2 SAMUƐLƐ 8:1 - WE NU GALE 1995

¹ Olo nɛ la sĩ, nɛ nwa Davidi bi 'bɔ Ofilisti, nɛ a nɛ ngɔ wa. A dɛa na mɛ ni, nɛ a ba nùi ni kɔ̃ wa do'do, nɛ ma hã sape hã wa wena.

2 SAMUƐLƐ 8:1 Iomraidhean Croise

2 SAMUƐLƐ 19:9

Ma hã nwa kulu ngɔ, nɛ a nɛ, nɛ a dungu nù dɔ̃ɔ do nu ngbo le. Wa tɔ̃a we nɛ hã sodanɔ, nɛ wa vɛ̃ wa nɛ, nɛ wa mba li ngba wa dɛ kɛ zã a ni. Do 'da fala ni, nɛ nde sodanɔ 'da Absalɔmɛ wa yu, nɛ wele do wele si dɛ nu tɔa 'da a.

2 SAMUƐLƐ 2:24

Nɛ nde Yoabɛ do Abisai, onya Asaɛlɛ, wa ndi 'do Abnɛrɛ. Kɔ wese nɛa we gɛ̃ nɛ, nɛ nde wa hɔa tɛ kɔ le Gibea-Ama. Mɔ yolo tɛ le Gia, nɛ nde Gibea-Ama si 'biti gba wese, nɛ ma do wala li gba zɔ̃ Gabaoni.

2 SAMUƐLƐ 22:44

Owinɔ 'da mi wa bɛ̃a nu mi, nɛ wa bi mi, nɛ mɔ kpasa mi ti kɔ̃ wa. Mɔ ia mi na, mi dungu nwa ngɔ owele, nɛ owinɔ kɛ mi ĩ̀ zi ti wa gɔ ni, wa lia ti mbula 'da mi.

2 SAMUƐLƐ 5:17

Ofilisti wa zila na, wa ia Davidi do nwa ngɔ nù Israɛlɛ, nɛ wa vɛ̃ wa tɛa we bi a, takɔ wa ba a. Davidi zila we nɛ, nɛ a yu dɛ tɛ mbe fala kɛ gba ngbo zĩ ma takpa.

2 SAMUƐLƐ 5:25

Davidi dɛa ɔ nɛ kɛ NWA ba do nu ɛ ni. Nɛ a bi Ofilisti, nɛ a nɛ ngɔ wa. Nɛ a ndaka wa yolo Geba gbaa we hɔ Gezɛrɛ.

2 SAMUƐLƐ 7:9

Mi zi fala nɛ kpo do mɔ kɔ mɛnɔ vɛ̃ mɔ dɛa ma ni, nɛ mi gbɛa owi sɛnɛ mɔ dati mɔ. Nɛ mi dɛ sɛ na, sako li mɔ dɔ̃lɔ̃ ɔ nɛ kɛ 'da ogã winɔ nù gɛ.

Zumanɔ 18:43

Mi mbutuku wa, nɛ wa hɔ fumbɛlɛ. Mi ma wa do nyanga mi, nɛ wa 'bu.

Zumanɔ 60:2

Ma tɔ̃ lɛnggɛ bolo kɛ Davidi bi zi do Osiri te ngɔ nù Mezopotami do Soba. Nɛ Yoabɛ kpolo tè a, nɛ a bi Oedɔmɛ te kɔ gbangɔlɔ̃ Tɔ̃, nɛ a nɛ ngɔ wa. Wa zi a owi wili Edɔmɛ koto 'bu ngɔ wa bɔa.

Zumanɔ 60:8

Gale a kɔ Tɛmpɛloe 'da a kɛ ma santo, nɛ a tɔ̃a na: “Mi nɛ sɛ ngɔ Owi sɛnɛ mi, nɛ mi kala sɛ le Sikɛmɛ do gbangɔlɔ̃ Sukɔtɛ, nɛ mi gɔnɔ sanga nɛ dɛ kɔ̃ owinɔ 'da mi.

OHEBRE 11:33

Wa zɛ́ do kɔ̃a we dɛ 'da Gale, ma kɛ wa nɛa ngɔ Owi kɔ gele lenɔ li bolonɔ, nɛ wa kala nùnɔ 'da wa ni. Wa dɛa zɛ́ bɔlɔ zu dɛa mɔ, nɛ wa kpa zɛ́ mɛnɔ kɛ Gale kpua mbulu nɛ hã wa ni. Wa kpia zɛ́ nu ogbɔgbɔ,

OHEBRE 11:34

nɛ wa bi gba nyɛa we, nɛ wa kpasa li tɔ̃a nu bolonɔ kɛ Owele wa bi do wa ni. Wa zɛ́ do ngawi bina, nɛ nde wa kpa ngawi, nɛ tɛ wa hãsã li bolonɔ, nɛ wa nɛa ngɔ ogele sodanɔ.

1 SAMUƐLƐ 7:13

Bole tia do Ofilisti wena. Tɛ kɔ dungu nza 'da Samuɛlɛ vɛ̃, NWA bia zi ngawi 'da a hã Ofilisti, nɛ wa bì zi 'bɔ le 'da obe Israɛlɛ gɔ.