2 SAMUƐLƐ 7:9 - WE NU GALE 1995

⁹ Mi zi fala nɛ kpo do mɔ kɔ mɛnɔ vɛ̃ mɔ dɛa ma ni, nɛ mi gbɛa owi sɛnɛ mɔ dati mɔ. Nɛ mi dɛ sɛ na, sako li mɔ dɔ̃lɔ̃ ɔ nɛ kɛ 'da ogã winɔ nù gɛ.

2 SAMUƐLƐ 7:9 Iomraidhean Croise

Ndo Nyanga Dɛ Mɔ 12:2

Mi dɛ sɛ na, obe zã mɔ wa dɛlɛ, nɛ wa hɔ gã nu kɔnggɔ wele. Nɛ mi wele sɛ 'bɔ nu mi tɛ mɔ na, sako li mɔ dɔ̃lɔ̃, nɛ tala gele winɔ wa kpa sɛ wila nu we duzu mɔ.

2 SAMUƐLƐ 22:1

Davidi ga zuma gɛ hã NWA, do 'da fala NWA kpasa a ti kɔ̃ Saulo do ti kɔ̃ Owi sɛnɛ a vɛ̃ ni. A na:

2 SAMUƐLƐ 22:30

Mɔ hã ngawi hã mi, nɛ mi bi do Owi sɛnɛ mi, nɛ mi waka ngɔ gba ngboe 'da wa.

2 SAMUƐLƐ 22:43

Mi mbutuku wa, nɛ wa hɔ fumbɛlɛ. Mi ma wa do nyanga mi, nɛ wa 'bu.

2 SAMUƐLƐ 23:1

Nɛ zélé tala wenɔ kɛ Davidi wila zi ma ni. Davidi a be 'da Yɛse, nɛ a zi a gã wi ngboo. Gale 'da Yakɔbɔ saka a, nɛ a e a do nwa. Nɛ obe Israɛlɛ wa ga zi zuma do zu li a, nɛ ma de zi tɛ wa wena. Kɛ gɛ mɛ a Sɔkpɔ wenɔ kɛ Davidi wila zi ni. A na:

2 SAMUƐLƐ 5:10

Na mɛ ni, ngawi 'da Davidi kũ zi dɛ dati kũ fai, we kɛ NWA Gale 'da obe Israɛlɛ zi do a boe.

2 SAMUƐLƐ 8:13

Na mɛ ni, nɛ sako li Davidi dɔ̃lɔ̃ zi dɛ dati fai. 'Do kɛ Davidi bi Osiri, kɔ a nɛa ngɔ wa ni, nɛ a si, nɛ a bi 'bɔ Oedɔmɛ tɛ kɔ gbangɔlɔ̃ Tɔ̃. Nɛ a gbɛ wa koto 'bu ngɔ wa ngbɛ'dɛ'dɛ.

2 SAMUƐLƐ 8:14

Nɛ a a mbe ogã wi ngɔ sodanɔ 'da a ngɔ wa, nɛ wa le ti mbula 'da a. Na mɛ ni, NWA Gale dɛa zi na, Davidi nɛ ngɔ owi sɛnɛ a li bolonɔ vɛ̃.

2 SAMUƐLƐ 8:6

Nɛ a saka obe Israɛlɛ na, wa ɔ Owi fɔmɔ le Siri. Na mɛ ni, Osiri wa lia ti mbula 'da a, nɛ wa futa tako hã a. NWA dɛa zi na, Davidi nɛ ngɔ owi sɛnɛ a li bolonɔ vɛ̃.

1 Sakonɔ 17:8

Mi zi fala nɛ kpo do mɔ kɔ mɛnɔ vɛ̃ kɛ mɔ dɛa ma ni, nɛ mi gbɛa owi sɛnɛ mɔ dati mɔ vɛ̃. Nɛ mi dɛ sɛ na, sako li mɔ dɔ̃lɔ̃ ɔ nɛ kɛ 'da ogã winɔ nù gɛ.

Zumanɔ 21:6

Mɔ gala a, nɛ a hɔa gã wi, nɛ sako li a dɔ̃lɔ̃ ngɔ nù gɛ vɛ̃.

Zumanɔ 89:23

Wi sɛnɛ a nɛ sɛ ngɔ a gɔ, nɛ wi dɛ nga zu hã́ sɛ sape hã a gɔ.

LUKA 1:52

A fua gã winɔ ngɔ kpongbo nwa 'da wa do'do, nɛ a ba be winɔ dɛ ngɔ.

Yozue 6:27

NWA zi fala nɛ kpo do Yozue kɔ mɛnɔ vɛ̃ a dɛ ni, nɛ sako li a dɔ̃lɔ̃ zi kɔ lenɔ vɛ̃.

1 SAMUƐLƐ 18:14

Kɔ bolonɔ vɛ̃ Davidi bi ni, ma gànà a fala kpo gɔ, we kɛ NWA do a boe.

1 SAMUƐLƐ 18:30

Do 'da fala ni, osoda Filisti wa bi zi osoda Israɛlɛ wena. Nɛ nde kɔ bolonɔ ni kpo kpo, ngawi 'da Davidi nɛa zi ngɔ tala ogã wi ngɔ sodanɔ 'da Saulo vɛ̃. Nɛ a kpa zi gã dɔ̃lɔ̃ li wena we duzu ma.

1 SAMUƐLƐ 2:8

Wi kɛ a ɔ dɛ bulu nù, nɛ nwa ba a dɛ ngɔ, a fo wi sã ngɔ zubu do'do, nɛ a hã fala hã a sanga ogã winɔ, nɛ a e 'bɔ a ngɔ kpongbo nwa. We kɛ wele nùi gɛ vɛ̃ a mɔ́ NWA, wi a a hã a zĩ nyanga nɛ nganda wena.

1 SAMUƐLƐ 31:6

Tɛlɛ tɛ kɛ Saulo do obulu benɔ 'da a talɛ, do wi 'be mɔ bi bolonɔ 'da a, do osodanɔ 'da a, wa fia zi vɛ̃ li wese kpo gɛ a ni.

1 SAMUƐLƐ 5:10

Wa nɛa we zɔ ni, nɛ wa ba Sanduku Gba Tɔkɛ 'da Gale, nɛ wa la nɛ dɛ kɔ le Ekroni. Ma nɛa we hɔ Ekroni nɛ́, nɛ owinɔ di ni wa he mɔ nganda wena, nɛ wa na: “Wa tɛa do Sanduku Gba Tɔkɛ 'da Gale 'da obe Israɛlɛ dɛ kɔ lɛ gɛ, takɔ lɛ vɛ̃ lɛ fe iko!”