2 SAMUƐLƐ 9:7 - WE NU GALE 1995

⁷ Nɛ Davidi tɔ̃ hã a na: “Mɔ tɛ dɛ̀ kili gɔ. Mi kɔ̃a we dɛ de mɔ hã mɔ, we lengge do baa mɔ Yonatanɛ. Mi nɛ gese nùnɔ vɛ̃ kɛ wele nɛ zi a mɔ́ yaa mɔ Saulo ni hã mɔ. Nɛ mi kɔ̃a 'bɔ na, mɔ nyɔngɔ sɛ mɔ nu mɛsa 'da mi fai.”

2 SAMUƐLƐ 9:7 Iomraidhean Croise

Ndo Nyanga Dɛ Mɔ 43:18

Wa nɛa we le dɛ tɔa i, nɛ kili ba wa wena. Nɛ wa ma ngɔ tɔ̃ dɛ sanga tɛ ngba wa na: “Mɛ a we duzu mbili kɛ zi dati wa gese ma dɛ kɔ saki nyɔngɔmɛnɔ 'da lɛ ni, ma kɛ wa kɔ̃a we te ngɔ lɛ na, wa zɛlɛ tɛ lɛ, nɛ wa kala pundanɔ 'da lɛ, nɛ wa a lɛ do ngbá ni.”

Ndo Nyanga Dɛ Mɔ 43:23

Nɛ wi dɛa toe gese hã wa na: “Nɛ tɛ dɛ̀ kili gɔ, nɛ fí sila nɛ nù. Wi a Gale 'da baa nɛ hã a a zi kpamɛnɔ kɔ sakinɔ 'da nɛ. Nɛ nde mi kpa zi mbilinɔ 'da nɛ do dia nɛ.” Nɛ wi dɛa toe ni fo Simeoni kɔ bɔlɔkɛ dɛ nza, nɛ a tɛ do a hã wa.

2 SAMUƐLƐ 12:8

Mi ia nu fɛlɛ nwa 'da mɔ Saulo ti mbula 'da mɔ. Nɛ mi hã 'bɔ wukonɔ 'da a hã mɔ. Mi ia mɔ do nwa ngɔ Oisraɛlɛ do Oyuda. Kɔ fala kɛ ma tɛ wè li mɔ gɔ, nɛ mi dɛ sɔ 'bɔ mbé mɔ hã mɔ nɛ ngɔ ki ni.

2 SAMUƐLƐ 19:28

nɛ a nɛa, nɛ a 'bili bɛlɛ hã mɔ do zu li mi. Aa nwa, mɔ ɔ nɛ anzɛ 'da Gale ni. Mɔ wia we dɛ mɛ kɛ zã mɔ kɔ̃a ni.

2 SAMUƐLƐ 19:29

Owi nu fɛlɛ yaa mi Saulo vɛ̃, wa wia zi do fio. Gɛnɛ kɔ na mɛ ni, nɛ nde mɔ nwa, mɔ saka mi kɔ owinɔ kɛ wa nyɔngɔ mɔ fala nɛ kpo do mɔ ni. Kɔ mi wè tɛ aka 'bɔ mɔ na, mɔ dɛ mbé dia mɔ hã mi gɔ.”

2 SAMUƐLƐ 19:33

Barzilai zi a kpasa wi wili, a do 'bu sabɛlɛ ngbɛ'dɛ'dɛ. A zi do kpamɔ wena, nɛ 'da fala nwa Davidi zi tɛ kɔ le Mahanaimɛ i ni, nɛ a gala zi a do nyɔngɔmɔ.

2 SAMUƐLƐ 21:7

Nɛ Davidi usu Mɛfibalɛ, be 'da Yonatanɛ, kɛ a 'bɔ a be yaa Saulo ni, we duzu mbuli wa kpua zi sanga ngba wa do Yonatanɛ do zu li NWA ni.

2 SAMUƐLƐ 9:1

Mbe tũ kpo, nɛ Davidi aka na: “Wele kpo 'bànà mbe do tunu li a kɔ nu fɛlɛ Saulo gɔ nde? Mi kɔ̃a na mi be dia zã hã a, we duzu Yonatanɛ.”

2 SAMUƐLƐ 9:10

Nɛ mɔ do obenɔ 'da mɔ, do owi tonɔ 'da mɔ, nɛ dɛ sɛ to fɔ hã nu fɛlɛ olo nwa 'da mɔ. Nɛ nɛ tɛ sɛ do nyɔngɔmɔ kɛ ma wia na, wa nyɔngɔ ni hã wa. Nɛ nde Mɛfibalɛ, a nyɔngɔ sɛ mɔ do mi fai.” (Siba zi do obulu be 'bu ngɔ wa mɔlɔ, do Owi to 'bu wa bɔa.)

2 SAMUƐLƐ 9:11

Nɛ a tɔ̃ hã nwa Davidi na: “Aa nwa, kɛ vɛ̃ mɔ ba nu mɔ na mi dɛ ni, nɛ mi dɛ sɛ.” Mɛfibalɛ nyɔngɔ zi mɔ fai nu mɛsa 'da Davidi ɔ nɛ kɛ a a be 'da nwa ni.

2 SAMUƐLƐ 9:13

Yolo dɛ di ni, nɛ Mɛfibalɛ kɛ nyanga a kala zi bɔa nɛ ni, a kulu dɛ Yeruzalɛmɛ i, sɛ a a wia we nɛ we nyɔngɔ mɔ do nwa Davidi fala nɛ kpo fai de.

2 SAMUƐLƐ 9:3

Nɛ nwa Davidi aka 'bɔ na: “Wele kpo 'bànà mbe kɔ nu fɛlɛ Saulo na, mi dɛ de mɔ hã a, ɔ nɛ kɛ zã Gale kɔ̃a ni gɔ nde?” Nɛ Siba tɔ̃ hã a na: “Mbe be olo Yonatanɛ kpo 'bana. Nɛ nde nyanga a do bɔa nɛ kala do'do.”

1 Onwanɔ 2:7

Nɛ ma wia na, ta zu mɔ 'bana ngɔ obulu benɔ 'da Barzilai, tɛ ngɔ nù Galadɛ. Tua kɛ wa gala zi mi, 'da fala mi yu zi nya mɔ Absalɔmɛ ni. We duzu ma, mɔ dɛ sɛ wa de wena fai, nɛ tũnɔ vɛ̃, wa nyɔngɔ sɛ mɔ kɔ̃ mɔ.

2 Onwanɔ 25:29

Nɛ a tɔ̃ hã Yoakinɛ na, a tɛ hè'dè 'bɔ tuli 'da Owi bɔlɔkɔnɔ gɔ. Nɛ yolo dɛ di ni, Yoakinɛ nyɔngɔ zi mɔ fala nɛ kpo do nwa ngɔ nù Babilonia.

Zumanɔ 41:9

Wa tɔ̃ na: “Owi tũ wa nyɔngɔ a, ɔ nɛ kɛ zɛlɛ ni fi a nù ni, a kúlú sɛ ngɔ gɔ.”

Yeremi 52:33

Nɛ a tɔ̃ hã Yoakinɛ na, a tɛ hè'dè 'bɔ tuli 'da Owi bɔlɔkɔnɔ gɔ. Nɛ yolo dɛ di ni, Yoakinɛ nyɔngɔ zi mɔ fala nɛ kpo do nwa ngɔ nù Babilonia.

ZAKARIA 7:9

“Mi NWA, mi tɔ̃a zɛ́ hã nɛ owinɔ 'da mi belee na, nɛ gɔ́nɔ́ wenɔ do bɔlɔ nɛ, nɛ nɛ bé kɔ̃a zã do dia zã hã ongba nɛ.

MATIE 6:11

Mɔ hã́ nyɔngɔmɛ kɛ ma wia ni hã lɛ sɔɛ gɛ.

LUKA 22:30

Nɛ nyɔngɔ sɛ mɔ, nɛ nɛ nɔ dɔ̃ fala nɛ kpo do mi tɛ kɔ le kɛ mi nɛ dungu do nwa ni. Nɛ nɛ dungu sɛ ngɔ kpongbo nwa fala nɛ kpo do mi, takɔ nɛ 'bili we 'da onu kpala obe Israɛlɛ 'bu ngɔ wa bɔa ni.”

USU MƐNƆ 3:20

Nɛ zɔ́, mi yula, nɛ mi tɛ ngbolo 'do nu tɔa ko ko ko. Kɔ fala kɛ wele zele gɛlɛ mi, kɔ a hũi nu tɔa, nɛ mi le sɛ dɛ 'da a i, nɛ lɛ nyɔngɔ sɛ mɔ fala nɛ kpo do a.

1 SAMUƐLƐ 12:24

Nɛ dɛ́ kili NWA, nɛ nɛ dɛ to hã a do bɔlɔ zu, do sila nɛ vɛ̃. Nɛ ta zu nɛ tɛ èlè ngɔ ɔngbamɛnɔ a dɛa we nɛ ni gɔ.

1 SAMUƐLƐ 20:15

Nɛ 'da fala NWA a kumu sɛ owi sɛnɛ mɔ ngɔ nù gɛ vɛ̃ ni, nɛ mɔ bé 'bɔ kɔ̃a zã 'da mɔ hã nu fɛlɛ kulanɔ 'da mi.”

1 SAMUƐLƐ 22:23

Nɛ nde ma wia na, mɔ 'bana dɛ kɛ zã mi gɛ, nɛ mɔ tɛ dɛ̀ kili gɔ. Wi sɛnɛ mɔ kɛ a fa we gbɛ mɔ ni, a 'bɔ a kpo wi a fa we gbɛ mi ni. Kɔ nɛ́ kɛ mɔ dɛ kɛ zã mi gɛ ni, mɔ kpo dɛ́ sɛ mɔ gɔ.”