2 TƐSALONIKƐ 1:10 - WE NU GALE 1995

¹⁰ Mɛnɔ ni ma dɛ sɛ tɛ ɛ do kpo soe kɛ Yezu a tɛ sɛ nɛ, takɔ winɔ 'da a wa dɔnggɔ a, nɛ wanɔ vɛ kɛ wa kɔ̃a zu li a ni, wa ɔngbɔ a ni. Nɛ nɛ sɛ fala nɛ kpo do owi kɔ̃a wenɔ ni, we kɛ nɛ kɔ̃a gɛnɛ Dia Sakoe lɛ bia zi hã nɛ ni.

2 TƐSALONIKƐ 1:10 Iomraidhean Croise

Zumanɔ 68:35

Nɛ tɔ̃́ dɛ nza na, ngawi ma yolo kɔ̃ Gale, nɛ nganda 'da a nɛa gbaa li nza i. Dɔ̃lɔ̃ li 'da a kila nù Israɛlɛ vɛ̃.

Zumanɔ 89:7

Aa NWA, fo wi we kɔ̃ do mɔ tɛ li nza i bina. Sanga ogalenɔ nyanga nza gɛ vɛ̃, wele kpo wè kɔ̃ do mɔ gɔ.

Ezai 2:11

Do tũi ni, wi kɛ a ka mɔ do wali, nɛ a bili sɛ zu a nù, nɛ wi dɛ ngatɛ, a kpa sɛ sape. Owinɔ wa ĩ sɛ na, nwa zu a kpo a gã wi.

Ezai 43:21

Wa a owinɔ 'da mi, mi a mi dɛa wa. Wa dɔnggɔ sɛ mi do zuma.”

Ezai 44:23

Aa mɔ, li nza ngɔ i, mɔ dɛ́ yangga! Aa nɛ, gba 'du kɔ̃nɔ ngɔ nù gɛ, nɛ zɛ́ kɔ̃ nɛ do yangga! Aa nɛ, okalanɔ do otenɔ zamɔ gɛ, nɛ dɛ́ yangga, nɛ nɛ zɛ́ kaliã! Mba gɔ, NWA Gale kpasa owinɔ 'da a, obe Israɛlɛ, nɛ ma bia dɔ̃lɔ̃ li 'da a.

Ezai 49:3

A tɔ̃a hã mi na: ‘Aa mɔ, Israɛlɛ, mɔ a wi dɛa toe 'da mi, Mba gɔ, ogele winɔ wa zɔ sɛ mɛnɔ kɛ mɔ dɛ ma ni, nɛ wa dɔnggɔ dɔ̃lɔ̃ li 'da mi.’ ”

Ezai 60:21

Nɛ nɛ vɛ̃, nɛ dɛ sɛ mɔ do bɔlɔ nɛ, nɛ nɛ sɛ a wele nùi gɛ 'da fala fai. Mi a mi dɛa nɛ do kɔ̃ mi, takɔ nɛ be dɔ̃lɔ̃ li 'da mi. Na mɛ ni, nɛ gã sɛ de wena ɔ nɛ okpalɛ tɛ li fɔɛ 'da mi ni.

Yeremi 33:9

Le Yeruzalɛmɛ ma hɔ sɛ 'bɔ le dɔ̃lɔ̃ li, do le yangga kɛ mi dɔnggɔ sɛ tɛ mi do ma. Nɛ onu kɔnggɔ winɔ ngɔ nu gɛ vɛ̃, wa zele sɛ we dia mɛnɔ kɛ mi dɛa we owi Yeruzalɛmɛ, do dia dungi mi ba hã wa ni, nɛ wa tana sɛ kili.”

MALAKI 3:17

Nɛ NWA ngɔ mɔ nyanga nza vɛ̃ tɔ̃ na: “Do ngba soe mi hɔ sɛ nɛ ni, mi be sɛ ngawi 'da mi, nɛ winɔ gɛ, wa sɛ a owinɔ 'da mi ngboo. Nɛ mi be sɛ dia zã hã wa, ɔ nɛ kɛ baa be be do dia zã hã bulu be 'da a, kɛ a zele we nu a zila ni.

Tɔlɔ Mɔ 23:23

Obe Israɛlɛ wa dɛ́ sɔ na, wa ĩ ti mɛ Gale kɔa ni gɔ, we kɛ Gale be mɛnɔ vɛ̃ a kɔa ni hã wa bia.

MATIE 16:27

Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.

MATIE 16:28

Mi tɔ̃ hã nɛ do gbãlã we na, ombe winɔ sanga nɛ gɛ wa fé sɛ do ti gɔ, wa zɔ sɛ mi Be 'da Wele tɛ tɛ we dungu nwa ngɔ winɔ ni do'do sɛ nɛ de.”

MATIE 24:36

“Nɛ nde we duzu ngba soe ni, do sa kɛ ma dɛ sɛ do tɛ̃ ɛ ni, wele kpo ĩ̀ ma gɔ. Gɛnɛ kɔ oanzɛnɔ li nza i, do mi ngboo kɛ mi a Be 'da Wele ni, mi ĩ̀ 'bɔ ma gɔ. Nɛ nde wi a Baa mi zu a kpo a ĩ ma.

MATIE 25:31

Nɛ Yezu tɔ̃ na: “'Da fala kɛ mi Be 'da Wele, mi tɛ sɛ do dɔ̃lɔ̃ li nwa 'da mi, fala nɛ kpo do oanzɛnɔ vɛ̃ ni, nɛ mi dungu sɛ ngɔ kpongbo dɔ̃lɔ̃ li 'da mi.

MATIE 7:22

Do ngba soe 'bili we, nɛ ogba gili wele wa tɔ̃ sɛ hã mi na: ‘Nwa, Nwa, lɛ bia zi we nu Gale hã Owele do zu li mɔ, nɛ lɛ fua o'dã hi wi, nɛ lɛ dɛa ogba gili ɔngbamɔ do zu li mɔ!’

LUKA 10:12

Nɛ Yezu tɔ̃ hã wa na: “Mi tɔ̃ hã nɛ do gbãlã we na, do ngba soe 'bili we, nɛ owinɔ kɔ le ni wa kpa sɛ zɛlɛ tɛ nɛ ngɔ kɛ 'da owi Sodɔmɛ.”

YOANƐ 11:4

Kɔ Yezu nɛa we zele toe ni, nɛ a tɔ̃ na: “Zɛlɛ ni ma gbɛ́ sɛ a gɔ. Nɛ nde ma ba a, takɔ Gale kpa dɔ̃lɔ̃ li, sɛ a mi Be 'da Gale, mi kpa 'bɔ dɔ̃lɔ̃ li de.”

YOANƐ 17:10

Mɛnɔ vɛ̃ kɛ mi do ma ni, mɛ a mɛnɔ 'da mɔ, nɛ mɛnɔ vɛ̃ kɛ mɔ do ma ni, mɛ a mɛnɔ 'da mi. Nɛ dɔ̃lɔ̃ li 'da mi ma bia tɛ̃ ɛ do wala 'da owinɔ ni.

1 KORINTƐ 1:6

Nɛ we 'da Yezu kɛ wa bia hã nɛ ni, ma lia nɛ de wena,

1 KORINTƐ 3:13

Nɛ nde dɛa to 'da wele do wele ma be sɛ tɛ́ ɛ do ngba soe 'bili ngbangga. Mba gɔ, do ngba soe ni, nɛ we ma nyɛ sɛ, nɛ ma yamba sɛ toe 'da wele do wele we be na, ma a dia nde.

GALATI 1:24

Kɔ wa zila ni, nɛ wa dɔngga Gale we duzu mi.

EFƐZƐ 1:12

Kɔ ma wia na lɛ, kɛ lɛ a wi dati we gbini zã lɛ do Kristo ni, lɛ dɔnggɔ Gale we gã dia zã 'da a.

EFƐZƐ 1:14

Gale hã Hi Wi Santo hã lɛ ɔ nɛ mbe nu dia mɛnɔ kɛ a kpua zɛ́ mbulu hã ma hã winɔ 'da a ni. Kɛ a dɛa ni ma be hã lɛ na, ngba soe nɛ we, nɛ lɛ kpasa sɛ, nɛ lɛ hɔ sɛ owinɔ 'da a ngboo. Kɔ lɛ dɔ́nggɔ́ Gale we gã dia zã 'da a.

EFƐZƐ 1:18

Mi aka 'bɔ Gale na, a hũi hã zã 'da nɛ, takɔ nɛ ĩ ti de mɛ kɛ a sa zi mɔ hã nɛ we nɛ, nɛ nɛ gbini zã nɛ do ma ni. Nɛ nɛ ĩ 'bɔ ti gã kpamɛnɔ kɛ a kpua mbulu nɛ hã owinɔ 'da a ni.

EFƐZƐ 1:6

Kɔ lɛ dɔ́nggɔ́ Gale we gã dia zã kɛ a bia ma hã lɛ do wala 'da Yezu Kristo, Be 'da a ngɔ sila a ni.

EFƐZƐ 2:7

A dɛa ni we be dia zã 'da a dɛ 'da lɛ do wala 'da Kristo. Nɛ a kɔ̃a we be dia zã 'da a kɛ ma nɛa ngɔ mɔ vɛ́ ni hã owinɔ kɔ sabɛlɛnɔ 'do gɛ.

EFƐZƐ 3:10

A dɛa ni, takɔ ngangga gɛ, ogã hi winɔ do Onwanɔ kɛ wa do ngawi li ngɔ i ni, wa ĩ ti gã hã zã 'da a we duzu dɛa toe 'da Eklezia.

EFƐZƐ 3:16

Nɛ mi aka Gale, kɛ a do dia mɔ li nza i wena ni na, a hã ngawi hã nɛ do wala 'da Hi Wi 'da a, takɔ sila nɛ nganda dɛ dati.

1 TƐSALONIKƐ 1:5

Mba gɔ, Dia Sakoe kɛ lɛ bia zi hã nɛ ni, lɛ bè zi do ngawi 'da lɛ iko gɔ, nɛ nde lɛ bia do ngawi 'da Hi Wi Santo. Nɛ lɛ bia hã nɛ na, Dia Sakoe ni a gbãlã we ngboo. Nɛ nɛ ĩ ti tɛlɛ tɛ kɛ lɛ dungu zi nɛ sanga nɛ we gala nɛ na, nɛ dungu do dia nɛ ni.

1 TƐSALONIKƐ 2:1

Aa onyae, nɛ ngboo nɛ ĩ na, olo gɛnɛ kɛ lɛ nɛa zi 'da nɛ i ni là iko gɔ.

1 TƐSALONIKƐ 2:12

Lɛ kpãlã zi sila nɛ, nɛ lɛ hã ngawi hã nɛ, nɛ lɛ hɛ̃lɛ̃ nɛ na, nɛ 'dafa dɛa mɔ tɛ nɛ na, ma de li Gale. Mba gɔ, a sa mɔ hã nɛ na, nɛ kpa dɔ̃lɔ̃ li do a kɔ le nwa 'da a.

1 TƐSALONIKƐ 2:13

Mbe gulu kɛ lɛ hã 'bɔ iɔ̃nae hã Gale fai ni ma kɛ: 'Da fala kɛ nɛ zila zi we 'da Gale kɛ lɛ bia hã nɛ ni, nɛ nɛ kɔ̃̀ zi gɛnɛ nɛ ɔ nɛ lɛnggɛ nu wele iko gɔ, nɛ nde nɛ kɔ̃a na, mɛ a we nu Gale ngboo, nɛ ma tɛ dɛ to kɔ sila nɛ winɔ kɛ nɛ kɔ̃a ma ni.

2 TƐSALONIKƐ 1:12

Na mɛ ni, nɛ Nwa 'da lɛ Yezu a kpa sɛ dɔ̃lɔ̃ li kɔ̃ nɛ, nɛ a dɔnggɔ sɛ tɛ mɛ 'bɔ nɛ. Ma dɛ sɛ ní, we duzu dia zã 'da Gale 'da lɛ, do Nwa 'da lɛ Yezu Kristo.

2 TƐSALONIKƐ 2:13

Nɛ nde kɛ 'da lɛ, onyae, lɛ wia tɛ hã iɔ̃nae hã Gale 'da fala fai we duzu nɛ, kɛ Nwa kɔ̃a gɛnɛ nɛ ni. Mba gɔ, Gale saka zɛ́ nɛ do ndo nyanga dɛ mɛnɔ, takɔ a kpasa nɛ, nɛ a kifi nɛ do winɔ 'da a ngboo. A kpasa sɛ nɛ do ngawi 'da Hi Wi Santo, do ngawi 'da kɔ̃a we nɛ kɔ̃a do gɛnɛ gbãlã we ni.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.

2 TIMOTE 1:12

Kɔ we duzu ki ni, ma kɛ mi kunu sila mi kɔ ngamɛnɔ mi kpa gɛ. Nɛ sape nɛ bá li mi gɔ, we kɛ mi ĩ ti wi kɛ mi gbini zã mi do a ni. Nɛ mi ĩ ngboo na, a do ngawi we fɔmɔ wenɔ kɛ a hã hã mi ni, gbaa we hɔ ngba soe tɛa 'da a.

2 TIMOTE 1:18

E kɔ Nwa ĩ 'bako hã a do ngba soe a tɛ sɛ ni. Mɔ ĩ ti ode dɛa mɛnɔ kɛ a dɛa zi do mi tɛ Efɛzɛ i ni de wena.

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.