2 SAMUƐLƐ 8:8 - WE NU GALE 1995

⁸ A kala 'bɔ ogili tũ mɔ bolo ngɔ nùi 'da Hadadezɛrɛ tɛ kɔ le Beta do Berotai.

2 SAMUƐLƐ 8:8 Iomraidhean Croise

2 SAMUƐLƐ 8:7

Davidi kala Ongele mɔ mbalinɔ, kɛ Owi zɔ mɔ tɛ Hadadezɛrɛ wa bi zi do bole ni, nɛ a si do ma dɛ Yeruzalɛmɛ i.

1 Onwanɔ 11:23

Gale dɛa 'bɔ na Rɛzoni, be 'da Eliada sɛnɛ Salɔmɔ. Rɛzoni zi a wi 'da Hadadezɛrɛ, nwa ngɔ nù Soba, nɛ nde a yu zi nwa ngɔ a. A dɛa ní, do 'da fala kɛ Davidi gbɛa zi osodanɔ 'da Hadadezɛrɛ ni. Rɛzoni yu, nɛ a ngɛmɛ li Owele kɛ wa dɛ́ mbula gɔ ni, nɛ a hɔ nwa ngɔ wa. Nɛ a kulu ngɔ do owinɔ ni, nɛ wa la dɛ Damasi, nɛ owinɔ 'da a wa e a do nwa ngɔ nù Siri.

1 Sakonɔ 18:1

'Do ki ni, nɛ nwa Davidi bi 'bɔ Ofilisti, nɛ a nɛ ngɔ wa. Nɛ a ba le Gatɛ do obe lenɔ kɛ zã nɛ ni, nɛ ma hã sape hã wa wena.

1 Sakonɔ 18:8

A kala 'bɔ ogili tũ mɔ bolo ngɔ nùi 'da Hadadezɛrɛ, tɛ kɔ le Tibatɛ do Kunɛ. Ma ɔa ni gbaa, nɛ Salɔmɔ kala tũ mɔ bolonɔ ni, nɛ wa dolo ma do gã sani korr, nɛ wa dɛ 'bɔ do bɛlɛduma, nɛ wa dolo mbe do sani kpi do kpi, we dɛ do to kɔ tɔa Tɛmpɛloe.

1 Sakonɔ 22:14

Nɛ nde we tɔa Tɛmpɛloe, mi kpa ngamɔ we ngɛmɛ li mɔ mbali nɛa ngɔ tɔnɛ koto talɛ, do tɔnɛ fɛ̃a mɔ bolo koto 'bu nɛ talɛ, mba do tũ mɔ bolo, do omɔ bolo dɛlɛ wena. Nɛ mi 'dafa 'bɔ otenɔ do otanɔ. Nɛ nde ma wia 'bɔ na, mɔ a mbe nɛ 'da nɛ.

1 Sakonɔ 22:16

Mɔ do ogili mɔ mbali, do fɛ̃a mɔ bolo, do tũ mɔ bolo do mɔ bolo ma dɛlɛ wena, nɛ ma é sɛ gɔ. Hã mɔ ndó dɛ toe, nɛ e kɔ NWA ɔ fala nɛ kpo do mɔ.”

1 Sakonɔ 29:7

we hã mɔ dɛa to we tɔa Tɛmpɛlo 'da Gale. Wa hã otɔnɛ mɔ mbali kama do 'bu nɛ sambo, nɛ gbãlã mɔ mbali koto 'bu, do tɔnɛ fɛ̃a mɔ bolo la ngɔ kama talɛ, nɛ tɔnɛ tũ mɔ bolo dɔ̃ɔ do kama gazɛlɛ, nɛ tɔnɛ mɔ bolo la ngɔ koto talɛ.

EZEKIƐLƐ 47:16

Nɛ ma la 'bɔ si tɛ ole Bɛrɔta do Sibraimɛ (lenɔ ni ma dɛ ngbala nù Damasi do Hamatɛ). Nɛ ma la 'bɔ do le Hasɛrɛ-Tikoni (kɛ ma dɔ̃ɔ do li ngbala nù Hauranɛ).