2 SAMUƐLƐ 9:1 - WE NU GALE 1995

¹ Mbe tũ kpo, nɛ Davidi aka na: “Wele kpo 'bànà mbe do tunu li a kɔ nu fɛlɛ Saulo gɔ nde? Mi kɔ̃a na mi be dia zã hã a, we duzu Yonatanɛ.”

2 SAMUƐLƐ 9:1 Iomraidhean Croise

2 SAMUƐLƐ 1:26

Aa mɔ Yonatanɛ, nya mi, sila mi zɛlɛ la li we fio mɔ. Mɔ a 'bia mi ngboo, mɔ kɔ̃a gɛnɛ mi la mɔ vɛ̃. Mɔ kɔ̃a mi nɛa ngɔ kɛ wuko kɔ̃ do wili ɛ ni.

2 SAMUƐLƐ 21:7

Nɛ Davidi usu Mɛfibalɛ, be 'da Yonatanɛ, kɛ a 'bɔ a be yaa Saulo ni, we duzu mbuli wa kpua zi sanga ngba wa do Yonatanɛ do zu li NWA ni.

2 SAMUƐLƐ 9:7

Nɛ Davidi tɔ̃ hã a na: “Mɔ tɛ dɛ̀ kili gɔ. Mi kɔ̃a we dɛ de mɔ hã mɔ, we lengge do baa mɔ Yonatanɛ. Mi nɛ gese nùnɔ vɛ̃ kɛ wele nɛ zi a mɔ́ yaa mɔ Saulo ni hã mɔ. Nɛ mi kɔ̃a 'bɔ na, mɔ nyɔngɔ sɛ mɔ nu mɛsa 'da mi fai.”

1 Onwanɔ 2:7

Nɛ ma wia na, ta zu mɔ 'bana ngɔ obulu benɔ 'da Barzilai, tɛ ngɔ nù Galadɛ. Tua kɛ wa gala zi mi, 'da fala mi yu zi nya mɔ Absalɔmɛ ni. We duzu ma, mɔ dɛ sɛ wa de wena fai, nɛ tũnɔ vɛ̃, wa nyɔngɔ sɛ mɔ kɔ̃ mɔ.

GBA WENƆ 27:10

Tɛ mɔ tɛ èlè ngɔ oyali ngba mɔ do oyali ngba baa mɔ gɔ. Fala kɛ mɔ kpa 'bako, nɛ mɔ tɛ nɛ gbaa 'da nya mɔ na, a gala mɔ gɔ. We kɛ ngba mɔ wi tɔa wia tɛ gala mɔ de nɛ ngɔ nya mɔ, kɛ a nyɛlɛ do mɔ wena ni.

MATIE 10:42

Mi tɔ̃ hã nɛ do gbãlã we na, wi kɛ a hã mbamba bila lì kpo hã mbe sanga obenɔ kɛ wa a winɔ 'da mi ni, we kɛ be ni a wi 'da mi ni, nɛ wi ni a zɔ́lɔ́ sɛ kpa si olo nɛ gɔ.”

MATIE 25:40

Nɛ mi gese sɛ hã wa na: ‘Mi tɔ̃ hã nɛ do gbãlã we na, 'da falanɔ vɛ̃ kɛ nɛ gala zi obe winɔ, kɛ wa a nya mi ni, nɛ gala zi mi!’

MARKO 9:41

Nɛ wi kɛ a hã bila lì hã nɛ kpo, we duzu kɛ nɛ a winɔ 'da mi ni, nɛ nde mi tɔ̃ hã nɛ do gbãlã we na, wi ni a kpa sɛ si olo nɛ.”

1 PETRO 3:8

Tala lɛnggɛ mi nɛ tɔ̃ hã nɛ ma kɛ: Nɛ vɛ, nɛ ɔ́ do linggamɔ kpo, nɛ nɛ ĩ 'bako hã ngba nɛ. Nɛ nɛ kɔ̃́ gɛnɛ ngba nɛ ɔ nɛ onya wi ni. Nɛ ɔ́ do de sila dɛ 'da ongba nɛ, nɛ nɛ bá 'bɔ tɛ nɛ dɛ nù.

1 SAMUƐLƐ 20:42

'Do nɛ, nɛ Yonatanɛ tɔ̃ hã Davidi na: “Mɔ nɛ́, nɛ Gale ɔ́ do mɔ! Nɛ ta zu mɔ tɛ èlè ngɔ ba 'bia 'da lɛ kɛ lɛ ba do zu li nwa ni gɔ. E kɔ nwa dɛ na, lɛ 'bana kɔ ngba lɛ do mɔ fai, nɛ onu fɛlɛ kulanɔ olo lɛ ni, wa kɔ 'bɔ ngba wa.”