2 SAMUƐLƐ 7:3 - WE NU GALE 1995

³ Nɛ Natanɛ gese na: “Mɔ dɛ mɛ vɛ̃ kɛ zã mɔ kɔ̃a ni, we kɛ NWA Gale fala nɛ kpo do mɔ boe.”

2 SAMUƐLƐ 7:3 Iomraidhean Croise

2 SAMUƐLƐ 7:4

Nɛ do kpo tũi ni, nɛ NWA Gale wila we hã Natanɛ na:

1 Onwanɔ 1:8

Nɛ nde nganga Sadɔkɛ, do Bɛnaya, be 'da Yoyada, do Natanɛ, wi gba olo nu Gale, do Simei, do Rei, do osodanɔ kɛ wa fɔmɔ Davidi ngboo ni, wa kɔ̃̀ zi gulu we 'da Adonia gɔ.

2 Onwanɔ 4:27

Kɔ a nɛa we hɔ kɛ zã Elize ngɔ kala i, nɛ a gu nù ti a. Gehazi zɔa ni, nɛ a fa we ngbɔ a dɛ 'do. Nɛ Elize tɔ̃ hã a na: “Mɔ é a ni, a do 'bako wena, nɛ mi ĩ̀ gulu nɛ gɔ, we kɛ Gale tɔ̃̀ gulu nɛ hã mi gɔ.”

1 Sakonɔ 22:7

A tɔ̃a hã a na: “Be 'daa, mi zi do linggamɔ we dɛ tɔa Tɛmpɛlo hã NWA Gale 'da mi.

1 Sakonɔ 28:2

Nwa Davidi kulu ngɔ, nɛ a tɔ̃ hã wa na: “Nɛ, owinɔ 'da mi, do nɛ, onya mi, nɛ zélé mi sɛ! Mi zi do linggamɔ we dɛ tɔa Tɛmpɛlo, we e Sanduku Gba Tɔkɛ 'da nwa kɔ nɛ. Sanduki ni, ma ɔ nɛ mɔ a nyanga Gale 'da lɛ ngɔ nɛ ni. Mi 'dafa zi mɛnɔ vɛ̃ we nɛ,

1 Sakonɔ 29:29

Wa kɔma lɛnggɛ ngɔ nwa Davidi yolo do kuti nɛ gbaa we hɔ ndɔti nɛ kɔ 'bukunɔ kɛ li ma a: “Dɛa tonɔ 'da Samuɛlɛ, wi zɔ mɔ” do “Dɛa tonɔ 'da Natanɛ, wi gba olo nu Gale” do “Dɛa tonɔ 'da Gadɛ, wi gba olo nu Gale.”

2 Sakonɔ 29:25

Nɛ 'do ki ni, nɛ Ezekiasi mba li olevitɛnɔ do onganganɔ we dɔnggɔ NWA Gale do zuma dɛ li fanda tɔa Tɛmpɛloe. Olevitɛnɔ wa zi do mbala mɔ bolo kɛ wa zɛ ma do ngbɛ ɛ ni, do obe kundu, do ogã kundu kɔ̃ wa ɔ nɛ mbula kɛ Davidi, mba do Gadɛ do Natanɛ, Owi gba olo nu Gale hã Davidi wa ia zi ni. Ĩ na, wi a NWA Gale, hã a ba zi nu a na mɛ ni, do wala 'da Owi gba olo nu a. Olevitɛnɔ wa yolo do omɔ ga Zumanɔ 'da wa, kɛ nwa Davidi dɛa zi ma ni, nɛ nganganɔ wa yolo dɛ kɛ zã olevitɛnɔ ni do mɔtũlũnɔ.

Zumanɔ 20:4

E kɔ ta zu a gba ngɔ mɛnɔ vɛ̃, kɛ mɔ dɔnggɔ do a ni, nɛ a kɔ̃ gɛnɛ osa'denɔ kɛ mɔ dɔ ma hã a ni.

Zumanɔ 37:4

Mɔ fá we kpa yangga kɔ NWA, nɛ a hã sɛ mɛ mɔ kɔ̃a ni hã mɔ.

1 YOANƐ 2:27

Nɛ nde kɛ 'da nɛ, Yezu hã zi Hi Wi Santo 'da a hã nɛ. Kɔ nɛ́ kɛ Hi Wi Santo 'bana dɛ kɔ sila nɛ ni, ma wè na, nɛ fa 'bɔ gele wele we be we hã nɛ gɔ. Mba gɔ, wi be mɛnɔ vɛ hã nɛ, wi a Hi Wi Santo. Nɛ mɛnɔ kɛ a be hã nɛ ni, mɛ a gbãlã we ngboo, bɛlɛ kɔ nɛ bina. Nɛ 'báná dɛ kɔ Yezu fai, nɛ́ kɛ Hi Wi Santo bia hã nɛ ni.

1 SAMUƐLƐ 10:7

Hã fala kɛ mɛnɔ ni ma dɛ tɛ̃ ɛ, nɛ mɔ dɛ́ mɛ vɛ̃ kɛ mɔ wia tɛ dɛ nɛ ni, we kɛ Gale ngboo do mɔ boe.

1 SAMUƐLƐ 14:7

Nɛ wi dɛa toe gese na: “Mɔ dɛ kɛ vɛ̃ zã mɔ kɔ̃a ni, mi do mɔ boe.”

1 SAMUƐLƐ 16:7

Nɛ nwa tɔ̃ hã a na: “Mɔ tɛ zɔ̀ ngala a do dia kili tɛ̃ a, kɔ ma ɔlɔ mɔ gɔ, we kɛ mi bɛ̃a gɛnɛ a. Mi NWA, mi zɔ́ mɔ ɔ nɛ kɛ Owele wa zɔ ni gɔ. Wele zɔ a mɔ kɛ ma be tɛ̃ ɛ dɛ nza ni, nɛ nde mi, mi zɔ kɔ sila wele.”