɛ ti kɔ̃ mɔ.

OZE 6:3

Kɔ lɛ dɛ́ nganda we ĩ ti NWA, nɛ lɛ kɔ̃ gɛnɛ a. Lɛ tɛ bà kafi gɔ, a hɔ nɛ! A zɔ́lɔ́ sɛ gɔ, ɔ nɛ kɛ titole kpo kpo, nɛ wese zɔ́lɔ́ tɛ gba nɛ gɔɛ ni. A hɔ sɛ 'da lɛ nga, nɛ a ɔ sɛ nɛ kolo, kɛ ma tɛ dɛ zu kpalɛnɔ ni.”

ZAKARIA 4:7

Nɛ ngamɛnɔ kɛ ma ɔ sɛ dati mɔ nɛ ngala kala ni, ma fo sɛ tɛ̃ ɛ. Mɔ dɛ sɛ Tɛmpɛloe dɛ olo nɛ. Kɔ mɔ nɛ sɛ we e tala dɛa toe nɛ́, nɛ owinɔ wa zɛ sɛ kaliã na: ‘Nɛ zɔ̀ dia mɔ kɛ gɛ!’ ”

MARKO 4:28

Nùi dɛ na kpalɛ ni hɔ, nɛ ma gã, nɛ ma ko, nɛ gbãlã li nɛ nganda, nɛ ma kolo.

LUKA 12:32

“Aa nɛ, owinɔ 'da mi, nɛ dɛ̀lɛ̀ gɔ, kɔ nɛ tɛ dɛ̀ kili gɔ. We kɛ Baa nɛ Gale kɔ̃a na, nɛ le kɔ le nwa 'da a.

ROMA 1:9

Gale kɛ mi dɛ toe hã a, tɛ be Dia Sakoe 'da Be 'da a do sila mi kpo ni, a ĩ na, we mi tɔ̃ ni, mɛ a ngbongbo we. A ĩ na, mi lengge do nɛ kɔ sambala 'da mi lingga fai.

ROMA 11:29

Mba gɔ, Gale hã mɔ hã wele ia, nɛ nde a bá 'bɔ ma kɔ̃ a gɔ. Nɛ a kpóló 'bɔ linggamɛ 'da a ngɔ wanɔ kɛ a sa zɛ́ mɔ hã wa ia ni gɔ.

ROMA 15:14

Onyae, kafi bina, mi ĩ na, nɛ do dia zã dɛ 'da ongba nɛ wena, nɛ nɛ ĩ ti mɛnɔ nɛ wia tɛ dɛ nɛ ni de wena, nɛ nɛ wia tɛ tɔ̃ mbula hã ongba nɛ.

ROMA 8:30

Nɛ winɔ kɛ Gale saka zɛ́ wa ni, a sa zi 'bɔ mɔ hã wa na, wa hɔ owinɔ 'da a. Nɛ owinɔ kɛ a sa mɔ hã wa ni, a dɛ na, wa hɔ Owi bɔlɔ zu fi a, nɛ owinɔ kɛ a dɛa na, wa hɔ wi bɔlɔ zu ni, a hã 'bɔ dɔ̃lɔ̃ fi hã wa.

1 KORINTƐ 1:8

Nɛ Gale a dɛ sɛ na, nɛ yolo nganda gbaa we hɔ tɛ ndɔti nɛ na, dɔ do ngba soe Nwa 'da lɛ Yezu Kristo a tɛ sɛ nɛ ni, nɛ nɛ kpá kɔ'da gɔ.

EFƐZƐ 1:16

mi lá fala hã iɔ̃nae hã Gale we duzu nɛ gɔ, nɛ mi lengge do nɛ kɔ sambala 'da mi fai.

EFƐZƐ 1:5

Gale kɔ̃a gɛnɛ lɛ, ma kɛ a 'bili zɛ́ do kɔ sila a belee na, lɛ sɛ a benɔ 'da a do wala 'da Yezu Kristo. A dɛa zi na mɛ ni do kɔ̃a zã 'da a.

EFƐZƐ 1:9

nɛ a bia usu mɛnɔ kɛ a 'dafa ni hã lɛ na, lɛ ĩ ti nɛ. A 'dafa zɛ́ belee na, a dɛ sɛ linggamɛ 'da a do wala 'da Kristo.

FILIPƐ 1:6

Gbãlã we, mi ĩ na, Gale kɛ a ndua nyanga dɛ dia to kɔ sila nɛ ni, a 'bana sɛ tɛ dɛ na mɛ ni fai, gbaa we sɔkpɔ do ngba soe kɛ Yezu Kristo a tɛ sɛ nɛ ni.

FILIPƐ 2:13

We kɛ Gale tɛ dɛ to kɔ sila nɛ na, nɛ kpa wɔ tɛ mɛnɔ kɛ ma de tɛ̃ a ni, nɛ nɛ kpa 'bɔ ngawi we dɛ ma.

FILIPƐ 3:14

Ma kɛ mi tɛ yu a nga we hɔ ndɔti yui, takɔ mi kpa de mɛ kɛ Gale sa zi mɔ hã lɛ we nɛ li nza i do wala 'da Yezu Kristo ni.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

2 TƐSALONIKƐ 1:5

Zɛlɛ tɛnɔ vɛ̃ nɛ kpa ni, ma 'dafa nɛ na, nɛ we owi kɔ le nwa 'da Gale, kɛ nɛ kpa zɛlɛ tɛ we nɛ ni. Nɛ lá ni ma be na, Gale 'bili we do bɔlɔ nɛ.

2 TƐSALONIKƐ 2:14

Gale sa zi mɔ hã nɛ do wala Dia Sakoe kɛ lɛ bia zi hã nɛ ni, takɔ nɛ kpa dɔ̃lɔ̃ li fala nɛ kpo do Nwa 'da lɛ Yezu Kristo.

OHEBRE 12:2

Nɛ lɛ ká mɔ kpo dɛ tɛ Yezu, kɛ kɔ̃a we 'da lɛ yolo kɔ a ni, nɛ a kã sɛ 'bɔ lɛ gbaa we hɔ ndɔti nɛ. 'Da fala wa nɛa zi we gbɛ a ngɔ finda te ni, nɛ a kunu sila a, nɛ a lènggè do fio sape ni gɔ, we duzu kɛ a zɔa yangga kɛ ma 'bɔ 'da a ni. Nɛ ngangga gɛ, a dungu kɛ zã kpongbo nwa 'da Gale, si ngɔ ngawili kɔ̃.

OHEBRE 3:1

Na mɛ ni, onyae wi kɔ̃a wenɔ, kɛ Gale sa zi 'bɔ mɔ hã nɛ ni, nɛ á linggamɛnɔ 'da nɛ dɛ ngɔ Yezu, kɛ Gale tumba a we ɔ gã nwa nganga ngɔ wenɔ lɛ kɔ̃a ma gɛ ni.

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.

USU MƐNƆ 3:4

Nɛ nde ombe winɔ Sardɛ ni, wa tɛ 'dàngà tɛ tulunɔ 'da wa gɔ. Winɔ ni wa he'de sɛ fɛ̃a tulu, nɛ wa yɛnggɛ do mi, we kɛ ki ni wia do wa.

USU MƐNƆ 5:10

Nɛ mɔ a wa vɛ do onganga kɔ le nwa 'da Gale 'da lɛ, we dɛ to hã a, nɛ wa dungu sɛ nwa ngɔ nùi gɛ.”