2 SAMUƐLƐ 8:2 - WE NU GALE 1995

² A bi 'bɔ Omoabɛ, nɛ a nɛ ngɔ wa. Nɛ a ba nu a hã wa na, wa ɔ nù dɛ 'do ngba wa do 'da fɛlɛ wala talɛ. Wa ɔa nù, nɛ a gbɛ 'da fɛlɛ wa bɔa, nɛ a la wa do tunu li wa tati nɛ a 'da fɛlɛ wala kpo iko. Do 'da fala ni, nɛ Omoabɛ wa lia zi ti mbula 'da Davidi, nɛ wa futa tako hã a.

2 SAMUƐLƐ 8:2 Iomraidhean Croise

2 SAMUƐLƐ 12:31

Wa kala owinɔ kɔ lenɔ ni, nɛ Davidi a wa we dɛ kolofe. Owinɔ ni zi a owi gba te, owi sɛ ta, Owi gɔmɔ te, do owi zɛ biliki. A dɛa zi na mɛ ni do tala gele winɔ kɔ lenɔ 'da Oamoni vɛ̃. 'Do nɛ, nɛ Davidi si do sodanɔ 'da a vɛ̃ dɛ Yeruzalɛmɛ.

2 SAMUƐLƐ 8:6

Nɛ a saka obe Israɛlɛ na, wa ɔ Owi fɔmɔ le Siri. Na mɛ ni, Osiri wa lia ti mbula 'da a, nɛ wa futa tako hã a. NWA dɛa zi na, Davidi nɛ ngɔ owi sɛnɛ a li bolonɔ vɛ̃.

2 Onwanɔ 1:1

Nwa Akabɛ nɛa we fe do'do, nɛ Omoabɛ wa bɛ̃ we ɔ ti mbula 'da Oisraɛlɛ.

2 Onwanɔ 17:3

Nɛ Salmanazarɛ, nwa ngɔ nù Asiri nɛa, nɛ a bi Oze, nɛ a ba nùi, nɛ a e mbula ngɔ winɔ, nɛ a ba nu a na, sabɛlɛ kpo kpo, nɛ wa futa tako hã ɛ.

1 Sakonɔ 18:2

A bi 'bɔ Omoabɛ, nɛ a nɛ ngɔ wa, nɛ a e wa ti mbula 'da a, nɛ wa futa tako hã a.

2 Sakonɔ 26:8

Nɛ Oamoni wa futa tako hã a. Na mɛ ni, Oziasi kpa ngawi wena, nɛ dɔ̃lɔ̃ li 'da a ma yɛ'bɛ gbaa we hɔ ngɔ nù Ezipeto.

Zumanɔ 108:9

Nù Galadɛ do Manase a mɔ́ mi, nɛ nù Efraimɛ, mɛ a ndasa 'da mi, nɛ dɔndɔlɔ nwa 'da mi, mɛ a nù Yuda.

Zumanɔ 18:45

Ogele winɔ wa gu nù ti mi, mi ba nu mi hã wa, nɛ wa zele.

Zumanɔ 60:10

Nù Moabɛ ma hɔ sɛ gba sani fɔlɔ tɛ mi, nɛ mi da sɛ mɔ nyanga mi dɛ ngɔ nù Edɔmɛ, takɔ wa ĩ na mɛ a mɔ mi. Nɛ mi he sɛ hiamɔ ngawi zu Ofilisti.”

Zumanɔ 60:8

Gale a kɔ Tɛmpɛloe 'da a kɛ ma santo, nɛ a tɔ̃a na: “Mi nɛ sɛ ngɔ Owi sɛnɛ mi, nɛ mi kala sɛ le Sikɛmɛ do gbangɔlɔ̃ Sukɔtɛ, nɛ mi gɔnɔ sanga nɛ dɛ kɔ̃ owinɔ 'da mi.

Zumanɔ 83:6

Mɛnɔ wa 'dafa ni, nɛ nu wa we kɔ, nɛ wa gba tɔkɔ sanga wa we bi mɔ.

Ezai 36:16

Nɛ nde nɛ tɛ kɔ̃̀ gɛnɛ lɛnggɛ 'da Ezekiasi gɔ. Nɛ zélé tati a toe kɛ nwa ngɔ nù Asiri tumba hã nɛ na, nɛ hɔ́ nza kɔ le 'da nɛ, hã lɛ dɛ na do nɛ ni. Fala kɛ dɛ ni, nɛ wele do wele sanga nɛ gɛ, a nɔ sɛ dɔ̃ vinɔɛ kɛ a mi ma ni, nɛ a nyɔngɔ sɛ kpalɛ li fɔɛ 'da a, nɛ a nɔ sɛ lì kɔ 'de 'da a.

Tɔlɔ Mɔ 24:17

“Mi ka mɔ, nɛ mi zɔ mɛ kɛ ma hɔ sɛ do 'do nza ni. Mi zɔa nwa sanga obe Israɛlɛ, a ɔ nɛ sɔla ni, a ba dɔndɔlɛ 'da a dɛ kɔ̃ a, nɛ a zɛ do gulu zala Omoabɛ, nɛ a ngbolo do zu obe zã Sɛtɛ.

1 SAMUƐLƐ 10:27

Nɛ nde mbe winɔ gbãlã zã wa bi bi ni, wa tɔ́a na: “Nga wele ɔ nɛ a gɛ, nɛ a nɛ kpasa lɛ nɛ nde?” Nɛ wa zɔa a yala iko, nɛ wa tɛ̃ do dia mɔ we hã hã a gɔ. Gɛnɛ kɔ na mɛ ni, nɛ nde Saulo lènggè do ma gɔ.

1 SAMUƐLƐ 14:47

Yolo do kɛ Saulo hɔa nwa ni, nɛ a bi bolo do Owi sɛnɛ Oisraɛlɛ, ngɔ nùnɔ kɛ zã Israɛlɛ vɛ̃ ni. Owi sɛnɛ wa zi a: Omoabɛ, Oamoni, Oedɔmɛ, do Onwanɔ ngɔ nù Soba, do Ofilisti. Nɛ kɔ bolonɔ ni vɛ̃, Saulo nɛa zi ngɔ Owi sɛnɛ a.

1 SAMUƐLƐ 22:3

Nɛ Davidi yolo 'bɔ Adulamɛ ni, nɛ a la dɛ kɔ le Mispe, tɛ ngɔ nù Moabɛ. A hɔa i mɔ, nɛ a tɔ̃ hã nwa ngɔ nù Moabɛ na: “Mɔ kɔ̃́, nɛ mɔ hã́ wala na, baa mi do naa mi, wa ɔ dɛ 'da mɔ gɛ gbaa na, mi ĩ ti mɛ kɛ Gale kɔ̃a we dɛ hã mi ni, sɛ nɛ de.” Nɛ nwa ngɔ nù Moabɛ kɔ̃a.

1 SAMUƐLƐ 22:4

Nɛ Davidi kã baa ɛ do naa ɛ dɛ kɔ ngboe 'da nwa ni. Nɛ 'da falanɔ vɛ̃ kɛ Davidi usu tɛ̃ a kɔ tanɔ ni, nɛ nde Owi ko a wa 'bana dɛ di ni.